Die 10 februarii
1. Memória depositiónis sanctæ Scholásticæ, vírginis, quæ, sob ror sancti Benedícti, ab infántia Deo dicáta, unam cum fratre mentem in Deo hábuit, ita ut semel in anno apud Montem Casínum in Campánia totum diem in Dei láudibus sacrísque collóquiis dúcerent.
2. Magnésiæ in província Asiæ, sanctórum Chalarámpi, Porphyrii, Daucti et trium mulíerum, mártyrum sub Septímio Sevéro imperatóre.
3. Romæ via Labicána miliário décimo ab Urbe, sanctórum Zótici et Amántii, mártyrum.
4. luxta Tarracínam in Campánia, sancti Silváni, epíscopi.
5. Apud Sántonas in Aquitánia, sancti Troiáni, epíscopi.
6. Vesontióne in Burgúndia, sancti Prothádii, epíscopi.
7. In pago Rothomagénsi Néustriæ, sanctæ Austrebértæ, vírginis et abbatíssæ, quæ monastério Pauliacénsi nuper a sancto Audćèno epíscopo fundáto pie prǽfuit.
8. In spelúnca Stábulo Rhodis apud Rosétum in Etrúria, sancti Guliélmi, eremítæ Malavallénsis, e cuius exémplo plures oríginem duxérunt eremitárum corigregatiónes.
9 *. In monastério Præmonstraténsi Fossárum apud Namúrcum in Lotharíngia, beáti Hugónis, abbátis, cui magíster sanctus Norbértus, epíscopus Magdeburgénsis factus, novi Ordinis institutiónem concrédidit, quem trigínta quinque annos sapientíssime rexit.
10 *. Arímini in Flamínia, beátæ Claræ, víduæ, quæ vitarri ántea lascívam pæniténtia, carnis maceratióne ac ieiúniis expiávit et, sócias in monastério coadúnans, Dómino in humilitátis spíritu deservívit.
11 *. Aprilíaci apud Andégavurri in Gállia, beatórum Petri Fremond et quinque sociárum, mártyrum, qui in gállica perturbatióne propter fidelitátem Ecclésiæ cathólicæ servátam plumbis interfécti sunt.
Quarum nomina: beatæ Catharina et Maria Ludovica du Verdier de la Sorinière, sorores; Ludovica Bessay de la Voûte; Maria Anna Hacher du Bois; Ludovica Poirier, uxor.
12 *. Valle Víridi de Itínere prope Onobam in Bǽtica regióne Hispániæ, beátæ Eusébiæ Palomino Yenes, vírginis ex Institúto Filiárum Maríæ Auxiliatrícis, quæ, humilitátis egrégium præbens exémplum, nulla pétita ostentatióne, spíritu abnegatiónis in imis munéribus suis cúlmina grátiæ accépit.
13 *. In óppido Krasič prope Zagábriam in Croátia, beáti Aloysii Stepinac, epíscopi Zagrebiénsis, qui doctrínis tarn fidem quam humánam dignitátem denegántibus audácter óbstitit, donec, propter fidelitátem erga Ecclésiam diu in vínculis cónditus, morbo corréptus atque inédia consúrriptus, egrégium consummávit episcopátum.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Sap 4,1-2)
Mélius est absque líberis esse cum virtúte; immortálitas est enim in memória illíus, quóniam et apud Deum nota est et apud hómines. Cum præsens est, imitántur illam; et desíderant eam, cum se edúxerit; et in perpétuum coronáta triúmphat, incoinquinatórum certáminum prǽmium vincens.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
