Die 24 novembris
1. Memória sanctórum Andréæ Dung Ląc, presbyteri, et sociórum, mártyrum. Commúni enim celebratióne centum decem et septem honorántur mártyres in Tunquinénsi, Annamiénsi et Cocinchinénsi Asiæ regiónibus, inter quos octo epíscopi, permúlti presbyteri atque ingens turba christifidélium laicórum utriúsque sexus et omnis condiciónis ac ætátis, qui omnes exsília, cárceres, cruciátus, extréma dénique supplícia pati maluérunt quam crucem calcáre et a christiána fide labi.
Quorum nomina: sancti Clemens Ignatius Delgado Cebrián, Dominicus Henares, Hieronymus Hermosilla, losephus Maria Díaz Sanjurjo, Melchior García Sanpedro, Petrus Dumoulin-Borie, Valentinus Berrio Ochoa, episcopi; Augustinus Schoeffler, Bernardus Vfi Văn Due, Dominicus Cam, Dominicus M au, Dominicus Nguyën Văn (Doàn) Xuyên, Dominicus Nguyën Văn Hąnh (Diêu), Dominicus Trąch, Dominicus THóc, Emmanuel Nguyën Văn Trieu, Franciscus Gil de Federich, Franciscus Jaccard, Hyacinthus Castañeda, lacobus Do Mai Năm, Ioannes Caroles Cornay, Ioannes Dąt, Ioannes Doàn Trinh Hoan, Ioannes Ludovicus Bonnard, Ioannes Theophanes Vénard, losephus D{ang Dình (Niên) Viên, losephus DÖ Quang Hien, Iosephus Fernández, losephus Marchand, Iosephus Nguyën Dình Nghi, losephus Tuan, Isidorus Gagelin, Laurentius Nguyën Văn Huóng, Lucas Vfi Bá Loan, Martinus Tą Dúc Thinh, Matthæus Alonso de Leziniana, Paulus Lê Båo Tinh, Paulus Lê-Văn-Loc, Paulus Nguyën Ngân, Paulus Phąm Khac Khoan, Petrus Almato Ribeira, Petrus Doàn Công Quy, Petrus Franciscus Néron, Petrus Khanh, Petrus Lê Tùy, Petrus Nguyën Bá Tuân, Petrus Nguyën Văn Lieu, Petrus Nguyën Văn TQ, Petrus Tr0óng Văn Thi, Philippus Phan Văn Minh, Thomas Dinh Viet Du, Thomas Khuông, Vincentius DÖ Yen, Vincentius Lê Quang Liêm, Vincentius Nguyën The Diëm, presbyteri; Andreas Nguyën Kim Thông Nam (Nam Thuông), Antonius Nguyën Híìu (Nam) Quynh, Dominicus Bùi Văn Uy, Franciscus Xaverius Can, Franciscus Xaverius Hà Trpng M au, Ioannes Baptista Dinh Văn Thành, Iosephus Nguyën Dình Uyën, losephus Nguyën Duy Khang, Iosephus Nguyën Văn LiJu, Matthæus Nguyën Văn PhDğng, Paulus Nguyën Văn My, Petrus Doàn Văn Vân, Petrus Nguyën Khac TU, Petrus Nguyën Văn Hieu, Petrus Tr0óng Văn DDóng, Petrus Vfi Văn Trueat, Thomas Toán, catechistæ; Agnes Lê Thl Thành (Dê), Andreas TDóng, Andreas Tran Văn Trông, Antonius Nguyën Dích, Augustinus Nguyën Văn Mói, Augustinus Phan Viet Huy, Dominicus Huyên, Dominicus Mąo, Dominicus Ngôn, Dominicus Nguyên, Dominicus Nhi, Dominicus Nicolaus Dinh Dąt, Dominicus Ninh, Dominicus Phąm Trpng (An) Khåm, Dominicus Toąi, Emmanuel Lê Văn Phung, Emmanuel Lê Văn Phung, Franciscus DÖ Minh Chiëu, Franciscus Tran Văn Trung, Ioannes Baptista Cm, Iosephus Hoàng LDóng Cành, losephus Lê Dăng Thi, Iosephus Phąm Trpng (Cai) Tà, Iosephus Tuân, losephus Túc, Lucas (Cai) Thìn, Martinus Tho, Matthæus Lê Văn Gäm, Michael Ho Dình Hy, Michael Nguyën Huy Mÿ, Nicolaus Bùi Viet Thë, Paulus Hąnh, Paulus Tong Viet Büóng, Petrus Da, Petrus Dông, Petrus Dííng, Petrus Thuan, Petrus Vo Dăng Khoa, Simon Phan Dac Hóa, Stephanus Nguyen Văn Vinh, Thomas Nguyën Văn De, Thomas Tran Văn Thien, Vincentius Duóng, Vincentius T0óng.
