Die 22 septembris
1. Romæ in cœmetério Commodíllæ via Ostiénsi, commemorátio sanctæ Eméritæ, mártyris.
2. Agáuni in pago Vallénsi apud Helvétios, sanctórum mártyrum Maurítii, Exsupérii, Cándidi, mílitum, qui, ut sanctus Euchérius Lugdunénsis trádidit, cum sóciis eiúsdem Thebææ legiónis et Victóre veteráno, sub Maximiáno imperatóre pro Christo necáti, gloriósa sua passióne Ecclésiam illustrárunt.
3. Romæ via Salária Vétere, deposítio sanctæ Basíllæ, mártyris, sub Diocletiáno et Maximiáno imperatóribus.
4. In vico Libróso territórii Bituricénsis in Aquitánia, sancti Silváni, eremítæ.
5. In monte Glonna ad Lígerim flumen in pago Pictaviénsi Gálliæ, sancti Floréntii, presbyteri.
6. In território Gálliæ Constantiénsi, sancti Lautónis seu Laudi, epíscopi.
7. Laudúni in Néustria, sanctæ Salabérgæ, abbatíssæ, quam cæcam sanctus Columbánus sanavísse et ad Dei servítium direxísse fertur.
8. Ratísbonæ in Bavária, sancti Emmerámmi, epíscopi, qui pro Christi fide interérnptus est.
9 *. In monastério Cisterciénsium Morimúndi in Gállia, tránsitus beáti Othónis, epíscopi Frisingénsis, qui in rrionacháli hábitu, quem numquam in episcopátu deposúerat, óbiit.
10. Augústæ Taurinórum in Subalpínis, sancti Ignátii de Sandóne (Lauréntii Maurítii) Belvisotti, presbyteri ex Ordine Fratrum Minórum Capuccinórum, in pæniténtibus audiéndis et infírmis adiuvándis assídui.
II *. In salo ante Rupifórtium in Gállia, beáti Ioséphi Marchandon, presbyteri et mártyris, qui, témpore gállicæ perturbatiónis propter sacerdótium in tábidam actuáriam coniéctus, esúrie ac morbo consúmptus ad Patrem migrávit.
12. Seuli in Coréa, pássio sanctórum Pauli Chóng Ha-sang et Augustíni Yu Chin-gil, mártyrum, quorum alter primam christianórum communitátem vigínti annos témpore persecutiónis diréxit, alter lítteris ad Gregórium papam Sextum Décimum scripsit, ut presbyteros in Coréam mítteret, et, ambo catechístæ, simul post dira supplícia pro fide decolláti sunt.
13 *. Monte Serráto in Hispánia, beáti Cároli Navarro, presbyteri ex Ordine Clericórum Regulárium Scholárum Piárum et mártyris, persecutióne erga religiósos sæviénte, illústri martyrio coronáti.
14 *. Ibídem, beáti Germáni Gozalvo Andreu, presbyteri et mártyris, qui in eádem persecutióne ob Christi testimónium coronátus est.
15 *. Alzíræ in pago Valentíno item in Hispánia, beatórum mártyrum Vincéntii Pelufo Corts, presbyteri, et Ioséphæ Moscardó Montalvá, vírginis, qui, témpore eiúsdem persecutiónis erga fidem, ante Deum omnipoténtem palmam victóriæ gérere meruérunt.
16 *. In vico Bolbaite item in pago Valentíno, beáti Vincéntii Sicluna Hernández, presbyteri et mártyris, in eádem tempestáte interfécti.
17 *. In vico Corbera prope Valéntiam item in Hispánia, beátæ Maríæ a Purificatióne Vidal Pastor, vírginis et mártyris, quæ cum Christo Sponso ad núptias ætérnas méruit intráre.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Rom 11, 16-18)
Quod si primítiæ sanctæ sunt, et massa; et si radix sancta, et rami. Quod si áliqui ex ramis fracti sunt, tu autem, cum oleáster esses, insértus es in illis et consócius radícis pinguédinis olívæ factus es, noli gloriári advérsus ramos; quod si gloriáris, non tu radícem portas, sed radix te.
For if the firstfruit be holy, so is the lump also: and if the root be holy, so are the branches. And if some of the branches be broken, and thou, being a wild olive, art ingrafted in them, and art made partaker of the root, and of the fatness of the olive tree, Boast not against the branches. But if thou boast, thou bearest not the root, but the root thee.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
