Die 21 septembris
1. Festum sancti Matthǽi, Apóstoli et Evangelístæ, qui, Levi cognominátus, a Iesu vocátus ad sequéndum, munus publicáni seu vectigálium exactóris relíquit et, inter Apóstolos eléctus, Evangélium conscrípsit, quo Iesum Christum, fílium David, fílium Abrahæ, Vetus Testaméntum adimplevísse præsértim proclamátur.
2. Commemorátio sancti lonæ, prophétæ, fílii Amathi, cuius nómine liber Véteris Testaménti appellátus est et céleber éxitus e ceti ventre tamquam signum domínicæ Resurrectiónis in ipso Evangélio enarrátur.
3. In Græcia, commemorátio sancti Quadráti, Apostolórum discípuli, qui, ut fertur, in persecutióne Hadriáni imperatóris, Ecclésiam terróre dispérsam fide et indústria sua cóngregans, librum pro christiánæ religiónis defensióne apostólica doctrína dignum eídem imperatóri porréxit.
4. Romæ via Salária Vétere, sancti Pámphili, mártyris.
5. Ad Baccánas via Cássia vicésimo miliário ab urbe Roma, sancti Alexándri, mártyris.
6. Gazæ in Palæstína, sanctórum Eusébii, Néstabi et Zenónis, mártyrum, qui, fratres, témpore luliáni Apóstatæ imperatóris, irruénte in eos gentílium turba, discérpti atque necáti sunt. Passus est cum eis sanctus Nestor, qui ex accéptis vulnéribus paulo post martyrium consummávit.
7 *. Aptæ Iúliæ in Província, sancti Cástoris, epíscopi, qui, cúpiens monachórum vitam frátribus in novéllo monastério explanári, a sancto Ioánne Cassiáno pétiit, ut exímias tráderet conferéntias ascetárum Ægyptiórum.
8 *. In monastério Lancarvanénsi in Cámbria meridionáli, sancti Cadóci, abbátis, sub cuius nómine étiam in Cornúbia et in Británnia Minóre plura monastéria cóndita sunt.
9 *. In monastério Ettenheiménsi in Bádena regióne, sancti Landelíni, mónachi, ex Hibérnia orti.
10 *. Trunchínii in Flándria Austrásiæ, sancti Gerúlphi, mártyris, adulescéntis.
11 *. Trecis ad Séquanam in Gállia, sanctæ Mauræ, vírginis, pietátis et caritátis opéribus assíduæ.
12 *. Pisáuri in Picéno Itáliæ, beáti Marci de Mútina Scalabrini, presbyteri ex Ordine Prædicatórum, qui plúrimos errántes in viam iustítiæ redúcere pótuit.
13. Apud arcem QuângYri in Annámia, sanctórum Francísci Jaccard, presbyteri e Societáte Parisiénsi Missiónem ad éxteras gentes, et Thomæ Tran Văn Thien, mártyrum, qui, sub imperatóre Minh Mąng, pro Christo cárcerem verberáque subiérunt demúmque láqueo suffocáti sunt.
14. Apud Sai-Nam-Hte in Coréa, pássio sanctórum mártyrum Lauréntii Imbert, epíscopi, Petri Maubant et lacóbi Chastan, presbyterórum e Societáte Parisiénsi Missiónum ad éxteras gentes, qui ad vitam christianórum servándam sese satellítibus contulérunt et gládio interfécti sunt.
15 *. In vico Benisoda in pago Valentíno in Hispánia, beatórum mártyrum Vincéntii Galbis Gironés, patrisfamilias, et Emmanuélis Torró Garcia, qui, passióni Christi configuráti, quem coluérunt, martyrii triúmpho imitáti sunt.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (2 Thess 2, 15-17; 3,5)
Itaque, fratres, state et tenéte traditiónes, quas didicístis sive per sermónem sive per epístulam nostram. Ipse autem Dóminus noster Iesus Christus et Deus Pater noster, qui diléxit nos et dedit consolatiónem ætérnam et spem bonam in grátia, consolétur corda vestra et confírmet in omni ópere et sermóne bono.
Now our Lord Jesus Christ himself, and God and our Father, who hathloved us, and hath given us everlasting consolation, and good hope in grace, Exhort your hearts, and confirm you in every good work and word.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
