Die 10 novembris
1. Memória sancti Leónis papæ Primi, doctóris Ecclésiæ, qui, in Etrúria natus, primum diáconus Urbis díligens éxstitit, dein ad Petri cáthedram evéctus Magnus iure méruit appellári sive ob gregem suum exquisíto ac prudénti sermóne nutrítum sive ob orthodóxam doctrínam de incarnatióne Dei in Chalcedonénsi Œcuménico Concílio per legátos strénue affirmátam, donec Romæ in Dómino quiévit, ubi hac die apud sanctum Petrum depósitus est.
2. In Pérside, tránsitus sancti Demetriáni, epíscopi Antiochéni, qui in exsílium deportátus est a Sápore rege Primo.
3. Tyánæ in Cappadócia, sancti Oréstis, mártyris.
4. Ravénnæ in Flamínia, sancti Probi, epíscopi, cuius nómini célebrem basílicam Classénsem sanctus Maximiánus epíscopus dedicávit.
5. In Pérside, sanctórum mártyrum Narsétis, epíscopi, venerábilis senis, et Ioséphi, discípuli eius, iúvenis, qui, cum a Sápore rege Secúndo iussi solem adoráre renuíssent, gládio decolláti sunt.
6. Cantuáriæ in Anglia, sancti lusti, epíscopi, qui, una cum áliis mónachis a sancto Gregório papa Magno missus est, ut ad Angliam evangelizándam sanctum Augustínum adiuváret, et tandem huius sedis episcopátum accépit.
7. . In vico Foro in Subalpínis, sancti Baudolíni, eremítæ.
8. Neápoli in Campánia, sancti Andréæ Avellino, presbyteri e Congregatióne Clericórum Regulárium, sanctitáte et salútis proximórum procurándæ stúdio célebris, qui árduum se cotídie in virtútibus profectúrum votum suscépit et, méritis onústus, ad pedes altáris sancto fine quiévit.
9 *. Barcinóne in Hispánia, beáti Acíscli Pina Piazuelo, religiósi ex Ordine Sancti Ioánnis a Deo et mártyris, qui, tempestáte persecutiónis furénte, in ódium religiónis enecátus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 39,1-3)
Qui accómmodat ánimam suam ad timórem Dei et in lege Altíssimi meditátur, sapiéntiam ómnium antiquórum exquíret et in prophetíis vacábit. Narratiónem virórum nominatórum conservábit et in versútias parabolárum simul introíbit. Occúlta proverbiórum exquíret et in abscónditis parabolárum conversábitur.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
