Le monde attend que l'Eglise redevienne une société de louange

Die 6 ianuarii
   1. Sollémnitas Epiphaníæ Dómini, in qua triplex recólitur magni Dei et Dómini nostri Iesu Christi manifestátio: in Béthlehem, Iesus infans a magis est adorátus; in Iordáne a Ioanae baptizátus, a Spíritu Sancto unctus et a Deo Patre Fílius vocátus; in Cana Galileae ad núptias aquam in vinum novum mutans glóriam suam manifestávit.
   
   2. Antínoe in Thebáide, sanctórum luliáni et Basilíssæ, mártyrum.
   
   3 *. Nannétibus in Británnia Minóre, sancti Felícis, epíscopi, qui próprii zeli testimónium concívibus desérviens perhíbuit, ecclésiam cathedrálem ædificávit necnon ruráles gentes continénter evangelizávit.
   
   4 *. Herbípoli in Francónia Germániæ, beáti Macárii, abbátis, qui primus monastério Scottórum in hac civitáte præfuit.
   
   5. Barcinóne in Cataláunia Hispániæ, sancti Raymúndi de Penyafort, cuius memória crástina die ágitur.
   
   6 *. Famagústæ in Cypro ínsula, tránsitus sancti Petri Thomæ, epíscopi Constantinopolitáni, ex Ordine Carmelitárum, qui Románi Pontíficis in Oriénte legáti missióne functus est.
   
   7. Fæsulis in Etrúria, sancti Andréæ Corsini, epíscopi, ex Ordine Carmelitárum, qui, austeritáte et assídua sanctárum Scripturárum meditatióne insígnis, convéntus peste vastátos restítuit et Ecclésiam suam sapiénter rexit, paupéribus solácium áfferens et dissidéntes reconcílians.
   
   8. Valéntiæ in Hispánia, sancti Ioánnis de Ribera, epíscopi, vices quoque regis geréntis, qui, sanctíssimæ Eucharístiæ cultor et veritátis cathólicæ defénsor, pópulum diutúrnis institutiónibus erudívit.
   
   9. Romæ, sancti Cároli de Sétia, religiósi ex Ordine Fratrum Minórum, qui, inde a puerítia victum cotidiánum sibi comparáre coáctus, cómites ad imitatiónem Christi ac sanctórum inducébat et tandem, ut exoptábat, franciscáli veste indútus ante Sanctíssimum altáris Sacraméntum in adoratiónem se impéndit.
   
   10. Item Romæ, sanctæ Raphǽlæ Maríæ a Sacro Corde Porras Ayllón, vírginis, quæ Congregatiónem Ancillárum Sacratíssimi Cordis Iesu instítuit, at mente capta iudicáta in tribulatiónibus et pæniténtia vitam nsign complévit.
   
   11 *. Marianópoli in província Quebecénsi Cánadæ, sancti Andréæ (Alaphrídi) Bessette, religiósi e Congregatióne a Sancta Cruce qui nsigne sanctuárium in honórem sancti loseph ædificándum ibídem curávit.
   
   
   Et álibi aliórum plurimórum sanctórum Mártyrum et Confessórum, atque sanctárum Vírginum.
   
   r. Deo grátias.
   
   v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
   
Lectio brevis (Is 60, 1.3.6)
   Surge, illumináre, quia venit lumen tuum, et glória Dómini super te orta est. Et ambulábunt gentes in lúmine tuo, et reges in splendóre ortus tui. Inundátio camelórum opériet te, dromedárii Mádian et Epha; omnes de Saba vénient, aurum et tus deferéntes et laudem Dómini annuntiántes.
   
   Verbum Dómini. r. Deo grátias.
   
   Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
   
Absente sacerdote vel diacono, et in recitatione a solo, sic concluditur:
    Dóminus nos benedícat, et ab omni malo deféndat, et ad vitam perdúcat ætérnam. r. Amen.
   
   Et fidélium ánimæ per misericórdiam Dei requiéscant in pace. r. Amen.
   
   v. Ite in pace. r. Deo grátias.
   
Retour en haut