Die 26 maii
1. Memória sancti Philíppi Neri, presbyteri, qui in iúvenes a malo salvándos curam impéndens Romæ oratórium fundávit, in quo lectiónes spiritáles, cantus et ópera caritátis exercebántur, et amóre in próximum, evangélica simplicitáte et hílari ánimo, summo zelo et fervénti Dei servítio enítuit.
2. Item Romæ, sancti Eleuthérii, papæ, ad quem claríssimi mártyres Lugdunénses, tunc in vínculis deténti, nóbilem epístulam de pace in Ecclésia servánda scripsérunt.
3. Item Romæ in cœmetério Priscíllæ via Salária Nova, sancti Simétrii, mártyris.
4. Tudérti in Umbria, sanctæ Felicíssimæ, mártyris.
5. In território Gálliæ Autissiodorénsi, pássio sancti Prisci, mártyris, cum sóciis.
6. Cantuáriæ in Anglia, deposítio sancti Augustíni, epíscopi, cuius rnemória cras ágitur.
7. In território Lugdunénsi in Gállia, pássio sancti Desidérii, epíscopi Viennénsis, qui, a Brunechílde regína, quam ob núptias incéstas et ålias pravitátes redargúerat, primo in exsílium pulsus est, deínde, ipsíus iussu lapídibus óbrutus, martyrio coronátus est.
8 *. In monastério Sancti Pápuli in Gállia, sancti Berengárii, mónachi.
9 *. Véntiæ in Província Gálliæ, sancti Lambérti, epíscopi, ántea mónachi Lirinénsis, qui paupéribus próvidens fuit et paupertátis amans.
10 *. Senis in Etrúria, beáti Francísci Patrizi, presbyteri ex Ordine Servórum Maríæ, qui prædicatiónis, animárum directiónis et pæniténtiæ ministérii mirábili zelo curam hábuit.
11 *. Pistórii item in Etrúria, beáti Andréæ Franchi, epíscopi, qui prior ex Ordine Prædicatórum post pestem nigram vitam regulárem in convéntibus Ordinis huius regiónis instaurávit et in civitáte sua Fraternitátes pæniténtium ad pacem et misericórdiam fovéndas approbávit.
12. Quiti in Æquatória, sanctæ Maríæ Annæ a Iesu de Paredes, vírginis, quæ in Tértio Ordine Sancti Francísci vitam Christo consecrávit virésque ad páuperes indígenas ve1 nigrítas subveniéndos cóntulit.
13. In loco Fuzhou in Fujian Sinárum província, sancti Petri Sans I Jordá, epíscopi ex Ordine Prædicatórum et mártyris, qui, cum áliis sacerdótibus comprehénsus et per longum iter in vínculis ad artyria dedúctus, in loco supplícii génua flexit et, prece absolúta, libénter cervícem secúri præbuit.
14. Seuli in Coréa, sancti Ioséphi Chang Sóng-jib, mártyris, qui, pharmacopólæ arty exércens, christiánus efféctus in vínculis deténtus est et summis cruciátibus óbiit.
15. In urbe Dong Môi in Annámia, artyria mártyrum Ioánnis Doàn Trinh Hoan, presbyteri, et Matthæi Nguyen Văn Phd rig, qui, artyrialias et catechísta, artyria sócio hospítium præbébat et ambo simul pro fide sub imperatóre Th Dúc excruciáti sunt et dire decolláti.
16. In loco Xumyanyo in Ugánda, sancti Andréæ Kaggwa, mártyris, qui, regis Mwanga tympanistárum præféctus eiúsque familiáris, Christo vix initiátus, Evangélii doctrína éthnicos et catechúmenos írribuit, quaprópter crudéliter necátus est.
17. In loco Ftnńn grunge item in Ugánda, sancti Pontiáni Ngondwe, mártyris, qui, satélles régius, persecutióne iam instánte, baptísmum suscépit et mox in cárcerem coniéctus, dum ad collem supplícii ducebátur, láncea a carnífice transfíxus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 45,19-21)
Factum est illi in testaméntum ætérnum et sémini eius sicut dies cæli: ministráre illi et fungi sacerdótio et benedícere pópulum suum in nómine eius. Ipsum elégit ab omni vivénte offérre sacrifícium Deo, incénsum et ádipes et incéndere bonum odórem et memoriále et placáre pro pópulo suo. Et dedit illi in præcéptis suis potestátem, in testaméntis iudiciórum: docére Iacob testimónia et in lege sua lucem dare Israel.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
