2026-04-04 : Antiphonale monasticum, Ad Vesperas, Sabbato Sancto

Hora incipit absolute a prima antiphona.

annotation: 2*d;
%%
(c3) O(hi) mors,(iio) *(,) e(h)ro(i) mors(jh) tu(i)a;(i) (;) mor(fi)sus(hg) tu(fe)us(fe) (,) e(de)ro,(f) in(h)fér(f)ne.(f) (::)
E(i) u(h) o(i) u(j) a(h) e.(i) (::)

Ant. 1. O mors, ero mors tua, morsus tuus ero, inférne.

Ant. 1.

Psalmus 115 (116B)

Gratiarum actio in templo

Per ipsum (Christum) offeramus hostiam laudis semper Deo (Hebr 13, 15).

Crédidi, étiam cum locútus sum: * « Ego humiliátus sum nimis ».

Ego dixi in trepidatióne mea: * « Omnis homo mendax ».

Quid retríbuam Dómino * pro ómnibus, quæ retríbuit mihi?

Cálicem salutáris accípiam * et nomen Dómini invocábo.

Vota mea Dómino reddam * coram omni pópulo eius.

Pretiósa in conspéctu Dómini * mors sanctórum eius.

O Dómine, ego servus tuus, † ego servus tuus et fílius ancíllæ tuæ. * Dirupísti víncula mea:

tibi sacrificábo hóstiam laudis * et nomen Dómini invocábo.

Vota mea Dómino reddam * coram omni pópulo eius,

in átriis domus Dómini, * in médio tui, Ierúsalem.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: ;
%%
(c3) a/. O(hi) mors,(iio) (,) e(h)ro(i) mors(jh) tu(i)a;(i) (;) mor(fi)sus(hg) tu(fe)us(fe) (,) e(de)ro,(f) in(h)fér(f)ne.(f)
(::)

Ant. O mors, ero mors tua, morsus tuus ero, inférne.

Ant.

annotation: 2*a;
%%
(c3) SI(e)cut(f) fu(h)it(h) Io(h)nas(h) *() in(h) ven(h)tre(ij) ce(i)ti(i) (,) tri(h)bus(i) di(j)é(j)bus(i) et(h) tri(ij)bus(j) nó(i)cti(hi)bus,(i) (;) i(fi)ta(hg) e(fe)rit(f) (,) Fí(e)li(d)us(e) hó(f)mi(gxg)nis(h) in(gxg) cor(hi>)de(gxhg) ter(f)ræ.(f) (::)
E(i) u(h) o(i) u(j) a(h) e.(f) (::)

Ant. 2. Sicut fuit Ionas in ventre ceti tribus diébus et tribus nóctibus, ita erit Fílius hóminis in corde terræ.

Ant. 2.

Psalmus 139 (140)

Tu es refugium meum

Filius hominis traditur in manus peccatorum (Mt 26, 45).

Eripe me, Dómine, ab hómine malo, * a viro violéntiæ serva me.

Qui cogitavérunt mala in corde, * tota die constituébant prœ́lia.

Acuérunt linguas suas sicut serpéntis, * venénum áspidum sub lábiis eórum.

Custódi me, Dómine, de manu peccatóris † et a viro violéntiæ serva me, * qui cogitavérunt supplantáre gressus meos.

Abscondérunt supérbi láqueum mihi † et funes extendérunt in rete, * iuxta iter offendícula posuérunt mihi.

Dixi Dómino: « Deus meus es tu; * áuribus pércipe, Dómine, vocem deprecatiónis meæ ».

Dómine, Domine, virtus salútis meæ, * obumbrásti caput meum in die belli.

Ne concédas, Dómine, desidéria ímpii; * consília eius ne perfícias.

Exáltant caput, qui circúmdant me; * malítia labiórum ipsórum opériat eos.

Cadant super eos carbónes ignis, * in fóveas deícias eos, et non exsúrgant.

Vir linguósus non firmábitur in terra, * virum violéntiæ mala cápient in intéritu.

Cognóvi quia fáciet Dóminus * iudícium ínopis et vindíctam páuperum.

