Die 28 augusti
1. Memória sancti Augustíni, epíscopi et Ecclésiæ doctóris exímii, qui, post adulescéntiam doctrínis et móribus inquiétam ad cathólicam fidem convérsus, a sancto Ambrósio Medioláni baptizátus est et, in pátriam revérsus, vitam ascéticam cum amícis quibúsdam duxit Deo et Scripturárum stúdio déditam; mox, epíscopus Hipponénsis in Africa eléctus, trigínta quáttuor annos forma gregis factus, eum erudívit sermónibus et scriptis copiósis, quibus étiam strénue contra erróres sui témporis dimicávit vel rectam fidem erudíte illustrávit.
2. Romæ in cœmetério Basíllæ via Salária Vetere, sancti Hermétis, mártyris, quem, ut refert sanctus Dámasus papa, Græcia misit, Urbs civem ténuit pro sancto nómine passum.
3. Constántiæ in Suévia, commemorátio sancti Pelágii, mártyris.
4. Briváte apud Arvérnos in Aquitánia, sancti luliáni, mártyris, qui témpore persecutiónis, cum hortátu sancti Ferréoli in hos fines venísset, ibídem palmam martyrii adéptus esse tráditur.
5. Constantinópoli, sancti Alexándri, epíscopi, cuius apostólica precátio, ut scribit sanctus Gregórius Nazianzénus, ariánæ impietátis ducem oppréssit.
6. Carthágine, sancti Restitúti, epíscopi, in cuius festivitáte sanctus Augustínus de illo ad pópulum sermónem hábuit.
7 *. Sársinæ in Flamínia, sancti Vicínii, primi epíscopi huius civitátis.
8. Apud Sántonas in Gállia, sancti Viviáni, epíscopi.
9. In Ægýpto, sancti Móysis Æthíopis, qui, ex insígni latróne insígnis anachoréta efféctus, multos gregis sui convértit et secum duxit ad monastérium.
10. Híspali in Vandalícia Hispániæ regióne, sanctæ Florentínæ, vírginis, cui, ecclesiasticárum disciplinárum valde perítæ, Isidórus et Leándrus fratres tractátus exímiæ doctrínæ despondérunt.
11 *. Londínii in Anglia, beatórum mártyrum Guliélmi Dean, presbyteri, et septem sociórum, qui pro regno Dei sub Elísabeth regína Prima eódem die, sed in divérsis locis civitátis ve1 in propínquis, suspéndio martyrium consummárunt.
Quorum nomina: beati Gulielmus Gunter, Robertus Morton, Thomas Holford et Iacobus Claxton, presbyteri; Thomas Felton, clericus ex Ordine Fratrum Minorum; Henricus Webley et Hugo More, laici.
12. Lancástriæ item in Anglia, sancti Edmúndi Arrowsmith, presbyteri e Societáte Iesu et mártyris, ex eódem ducátu oriúndi, qui post plures annos in pátria curæ pastoráli addíctus, cum sacérdos esset et ad cathólicam fidem multos induxísset, ipsis protestántibus loci invítis, sub Cárolo rege Primo fune suspénsus occúbuit.
13 *. Monte Regáli in Califórnia, beáti luníperi (Michǽlis) Serra, presbyteri ex Ordine Fratrum Minórum, qui in tríbubus illíus regiónis adhuc pagánis, multis incómmodis ærumnísque gravátus, Evangélium Christi idiómate populórum loci prædicávit atque páuperum et humílium iura strénue deféndit.
14 *. Ad áncoras ante Rupifórtium ad oram Gálliæ, beáti Cároli Arnáldi Hanus, presbyteri et mártyris, qui, témpore gállicæ perturbatiónis propter sacerdótium in navi actuária reclúsus, defectióne vírium et mox morbo corréptus martyrium consummávit.
15. Barcinóne in Hispánia, sanctæ loachímæ de Vedruna, quæ, materfamílias, novem púeros pie educávit et, vídua effécta, Institútum Carmelitárum a Caritáte fundávit, omne genus vexatiónum æquo ánimo tólerans, donec cholera corrépta óbiit.
16 *. In pago Valentíno item in Hispánia, beatórum mártyrum Ioánnis Baptístæ Faubel Cano et Arthúri Ros Montalt, qui, patresfamílias, témpore persecutiónis erga Ecclésiam, ab homínibus mortem, a Deo vero vitam accepérunt ætérnam.
17 *. Prope vicum Vinalésam in eódem pago Hispániæ, beáti Aurélii (Ioséphi) Ample Alcaide, presbyteri ex Ordine Fratrum Minórum Capuccinórum et mártyris, qui in eádem tempestáte per certámen fídei fructum áttulit gloriósum.
18 *. Intra óppidum Xawojoma fore in Polónia, beáti Alphónsi Maríæ Mazurek, presbyteri et mártyris, qui, témpore belli, a pátriæ invasóribus propter christiánam confessiónem interféctus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 39,1-3)
Qui accómmodat ánimam suam ad timórem Dei et in lege Altíssimi meditátur, sapiéntiam ómnium antiquórum exquíret et in prophetíis vacábit. Narratiónem virórum nominatórum conservábit et in versútias parabolárum simul introíbit. Occúlta proverbiórum exquíret et in abscónditis parabolárum conversábitur.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
