2026-02-13 : Antiphonale monasticum, Ad Vigilias, Feria VI

Ad invitatorium

APERI, Dómine, os meum ad benedicéndum nomen sanctum tuum: munda cor meum ab ómnibus vanis, pervérsis et aliénis cogitatiónibus; intelléctum illúmina, afféctum inflámma, ut digne, atténte ac devóte hoc Offícium recitáre váleam, et exaudíri mérear ante conspéctum divínæ Maiestátis tuæ. Per Christum, Dóminum nostrum. r. Amen.

Ter dicitur:

%%
(c4) DO(h)mi(h)ne,(h) lá(h)bi(h)a(h) me(h)a(g) a(h)pé(i)ri(h)es.(h) r/.(::) Et(h) os(h) me(h)um(h) an(h)nun(h)ti(h)á(h)bit(h) lau(h)dem(h) tu(h)am.(g::)

v. Domine, lábia mea apéries. r. Et os meum annuntiábit laudem tuam.

Sequens psalmus dicitur quotidie et anteponitur psalmo 94, si Vigiliæ incipiunt ab invitatorio.

Psalmus 3

Dominus protector meus

Dormivit et somnum cepit et resurrexit, quoniam Dominus suscepit eum (S. Irenæus).

Dómine, quid multiplicáti sunt, qui tríbulant me? * Multi insúrgunt advérsum me,

multi dicunt ánimæ meæ: * «Non est salus ipsi in Deo».

Tu autem, Dómine, protéctor meus es, * glória mea et exáltans caput meum.

Voce mea ad Dóminum clamávi, * et exaudívit me de monte sancto suo.

Ego obdormívi et soporátus sum,> * exsurréxi, quia Dóminus suscépit me.

Non timébo mília pópuli circumdántis me. * Exsúrge, Dómine, salvum me fac, Deus meus;

quóniam tu percussísti in maxíllam omnes adversántes mihi, * dentes peccatórum contrivísti.

Dómini est salus, * et super pópulum tuum benedíctio tua.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: E;
%%
(f3) DO(e)mi(fg)num(g) De(gh)um(g) no(h)strum,(fgF_E_) *(;) ve(gh)ní(i)te,(h) ad(ih)o(fg)ré(g.)mus.(g.) (::)

Dóminum Deum nostrum, * veníte adorémus.

r/.
(f3) DO(e)mi(fg)num(g) De(gh)um(g) no(h)strum,(fgF_E_) *(;) ve(gh)ní(i)te,(h) ad(ih)o(fg)ré(g.)mus.(g.) (::)

r. Dóminum Deum nostrum, * veníte adorémus.

v/. annotation: 7;
%%
(c3) VE(i)ní(i/jki)te,(hhg) ex(h)sul(i)té(i)mus(h) Dó(hi)mi(h)no,(h_') (,)
iu(g)bi(h)lé(i)mus(i) De(i)o,(i') sa(h)lu(g)tá(h)ri(i) no(iv_HG)stro.(h.) (;)
Præ(h)oc(g)cu(fe)pé(f)mus(h) fá(h)ci(g)em(h) e(i)ius(i_') (,)
in(h) con(g)fes(h)si(i)ó(i/jkj)ne,(ji..) (;)
et(hg) in(hi~) psal(ij~)mis(i_') (,)
iu(i)bi(ih)lé(hg)mus(i_j) e(h_i)i.(ivH_'G_hv_G_FEfe..) (::)

v. Veníte, exsultémus Dómino, iubilémus Deo, salutári nostro: præoccupémus fáciem eius in confessióne, et in psalmis iubilémus ei.

r/.
(f3) DO(e)mi(fg)num(g) De(gh)um(g) no(h)strum,(fgF_E_) *(;) ve(gh)ní(i)te,(h) ad(ih)o(fg)ré(g.)mus.(g.) (::)

r. Dóminum Deum nostrum, * veníte adorémus.

v/.

Quó(i/jki)ni(h)am(g) De(h)us(i) ma(i)gnus(h) Dó(hi)mi(h)nus,(h_') (,)
et(g) rex(h_i) ma(i)gnus(i') su(h)per(g) om(h)nes(i) de(iv_HG)os.(h.) (;)
Quó(h)ni(g)am(fe~) non(f) re(g)pél(h)let(i) Dó(i)mi(i)nus(i) ple(i)bem(h) su(hi)am,(h'_) (,)
qui(g)a(h) in(i) ma(i)nu(i) e(i)ius(i_) (,)
sunt(i) om(h)nes(g) fi(h)nes(i) ter(i/jkj)ræ,(ji..) (;)
et(hg) al(hi~)ti(i)tú(i)di(i)nes(i) món(ij~)ti(i)um(i_') (,)
i(ih)pse(hg) cón(i_j)spi(h_i)cit.(ivH_'G_hv_G_FEfe..) (::)

Quóniam Deus magnus Dóminus, et Rex magnus super omnes deos, quóniam non repéllet Dóminus plebem suam: quia in manu eius sunt omnes fines terræ, et altitúdines móntium ipse cónspicit.

r/.() (;) ve(gh)ní(i)te,(h) ad(ih)o(fg)ré(g.)mus.(g.) (::)

r. Veníte adorémus.

v/.