Verúmtamen iusti confitebúntur nómini tuo, * et habitábunt recti in conspéctu tuo.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: ;
%%
(c3) a/. Si(e)cut(f) fu(h)it(h) Io(h)nas(h) () in(h) ven(h)tre(ij) ce(i)ti(i) (,) tri(h)bus(i) di(j)é(j)bus(i) et(h) tri(ij)bus(j) nó(i)cti(hi)bus,(i) (;) i(fi)ta(hg) e(fe)rit(f) (,) Fí(e)li(d)us(e) hó(f)mi(gxg)nis(h) in(gxg) cor(hi>)de(gxhg) ter(f)ræ.(f)
(::)

Ant. Sicut fuit Ionas in ventre ceti tribus diébus et tribus nóctibus, ita erit Fílius hóminis in corde terræ.

Ant.

annotation: 3a;
%%
(c4) NE(g)mo(hi) tol(i)lit(i) a(i) me(i) *() á(ji)ni(h)man(j) me(j)am,(i) (;) sed(j) e(k)go(i) po(j)no(h) e(h)am(g) (,) et(g) í(go!hv)te(fe)rum(d) su(ef)mo(ggo) e(e)am.(e) (::)
E(i) u(i) o(j) u(h) a(j) e.(ih) (::)

Ant. 3. Nemo tollit a me ánimam meam, sed ego pono eam et íterum sumo eam.

Ant. 3.

Psalmus 140 (141)

In periculis oratio

Et ascendit fumus incensorum de orationibus sanctorum de manu angeli coram Deo (Ap 8, 4).

Dómine, clamávi ad te, ad me festína; * inténde voci meæ, cum clamo ad te.

Dirigátur orátio mea sicut incénsum in conspéctu tuo, * elevátio mánuum meárum ut sacrifícium vespertínum.

Pone, Dómine, custódiam ori meo * et vigíliam ad óstium labiórum meórum.

Non declínes cor meum in verbum malítiæ * ad machinándas machinatiónes in impietáte

cum homínibus operántibus iniquitátem; * et non cómedam ex delíciis eórum.

Percútiat me iustus in misericórdia et íncrepet me; † óleum autem peccatóris non impínguet caput meum, * quóniam adhuc et orátio mea in malítiis eórum.

Deiécti in manus duras iúdicum eórum, * áudient verba mea, quóniam suávia erant.

Sicut frusta dolántis et dirumpéntis in terra, * dissipáta sunt ossa eórum ad fauces inférni.

Quia ad te, Dómine, Dómine, óculi mei; * ad te confúgi, non effúndas ánimam meam.

Custódi me a láqueo, quem statuérunt mihi, * et a scándalis operántium iniquitátem.

Cadent in retiácula sua peccatóres simul, * ego autem ultra pertránseam.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: ;
%%
(c4) a/. Ne(g)mo(hi) tol(i)lit(i) a(i) me(i) () á(ji)ni(h)man(j) me(j)am,(i) (;) sed(j) e(k)go(i) po(j)no(h) e(h)am(g) (,) et(g) í(go!hv)te(fe)rum(d) su(ef)mo(ggo) e(e)am.(e)
(::)

Ant. Nemo tollit a me ánimam meam, sed ego pono eam et íterum sumo eam.

Ant.

annotation: 5a;
%%
(c3) SOL(f)vi(d)te(f) tem(h)plum(i>) hoc,(h) *(,) di(h)cit(hi) Dó(j)mi(ih)nus,(h) (;) et(h) post(hi) trí(j)du(ih)um(h) (,) re(h)æ(h)di(hg)fi(f)cá(fi)bo(hi) il(f)lud:(f) (:) Hoc(hf) au(hi)tem(h) di(g)cé(h)bat(f) (,) de(f) tem(d)plo(f) cór(h)po(gxg)ris(e) su(e)i.(d) (::)
E(h) u(h) o(i) u(g) a(h) e.(f) (::)

Ant. 4. Sólvite templum hoc, dicit Dóminus, et post tríduum reædificábo illud. Hoc autem dicébat de templo córporis sui.

Ant. 4.

Psalmus 142 (143)

In angustiis oratio

Non iustificatur homo ex operibus legis nisi per fidem Iesu Christi (Gal 2, 16).

Dómine, exáudi oratiónem meam, † áuribus pércipe obsecratiónem meam in veritáte tua; * exáudi me in tua iustítia.

Et non intres in iudícium cum servo tuo, * quia non iustificábitur in conspéctu tuo omnis vivens.

Quia persecútus est inimícus ánimam meam, * contrívit in terra vitam meam,

collocávit me in obscúris * sicut mórtuos a sǽculo.

