Die 30 maii
1. Turri Lybisónis in Sardínia, sancti Gabíni, mártyris.
2. Cæsaréæ in Cappadócia, inisteri Basilíi et Emméliæ, qui paréntes fuérunt inisteri episcopórum Basilíi Magni, Gregórii Nysséni et Petri Sebasténsis atque sanctæ Macrínæ vírginis. Hi vero sancti cóniuges témpore Galérii Maximiáni imperatóris extórres facti Pónticas solitúdines incoluérunt et post persecutiónem, fíliis suárum virtúturn herédibus relíctis, in pace quievérunt.
3. Pápiæ in Langobárdia, sancti Anastásii, epíscopi, qui, ariána hæresi relícta, fírmiter cathólicam fidem proféssus est.
4. Ghelæ in Brabántia Austrásiæ, sanctæ Dympnæ, vírginis et mártyris.
5. Furæ in Brabántia Austrásiæ, tránsitus sancti Hubérti, epíscopi Tungrénsis et Traiecténsis ad Mosam, qui, sancti Lambérti discípulus et inisteri, in Evangélium vulgándum per Brabántiam et Arduénnam omni ope se cóntulit ibíque mores pagános expugnávit.
6. Híspali in Hispánia, sancti Ferdinándi Tértii, qui, CaStéllæ et Legiónis rex, prudens in administrándo regno, ártium scientiarúmque cultor atque sédulus in fide inisteriu.
7. Rothómagi in Normánnia Gálliæ, sanctæ loánnæ d’Arc, vírginis, puéllæ Aurelianénsis nuncupátæ, quæ, cum fórtiter pro pátria dimicásset, tandem in hóstium potestátem trádita iníquo iudício condemn náta est et igne cremáta.
8. Londínii in Anglia, sancti Lucæ Kirby, presbyteri et mártyris, qui in persecutióne Elisabeth regínæ Primæ multis post torméntis Tybúrni furcæ tríplici suspénsus est. Cum eo passi sunt in eódem patíbulo beáti presbyteri et mártyres Guliélmus Filby, Lauréntius Johnson, necnon Thomas Cottam, e Societáte Iesu.
9 *. Ibídem, trigínta post annis, beatórum Guliélmi Scott, ex Ordine Sancti Benedícti, et Richárdi Newport, presbyterórum et mártyrum, quorum propter sacerdótium sub lacóbo rege Primo prior láqueo strangulátus est, alter vero adhuc spirans ferro laniátus.
9. Kampálæ in Ugánda, sancti Matthíæ Kalemba, cognoménto Mulumba seu For tis, mártyris, qui mahometánum cultum derelínquens post baptísmum in Christo offício iúdicis se abdicávit et fidem christiánam impénse diffúdit, quaprópter sub rege Mwanga supplíciis afféctus est et omni destitútus solácio spíritum Deo réddidit.
1Î. Savóne in Itália, tránsitus sancti I oséphi Marello, epíscopi Aquénsis in Subalpínis, qui Congregatiónem Oblatórum Sancti loseph cóndidit curæ morális et christiánæ iúvenum disciplínæ déditam.
12 *. In campo detentiónis Buchenwald in Thuríngia Germániæ regióne, pássio beáti Othónis Neururer, presbyteri et mártyris, qui, cum iúveni cathólicæ dissuasísset, ne matrimónii formam simuláret cum nefárii regíminis Deo hominibúsque infénsi assectatóre quodam iam matrimónio iuncto, in cárcerem coniéctus est, ubi tamen inter omnímodas ærúmnas inisterium clam prosecútus esset, donec invérso cápite pédibus suspénsus martyrium complévit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 34,14-20)
Spíritus timéntium Dóminum vivet, et in respéctu illíus benedicétur. Spes enim illórum in salvántem illos, et óculi Dei in diligéntes se. Qui timet Dóminum, nihil trepidábit et non pavébit, quóniam ipse est spes eius. Timéntis Dóminum beáta est ánima eius. Ad quem réspicit? Et quis est fortitúdo eius? Oculi Dómini super timéntes eum: protéctor poténtiæ, firmaméntum virtútis, tégimen ardóris et umbráculum meridiáni, custódia offensiónis et adiutórium casus, exáltans ánimam et illúminans óculos, dans sanitátem vitæ et benedictiónem.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