Quó(i/jki)ni(h)am(g) i(h)psí(i)us(i) est(i) ma(i)re,(i_') et(i) i(i)pse(i) fe(i)cit(h) il(hi)lud,(h_') (,)
et(g) á(h)ri(i)dam(i) fun(i)da(i)vé(h)runt(g) ma(h)nus(i) e(iv_HG)ius.(h.) (;)
Ve(h)ní(g)te,(fe) a(f)do(g)ré(h)mus,(i) et(i) pro(i)ci(i)dá(i)mus(i) an(i)te(h) De(hi)um,(h'_) (,)
plo(g)ré(h)mus(i) co(i)ram(i) Dó(i)mi(i)no,(i) qui(h) fe(hi)cit(h) nos,(h'_) (,)
qui(g)a(h) i(i)pse(i) est(i) Dó(i)mi(h)nus,(g) De(h)us(i) no(i/jkj)ster,(ji..) (;)
nos(hg) au(hi~)tem(i) pó(i)pu(i)lus(i) e(ij~)ius,(i_') (,)
et(i) o(ij)ves(i) pá(ih)scu(hg)æ(i_j) e(h_i)ius.(ivH_'G_hv_G_FEfe..) (::)

v. Quóniam ipsíus est mare, et ipse fecit illud, et áridam fundavérunt manus eius (genuflectitur) veníte, adorémus, et procidámus ante Deum: plorémus coram Dómino, qui fecit nos, quia ipse est Dóminus, Deus noster; nos autem pópulus eius, et oves páscuæ eius.

r/.
(f3) DO(e)mi(fg)num(g) De(gh)um(g) no(h)strum,(fgF_E_) *(;) ve(gh)ní(i)te,(h) ad(ih)o(fg)ré(g.)mus.(g.) (::)

r. Dóminum Deum nostrum, * veníte adorémus.

v/.

Hó(i/jki)di(h)e,(g) si(h) vo(i)cem(i) e(i)ius(i) au(i)di(h)é(hi)ri(h)tis:(h_') (,)
«No(g)lí(h)te(i) ob(i)du(i)rá(h)re(g) cor(h)da(i) ve(iv_HG)stra,(h.) (;)
si(g)cut(fe) in(f) e(g)xa(h)cer(i)ba(i)ti(i)ó(i)ne(i') se(i)cún(i)dum(h) di(hi)em(h'_) (,)
ten(g)ta(h)ti(i)ó(i)nis(i) in(i) de(h)sér(hi)to:(h'_) (,)
u(g)bi(h) ten(i)ta(i)vé(i)runt(h) me(g) pa(h)tres(i) ve(i/jkj)stri:(ji..) (;)
pro(hg)ba(hi)vé(i)runt(i) et(i) vi(i)dé(ij)runt(i_') (,)
ó(ih)pe(hg)ra(i_j) me(h_i)a.(ivH_'G_hv_G_FEfe..) (::)

v. Hódie, si vocem eius audiéritis, nolíte obduráre corda vestra, sicut in exacerbatióne secúndum diem tentatiónis in desérto: ubi tentavérunt me patres vestri, probavérunt et vidérunt ópera mea.

r/.() (;) ve(gh)ní(i)te,(h) ad(ih)o(fg)ré(g.)mus.(g.) (::)

r. Veníte adorémus.

v/.

Qua(i)dra(i)gín(i/jki)ta(hhg) an(h)nis(i') pró(i)xi(i)mus(h) fu(hi)i(h_') (,)
ge(h)ne(h)ra(h)ti(i)ó(i)ni(h) hu(h)ic,(i_') et(h) di(h)xi:(i') (`)
Sem(i)per(h) hi(g) er(h)rant(i) cor(iv_HG)de.(h.) (;)
I(g)psi(fe) ve(f)ro(g) non(h) co(i)gno(i)vé(i)runt(i) vi(i)as(h) me(hi)as:(h'_) (,)
qui(g)bus(h) iu(i)rá(i)vi(h) in(g) i(h)ra(i) me(i/jkj)a:(ji..) (;)
Si(hg) in(hi~)tro(i)í(ij)bunt(i_') (,)
in(i) ré(ih)qui(hg)em(i_j) me(h_i)am.»(ivH_'G_hv_G_FEfe..) (::)

v. Quadragínta annis próximus fui generatióni huic, et dixi: Semper hi errant corde, ipsi vero non cognovérunt vias meas: quibus iurávi in ira mea: Si introíbunt in réquiem meam.

r/.
(f3) DO(e)mi(fg)num(g) De(gh)um(g) no(h)strum,(fgF_E_) *(;) ve(gh)ní(i)te,(h) ad(ih)o(fg)ré(g.)mus.(g.) (::)

r. Dóminum Deum nostrum, * veníte adorémus.

v/.