2. Aquiléiæ in Venétia, commemorátio sancti Chrysógoni, mártyris, qui Romæ die anniversária dedicatiónis ecclésiæ in título eiúsdem nóminis cólitur.
3. Amériæ in Umbria, sanctæ Firmínæ, mártyris.
4. Medioláni in Ligúria, sancti Protásii, epíscopi, qui apud Constántem imperatórem causam sancti Athanásii deféndit et in Concílio Sardicénsi sedit.
5. In castro Blávio territórii Burdigalénsis in Aquitánia, sancti Románi, presbyteri.
6 *. Cluáni in Hibérnia, sancti Colmáni, epíscopi Cloynénsis.
7. In território Arvérno Aquitániæ, sancti Portiáni, abbátis, qui, servus in iuventúte, apud monastérium refúgium et libertátem quæsívit, ubi mónachus efféctus, deínde abbas, senex óbiit fessus ieiúniis.
8. Córdubæ in Vandalícia Hispániæ regióne, sanctórum Floræ et Maríæ, vírginum et mártyrum, quæ in Maurórum persecutióne cum sancto Eulógio in cárcerem coniéctæ sunt, deínde gládio interémptæ.
9. Remis in Gállia, pássio sancti Albérti Lovaniénsis, epíscopi Leodiénsis et mártyris, qui ob Ecclésiam defénsam exsílio afféctus, ibídem eódem anno et ordinátus et necátus est.
10 *. In monastério Cavénsi in Campánia, beáti Bálsami, abbátis, qui inter túrbida et conflictiónes ætátis suæ cum sapiéntia et prudéntia múnere suo functus est.
11. In urbe Dàng Hâi in Annámia, sanctórum mártyrum Petri Dumoulin-Borie, epíscopi e Societáte Parisiénsi Missiónum ad éxteras gentes, Petri Vo Dăng Khoa et Vincéntii Nguyen The Diem, presbyterórum, quorum primus decollátus est, céteri vero stranguláti, iussu imperatóris Minh Mąng.
12 *. Medioláni in Itália, beátæ Maríæ Annæ Sala, vírginis e Congregatióne Sorórum a Sancta Marcellína, quæ tota ad puéllas instituéndas incúbuit, sciéntiæ magístra fide ac pietáte suffúltæ.
13 *. In vico Picadero de Paterna in pago Valentíno Hispániæ, beatórum Nicéthæ a Sancta Prudéntia Plaja Xifra et sociárum, vírginum ex Institúto Sorórum Carmelitárum a Caritáte et mártyrum, quæ, lámpades splendéntes geréntes, cum Christo Sponso ad dapes ætérnas intráre dignátæ sunt.
Quarum nomina: Paula a Sancta Anastasia Isla Alonso, Antonia a Sancto Timotheo Gosens Sáez de Ibarra, Daria a Sancta Sophia Campillo Paniagua, Erundina a Domina Nostra a Monte Carmelo Colino Vega, Consolata a Sanctissimo Sacramento Cuñado González, Concepta a Sancto Ignatio Odriozola Zabalía, Feliciana a Domina Nostra a Monte Carmelo de Uribe Or be, Concepta a Sancta Magdalena Rodríguez Fernández, lusta a Maria Immaculata Maiza Goicoechea, Clara a Domina Nostra a Spe Ezcurra Urrutia et Candidæ a Domina Nostra Angelorum Cayuso González.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Sap 3,7-9)
Fulgébunt iusti et tamquam scintíllæ in arundinéto discúrrent; iudicábunt natiónes et dominabúntur pópulis, et regnábit Dóminus illórum in perpétuum. Qui confídunt in illo, intéllegent veritátem, et fidéles in dilectióne acquiéscent illi, quóniam grátia et misericórdia est sanctis eius, et visitátio eléctis eius.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
