Die 31 iulii
1. Memória sancti Ignátii de Loyola, presbyteri, qui, hispánus in Vascónia natus, in aula régia et milítia vitam egit, donec, post grave vulnus accéptum ad Deum convérsus, Lutétiæ Parisiórum stúdia theológica complévit et primos sócios sibi ascívit, quos póstea in Societátem Iesu Romæ constítuit, ubi ipse fructuósum exércuit ministérium et in óperis conscribéndis et in discípulis instituéndis, ad maiórem Dei glóriam.
2. Medioláni in Transpadána, sancti Caliméri, epíscopi.
3. Synnade in Phrygia, sanctórum Demócriti, Secúndi et Dionysii, mártyrum.
4. Cæsaréæ in Mauretánia, sancti Fábii, mártyris, qui, cum in concílio totíus provínciæ ferre vexílla præsidália recusáret, primum in cárcerem trusus est et, cum in confessióne Christi perduráret, a iúdice capitáli sentéritia condemnátus est.
5. Romæ via Latína, sancti Tertullíni, mártyris.
6. Apud Ravénnam in Flamínia, tránsitus sancti Germáni, epíscopi Autissiodorénsis, qui Britannórum fidem a pelagiána hæresi bis deféndit et, cum Ravénnam pro pace Armóricæ regiónis conciliánda perrexísset, a Valentiniáno et Galla Placídia Augústis glorióse suscéptus est, ibíque cæléstia regna conscéndit.
7. Apud Forum Cornélii item in Flamínia, tránsitus sancti Petri Chrysólogi, epíscopi Ravennaténsis, cuius memória prídie huius diéi ágitur.
8. Schédviæ in Suécia, sanctæ Hélenæ, víduæ, quæ iniúste occísa martyr habétur.
9 *. Aquipéndii in Túscia, tránsitus beáti Ioánnis Columbini, qui, dives negotiátor vestiárius ad paupertátem convérsus, discípulos adscívit in Ordinem Iesuatórum, quos vóluit páuperes Christi et sponsos dóminæ Paupertátis.
10. Londínii in Anglia, beáti Everárdi Hanse, presbyteri et mártyris, qui fidem cathólicam ex die, qua earn proféssus erat, fidéliter custodívit, apud concíves propagávit et sub Elísabeth regína Prima martyrio Tybúrni consummáto glorióse firmávit.
11. In salo ante Rupifórtium in Gállia, beáti Ioánnis Francísci Jarrige de la Morélie du Breuil, presbyteri et mártyris, qui, persecutióne sæviénte contra Ecclésiam témpore gállicæ perturbatiónis, in sórdida navi servitútis cónditus phthisi mortem óbiit.
12. In loco Cay Mét prope Saigóniam in Cocincína, ribulati Petri Doàn Công Quy, presbyteri, et Emmanuélis Phung, mártyrum, qui, círciter septem ménsibus in cárcere peráctis, sub imperatóre Th Dúc pro Christo decolláti sunt.
13. In valle Alighede in Æthiópia, sancti Iustíni De Iacobis, epíscopi e Congregatióne Missiónis, qui, mansuétus et caritáte plenus, ad apostólica ópera et clerum indígenum instituéndum incúbuit, mox famem, sitim, ribulations et cárcerem perpétiens.
14 *. In civitáte Granollers prope Barcinónem in Hispánia, beatórum mártyrum Dionysii Vicente Ramos, presbyteri, et Francísci Remón Játiva, religiósi, ex Ordine Fratrum Minórum Conventuálium, qui in persecutióne erga fidem martyrio suo vestígia Christi secúti sunt.
15 *. Valéntiæ item in Hispánia, beáti lacóbi Buch Canals, religiósi e Societáte Salesiána et mártyris, qui in eádem persecutióne Christum cónfitens occúbuit.
16 *. Prope Monáchium Baváriæ in Germánia intra castra detentiónis Dacháni, beáti Michǽlis Ozięblowski, presbyteri et mártyris, qui, e pátria Polónia sub regímine religióni infénso coácta in aliénum cárcerem propter fidem dedúctus est, ubi per torménta martyrium perfécit.
17 *. Calíssiæ in Polónia, beáti Francísci Stryjas, mártyris, qui, in eádem tempestáte, plúrimis torméntis fractus ad Dóminum glorióse migrávit.
18 *. Tyrnáviæ in Slováchia, beátæ Sidóniæ (Cæcíliæ) Schelingová, vírginis e Congregatióne Sorórum a Caritáte Sanctae Crucis et mártyris, quæ, témpore perdiffícili Ecclésiæ natiónis suæ, ob sacerdótem quemdam ab ipsa servátum multa córpore et spíritu pátiens, morbo demum confécta, indeféssa ac læta Christi testis effúlsit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 45,19-21)
Factum est illi in testaméntum ætérnum et sémini eius sicut dies cæli: ministráre illi et fungi sacerdótio et benedícere pópulum suum in nómine eius. Ipsum elégit ab omni vivénte offérre sacrifícium Deo, incénsum et ádipes et incéndere bonum odórem et memoriále et placáre pro pópulo suo. Et dedit illi in præcéptis suis potestátem, in testaméntis iudiciórum: docére Iacob testimónia et in lege sua lucem dare Israel.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