Gló(i/jki)ri(h)a(g) Pa(h)tri,(i) et(i) Fí(hi)li(h)o,(h_') (,)
et(i) Spi(h)rí(g)tu(h)i(i) San(iv_HG)cto.(h.) (;)
Si(g)cut(fe) e(f)rat(h) in(g) prin(h)cí(i)pi(i)o,(h'_) (,)
et(g) nunc,(h) et(i) sem(i/jkj)per,(ji..) (;)
et(hg) in(hi~) sǽ(ij)cu(i)la(i_') sæ(i)cu(ih)ló(hg)rum.(i_j) A(h_i)men.(ivH_'G_hv_G_FEfe..) (::)

v. Glória Patri, et Fílio, et Spirítui Sancto. Sicut erat in princípio, et nunc, et semper, * et in sǽcula sæculórum. Amen.

r/.() (;) ve(gh)ní(i)te,(h) ad(ih)o(fg)ré(g.)mus.(g.) (::)

r. Veníte adorémus.

r/.
(f3) DO(e)mi(fg)num(g) De(gh)um(g) no(h)strum,(fgF_E_) *(;) ve(gh)ní(i)te,(h) ad(ih)o(fg)ré(g.)mus.(g.) (::)

r. Dóminum Deum nostrum, * veníte adorémus.

Hymnus

annotation: 4;
%%
(c4) TU,(d) Tri(e)ni(f)tá(g)tis(eg) U(f)ni(e)tas,(f'_) (,)
or(d)bem(e) po(f)tén(g)ter(eg) qui(f) re(e)gis,(ded.) (;)
at(e)tén(c)de(e) lau(gh)dum(hi) cán(h)ti(g)ca(h'_) (,)
quæ(f) ex(h)cu(h)bán(g)tes(ef) psál(g)li(f)mus.(e.)

2.(::)
Nam(d) lé(e)ctu(f)lo(g) con(eg)súr(f)gi(e)mus(f'_) (,)
no(d)ctis(e) qui(f)é(g)to(eg) tém(f)po(e)re,(ded.) (;)
ut(e) fla(c)gi(e)té(gh)mus(hi) vúl(h)ne(g)rum(h'_) (,)
a(f) te(h) me(h)dé(g)lam(ef) óm(g)ni(f)um,(e.)

3.(::)
Quo,(d) frau(e)de(f) quic(g)quid(eg) dǽ(f)mo(e)num(f'_) (,)
in(d) nó(e)cti(f)bus(g) de(eg)lí(f)qui(e)mus,(ded.) (;)
ab(e)stér(c)gat(e) il(gh)lud(hi) cǽ(h)li(g)tus(h'_) (,)
tu(f)æ(h) po(h)té(g)stas(ef) gló(g)ri(f)æ.(e.)

4.(::)
Te(d) cor(e)de(f) fi(g)do(eg) quǽ(f)su(e)mus,(f'_) (,)
re(d)ple(e) tu(f)o(g) nos(eg) lú(f)mi(e)ne,(ded.) (;)
per(e) quod(c) di(e)é(gh)rum(hi) cír(h)cu(g)lis(h'_) (,)
nul(f)lis(h) ru(h)á(g)mus(ef) á(g)cti(f)bus.(e.)

5.(::)
Præ(d)sta,(e) Pa(f)ter(g) pi(eg)ís(f)si(e)me,(f'_) (,)
Pa(d)trí(e)que(f) com(g)par(eg) U(f)ni(e)ce,(ded.) (;)
cum(e) Spí(c)ri(e)tu(gh) Pa(hi)rá(h)cli(g)to(h'_) (,)
re(f)gnans(h) per(h) om(g)ne(ef) sǽ(g)cu(f)lum.(e.) (::)
A(efe)men.(de..) (::)

Tu, Trinitátis Unitas, orbem poténter qui regis, atténde laudum cántica quæ excubántes psállimus.

Quo, fraude quicquid dæmonum in nóctibus delíquimus, abstérgat illud cælitus tuæ potéstas glóriæ.

Te corde fido quǽsumus, reple tuo nos lúmine, per quod diérum círculis nullis ruámus áctibus.

Præsta, Pater piíssime, Patríque compar Unice, cum Spíritu Paráclito regnans per omne sǽculum. Amen.

IN I NOCTURNO

Ant. 1. Inclína Dómine, * aurem tuam mihi, et exáudi verba mea.

Ant. 1.

Psalmus 85 (86)

Pauperis in rebus adversis oratio

Benedictus Deus, qui consolatur nos in omni tribulatione nostra (2 Cor 1, 3. 4).

Inclína, Dómine, aurem tuam et exáudi me, * quóniam inops et pauper sum ego.

Custódi ánimam meam, quóniam sanctus sum; * salvum fac servum tuum, Deus meus, sperántem in te.

Miserére mei, Dómine, *quóniam ad te clamávi tota die.

Lætífica ánimam servi tui, * quóniam ad te, Dómine, ánimam meam levávi.

Quóniam tu, Dómine, suávis et mitis * et multæ misericórdiæ ómnibus invocántibus te.

Auribus pércipe, Dómine, oratiónem meam * et inténde voci deprecatiónis meæ.

In die tribulatiónis meæ clamávi ad te, * quia exáudies me.

Non est símilis tui in diis, Dómine, * et nihil sicut ópera tua.

Omnes gentes, quascúmque fecísti, vénient † et adorábunt coram te, Dómine, * et glorificábunt nomen tuum,

quóniam magnus es tu et fáciens mirabília: * tu es Deus solus.

Doce me, Dómine, viam tuam, * et ingrédiar in veritáte tua;

simplex fac cor meum, * ut tímeat nomen tuum.

