Die 2 ianuarii
1. Memória sanctórum Basilíi Magni et Gregórii Nazianzéni, episcopórum et Ecclésiæ doctórum. Basilíus, epíscopus Cæsariénsis in Cappadócia, magnus doctrína et sapiéntia appellátus, meditatiónem Scripturárum laborémque in obœdiéntia et in fratérna caritáte mónachos dócuit, quorum régulis a seípso conféctis ordinávit vitam, egrégiis scriptis fidéles erudívit atque cura pastoráli páuperum et infirmórum enítuit; óbiit die prima ianuárii. Gregórius, amícus eius, epíscopus Sasiménsis, deínde Constantinopolitánus, tandem Nazianzénus, divinitátem Verbi magno cum ardóre deféndit, quam ob rem étiam Theólogus est appellátus. Tantórum doctórum coniúncta memória gaudet Ecclésia.
2. Romæ, deposítio sancti Telésphori, papæ, qui, teste sancto Iremo, séptimus ab Apóstolis epíscopus constitútus, gloriósum martyrium duxit.
3. In território Coráno miliário trigésimo ab Urbe, sanctórum Argéi, Narcíssi et Marcellíni, mártyrum.
4 *. Massíliæ in Província Gálliæ, sancti Theodóri, epíscopi, qui, cum disciplínam ecclesiásticarri institúere conátus esset, a Childebérto et Guntrámno régibus multátus est terque in exsílium pulsus.
5 *. In monastêrio Bobiénsi in Æmília, sancti Bladúlphi, presbyteri et mónachi, sancti Columbáni discípuli.
6. Medioláni in Langobárdia, sancti Ioánnis Boni, epíscopi, qui sedem episcopálem, Génuæ éxsulem Langobardórum causa, civitáti suæ restítuit, fide ac bonis móribus Deo et homínibus gratus.
7 *. In agro Tutelénsi in Aquitánia, sancti Vincentiáni, eremítæ. 8 *. Limeríci in Hibérnia, sancti Mainchíni, qui epíscopus cólitur.
9. In monastério Corbeiénsi in pago Gálliæ Ambianénsi, sancti Adalhárdi, abbátis, qui ómnia ita dispósuit, ut unicuíque satis essent, scílicet nec cuíquam superflúerent nec in vácuum quid períret, sed ad Dei laudem benígne daréntur.
10 *. Mauriánæ in Sabáudia, sancti Airáldi, epíscopi, qui, turn in Portárum solitúdine turn in Maurianénsi sede, pastóris prudéntiæ et consílio austeritátem morésque cartusianórum coniúnxit.
11 *. Troynæ in Sicília, sancti Silvéstri, abbátis, sub sanctórum Patrum orientálium disciplína.
12 *. Fori Lívii in Æmília, beáti Marcolíni Amanni, presbyteri ex Ordine Prædicatórum, qui in siléntio ac solitúdine, necnon in servítio páuperum et in puerórum cura totam vitam humíllima simplicitáte perdúxit.
13 *. Soncíni in Langobárdia, beátæ Stéphariæ Quinzani, vírginis, soróris Tértii Ordinis Sancti Domínici, contemplatióni domínicæ passiónis necnon christiánæ institutióni puellárum assídue déditæ.
14 *. Andégavi in Gállia, beatórum Guliélmi Repin et Lauréntii Båtard, presbyterórum et mártyrum, qui, gállica perturbatióne grassánte, ob fidelitátem erga Ecclésiam cápite truncáti sunt.
15 *. In civitáte Machine in Quebecénsi província Cánadæ, beátæ Maríæ Annæ (Maríæ Stellæ) Soureau-Blondin, vírginis, quæ, ad iuventútem us que litterárum ignára, Congregatiónem Sorórum Sanctæ Annæ fundávit pro fíliis agricolárum instituéndis, semper in rninistério egrégium præbens exémplum magístræ iuventútis.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Sap 18,1-3)
Sanctis tuis máxima erat lux; et horum quidem vocem illi audiébant, sed figúram non vidébant et, quia non et ipsi éadem passi erant, magnificábant; quóniam autem, qui ante læsi erant, non lædébant, grátias agébant et, quod eos ante distulíssent, donum petébant. Propter quod ignis ardéntem colúmnam, ducem ignótæ viæ, et solem sine læsúra gloriósæ peregrinatiónis præstitísti.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
