PRECES_quadragesima_47_vepres
Christum Dóminum glorificémus, qui magíster, exémplar et frater factus est noster. Ei supplicémus, dicéntes:
Pópulum tuum vivífica, Dómine.
Christe, qui per ómnia nobis assimilátus es absque peccáto, da ut sciámus cum gaudéntibus gaudére et cum fléntibus flere,
ut cáritas nostra magis in dies abúndet.
Concéde nobis tibi esuriénti ministráre in esuriéntibus
et tibi sitiénti in sitiéntibus.
Qui Lázarum e somno mortis excitásti,
fac ut, qui ex peccáto mórtui sunt, per fidem et pæniténtiam rédeant ad vitam.
Fac ut multi vestígia tua impénsius atque perféctius sequántur,
exémplo Beátæ Maríæ Vírginis atque Sanctórum.
Præsta, ut in glória tua defúncti resúrgant
ac tuo in ætérnum fruántur amóre.
Glorifions le Seigneur, le Christ, qui s'est fait notre maître, notre exemple et notre frère. Supplions-Le en disant: Vivifie Ton peuple, Seigneur.