Die 12 novembris
1. Memória passiónis sancti Iósaphat (Ioánnis) Kuncewicz, epíscopi Polocénsis Ruthenórum et mártyris, qui gregem suum ad cathólicam unitátem constánti stúdio ímpulit, ritum byzaritínum-slavum pio amóre cóluit et, Vitépsci in Bielorússia, tunc sub dicióne Polóniæ, a tumultuánte plebe advérsa crudéliter oppréssus, pro unitáte Ecclésiæ et cathólicæ veritátis defensióne occúbuit.
2. Apud Ancyram Galátiæ, sancti Nili, abbátis, qui, discípulus sancti Ioánnis Chrysóstomi hábitus, cœnóbio din præfuit ascéticam doctrínam scriptis diffúndens.
3 *. In Máleo ínsula in Scótia, sancti Macárii, epíscopi, qui, hibérnus génere, sancti Colúmbæ discípulus et huius Ecclésiæ fundátor habétur.
4 *. Viénnæ in Burgúndia, sancti Hesychii, epíscopi, qui e senatória ad episcopálem dignitátem evéctus est; fílii eius, quos ántea genúerat, fuérunt sancti Apollináris, antístes Ecclésiæ Valentinénsis, et Avítus, qui ipsi in sede Viennénsi succéssit.
5. In sáltibus Cucúllæ regiónis prope Vergégium in Hispánia, sancti Æmiliáni, presbyteri, qui post eremíticam et clericálem, monásticam tandem vitąm proféssus est, largitáte erga páuperes et prophetíæ spíritu clarus.
6. Colóniæ Agrippínæ in Austrásia, sancti Cunibérti, epíscopi, qui post invasiónes barbáricas in urbe et toto pago ecclesiásticas vitam et pietátem fidélium renovávit.
7. Davéntriæ in Frísia, sancti Lebuíni, presbyteri, qui, mónachus ex Anglia provéniens, íncolis regiónis Christi pacem et salútem nuntiáre curávit.
8. Apud Casimíriam ad Vartam flúvium in Polónia, sanctórum Benedícti, Ioánnis, Matthæi et Isaac, mártyrum, qui ad christiánam fidem in Polóniæ pártibus propagándam missi nocte a latrónibus iuguláti sunt; cum iis commemorátur étiam Christiánus, eórum fámulus, qui in área sacélli appénsus est.
9 *. Pisis in Etrúria, beáti Ioánnis Cini, de Pace nuncupáti, qui e militári divíno se addíxit servítio in Tértio Ordine Sancti Francísci.
10. Complúti in Hispánia, sancti Dídaci, religiósi ex Ordine Minórum, qui, turn in Canáriis ínsulis, turn Romæ in cœnóbio Sanctæ Maríæ in Aracœli, humilitáte et caritáte in curándis infírmis cláruit.
11. In urbe FuJimón in Mexico, sancti Margaríti Flores, presbyteri et mártyris, qui in magna persecutióne erga Ecclésiam propter sacerdótium comprehénsus est et plumbis interféctus nóbili coronátus martyrio.
12 *. In vico A ffudia de Cazlet in pago Valentíno in Hispánia, beáti Ioséphi Medes Ferrís, mártyris, cui, témpore persecutiónis erga fidem, ob impávidam fidelitátem præmium Dóminus tríbuit ætérnum.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 39,6-8)
Iustus cor suum tradet ad vigilándum dilúculo ad Dóminum, qui fecit illum, et in conspéctu Altíssimi deprecábitur. Apériet os suum in oratióne et pro delíctis suis deprecábitur. Si enim Dóminus magnus volúerit, spíritu intellegéntiæ replébitur.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