Confitébor tibi, Dómine Deus meus, in toto corde meo * et glorificábo nomen tuum in ætérnum,

quia misericórdia tua magna est super me, * et eruísti ánimam meam ex inférno inferióri.

Deus, supérbi insurrexérunt super me, † et synagóga poténtium quæsiérunt ánimam meam, * et non proposuérunt te in conspéctu suo.

Et tu, Dómine, Deus miserátor et miséricors * pátiens et multæ misericórdiæ et veritátis,

réspice in me et miserére mei; † da fortitúdinem tuam púero tuo * et salvum fac fílium ancíllæ tuæ.

Fac mecum signum in bonum, † ut vídeant, qui odérunt me, et confundántur, * quóniam tu, Dómine, adiuvísti me et consolátus es me..

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 86 (87)

Ierusalem omnium gentium mater

Illa quæ sursum est Ierusalem, libera est, quæ est mater nostra (Gal 4, 26).

Fundaménta eius in móntibus sanctis; † díligit Dóminus portas Sion * super ómnia tabernácula Iacob.

Gloriósa dicta sunt de te, * cívitas Dei!

Memor ero Rahab et Babylónis inter sciéntes me; † ecce Philistæa et Tyrus cum Æthiópia: * hi nati sunt illic.

Et de Sion dicétur: «Hic et ille natus est in ea; * et ipse firmávit eam Altíssimus».

Dóminus réferet in librum populórum: * «Hi nati sunt illic».

Et cantant sicut choros ducéntes: * «Omnes fontes mei in te».

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Ant. Inclína Dómine, aurem tuam mihi, et exáudi verba mea.

Ant.

annotation: 6f;
%%
(c4) BE(f)ne(g)dí(h)ctus(f) *() Dó(g)mi(fe)nus(d) in(f) æ(g)tér(g)num.(f) (::)
E(h) u(h) o(f) u(gh) a(g) e.(f) (::)

Ant. 2. Benedíctus Dóminus in ætérnum.

Ant. 2.

Psalmus 88 (89)

Misericordiæ Domini super domum David

Deus ex semine David secundum promissionem eduxit Salvatorem Iesum (Act 13, 22. 23).

Misericórdias Dómini in ætérnum cantábo, * in generatiónem et generatiónem annuntiábo veritátem tuam in ore meo.

Quóniam dixísti: «In ætérnum misericórdia ædificábitur», * in cælis firmábitur véritas tua.

«Dispósui testaméntum elécto meo, * iurávi David servo meo:

Usque in ætérnum confirmábo semen tuum * et ædificábo in generatiónem et generatiónem sedem tuam».

Confitebúntur cæli mirabília tua, Dómine, * étenim veritátem tuam in ecclésia sanctórum.

Quóniam quis in núbibus æquábitur Dómino, * símilis erit Dómino in fíliis Dei?

Deus, metuéndus in consílio sanctórum, * magnus et terríbilis super omnes, qui in circúitu eius sunt.

Dómine Deus virtútum, quis símilis tibi? * Potens es, Dómine, et véritas tua in circúitu tuo.

Tu domináris supérbiæ maris, * elatiónes flúctuum eius tu mítigas.

Tu conculcásti sicut vulnerátum Rahab, * in bráchio virtútis tuæ dispersísti inimícos tuos.

Tui sunt cæli, et tua est terra, * orbem terræ et plenitúdinem eius tu fundásti.

Aquilónem et austrum tu creásti, * Thabor et Hermon in nómine tuo exsultábunt.

Tibi bráchium cum poténtia; * firma est manus tua, et exaltáta déxtera tua.

Iustítia et iudícium firmaméntum sedis tuæ. * Misericórdia et véritas præcédent fáciem tuam.

Beátus pópulus, qui scit iubilatiónem. * Dómine, in lúmine vultus tui ambulábunt

et in nómine tuo exsultábunt tota die * et in iustítia tua exaltabúntur,

quóniam decor virtútis eórum tu es, * et in beneplácito tuo exaltábitur cornu nostrum.

Quia Dómini est scutum nostrum, * et Sancti Israel rex noster.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Tunc locútus es in visióne sanctis tuis et dixísti: «Pósui adiutórium in poténte * et exaltávi eléctum de plebe.

Invéni David servum meum; * óleo sancto meo unxi eum.

Manus enim mea firma erit cum eo, * et bráchium meum confortábit eum.

Nihil profíciet inimícus in eo, * et fílius iniquitátis non ópprimet eum.

Et concídam a fácie ipsíus inimícos eius * et odiéntes eum percútiam.

Et véritas mea et misericórdia mea cum ipso, * et in nómine meo exaltábitur cornu eius.

Et ponam super mare manum eius * et super flúmina déxteram eius.

Ipse invocábit me: “Pater meus es tu, * Deus meus et refúgium salútis meæ”.

Et ego primogénitum ponam illum, * excélsum præ régibus terræ.

In ætérnum servábo illi misericórdiam meam * et testaméntum meum fidéle ipsi.

Et ponam in sæculum sæculi semen eius * et thronum eius sicut dies cæli.

Si autem derelíquerint fílii eius legem meam * et in iudíciis meis non ambuláverint,

si iustificatiónes meas profanáverint * et mandáta mea non custodíerint,

visitábo in virga delíctum eórum * et in verbéribus iniquitátem eórum.

