Die 10 maii
1. Sancti Ioánnis De Avila, presbýteri et Ecclésiæ doctóris, qui cunctam Bǽticam regiónem in Hispánia Christum prǽdicans pererrávit et, iniúste de hǽresi suspicátus, in cárcerem trusus est, ubi præcípuam doctrínæ suæ spiritális partem scripsit.
2. Commemorátio sancti lob, admirándæ patiéntiæ viri in terra Hus.
3. Myræ in Lycia, sancti Dioscóridis, mártyris.
4. Leóntii in Sicília, sanctórum Alphii, Philadélphii et Cyrínii, mártyrum.
5. Romæ via Latína, sancti Gordiáni, mártyris, qui sepúltus est in crypta, in qua iam pridem sancti Epímachi mártyris relíquiæ colebántur.
6. Ibídem, commemorátio sanctórum Quarti et Quinti, mártyrum.
7 *. In Hibérnia, sancti Comgálli, abbátis, qui célebre monastérium Bancorénse fundávit atque sápiens pater ac prudens dux magni monachórum ágminis éxstitit.
8. Apud Taréntum in Apúlia, sancti Catáldi, epíscopi et peregríni, qui e Scótia venísse créditur.
9 *. Apud Biturígas in Aquitánia, sanctæ Solóngiæ, vírginis, quæ ad castitátem servándam martyrio se subiecísse tráditur.
10 *. Pontísaræ apud Parísios in Gállia, sancti Guliélmi, presbyteri, qui, anglus natióne, párochus factus animárum zelo et pietátis stúdio cláruit.
11 *. Patávii in Venétia, beátæ Beatrícis Esténsis, vírginis, quæ cœnóbium Gémmulæ in cóllibus Eugáneis instítuit et, brevi quidem vitæ Spátio, árduum sanctitátis iter moniális perégit.
12 *. Senis in Etrúria, tránsitus beáti Nicolái Albergati, epíscopi Bononiénsis, qui iúvenis in Ordinem Cartusianórum ingréssus est et, epíscopus ordinátus, zelo pastoráli et apostólicis legatiónibus Ecclésiæ magnópere prófuit.
14. Montíliæ in Vandalícia Hispániæ província, sancti Ioánnis de Abula, presbyteri, qui cunctam Bæticam regiónem Christus pr dicans pererrávit et, iniúste de hæresi suspicátus, in cárcerem trusus est, ubi præcípuam doctrínæ suæ spiritális partem scripsit.
15 *. Zagábriæ in Croátia, beáti Ioánnis Merz, qui, humanárum litterárum stúdio et institutióni déditus, fúlgidum iuvénibus præbuit exémplum magístri Christi fídei inníxi et navitátis christifidélium laicórum in provéctum societátis.
16 *. Cremónæ in Itália, beáti Henríci Rebuschini, presbyteri ex Ordine Clericórum Regulárium Ministrántium Infírmis, qui in valetudináriis ægrótis simplíciter servívit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Act 13, 30-33)
Deus suscitávit Iesum a mórtuis; qui visus est per dies multos his, qui simul ascénderant cum eo de Galilæa in Ierúsalem, qui nunc sunt testes eius ad plebem. Et nos vobis evangelizámus eam, quæ ad patres promíssio facta est, quóniam hanc Deus adimplévit fíliis eórum, nobis resúscitans Iesum, sicut et in Psalmo secúndo scriptum est: Fílius meus es tu; ego hódie génui te.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
