Die 1 februarii
1. In Phrygia, commemorátio sancti Tryphónis, mártyris.
2. Ravénnæ in Flamínia, sancti Sevéri, epíscopi.
3. Augústæ Tricastinórum in pago Gálliæ Viennénsi, sancti Pauli, epíscopi, a quo cívitas dein nomen sumpsit.
4. Kildáriæ in Hibérnia, sanctæ Brígidæ, abbatíssæ, quæ unum ex primis monastériis huius ínsulæ fundávit et opus evangelizatiónis a sancto Patrício inchoátum prosecúta esse fertur.
5 *. Augústæ Prætóriæ in Alpibus Graiis, sancti Ursi, presbyteri.
6 *. Anícii in Aquitánia, sancti Agrippáni, epíscopi et mártyris, qui Roma ad fines Velacórum revértens ab idolórum sectatóribus interféctus esse fertur.
7 *. Metis in Austrásia, sancti Sigisbérti regis Tértii, qui monastéria Stabulénse, Malmundariénse ac multa ália constrúxit et in ecclésias pauperésque liberáliter eleemósynas erogávit.
8. In urbe Cirîie/os in Nova Castélla Hispániæ regióne, sancti Raymúndi, abbátis Fiteriénsis, qui Ordinis de Calatráva institútor et rei christiánæ propugnátor insígnis éxstitit.
9 *. In civitáte Sancto Maclóvio in Británnia Minóre, sancti Ioánnis, epíscopi, qui, vir miræ austeritátis et iustítiæ, sedem episcopálem Alethénsem eódem tránstulit et a sancto Bernárdo commendátus est, ut epíscopum páuperem, paupéribus amícum et paupertátis amatórem se præbéret.
10 *. Parísiis in Gállia, beáti Regináldi Aurelianénsis, presbyteri, qui, Romam tránsiens, sancti Domínici verbis ánimo captus, Ordinem Prædicatórum ingréssus est, ad quem virtútum exémplo et igníto elóquio plúrirnos attráxit.
11 *. Apud Castrum Florentínum in Etrúria, sanctæ Viridiánæ, vírginis, quæ a pueríli ætáte ad senéctam usque reclúsa vixit.
12 *. Pílei in Látio, beáti Andréæ de Comítibus Sígniæ, presbyteri ex Ordine Minórum, qui, ómnibus recusátis altióribus dignitátibus, in humilitáte et simplicitáte Christo famulári máluit.
13 *. Eblánæ in Hibérnia, beatórum mártyrum Conóri O’Devany, epíscopi Dunénsis et Connorénsis, ex Ordine Fratrum Minórum, et Patrícii O’Lougham, presbyteri, qui, sub lacóbo rege Primo propter fidem cathólicam damnáti, suspéndii pœnam passi sunt.
14. Londínii in Anglia, sancti Henríci Morse, presbyteri e Societáte Iesu et mártyris, qui, plúries captus et bis in exsílium pulsus, demum sub Cárolo rege Primo propter sacerdótiurn in cárcerem trusus, post Missam ibídem celebrátam Tybúrni láqueo Deo spíritum réddidit.
15 *. Aprilíaci apud Andégavum in Gállia, pássio beatórum Maríæ Annæ Vaillot et quadragínta sex sociárum, mártyrum, quæ, cum terror in gállica perturbatióne sævíret, corónam martyrii consecútæ sunt.
Quarum nomina: beatæ Othilia Baumgarten, religiosa; loanna Gruget, Ludovica Rallier de la Tertinière, Magdalena Perrotin, Maria Anna Pichery et Simona Chauvigné, viduæ; Francisca Pagis, loanna Fouchard, Margarita Rivière, Maria Cassin, Maria Fausseuse, Maria Galard, Maria Gasnier, Maria loanna Chauvigné, Maria Lenée, Maria Leroy Brevet, Maria Rouault, Petrina Phélippeaux, Renata Cailleau, Renata Martin et Victoria Bauduceau, uxores; I oanna, Magdalena et Petrina Sailland d’Espinatz, sorores; Gabriela, Petrina et Susanna Androuin, sorores; Maria et Renata Grillard, sorores; Anna Francisca de Villeneuve, Anna Hamard, Carola Davy, Catharina Cottanceau, Francisca Bellanger, Francisca Bonneau, Francisca Michau, Iacobina bonnier, loanna Bourigault, Ludovica Amata Dean de Luigné, Magdalena Blond, Maria Leroy, Petrina Besson, Petrina Ledoyen, Petrina Grille, Renata Valin et Rosa Quenion.
i6. Seuli in Coréa, sanctórum mártyrum Pauli Hong Yóng-ju, catechístæ, Ioánnis Yi Mun-u, qui paupéribus ministrábat martyrúmque córpora sepeliébat, atque Bárbaræ Ch'oe Yóng-i, quæ exémpla parénturn et cóniugis pro christiáno nómine interfectórum sequens cum aliis decolláta est.
17 *. Augústæ Taurinórum in Itália, beátæ loánnæ Francíscæ a Visitatióne (Annæ) Michelotti, vírginis, quæ Institútum Sorórum Parvárum a Sacro Corde fundávit, ut infírmis paupéribus gratuíto in Dómino servírent.
18 *. In civitáte Cúcuta in Colúmbia, beáti Aloÿsii Variara, presbyteri e Societáte Sancti Francísci Salésii, qui leprósis omni ope et cura assédit et Soróres Fílias Sacrórum Córdium Iesu et Maríæ instítuit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (2 Thess 2, 15-17; 3,5)
Itaque, fratres, state et tenéte traditiónes, quas didicístis sive per sermónem sive per epístulam nostram. Ipse autem Dóminus noster Iesus Christus et Deus Pater noster, qui diléxit nos et dedit consolatiónem ætérnam et spem bonam in grátia, consolétur corda vestra et confírmet in omni ópere et sermóne bono.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