Misericórdiam autem meam non avértam ab eo, * neque méntiar in veritáte mea.

Non profanábo testaméntum meum * et, quæ procédunt de lábiis meis, non fáciam írrita.

Semel iurávi in sancto meo: * David non méntiar.

Semen eius in ætérnum manébit, * et thronus eius sicut sol in conspéctu meo

et sicut luna firmus stabit in ætérnum * et testis in cælo fidélis».

Tu vero reppulísti et reiecísti, * irátus es contra christum tuum;

evertísti testaméntum servi tui, * profanásti in terram diadéma eius.

Destruxísti omnes muros eius, * posuísti munitiónes eius in ruínas.

Diripuérunt eum omnes transeúntes viam, * factus est oppróbrium vicínis suis.

Exaltásti déxteram depriméntium eum, * lætificásti omnes inimícos eius.

Avertísti áciem gládii eius * et non es auxiliátus ei in bello.

Finem posuísti splendóri eius * et sedem eius in terram collisísti.

Minorásti dies iuventútis eius, * perfudísti eum confusióne.

Usquequo, Dómine, abscondéris in finem, * exardéscet sicut ignis ira tua?

Memoráre, quam brevis mea substántia. * Ad quam vanitátem creásti omnes fílios hóminum?

Quis est homo, qui vivet et non vidébit mortem, * éruet ánimam suam de manu ínferi?

Ubi sunt misericórdiæ tuæ antíquæ, Dómine, * sicut iurásti David in veritáte tua?

Memor esto, Dómine, oppróbrii servórum tuórum, * quod contínui in sinu meo, multárum géntium,

quo exprobravérunt inimíci tui, Dómine, * quo exprobravérunt vestígia christi tui.

Benedíctus Dóminus in ætérnum. * Fiat, fiat.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: ;
%%
(c4) a/. Be(f)ne(g)dí(h)ctus(f) () Dó(g)mi(fe)nus(d) in(f) æ(g)tér(g)num.(f)
(::)

Ant. Benedíctus Dóminus in ætérnum.

Ant.

annotation: 8g;
%%
(c4) EX(f)al(fg)tá(g)re,(gf) *() qui(h) iú(jh)di(i)cas(h) ter(g)ram.(g) (::)
E(j) u(j) o(i) u(j) a(h) e.(g) (::)

Ant. 3. Exaltáre qui iúdicas terram.

Ant. 3.

Psalmus 92 (93)

Magnificentia Domini creatoris

Regnavit Dominus, Deus noster omnipotens. Gaudeamus et exsultemus et demus gloriam ei (Ap 19, 6. 7).

Dóminus regnávit! Decórem indútus est; * indútus est Dóminus, fortitúdine præcínxit se.

Etenim firmávit orbem terræ, * qui non commovébitur.

Firmáta sedes tua ex tunc, * a sǽculo tu es.

Elevavérunt flúmina, Dómine, † elevavérunt flúmina vocem suam, * elevavérunt flúmina fragórem suum.

Super voces aquárum multárum, † super poténtes elatiónes maris, * potens in altis Dóminus.

Testimónia tua credibília facta sunt nimis; * domum tuam decet sanctitúdo, Dómine, in longitúdinem diérum.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 93 (94)

Dominus iustorum ultor

Vindex est Dominus de his omnibus: ...non enim vocavit nos Deus in immunditia, sed in sanctificatione (Cf. 1 Th 4, 6-7).

Deus ultiónum, Dómine, *Deus ultiónum, effúlge.

Exaltáre, qui iúdicas terram, *redde retributiónem supérbis.

Usquequo peccatóres, Dómine, *úsquequo peccatóres exsultábunt?

Effabúntur et loquéntur protérva, *gloriabúntur omnes, qui operántur iniquitátem.

Pópulum tuum, Dómine, humíliant *et hereditátem tuam vexant.

Víduam et ádvenam interfíciunt *et pupíllos occídunt.

Et dixérunt: «Non vidébit Dóminus, *nec intélleget Deus Iacob» .

Intellégite, insipiéntes in pópulo, *et, stulti, quando sapiétis?

Qui plantávit aurem, non áudiet, *aut qui finxit óculum, non respíciet?

Qui córripit gentes, non árguet, *qui docet hóminem sciéntiam?

Dóminus scit cogitatiónes hóminum *quóniam vanæ sunt.

Beátus homo, quem tu erudíeris, Dómine, *et de lege tua docúeris eum,

ut mítiges ei a diébus malis, *donec fodiátur peccatóri fóvea.

Quia non repéllet Dóminus plebem suam *et hereditátem suam non derelínquet.

Quia ad iustítiam revertétur iudícium, *et sequéntur illam omnes, qui recto sunt corde.

Quis consúrget mihi advérsus malignántes, *aut quis stabit mecum advérsus operántes iniquitátem?

Nisi quia Dóminus adiúvit me, *paulo minus habitásset in loco siléntii ánima mea.

Si dicébam: «Motus est pes meus» , *misericórdia tua, Dómine, sustentábat me.

In multitúdine sollicitúdinum meárum in corde meo, *consolatiónes tuæ lætificavérunt ánimam meam.

Numquid sociábitur tibi sedes iniquitátis, *quæ fingit moléstiam contra præcéptum?

