Die 28 ianuarii
1. Memória sancti Thomæ de Aquíno, presbyteri ex Ordine Prædicatórum et Ecclésiæ doctóris, qui, summis intelléctus donis prǽditus, oratiónibus et scriptis exímiarri sapiéntiam suam áliis trádidit. Ad Concílium Œcuménicum Lugdunénse Secúndum ab ipso beáto Gregório papa Décimo vocátus iter fáciens, in monastério Fossænóvæ in Látio die séptima mártii óbiit et rnultis post anriis hac die corpus eius Tolósam translátum est.
2. In monastério Reomænsi apud Língones in Néustria, sancti Ioánnis, presbyteri, viri Deo devóti, qui mónachos sub Régula sancti Macárii congregávit.
3. Commemorátio sancti lacóbi, eremítæ in Palæstína, qui pæniténtiæ causa diu in sepúlcro látuit.
4. Conchæ Valériæ in Nova Castélla Hispániæ, sancti luliáni, epíscopi, qui, secúndus antístes post recuperátam a Mauris civitátem Ecclésiam illustrávit, in páuperes bona Ecclésiæ érogans et ópera mánuum victum cotidiánum sibi cómparans.
5 *. Apud Sanctum Frediánum prope Pisas in Etrúria, beáti Bartholomæi Aiutamicristo, religiósi ex Ordine Camaldulénsium.
6 *. In vico Plêzin in Británnia Minóre Gálliæ regióne, beáti luliáni Maunoir, presbyteri e Societáte Iesu, qui tarn in pagis et vicis quam in úrbibus huius provínciæ quadragínta duos annos missiónibus totum se devóvit.
7. In urbe Maokou provínciæ Guizhou in Sinis, sanctórum Agathæ Lin Zhao, vírginis, Hierónymi Lu Tingmei et Lauréntii Wang Bing, mártyrum, qui, catechístæ, sub imperatóre Wenzongxian ut christiáni deláti sunt et demum cápite truncáti.
8. In urbe Daijiazhuang in província Shandong meridionáli Sinárum, sancti Ioséphi Freinadernetz, presbyteri e Societáte a Verbo Divíno, qui ad opus evangelizatiónis in hac regióne indefésse adlaborávit.
9 *. In civitáte Picassent in pago Valentíno Hispániæ, beátæ Maríæ Aloysiæ Montesinos Orduíía, vírginis et mártyris, quæ, persecutióne erga fidem sæviénte, per martyrium victóriæ Christi párticeps facta est.
10 *. In campo detentiónis óppidi Hharsb prope Tomíscum in Sibiriána Rússiæ província, beátæ Olympiæ (Olgæ) Bidà, vírginis e Congregatióne Sorórum Sancti loseph et mártyris, quæ in regímine persecutiónis erga fidem pro Christi amóre ómnia tolerávit advérsa.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 39,1-3)
Qui accómmodat ánimam suam ad timórem Dei et in lege Altíssimi meditátur, sapiéntiam ómnium antiquórum exquíret et in prophetíis vacábit. Narratiónem virórum nominatórum conservábit et in versútias parabolárum simul introíbit. Occúlta proverbiórum exquíret et in abscónditis parabolárum conversábitur.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
