Hac die, quam fecit Dóminus, sollémnitas sollemnitátum et Pascha nostrum: Resurréctio Salvatóris nostri lesu Christi secúndum carnem.
Deinde pronuntiatur mentio diei sequentis ac menses, et leguntur elogia diei sequentis.
Die 5 aprilis
1. Sancti Vincéntii Ferrer, presbyteri ex Ordine Prædicatórum, qui, hispánus génere, per urbes et vias non cessávit Occidéntis peragráre regiónes, de Ecclésiæ pace et unitáte sollícitus, prædicans pópulis innúmeris Evangélium pæniténtiæ et advénturn Dómini, donec Dariórigi in Británnia Minóre Gálliæ spíritum Deo réddidit.
2. Thessalonícæ in Macedónia, sanctæ I rénes, vírginis et mártyris, quæ, cum sacros libros contra Diocletiáni edíctum occultásset, ad públicum lupánar ducta est, dein igne cremáta Dulcétii præsidis iussu, sub quo et soróres eius simul Agape et Chiónia passæ ántea erant.
3. Seleucíæ in Pérside, sanctæ Pherbúthæ, víduæ, quæ, soror sancti Simeónis epíscopi, cum pedísequa sua sub Sápore rege Secúndo martyrium consummávit.
4. Item, commemorátio centum úndecim virórum ac novem mulíerum, mártyrum, qui, e váriis locis in urbes régias collécti, cum Christum abnegáre et ignem adoráre constánter recusássent, eiúsdem regis iussu in ignem coniécti sunt.
5. Régiis in Mauretánia, pássio sanctórum mártyrum, qui in persecutióne Genseríci regis ariáni die Páschatis in ecclésia cæsi sunt; quorum lector, dum in púlpito « Allelúia » cantábat, sagítta guttur transfíxus est.
6. In monastério Silvæ Maióris in Aquitánia, sancti Geráldi, abbátis, qui, e monastério Corbeiénsi abbas Laudunénsis eléctus, post sanctas peregrinatiónes in silvam densam secéssit.
7 *. Monte Corbíno in Apúlia, sancti Albérti, epíscopi, qui contínuæ ad Deum preci et commúni páuperum utilitáti totam vitam præstitit.
8 *. Apud Fossas in Brabántia, sanctæ luliánæ, vírginis ex Ordine Sancti Augustíni, quæ, quondam prioríssa Montis Cornélii apud Leódium, divíno et humáno consílio roboráta, sollemnitátem Córporis Christi promóvit et reclúsam vitam egit.
9. Palmæ in ínsula Maiórica in Hispánia, sanctæ Catharínæ Tomás, vírginis, quæ, Ordinem Canonissárum Regulárium Sancti Augustíni ingréssa, contémptu sui et voluntátis abnegatióne enítuit.
10. Kaufbúræ ad Ilaram flumen in Bavária, sanctæ Maríæ Crescéntiæ (Annæ) Höss, vírginis, quæ, Tértii Ordinis Sancti Francísci sodális, fervórem Spíritus Sancti, quo ipsa ardébat, áliis communicáre Stúduit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Col 3,1-4)
Si conresurrexístis Christo, quæ sursum sunt quǽrite, ubi Christus est in déxtera Dei sedens; quæ sursum sunt sápite, non quæ supra terram. Mórtui enim estis, et vita vestra abscóndita est cum Christo in Deo! Cum Christus apparúerit, vita vestra, tunc et vos apparébitis cum ipso in glória.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