Irruunt in ánimam iusti *et sánguinem innocéntem condémnant.

Et factus est mihi Dóminus in præsídium *et Deus meus in rupem refúgii mei;

et reddet illis iniquitátem ipsórum, † et in malítia eórum dispérdet eos, *dispérdet illos Dóminus Deus noster.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: ;
%%
(c4) a/. Ex(f)al(fg)tá(g)re,(gf) () qui(h) iú(jh)di(i)cas(h) ter(g)ram.(g)
(::)

Ant. Exaltáre qui iúdicas terram.

Ant.

v. Fili mi, custódi sermónes meos. r. Serva mandáta mea et vives.

Postea benedicat abbas:

A cunctis vítiis et peccátis absólvat nos virtus Santæ Trinitátis. r. Amen.

Lectiones

In primo nocturno, anno II

De libro Génesis

Lectio I

Dedit Ioseph fíliis Israel plaustra secúndum pharaónis impérium et cibária in itínere. Síngulis quoque proférri iussit vestiméntum mutatórium; Béniamin vero dedit trecéntos argénteos cum quinque vestiméntis mutatóriis. Patri suo misit simíliter ásinos decem, qui subvéherent ex ómnibus divítiis Ægýpti, et tótidem ásinas tríticum et panem et cibum pro itínere portántes. Dimísit ergo fratres suos et proficiscéntibus ait: " Ne irascámini in via! "

r. Mérito hæc pátimur, quia peccávimus in fratrem nostrum, vidéntes angústiam ánimæ eius dum deprecarétur nos, et non audívimus. * Idcírco venit super nos tribulátio. v. Dixit Ruben frátribus suis: Numquid non dixi vobis: Nolíte peccáre in púerum? Et non audístis me. * Idcírco.

Lectio II

Qui ascendéntes ex Ægýpto venérunt in terram Chánaan ad patrem suum Iacob et nuntiavérunt ei dicéntes: " Ioseph vivit et ipse dominátur in omni terra Ægýpti! " At cor eius frígidum mansit; non enim credébat eis. Tunc referébant ómnia verba Ioseph quæ díxerat eis. Cumque vidísset plaustra et univérsa quæ míserat ad adducéndum eum, revíxit spíritus eius et ait: " Súfficit mihi, si adhuc Ioseph fílius meus vivit. Vadam et vidébo illum, ántequam móriar. "

r. Iste est frater vester mínimus de quo dixerátis mihi? Deus misereátur tibi, fili mi! * Festinavítque in domum et plorávit, quia erumpébant lácrimæ et non póterat se continére. v. Attóllens autem Ioseph óculos, vidit Béniamin stantem; commóta sunt ómnia víscera eius super fratre suo. * Festinavítque.

Lectio III

Profectúsque Israel cum ómnibus quæ habébat, venit Bersábee et, mactátis ibi víctimis Deo patris sui Isaac, audívit eum per visiónem noctis vocántem se: " Iacob, Iacob! " Cui respóndit: " Ecce adsum! " Ait illi: " Ego sum Deus, Deus patris tui. Noli timére descéndere in Ægýptum, quia in gentem magnam fáciam te ibi. Ego descéndam tecum illuc et ego inde addúcam te reverténtem; Ioseph quoque ponet manus suas super óculos tuos. " Surréxit ígitur Iacob a Bersábee, tulerúntque eum fílii cum párvulis et uxóribus suis in plaustris quæ míserat phárao ad portándum senem, sumpsérunt quoque ómnia quæ posséderant in terra Chánaan; venerúntque in Ægýptum Iacob et omne semen eius, fílii eius et nepótes, fíliæ et cuncta simul progénies.

r. Dixit Ioseph úndecim frátribus: Ego sum Ioseph, quem vendidístis in Ægýptum. Adhuc vivit pater noster sénior de quo dixerátis mihi? * Ite, addúcite eum ad me, ut possit vívere. v. Biénnium est quod cœpit esse fames in terra; adhuc restant álii quinque. * Ite. v. Glória Patri. * Ite.

IN II NOCTURNO

Ant. 4. Allelúia, allelúia, allelúia.

Ant. 4.

Psalmus 95 (96)

Dominus rex et iudex omnis terræ

Cantabant quasi canticum novum ante sedem in conspectu Agni (Cf. Ap 14, 3).

Cantáte Dómino cánticum novum, * cantáte Dómino, omnis terra.

Cantáte Dómino, benedícite nómini eius, * annuntiáte de die in diem salutáre eius.

Annuntiáte inter gentes glóriam eius, * in ómnibus pópulis mirabília eius.

Quóniam magnus Dóminus et laudábilis nimis, * terríbilis est super omnes deos.

Quóniam omnes dii géntium inánia, * Dóminus autem cælos fecit.

Magnificéntia et pulchritúdo in conspéctu eius, * poténtia et decor in sanctuário eius.

Afférte Dómino, famíliæ populórum, † afférte Dómino glóriam et poténtiam, * afférte Dómino glóriam nóminis eius.

Tóllite hóstias et introíte in átria eius, * adoráte Dóminum in splendóre sancto.

Contremíscite a fácie eius, univérsa terra, * dícite in géntibus: «Dóminus regnavit!».

