2026-01-10 : Antiphonale Romanum, Ad Nonam, De Eo. Post Epiphaniam

%%
(c3) DE(h)us,(h) (,)in(h) ad(h)iu(h)tó(hi)ri(h)um(h) me(h)um(h) in(h)tén(h)de.(h) r/.(::) Dó(h)mi(h)ne,(h) (,) ad(h) ad(h)iu(h)ván(h)dum(h) me(h) fes(h)tí(h)na.(h) (:) Gló(h)ri(h)a(h) Pa(h)tri,(h) et(h) Fí(h)li(h)o,(h) (,) et(h) Spi(h)rí(h)tu(h)i(h) Sanc(h)to.(h) (:)
Si(h)cut(h) e(h)rat(h) in(h) prin(h)cí(h)pi(h)o,(h) et(h) nunc,(h) et(h)
sem(h)per,(h) (,) et(h) in(h) sǽ(h)cu(h)la(h) sæ(h)cu(h)ló(h)rum.(h)
Am(h)en.(h:) Al(h)le(hi)lú(h)ia.(h) (::)

v. Deus, ✠ in adiutórium meum inténde. r. Dómine, ad adiuvándum me festína. Glória Patri, et Fílio, et Spirítui Sancto. Sicut erat in princípio, et nunc et semper, et in sǽcula sæculórum. Amen. Allelúia.

Hymnus

annotation: 8;
%%
(c3) TER(d)nis(e) ho(fh)rá(h)rum(e) tér(f)mi(d)nis(e) (,) vo(h)lú(hg)tis,(f) dan(h)te(e) Dó(fe)mi(de)no,(e) (;) tri(h)num(h) per(i)féc(j)t<i>e</i> et(h) ú(i)ni(h)cum(fe) (,) ip(e)sum(e) de(d)vó(c)ti(d) psál(fe)li(de)mus.(e) (::)

2. Sa(d)crum(e) De(fh)i(h) mys(e)té(f)ri(d)um(e) (,) pu(h)ro(hg) te(f)nén(h)tes(e) péc(fe)to(de)re,(e) (;) Pe(h)tri(h) ma(i)gís(j)tri(h) ré(i)gu(h)la(fe) (,) si(e)gno(e) sa(d)lú(c)tis(d) pró(fe)di(de)ta,(e) (::)

3. Et(d) nos(e) psal(fh)la(h)mus(e) spí(f)ri(d)tu,(e) (,) hæ(h)ren(hg)tes(f) sic(h) a(e)pós(fe)to(de)lis,(e) (;) ut(h) plan(h)tas(i) ad(j)huc(h) dé(i)bi(h)les(fe) (,) Chris(e)ti(e) vir(d)tú(c)te(d) dí(fe)ri(de)gant.(e) (::)

4. De(d)o(e) Pa(fh)tri(h) sit(e) gló(f)ri(d)a(e) (,) e(h)iús(hg)que(f) so(h)li(e) Fí(fe)li(de)o(e) (;) cum(h) Spí(h)ri(i)tu(j) Pa(h)rá(i)cli(h)to,(fe) (,) in(e) sem(e)pi(d)ter(c)na(d) sǽ(fe)cu(de)la.(e) (::) A(efe)men.(de) (::)

Ternis horárum términis volútis dante Dómino, trinum perfécte et únicum ipsum devóti psállimus.

Sacrum Dei mystérium puro tenéntes péctore, Petri magístri régula signo salútis pródita,

Et nos psallámus spíritu, hæréntes sic apóstolis, ut plantas adhuc débiles Christi virtúte dírigant.

Deo Patri sit glória eiúsque soli Fílio cum Spíritu Paráclito, in sempitérna sǽcula. Amen.

Ant. Ecce dedi te in lucem géntium, ut sis salus mea usque ad extrémum terræ.

Ant.

Psalmus 118 (119), 81-88

XI (Caph)

Defécit in salutáre tuum ánima mea, * et in verbum tuum supersperávi.

Defecérunt óculi mei in elóquium tuum, * dicéntes: «Quando consoláberis me?».

Quia factus sum sicut uter in fumo; * iustificatiónes tuas non sum oblítus.

Quot sunt dies servi tui? * Quando fácies de persequéntibus me iudícium?

