Die 23 martii
1. Sancti Turíbii de Mogrovejo, epíscopi Limáni, qui, láicus iurisperítus ex Hispánis oriúndus, ad hanc sedem eléctus Américam pétiit et, apostólico zelo flagrans, amplam diœcésim plúries, pédibus sæpe, visitávit, gregi ipsi commísso assídue provídit, abúsus et scándala in clero synodis profligávit, Ecclésiam strénue deféndit, pópulos natívos catechizávit ac convértit, donec Sannæ in Perúvia tandem quiévit.
2 *. In Cornúbia, sancti Fingar seu Guignéri, mártyris.
3. Commemorátio sanctórum mártyrum Victoriáni, procónsulis Cartháginis, et duórum fratrum germanórum Aquæregénsium; item Fruméntii et alteríus Fruméntii, mercatórum, qui omnes in persecutióne vandálica, sub Hunneríco rege ariáno, pro constántia christiánæ confessiónis immánibus supplíciis cruciáti egrégie coronáti sunt.
4 *. Pontísaræ apud Parísios in Gállia, sancti Gualtérii, primi abbátis monastérii loci, qui, solitúdinis amóre posthábito, disciplínam regulárem exémplo suo mónachos dócuit et in clero simoníacos mores profligávit.
5 *. Ariáni in Hirpínia, sancti Othónis, eremítæ.
6 *. Eugúbii in Umbria, beáti Petri, presbyteri ex Ordine Eremitárurri Sancti Augustíni.
7 *. Eboráci in Anglia, beáti Edmúndi Sykes, presbyteri et mártyris, qui, sub Elísabeth regína Prima propter sacerdótium exsílio afféctus, cum Angliam íterum petivísset, extrémis patíbuli supplíciis tráditus est.
8 *. In loco Haas prope Eblánarri in Hibérnia, beáti Petri Higgins, presbyteri ex Ordine Prædicatórurri et mártyris, qui ob fidelitátem Ecclésiæ Románæ servátam sub Cárolo rege Primo sine iudício láqueo suspénsus est.
9. Barcinóne in Hispánia, sancti Ioséphi Oriol, presbyteri, qui córporis afflictatióne, paupertátis cultu et contínua oratióne in Deum semper inténtus fuit et gáudio cælésti replétus.
10 *. In vico Cemmo in Langobárdia Itáliæ, beátæ Annuntiátæ Cocchetti, vírginis, quæ Institútum Sorórum a Sancta Dorothéa nuper fundátum sapiéntia, fortitúdine et humilitáte rexit.
11. Apud ad-Dahr in Líbano, sanctæ Rebéccæ de Himláya arRayyãs, vírginis ex Ordine Libanénsi Sancti Antónii Maronitárum, quæ trigínta annos óculis capta, dein membris ómnibus infirmitáte quoque affécta, soli Deo confísa tota in oratióne permánsit.
12 *. Leopoldópoli in Slováchia, beáti Methódii Domínici Trčka, presbyteri e Congregatióne Sanctíssimi Redemptóris et mártyris, cuius terréna peregrinátio, témpore persecutiónis fídei, glorióso martyrio in vitam ætérnam mutáta est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Is 50, 5-7)
Dóminus Deus apéruit mihi aurem; ego autem non rebellávi, retrórsum non ábii. Dorsum meum dedi percutiéntibus et genas meas velléntibus: fáciem meam non avérti ab increpatiónibus et sputis. Dóminus Deus auxiliátor meus; ídeo non sum confúsus, ídeo pósui fáciem meam ut petram duríssimam, et scio quóniam non confúndar.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
