Die 9 octobris
1. Sancti Ioánnis Henríci Newman, doctóris Ecclésiæ, qui, ex Anglia oriúndus, æque philósophus et theólogus dignus laude, in confessióne Anglicána natus, públice intrávit cathólicam Ecclésiam auxílio étiam beáti Domínici a Matre Dei e Congregatióne Passiónis, tum présbyter factus, óperam Oratoriórum Sancti Philíppi Neri in natióne sua cepit atque promóvit, paulo post Cardinális Sanctæ Ecclésiæ Románæ a Leóne papa Décimo Tértio creátus, prædicatióne et scriptis super veritáte Christi náviter emínuit.
2. Sanctórum Dionysii, epíscopi, et sociórum, mártyrum, quorum ille a Románo Pontífice missus in Gálliam pervenísse tráditur et, primus epíscopus Parisiórum efféctus, prope Lutétiam una cum Rústico presbytero et Eleuthério diácono martyr occubuísse.
3. Sancti Ioánnis Leonardi, presbyteri, qui Lucæ in Etrúria quam artem exercúerat apothecáriam deséruit, ut sacerdótio initiarétur. Inde ad púeros doctrína christiána docéndos, ad vitam apostólicam cleri instaurándam et ad fidem christiánam ubíque propagándam Ordinem Clericórum Regulárium, póstea Matris Dei nuncupátum, instítuit, quaprópter multas suscépit tribulatiónes, et Romæ fundaménta iecit Collégii de Propagánda Fide, ubi labórum póndere fractus plácide óbiit.
4. Commemorátio sancti Abrahæ, patriárchæ et ómnium credéntium patris, qui, Dómino vocánte, ab urbe Ur Chaldæórum, pátria sua, egréssus est et per terram errávit eídem et sémini eius a Deo promíssam. Item totam fidem suam in Deo manifestávit, cum, sperans contra spem, unigénitum Isaac ei iam seni a Dómino datum ex uxóre stérili in sacrifícium offérre non rénuit.
5. Laodicéæ in Syria, pássio sanctórum Diodóri, Diomédis et Dídymi.
6. Apud Iúliam in território Parménsi via Cláudia, sancti Domníni, mártyris.
7. Antiochíæ in Syria, commemorátio sanctæ Públiæ, quæ, cóniuge defúncto, monastérium ingréssa, luliáno imperatóre Apóstata transeúnte, davídicum illud « Simulácra géntium argéntum et aurum » et « Símiles illis fiant qui fáciunt ea » cum virgínibus suis canens, imperatóris iussu, álapis cæsa est et gráviter obiurgáta.
8 *. In pago Bigorrénsi ad clivum montis Pyrenæi, sancti Sabíni, eremítæ, qui monásticam vitam in Aquitánia illustrávit.
9 *. Tiférni Tiberíni in Umbria, sancti Domníni, eremítæ.
10. In Hannónia Austrásiæ, sancti Gisléni, qui monásticam vitam in celia a seípso exstrúcta duxit.
11. Apud Casínum, sancti Deúsdedit, abbátis, qui, a Sicérdo tyránno in cárcerem trusus, illic fame et ærúmnis conféctus spíritum Deo réddidit.
12 *. Brennóviæ in Bohémia, deposítio sancti Gunthéri, eremítæ, qui, sæculi delíciis relíctis, primum ad vitæ monásticæ látebras, dein étiam ad remótas inter Baváriam et Bohérriiam solitúdines silvárum secéssit, in quibus tarn coniúnctus Deo quam ab homínibus disiúnctus vixit et óbiit.
13 *. In monastério Montis Sálvii in Gállia, sancti Bernárdi Ruthenénsis, abbátis canonicórum regulárium.
14. Valéntiæ in Hispánia, sancti Ludovíci Bertrán, presbyteri ex Ordine Prædicatórum, qui in América Meridionáli vários indígenas pópulos Christi Evangélium dócuit et ab oppressóribus deféndit.
15. In loco Turón in Astúria Hispániæ regióne, sanctórum mártyrum Innocéntii ab Immaculáta (Emmanuélis) Canoura Arnau, presbyteri e Congregatióne Passiónis, et octo sociórum,e Frátribus Scholárum Christianárum, qui in illíus témporis tempestátibus in ódium fídei sine iudício extermináti suprémam victóriam adépti sunt.
Quorum nomina: sancti Cyrillus Bertrandus (losephus) Sanz Tejedor, Marcianus Iosephus (Philomenus) López López, Victorianus Pius (Claudius) Bernabé Cano, lulianus Alaphridus (Wilfridus) Fernández Zapico, Beniamin lulianus (Vincentius Alphonsus) Andrés, Augustus Andreas (Romanus) Martín Fernández, Benedictus a Iesu (Hector) Valdivielso Sáez et Anicetus Adolphus (Emmanuel) Seco Gutiérrez.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (1Thess 2, 9-12)
Mémores estis, fratres, labóris nostri et fatigatiónis; nocte et die operántes, ne quem vestrum gravarémus, prædicávimus in vobis evangélium Dei. Vos testes estis et Deus, quam sancte et iuste et sine queréla vobis, qui credidístis, fúimus; sicut scitis quáliter unumquémque vestrum, tamquam pater fílios suos, deprecántes vos et consolántes testificáti sumus, ut ambularétis digne Deo, qui vocat vos in suum regnum et glóriam.
For you remember, brethren, our labour and toil: working night and day, lest we should be chargeable to any of you, we preached among you the gospel of God. You are witnesses, and God also, how holily, and justly, and without blame, we have been to you that have believed: As you know in what manner, entreating and comforting you, (as a father doth his children,) We testified to every one of you, that you would walk worthy of God, who hath called you unto his kingdom and glory.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