Etenim corréxit orbem terræ, qui non commovébitur; * iudicábit pópulos in æquitáte.

Læténtur cæli et exsúltet terra, † sonet mare et plenitúdo eius; * gaudébunt campi et ómnia, quæ in eis sunt.

Tunc exsultábunt ómnia ligna silvárum † a fácie Dómini, quia venit, * quóniam venit iudicáre terram.

Iudicábit orbem terræ in iustítia * et pópulos in veritáte sua.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 96 (97)

Gloria Domini in iudicio

Hic psalmus salutem mundi significat et fidem omnium gentium in ipsum (S. Athanasius).

Dóminus regnávit! Exsúltet terra, * læténtur ínsulæ multæ.

Nubes et calígo in circúitu eius, * iustítia et iudícium firmaméntum sedis eius.

Ignis ante ipsum præcédet * et inflammábit in circúitu inimícos eius.

Illustrárunt fúlgura eius orbem terræ: * vidit et contrémuit terra.

Montes sicut cera fluxérunt a fácie Dómini, * a fácie Dómini omnis terra.

Annuntiavérunt cæli iustítiam eius, * et vidérunt omnes pópuli glóriam eius.

Confundántur omnes, qui adórant sculptília † et qui gloriántur in simulácris suis. * Adoráte eum, omnes ángeli eius.

Audívit et lætáta est Sion, † et exsultavérunt fíliæ Iudæ * propter iudícia tua, Dómine.

Quóniam tu Dóminus, Altíssimus super omnem terram, * nimis exaltátus es super omnes deos.

Qui dilígitis Dóminum, odíte malum; † custódit ipse ánimas sanctórum suórum, * de manu peccatóris liberábit eos.

Lux orta est iusto, * et rectis corde lætítia.

Lætámini, iusti, in Dómino * et confitémini memóriæ sanctitátis eius.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 97 (98)

Dominus victor in iudicio

Hic psalmus priorem Domini adventum significat et fidem omnium gentium (S. Athanasius).

Cantáte Dómino cánticum novum, * quia mirabília fecit.

Salvávit sibi déxtera eius, * et bráchium sanctum eius.

Notum fecit Dóminus salutáre suum, * in conspéctu géntium revelávit iustítiam suam.

Recordátus est misericórdiæ suæ * et veritátis suæ dómui Israel.

Vidérunt omnes términi terræ * salutáre Dei nostri.

Iubiláte Deo, omnis terra, * erúmpite, exsultáte et psállite.

Psállite Dómino in cíthara, * in cíthara et voce psalmi;

in tubis ductílibus et voce tubæ córneæ, * iubiláte in conspéctu regis Dómini.

Sonet mare et plenitúdo eius, * orbis terrárum, et qui hábitant in eo.

Flúmina plaudent manu, † simul montes exsultábunt a conspéctu Dómini, * quóniam venit iudicáre terram.

Iudicábit orbem terrárum in iustítia * et pópulos in æquitáte.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 98 (99)

Sanctus Dominus Deus noster

Tu es super Cherubim, qui malum statum terræ commutasti, cum ad nostram similitudinem factus es (S. Athanasius).

Dóminus regnávit! Commoveántur pópuli; * sedet super chérubim, moveátur terra.

Dóminus in Sion magnus * et excélsus super omnes pópulos.

Confiteántur nómini tuo magno et terríbili, * quóniam sanctum est.

Rex potens iudícium díligit: † tu statuísti, quæ recta sunt, * iudícium et iustítiam in Iacob tu fecísti.

Exaltáte Dóminum Deum nostrum † et adoráte ad scabéllum pedum eius, * quóniam sanctus est.

Móyses et Aaron in sacerdótibus eius * et Sámuel inter eos, qui ínvocant nomen eius.

Invocábant Dóminum, et ipse exaudiébat eos, * in colúmna nubis loquebátur ad eos.

Custodiébant testimónia eius * et præcéptum, quod dedit illis.

Dómine Deus noster, tu exaudiébas eos; † Deus, tu propítius fuísti eis, * ulcíscens autem adinventiónes eórum.

Exaltáte Dóminum Deum nostrum † et adoráte ad montem sanctum eius, * quóniam sanctus Dóminus Deus noster.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 99 (100)

Gaudium in templum ingredientium

Redemptos iubet Dominus victoriæ carmen canere (S. Athanasius).

Iubiláte Dómino, omnis terra, * servíte Dómino in lætítia;

introíte in conspéctu eius * in exsultatióne.

Scitóte quóniam Dóminus ipse est Deus; † ipse fecit nos, et ipsíus sumus, * pópulus eius et oves páscuæ eius.

Introíte portas eius in confessióne, † átria eius in hymnis, * confitémini illi, benedícite nómini eius.

Quóniam suávis est Dóminus; † in ætérnum misericórdia eius, * et usque in generatiónem et generatiónem véritas eius.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 100 (101)

Iusti principis confessio

Si diligitis me, mandata mea servabitis (Io 14, 15).

Misericórdiam et iudícium cantábo; *tibi, Dómine, psallam.

Intéllegam in via immaculáta; *quando vénies ad me?

Perambulábo in innocéntia cordis mei, *in médio domus meæ.

Non propónam ante óculos meos rem iniústam, † faciéntem prævaricatiónes ódio habébo, *non adhærébit mihi.

