Die 27 aprilis
1. Hierosólymæ, commemorátio sancti Simeónis, epíscopi et mártyris, qui, ut tráditur, fílius Cléophæ et propínquus Salvatóris secúndum carnem fuit et, Hierosólymæ post lacóbum fratres Dómini epíscopus ordinátus, in persecutióne Traiáni imperatóris multis supplíciis afféctus est et senex martyrio crucis coronátus.
2. Cíbalis in Pannónia, sancti Polliónis, lectóris et mártyris, qui, in persecutióne Diocletiáni imperatóris apprehénsus et a Probo præfécto interrogátus, cum Christum constantíssime conféssus esset et idólis sacrificáre noluísset, extra mœnia civitátis flammis exúri iussus est.
3. Tabennési in Thebáide Ægypti, sancti Theodóri, abbátis, qui discípulus fuit sancti Pachómii et pater « Congregatiónis » monasteriórum.
4 *. Altíni in Venétia, sancti Liberális, eremítæ.
5 *. In ínsula Mona oram Cámbriæ septemtrionális prospiciénte, sancti Maugáni seu Magáldi, epíscopi, áurea sanctitáte præditi.
6. In ínsula Afúsia in Propóntide, sancti Ioánnis, hegúmeni, qui pro cultu sacrárum Imáginum sub Leóne Arméno imperatóre plúrimum decertávit.
7 *. Lucæ in Etrúria, sanctæ Zitæ, vírginis, quæ, húmili loco nata, duodénnis doméstico ministério gentis Fatinellórum addícta est, in quorum famulátu mira cum patiéntia ad mortem usque perseverávit.
8 *. Tarracóne in regno Aragóniæ ad oram Hispániæ, sancti Petri Ermengol, qui, olim dux prædónum, ad Deum convérsus Ordinern Beátæ Maríæ Vírginis de Mercéde ingréssus est et in rediméndos captívos in Africa magnópere vitam impéndit.
9 *. Bitécti in Apúlia, beáti lacóbi de Iádere Varinguer, religiósi ex Ordine Minórum.
t0•. Cáthari in Nigromóntio, beátæ Catharínæ, vírginis, quæ, in Ecclésia orthodóxa baptizáta, in Ordinem de Pæniténtia Sancti Domínici ingréssa nomen Hosánna accépit et annos quinquagínta et unum reclúsa vixit in divína contemplatióne affíxa et, Turcis oppugnántibus, pia pro pópulo christiáno exorátrix.
11 *. Remis in Gállia, beáti Nicolái Roland, presbyteri, qui, de institutióne christiána puerórum sollícitus, scholas pro puéllis paupéribus cóndidit tunc a quálibet exclúsis institutióne et Congregatiónem Sorórum a Sancto Púero Iesu fundávit.
12. In urbe Minh-Bình in Tunquíno, sancti Lauréntii Nguyén Văn Huóng, presbyteri et mártyris, qui nocte moribúndum vísitans comprehénsus est et, cum crucem calcáre renuísset, flagellátus, dénique sub imperatóre Tu Duc decollátus.
13 *. Salmánticæ in Hispánia, beátæ Maríæ Antóniæ Bandrés y Elósegui, vírginis, e Congregatióne Filiárum a Iesu, quæ vitam Deo dicátam æquo ánimo étiam in desolatióne in brevi consummávit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (1Cor15,13-14.16-17.20)
Si resurréctio mortuórum non est, neque Christus suscitátus est! Si autem Christus non suscitátus est, inánis est ergo prædicátio nostra, inánis est et fides vestra. Nam si mórtui non resúrgunt, neque Christus resurréxit; quod si Christus non resurréxit, stulta est fides vestra; adhuc estis in peccátis vestris. Nunc autem Christus resurréxit a mórtuis, primítiæ dormiéntium.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
