Die 26 iunii
1. Romæ, commemorátio sanctórum Ioánnis et Pauli, quorum nómini basílica dicáta est in monte Cælio ad clivum Scáuri, in título Pammáchii senatóris.
2. Tridénti in Venétia, sancti Vigílii, epíscopi, qui, a sancto Ambrósio Mediolanénsi institutiónis insígnibus cum instructióne pastoráli accéptis, opus evangelizatiónis in agro suo firmáre ac relíquias idololatríæ pénitus exstirpáre conátus est et pro Christi nómine, a feris homínibus percússus, martyrium implevísse tráditur.
3 *. Nolæ in Campánia, sancti Deódati, epíscopi, qui sancto Paulíno succéssit.
4. In pago Pictaviénsi in Aquitánia, sancti Maxéntii, abbátis, virtútibus insígnis.
5. Thessalonícæ in Macedónia, sancti Dávidis, eremítæ, qui extra muros civitátis in céllula reclúsus fere annos octogínta transégit.
6. Apud Valentiánam in Austrásia, sanctórum Sálvii, epíscopi, et discípuli eius, qui ex Arvérno território in hanc regiónem pervenérunt et sub Winegárdo dómino loci martyrium tulérunt.
7. Córdubæ in Vandalícia Hispániæ regióne, sancti Pelágii, mártyris, qui, trédecim annos natus, ob Christi fidem et castitátem servátas contra molles blandítias Maurórum regis ‘Abd ar-Rahman Tértil, eiïìsdem iussu, forcípibus férreis membrátim cæsus martyrium suum glorióse consummávit.
8. Eugúbii in Umbria, sancti Radúlphi, epíscopi, qui verbo prædicatiónis ínstitit et quidquid domésticis surrípere váluit expénsis pródigus in páuperes dispérsit.
9. Bellícii in Sabáudia, sancti Anthélmi, epíscopi, qui mónachus Maióris Cartúsiæ ædem magna nivis cópia dírutam restítuit; prior efféctus capítulum generále convocávit et, in sedem episcopálem levátus, in corrigéndis clericórum et optimátum móribus indefésso stúdio et intrepida firmitáte enítuit.
10 *. In actuária ante portum Rupifórtii áncoris deligáta in Gállia, beáti Raymúndi Petiniaud de Jourgnac, presbyteri et mártyris, qui, archidiáconus Lemovicénsis, témpore gállicæ perturbatiónis propter sacerdótium in inhumánis adiúnctis deténtus est et ulcéribus pediculísque conféctus martyrium consummávit.
11 *. Cameráci in Gállia, beatórum Magdalénæ Fontaine, Francíscæ Lanel, Terésiæ Fantou et loánnæ Gérard, vírginum et mártyrum, quæ, Fíliæ a Caritáte, in ódium Ecclésiæ témpore gállicæ perturbatiónis cápite damnátæ, per ludíbrium coronátæ Rosário ad supplícium ductæ sunt.
12 *. Tarvísii in Itália, beáti Andréæ Hyacínthi Longhin, epíscopi, qui in tempestátibus belli necessitátibus profugórum captivorúmque strénue subvénit et in angústiis témporis sui singulári sollicitúdine iura deféndit operariórum, agricolárum omniúmque ínopum societátis.
13. In pago Qianshengzhuang apud urbem 1iushuitao in Sinárum Hebei província, sancti Ioséphi Ma Taishun, mártyris, qui, médicus et catechísta, quamvis in persecutióne a fautóribus sectæ « Yihetuan » patráta ex eius família céteri a fide defecíssent, sánguine suo Christum testári máluit.
14. In pago Jalisco territórii Guadalaiarénsis in México, sancti Ioséphi Maríæ Robles, presbyteri et mártyris, qui, persecutióne erga Ecclésiam témpore perturbatiónis mexicánæ sæviénte, árbori suspénsus occúbuit.
15. In silva Birob prope civitátem 5tradfh in pago Leopolitáno Ucraínæ, beatórum Nicolái Konrad, presbyteri, et Vladimíri Pryjma, qui, témpore regíminis Deo infénsi, per impávidam mortem spem resurrectiónis Christi proclamavérunt.
16 *. In vico Sybhiz item in pago Leopolitáno, beáti Andréæ Isčak, presbyteri et mártyris, qui in eádem tempestáte ob Christi fidem plumbis interféctus est.
17. Romæ, sancti Ioséphi Maríæ Escrivá de Balaguer, presbyteri, qui Opus Dei et Societátem sacerdotálem Sanctæ Crucis fundávit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (1Thess 2, 9-12)
Mémores estis, fratres, labóris nostri et fatigatiónis; nocte et die operántes, ne quem vestrum gravarémus, prædicávimus in vobis evangélium Dei. Vos testes estis et Deus, quam sancte et iuste et sine queréla vobis, qui credidístis, fúimus; sicut scitis quáliter unumquémque vestrum, tamquam pater fílios suos, deprecántes vos et consolántes testificáti sumus, ut ambularétis digne Deo, qui vocat vos in suum regnum et glóriam.
For you remember, brethren, our labour and toil: working night and day, lest we should be chargeable to any of you, we preached among you the gospel of God. You are witnesses, and God also, how holily, and justly, and without blame, we have been to you that have believed: As you know in what manner, entreating and comforting you, (as a father doth his children,) We testified to every one of you, that you would walk worthy of God, who hath called you unto his kingdom and glory.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