Cor pravum recédet a me, *malígnum non cognóscam.

Detrahéntem secréto próximo suo, *hunc cessáre fáciam;

supérbum óculo et inflátum corde, *hunc non sustinébo.

Oculi mei ad fidéles terræ, ut sédeant mecum; *qui ámbulat in via immaculáta, hic mihi ministrábit.

Non habitábit in médio domus meæ, qui facit supérbiam; *qui lóquitur iníqua, non stabit in conspéctu oculórum meórum.

In matutíno cessáre fáciam omnes peccatóres terræ, *ut dispérdam de civitáte Dómini omnes operántes iniquitátem.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Ant. Allelúia, allelúia, allelúia.

Ant.

v. Oculi mei defecérunt in desidério salutaris tui. r. Et eloquii iustítiæ tuæ.

Postea benedicat abbas:

Christus perpétuæ det nobis gáudia vitæ. r. Amen.

Lectiones

In secundo nocturno, anno II

Ex Sermónibus sancti Cæsárii Arelaténsis epíscopi (Sermo 94: CCL 103, 385-388)

Lectio I

Audívimus, fratres caríssimi, quod mórtuo Ioseph fílii Israel crevérunt et multiplicáti sunt nimis, et quasi herba germinavérunt. Quid est hoc, fratres? Donec víveret Ioseph, non referúntur crevísse fílii Israel, nec quod multiplicáti sunt nimis; sed póstea quam mórtuus est, sic germinásse dicúntur sicut herba; cum útique sub patrocínio vel defensióne Ioseph magis debúerant créscere et multiplicári. Sed hæc, fratres caríssimi, in illo Ioseph figuráta sunt; in nostro autem Ioseph, id est Dómino Christo, in veritáte compléta sunt.

r. Loquens Ioseph frátribus suis, et ait: Pax vobis, nolíte timére; * Pro salúte enim vestra misit me Dóminus ante vos. v. Nolíte timére, nec vobis durum esse videátur quod vendidístis me in his regiónibus. * Pro salúte.

Lectio II

Prius enim quam morerétur, id est quam crucifigerétur Ioseph noster, pauci in eum credidérunt: póstea quam vero mórtuus est et resurréxit, in univérso mundo multiplicáti sunt et crevérunt Israelítæ, id est pópuli christiáni. Sic et ipse Dóminus in evangélio dixit: Nisi granum fruménti cadens in terram mórtuum fúerit, ipsum solum manet; si autem mórtuum fúerit, multum fructum affert. Póstea enim quam per passiónem pretiósum granum fruménti mórtuum est et sepúltum, per univérsum mundum de illo uno grano messis Ecclésiæ pullulávit; non enim sicut ántea in Iudæa tantum notus est Deus, nec solum in Israel magnum nomen eius cólitur; sed a solis ortu usque ad occásum nomen illíus collaudátur.

r. Nuntiavérunt Iacob dicéntes: Ioseph fílius tuus vivit, et ipse dominátur in tota terra Ægýpti. Quo audíto, revíxit spíritus eius, et dixit: * Súfficit mihi, vadam et vidébo eum ántequam móriar. v. Cumque audísset Iacob quod fílius eius víveret, quasi de gravi somno evígilans, ait: * Súfficit mihi.

Lectio III

Nos, fratres caríssimi, qui ante advéntum Dómini Salvatóris vasa et domus diáboli fúimus, et per grátiam Christi de potestáte ipsíus liberári merúimus, quantum póssumus ipso adiuvánte laboráre debémus ne a nobis malis áctibus nostris offénsus Christus abscédat, et diábolus illo recedénte succédat: ne forte cor nostrum vero lúmine effugáto tenebrósa nox óccupet.

r. Salus nostra in manu tua est, dómine; respíciat super nos misericórdia tua, * Ut secúri serviámus tibi. v. Vivat, dómine, ánima tua, ut non videámus mortem, neque párvulos nostros deficiéntes. * Ut secúri. v. Glória Patri. * Ut secúri.

Conclusio

%%
(c3) KY(h)rie(h) e(hvGF)léi(g<)son.(h) *(;) Christe(h) e(hvGF)léi(g<)son.(h) (,) Ky(h)rie(h) e(hvGF)léi(g<)son.(h) (::)

Kýrie eléison. r. Christe eléison. Kýrie eleison.

Pater noster,

Secretum usque ad:

v. Et ne nos indúcas in tentatiónem. r. Sed libera nos a malo.

Oratio diei cum conclusione longiori.

Orémus.

Famíliam tuam, quǽsumus, Dómine, contínua pietáte custódi, † ut, quæ in sola spe grátiæ cæléstis innítitur, * tua semper protectióne muniátur. Per Dóminum.

annotation: ;
%%
(f3) BE(f)ne(fe)di(ffvEC)cá(ef)mus(f) (,)Dó(fh!ijjvjvIGF!gwhGF)mi(fef)no.(f) r/.(::) De(fe/ffvECef)o(f) (,) grá(fh!ijjvjvIGF!gwhGF)ti(fef)as.(f) (::)

v. Benedicámus Dómino. r. Deo grátias.

v. Divínum auxílium máneat semper nobíscum. r. Et cum frátribus nostris abséntibus. Amen.