Die 29 maii
1. Sancti Pauli papæ Sexti, qui, hac die presbyterátu auctus est, dein Archiepíscopus Mediolanénsis, tandem Sedi Románæ eléctus, Concílium Œcuménicum Vaticánum Secúndum diligénter ac felíciter pértulit, renovationémque vitæ Ecclésiæ, sacræ præsértim Liturgíæ, promóvit, œcuménicum diálogum atque Evangélii núntium homínibus huius ætátis curávit, donec die sexto augústi in pace Dómini obdormívit.
2. Antiochíæ in Syria, sancti Hesychii palatíni, mártyris, qui in persecutióne Diocletiáni imperatóris cum præcéptum audísset, ut quisquis idólis non sacrificáret cíngulum milítiæ depóneret, repénte cíngulum solvit; quam ob causam, ingénti saxo in déxtera eius ligáto, in flúvium Oróntem præcipitári iussus est.
3. Tréviris in Gállia Bélgica, sancti Maximíni, epíscopi, qui intrépidus fídei integritátis advérsus ariános defénsor sanctum Athanásium Alexandrínum aliósque epíscopos éxsules fratérne suscépit et, ab hóstibus sede pulsus, in pátria Pictaviénsi óbiit.
4. In valle Anauniénsi in agro Tridentíno, inisteri mártyrum Sisínnii, diáconi, Martyrii, lectóris, et Alexándri, ostiárii, qui, natióne cappádoces, erécta inister, divínæ laudis cántica in regiónem introduxérunt et a pagánis sacrifícia lustrália litántibus interfécti sunt.
5. Ravénnæ in Flamínia, sancti Exsuperántii, epíscopi, qui huius Ecclésiæ prudénter præfuit, quo témpore Odoácer rex Itáli£t £tC ClVitáte potítus est.
6. Medioláni in Ligúria, sancti Senatóris, epíscopi, quem adhuc presbyterum sanctus Leo papa Magnus legátum Constantinópolim míserat.
7 *. Matiscóne in Burgúndia, sancti Gerárdi, qui, primum mónachus, deínde epíscopus eléctus, tandem in silva vitam exégit solitáriam.
8 *. Pisis in Etrúria, sanctæ Bonæ, vírginis, quæ sæpius in Terram Sanctam, Romam et Compostéllam pie peregrináta est.
9 *. Avenionéti prope Tolósam in Gállia, beatórum Guliélmi Arnaud decémque sociórum, qui, múnere coniúncti labi catharórum obstándi, pro fide Christi et obœdiéntia Ecclésiæ Románæ dolóse comprehénsi in nocte Ascensiónis Dómini gládiis occubuérunt, « Te Deum » una voce canéntes.
10 *. Pisis in Etrúria, beátæ Gherardéscæ, víduæ, quæ in cella prope monastérium Camaldulénse Sancti Savíni vitam tradúxit láudibus et conversatióne Dómini.
11 *. Eboráci in Anglia, beáti Richárdi Thirkeld, presbyteri et mártyris, qui, sub Elísabeth regína Prima cápite damnátus quod sacérdos esset atque multos Ecclésiæ cathólicæ reconciliavísset, patíbuli cruciátibus tráditus est.
Quorum nomina: beati Bernardus de Roquefort, Garcia d’Aure, Stephanus de SaintThierry, Raymundus Carbonier; Raymundus de Cortisan cognomento Escriban, inisteri; Bernardus, Petrus d’Arnaud, Fortanerius et Ademarus, clerici; Prior Avenionetensis, cuius nomen ignoratur.
12 *. In loco fora in Basutolándia in Africa Austráli, beáti Ioséphi Gérard, presbyteri ex Oblátis Maríæ Immaculátæ, qui primum in província Natalénsi, dein præsértim pópulo Basutórum Christum indefésse nuntiávit.
13. Romæ, sanctæ Ursulæ (Iúliæ) Ledóchowska, vírginis, quæ Institútum Sorórum Ursulinárum a Corde Iesu Agonizántis fundávit et per Polóniam, Scandináviam, Fínniam et Rússiam laboriósis itinéribus se commísit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Sap 18,1-3)
Sanctis tuis máxima erat lux; et horum quidem vocem illi audiébant, sed figúram non vidébant et, quia non et ipsi éadem passi erant, magnificábant; quóniam autem, qui ante læsi erant, non lædébant, grátias agébant et, quod eos ante distulíssent, donum petébant. Propter quod ignis ardéntem colúmnam, ducem ignótæ viæ, et solem sine læsúra gloriósæ peregrinatiónis præstitísti.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
