Die 15 septembris
1. Memória beátæ Maríæ Vírginis perdoléntis, quæ, iuxta crucem Iesu adstans, Fílii salutíferæ passióni íntime fidelitérque sociáta est et nova éxstitit Eva, ut, quemádmodum primæ mulíeris inobœdiéntia ad mortem cóntulit, ita mira eius obœdiéntia ad vitam conférret.
2. Romæ, sancti Nicomédis, mártyris, cuius corpus in cœmetério via Nomentána recónditum Bonifátius papa Quintus basílica sepulcráli honorávit.
3. Tinúrtii ad Ararem flumen in Gállia Lugdunénsi, sancti Valeriáni, mártyris.
4. Tomis in Scythia, sanctórum Stratónis, Valérii, Macróbii et Gordiáni, mártyrum, qui sub Licínio imperatóre passi esse ferúntur.
5. Ad ripas Danúbii, sancti Nicétæ Gothi, mártyris, qui ab Athanaríco rege ariáno ob cathólicam fidem iussus est igne necári.
6. Lugdúni in Gállia, sancti Alpíni, epíscopi, qui sancto lusto succéssit.
7. Tulli prope Nancéium item in Gállia Lugdunénsi, sancti Apri, epíscopi.
8. In monastério Gemmeticénsi in Néustria, sancti Aichádri, abbátis, qui, sancti Philibérti discípulus, ab eo ibídem præpósitus est.
9. Córdubæ in Vandalícia Hispániæ regióne, sanctorum mártyrum Emilæ, diáconi, et Ieremíæ, qui, in Maurórum persecutióne, post longam cárceris maceratiónem, demum cervícibus pro Christo abscíssis martyrium complevérunt.
10 *. Busséti in território Fidentíno in Æmília, beáti Rolándi de Médicis, anachorétæ, qui in locis ásperis et solitáriis Alpium summa abstinéntia vixit cum Deo solo convérsans.
10. Génuæ in Ligúria, sanctæ Catharínæ Fieschi, víduæ, contémptu mundi, crebris ieiúniis, caritáte in Deum et dilectióne erga egénos infirmósque insígnis.
12 *. In urbe Hirado in Iapónia, beáti Camílli Costanzo, presbyteri e Societáte Iesu et mártyris, qui, a suprémo duce Hidetada iussus igne combúri, in ipso rogo Christum prædicáre non cessávit.
13 *. In loco Sancto Domínico Xagacía in México, beatórum Ioánnis Baptístæ et Hyacínthi ab Angelis, mártyrum, qui, catechístæ, cum tudi pro Christo cólere renuíssent, sæviter percússi, passiónem Christi æmulántes premium ætérnum mériti sunt.
14 *. Vindóbonæ in Austria, beáti Antónii Maríæ Schwartz, presbyteri, qui pro tirónum iuvenúmque operariórum cura pastoráli necnon ad eorúndem iura defendénda Congregatiónem instítuit pro operáriis christiánis a Sancto Iosépho de Calasanz.
15 *. In vico Llosa de Ranes in pago Valentíno Hispániæ, beáti Paschális Penadés J ornet, presbyteri et mártyris, qui, témpore persecutiónis, per terrénum tudion ad ætérnæ salútis plenitúdinem pervénit.
16 *. Prope Monáchium Baváriæ in Germánia, beáti Ladislái Miegoń, presbyteri et mártyris, qui, e Polónia sub regímine Deo hominibúsque infénso coácta in castra detentiónis Dacháni propter fidem ablátus, per cruciátus ad gloriósam pervénit corónam.
17 *. Neápoli in Itália, beáti Pauli Manna, presbyteri e Pontifício Institúto pro Missiónibus Exteris, qui, missionárii offício in Birmánia infírmæ valetúdinis causa relícto, de evangelizatiónis navitáte ádmodum molítus est et tudio tudio verbi Dei prædicatiónem et unitátern christianórum fovéndas curávit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Lam 2,18;3,19-23)
Clamet cor tuum ad Dóminum super muros fíliæ Sion; deduc quasi torréntem lácrimas per diem et noctem. Non des réquiem tibi, neque táceat pupílla óculi tui. Recordáre paupertátis et peregrinatiónis meæ, absínthii et fellis. Memória memor est et tabéscit in me ánima mea. Hæc recólam in corde meo, ídeo sperábo. Misericórdiæ Dómini, quia non sumus consúmpti, quia non defecérunt miseratiónes eius. Novæ sunt omni mane, magna est fides tua.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