Et anxiátus est in me spíritus meus, * in médio mei obríguit cor meum.

Memor fui diérum antiquórum, † meditátus sum in ómnibus opéribus tuis, * in factis mánuum tuárum recogitábam.

Expándi manus meas ad te, * ánima mea sicut terra sine aqua tibi.

Velóciter exáudi me, Dómine; * defécit spíritus meus.

Non abscóndas fáciem tuam a me, * ne símilis fiam descendéntibus in lacum.

Audítam fac mihi mane misericórdiam tuam, * quia in te sperávi.

Notam fac mihi viam, in qua ámbulem, * quia ad te levávi ánimam meam.

Eripe me de inimícis meis, * Dómine, ad te confúgi.

Doce me fácere voluntátem tuam, * quia Deus meus es tu.

Spíritus tuus bonus dedúcet me * in terram rectam;

propter nomen tuum, Dómine, vivificábis me. * In iustítia tua edúces de tribulatióne ánimam meam

et in misericórdia tua dispérdes inimícos meos; † et perdes omnes, qui tríbulant ánimam meam, * quóniam ego servus tuus sum.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: ;
%%
(c3) a/. Sol(f)vi(d)te(f) tem(h)plum(i>) hoc,(h) (,) di(h)cit(hi) Dó(j)mi(ih)nus,(h) (;) et(h) post(hi) trí(j)du(ih)um(h) (,) re(h)æ(h)di(hg)fi(f)cá(fi)bo(hi) il(f)lud:(f) (:) Hoc(hf) au(hi)tem(h) di(g)cé(h)bat(f) (,) de(f) tem(d)plo(f) cór(h)po(gxg)ris(e) su(e)i.(d)
(::)

Ant. Sólvite templum hoc, dicit Dóminus, et post tríduum reædificábo illud. Hoc autem dicébat de templo córporis sui.

Ant.

Responsorium breve

r. Christus factus est pro nobis obœ́diens usque ad mortem, mortem autem crucis; propter quod et Deus exaltávit illum et dedit illi nomen quod est super omne nomen.

v. Eripe me de inimícis meis, Deus meus. r. Et ab insurgéntibus in me prótege me.

annotation: 7a;
%%
(c3) CLA(e)ri(g)fi(h)cá(i)tus(h) est(f) *(,) Fí(f)li(h)us(g) hó(e)mi(e)nis,(e) (;) et(b) De(bed/ef)us(e) cla(f)ri(ed)fi(e)cá(fi)tus(hg) est(hiih) in(fhg) e(e)o.(e) (::)
E(i) u(i) o(j) u(i) a(h) e.(gf) (::)

Ant. Clarificátus est Fílius hóminis, et Deus clarificátus est in eo.

Ant.

Canticum Evangelicum (Lc 1, 46-55)

Exultatio animæ in Domino

Magníficat ✠ ánima mea Dóminum, * et exsultávit spíritus meus in Deo salvatóre meo,

quia respéxit humilitátem ancíllæ suæ. * Ecce enim ex hoc beátam me dicent omnes generatiónes,

quia fecit mihi magna, qui potens est, * et sanctum nomen eius,

et misericórdia eius in progénies et progénies * timéntibus eum.

Fecit poténtiam in bráchio suo, * dispérsit supérbos mente cordis sui;

depósuit poténtes de sede * et exaltávit húmiles;

esuriéntes implévit bonis * et dívites dimísit inánes.

Suscépit Israel púerum suum, * recordátus misericórdiæ,

sicut locútus est ad patres nostros, * Abraham et sémini eius in sǽcula.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

annotation: ;
%%
(c3) a/. Cla(e)ri(g)fi(h)cá(i)tus(h) est(f) (,) Fí(f)li(h)us(g) hó(e)mi(e)nis,(e) (;) et(b) De(bed/ef)us(e) cla(f)ri(ed)fi(e)cá(fi)tus(hg) est(hiih) in(fhg) e(e)o.(e)
(::)

Ant. Clarificátus est Fílius hóminis, et Deus clarificátus est in eo.

Ant.

"Oremus" omittitur, et sub silentio concluditur.

Omnípotens sempitérne Deus, cuius Unigénitus ad inferióra terræ descéndit, unde et gloriósus ascéndit, † concéde propítius, ut fidéles tui, cum eo consepúlti in baptísmate, * ipso resurgénte, ad vitam profíciant sempitérnam. Qui tecum.