Die 30 ianuarii
1. Hierosólymæ, sancti Matthíæ, epíscopi, qui, multa pro Christo perpéssus, demum in pace quiévit.
2. Edéssæ in Osrhoéne, sancti Barsimæi, epíscopi, qui pro Christi fide sub Décio imperatóre verbéribus afféctus esse refértur, sed, exácta persecutióne, e cárcere dimíssus réliquum vitæ tempus in Ecclésiæ ipsi commíssæ régimen summam impendísse óperam.
3. Romæ, commemorátio sanctæ Martínæ, sub cuius título Donus papa basílicam in foro románo dedicávit.
4. Calæ ad Mátronam in pago Gálliæ Parisiénsi, sanctæ Bathíldis, quæ, regína, cœnóbia sub Régula sancti Benedícti ex more Luxoviénsi fundávit, post cóniugis Clodovéi Secúndi mortem Francórum regni gubernácula suscépit et, fílio regnánte, novíssimos annos sub íntegra religiónis régula conversáta est.
5. Malbódii in Néustria, sanctæ Aldegúndis, abbatíssæ, témpore Dagobérti regis.
6. Pápiæ in Langobárdia, sancti Armentárii, epíscopi, qui corpus sancti Augustíni, a rege Liutprándo translátum, sollémniter in basílica Sancti Petri in Cælo Aureo repósuit.
7. Pássio sancti Theóphili, cognoménto Iúvenis, mártyris, qui præféctus classis christianórum, ab hóstibus apud Cyprum captus et ad ‘Arun suprémum Saracenórum príncipem perdúctus, cum nec donis nec minis ut Christum negáret flecti posset, gládio cæsus est.
8 *. Burgis in Vétere Castélla Hispániæ regióne, sancti Adelélmi, abbátis, qui sacéllum Sancti Ioánnis una cum xenodochío in formam monastérii convértit.
9 *. Eblánæ in Hibérnia, tránsitus beáti Francísci Taylor, mártyris, qui, paterfarriílias, septem annos cárcerem propter fidem cathólicam perpéssus, tribulatiónibus et senectúte corréptus sub lacóbo rege Primo martyriurri complévit.
10. Vitérbii in Túscia, sanctæ Hyacínthæ Mariscotti, vírginis e Tértio Ordine Regulári Sancti Francísci, quæ, quíndecim annos in inánibus delectaméntis versáta, aspérrimam ampléxa est conversatiónem et confraternitátes excitávit ad senes consolándos et ad sanctam Eucharístiam adorándam.
11. Augústæ Taurinórum in Subalpínis, beáti Sebastiáni Valfré, presbyteri e Congregatióne Oratórii, qui in páuperes, infírmos et deténtos in carcéribus adiuvándos se totum impéndit et amicítia enixáque caritáte multos ad Christum perdúxit.
12. Seuli in Coréa, sancti mártyris Pauli Hó Hyób, qui, miles, propter fídei professiónem comprehénsus et cruciátibus afféctus, víribus deficiéntibus, labi visus est, sed cum pænituísset, statim coram iúdice fidem Christi confirmávit, quare post diutúrnum cárcerem íctibus fractus occúbuit.
13. In Tunquíno, sancti Thomæ Khuông, presbyteri et mártyris, qui, in persecutióne TQ Eïtíc imperatóris christiánum se esse invícto ánimo proféssus, in custódiam tráditus est et ante crucem génibus nixus secúri interféctus.
14. Guadalaxáræ in México, sancti Dávidis Galván, presbyteri et mártyris, qui in persecutióne mexicána, quod sanctitátem matrimónii vindicavísset, a mílite sine iudício plumbis cæsus gloriósam corónam adéptus est.
15 *. Malónnæ in Bélgio, sancti Muciáni Maríæ (Aloysii) Wiaux, fratris Scholárum Christianárum, qui totam fere vitam sumrna constántia ac perpétua alacritáte in educándos iúvenes incúbuit.
16 *. In monastério Sancti Benedícti de Maretíolo item in Bélgio, beáti Colúmbæ (Ioséphi) Marmion, qui, in Hibérnia natus, sacerdótio auctus et abbas in Ordine Sancti Benedícti dein efféctus, ut cœnóbii pater et animárum ductor sanctitáte vitæ, spiritáli doctrína et eloquéntia enítuit.
17 *. In vico Torrent in Hispánia, beátæ Carmélæ García Moyón, ártyris, quæ, férvida doctrínæ christiánæ præcéptrix, in persecutióne religiósa ob Christi fidem violáta et adhuc viva concremáta est.
18 *. In civitáte Gdeszyn in Polónia, beáti Sigismúndi Pisarski, presbyteri et mártyris, qui in bello ob fidem ante persecutóres mínime abdicátam apud parœciam loci plumbis occísus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Sap 18,1-3)
Sanctis tuis máxima erat lux; et horum quidem vocem illi audiébant, sed figúram non vidébant et, quia non et ipsi éadem passi erant, magnificábant; quóniam autem, qui ante læsi erant, non lædébant, grátias agébant et, quod eos ante distulíssent, donum petébant. Propter quod ignis ardéntem colúmnam, ducem ignótæ viæ, et solem sine læsúra gloriósæ peregrinatiónis præstitísti.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