Fodérunt mihi fóveas supérbi, * qui non sunt secúndum legem tuam.

Omnia præcépta tua véritas; * dolóse persecúti sunt me: ádiuva me.

Paulo minus consummavérunt me in terra, * ego autem non derelíqui mandáta tua.

Secúndum misericórdiam tuam vivífica me, * et custódiam testimónia oris tui.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 60 (61)

Exsulis oratio

Oratio iusti æterna sperantis (S. Hilarius).

Exáudi, Deus, deprecatiónem meam, * inténde oratióni meæ.

A fínibus terræ ad te clamávi, † dum anxiarétur cor meum. * In petram inaccéssam mihi deduc me!

Quia factus es spes mea, * turris fortitúdinis a fácie inimíci.

Inhabitábo in tabernáculo tuo in sǽcula, * prótegar in velaménto alárum tuárum,

quóniam tu, Deus meus, exaudísti vota mea, * dedísti hereditátem timéntium nomen tuum.

Dies super dies regis adícies, * annos eius usque in diem generatiónis et generatiónis.

Sédeat in ætérnum in conspéctu Dei; * misericórdia et véritas servent eum.

Sic psalmum dicam nómini tuo in sǽculum sǽculi, * ut reddam vota mea de die in diem.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Psalmus 63 (64)

Contra hostes oratio

Maxime Domini passio commendatur in hoc psalmo (S. Augustinus).

Exáudi, Deus, vocem meam in meditatióne mea; * a timóre inimíci custódi ánimam meam.

Prótege me a convéntu malignántium, * a multitúdine operántium iniquitátem.

Qui exacuérunt ut gládium línguas suas, † intendérunt sagíttas suas, venéfica verba * ut sagíttent in occúltis immaculátum.

Súbito sagittábunt eum et non timébunt, * firmavérunt sibi consílium nequam.

Disputavérunt, ut abscónderent láqueos, * dixérunt: «Quis vidébit eos?».

Excogitavérunt iníqua, † perfecérunt excogitáta consília. * Interióra hóminis et cor eius abyssus.

Et sagittávit illos Deus; † súbito factæ sunt plagæ eórum, * et infirmávit eos língua eórum.

Caput movébunt omnes, qui vidébunt eos, * et timébit omnis homo;

et annuntiábunt ópera Dei * et facta eius intéllegent.

Lætábitur iustus in Dómino et sperábit in eo, * et gloriabúntur omnes recti corde.

Glória Patri, et Fílio, * et Spirítui Sancto.

Sicut erat in princípio, et nunc et semper, * et in sǽcula sæculórum. Amen.

Ant. Ecce dedi te in lucem géntium, ut sis salus mea usque ad extrémum terræ.

Ant.

Lectio brevis (Mic 2, 12)

Congregatióne congregábo, Iacob, totum te; in unum condúcam relíquias Israel, páriter ponam illum quasi gregem in ovíli, quasi pecus in médio páscuæ.

v. Benedícite, gentes, Deum nostrum. r. Et audítam fácite vocem laudis eius.

Orémus.

Postea dicitur immediate et sine orémus oratio propria, cum conclusione longiore.

Omnípotens sempitérne Deus, qui per Unigénitum tuum novam creatúram nos tibi esse fecísti, † præsta, quǽsumus, ut per grátiam tuam in illíus inveniámur forma, * in quo tecum est nostra substántia. Per Dóminum.

Si præest sacerdos vel diaconus :

Dóminus vobíscum.

r. Et cum spíritu tuo.

Benedícat vos omnípotens Deus, Pater, ✠ et Fílius, et Spíritus Sanctus.

r. Amen.

Vel alia formula benedictionis, sicut in Missa.

Et si fit dimissio, sequitur invitatio:

%%
(c3) BE(h)ne(h)di(h)cá(h)mus(h) Dó(f)mi(ef)no.(f) r/.(::) De(h)o(h) grá(f)ti(ef)as.(f) (::)

v. Benedicámus Dómino. r. Deo grátias.

Absente sacerdote vel diacono, et in recitatione a solo, sic concluditur:

Dóminus nos benedícat, et ab omni malo deféndat, et ad vitam perdúcat ætérnam. r. Amen.