Surrexit Dominus vere. Alleluia.

   V/ Benedicamus Patrem et Filium, cum Sancto Spiritu.

   r. Laudemus et superexaltemus eum in saecula.

   r. Sicut erat in principio, et nunc et semper, et in saecula saeculorum. Amen.

   v. In resurrectione tua, Christe, alleluia.

   Veni, Sancte Spiritus, reple tuorum corda fidelium, et tui amoris in eis ignem accende.

   Pater noster, qui es in cœlis, sanctificetur Nomen tuum : adveniat regnum tuum : fiat voluntas tua sicut in cœlo, et in terra.

   Panem nostrum quotidianum da nobis hodie : et dimitte nobis debita nostra, sicut et nos dimittimus debitoribus nostris : et ne nos inducas in tentationem : sed libera nos a malo. Amen.

   Ave Maria, gratia plena, Dominus tecum : benedicta tu in mulieribus, et benedictus fructus ventris tui, Jesus.

   Sancta Maria, Mater Dei, ora pro nobis peccatoribus, nunc et in hora mortis nostrae. Amen.

   Credo in Deum, Patrem omnipotentem, creatorem cœli et terrae

   Et in Jesum Christum Filium ejus unicum, Dominum nostrum : qui conceptus est de Spiritu Sancto : natus ex Maria Virgine, passus sub Pontio Pilato, crucifixus, mortuus et sepultus : descendit ad in cœlos, tertia die resurrexit a mortuis : ascendit ad cœlos, sedet ad dexteram Dei Patris omnipotentis : inde venturus est judicare vivos et mortuos.

   Credo in Spiritum Sanctum, sanctam Ecclesiam Catholicam, Sanctorum communionem, remissionem peccatorum, carnis resurrectionem, vitam aeternam. Amen.

   Aurora cœlum purpurat, Aether resultat laudibus, Mundus triumphans jubilat, Horrens avernus infremit :Rex ille dum fortissimus De mortis inferno specu Patrum senatum liberum Educit ad vitae jubar.Cujus sepulchrum plurimo Custode signabat lapis, Victor triumphat, et suo Mortem sepulchro funeratSat funeri, sat lacrimis, Sat est datum doloribus : Surrexit exstinctor necis, Clamat coruscans angelus.Et sis perenne mentibus Paschale Jesu gaudium, A morte dira criminum Vitae renatos libera.Deo Patri sit gloria, Et Filio, qui a mortuis Surrexit, ac Paraclito, In sempiterna saecula.Amen.

   Confiteor Deo omnipotenti, beatae Mariae semper Virgini, beato Michaeli Archangelo, beato Johanni Baptistae, sanctis Apostolis Petro et Paulo, et omnibus Sanctis, quia peccavi nimis cogitatione, verbo, et opere : mea culpa, mea culpa, mea maxima culpa.

   Ideo precor beatam Mariam semper Virginem, beatum Michaelem Archangelum, beatum Johannem Baptistam, sanctos Apostolos Petrum et Paulum, et omnes Sanctos, orare pro me ad Dominum Deum nostrum.

   Misereatur nostri omnipotens Deus, et dimissis peccatis nostris, perducat nos ad vitam aeternam. Amen.

   Indulgentiam, absolutionem, et remissionem peccatorum nostrorum tribuat nobis omnipotens et misericors Dominus. Amen.

   v. Domine, exaudi orationem meam ;

   r. Et clamor meus ad te veniat.

   Domine, Deus omnipotens, qui ad principium hujus diei nos pervenire fecisti, tua nos hodie salva virtute, ut in hac die ad nullum declinemus peccatum ; sed semper ad tuam justitiam faciendam nostra procedant eloquia, dirigantur cogitationes et opera. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti Deus, per omnia sæcula sæculorum. Amen.

   V/ Deus in adjutorium meum intende.

   r. Domine, ad adjuvandum me festina.

   v. Deus, in adjutorium meum intende.

   r. Domine, ad adjuvandum me festina.

   v. Deus, in adjutorium meum intende.

   r. Domine, ad adjuvandum me festina.

   Dirigere et sanctificare, regere et gubernare dignare, Domine Deus, Rex cœli et terrae, hodie corda et corpora nostra, sensus, sermones et actus nostros, in lege tua, et in operibus mandatorum tuorum : ut hic et in aeternum, te auxiliante, salvi et liberi esse mereamur, Salvator mundi. Qui vivis et regnas in sæcula sæculorum. Amen.

   Ad regias Agni dapes, Stolis amicti candidis, Post transitum Maris Rubri, Christo canamus Principi :

   Sparsum cruorem postibus Vastator horret Angelus : Fugitque divisum mare ; Merguntur hostes fluctibus. Jam Pascha nostrum Christus est Paschalis idem victima,

   Victor, subactis inferis, Trophaea Christus explicat ; cœloque aperto, subditum Regem tenebrarum trahit.

   Ut sis perenne mentibus Paschale, Jesu, gaudium, A morte dira criminum Vitae renatos libera.Deo Patri sit gloria, Et Filio, qui a mortuis Surrexit, ac Paraclito, In sempiterna saecula.

   Regina Cœli, laetare, alleluia :quia quem meruisti portare, alleluia.Resurrexit, sicut dixit, alleluia.Ora pro nobis Deum, alleluia.

   V. Gaude et laetare, Virgo Maria, alleluia.R. Quia surrexit Dominus vere, alleluia.

   Deus, qui per resurrectionem Filii tui, Domini nostri Jesu Christi, mundum laetificare dignatus es : praesta, quaesumus ; ut, per ejus Genitricem Virginem Mariam, perpetuae capiamus gaudia vitæ. Per eumdem Christum Dominum nostrum. Amen

   Christe, audi nos.

   Christe, exaudi nos.

   Pater de cœlis, Deus, miserere nobis.

   Fili, Redemptor mundi, Deus, miserere nobis.

   Spiritus Sancte, Deus, miserere nobis.

   Sancta Trinitas, unus Deus, miserere nobis.

   Sancta Maria, ora pro nobis.

   Agnus Dei, qui tollis peccata mundi, parce nobis, Domine.

   Agnus Dei, qui tollis peccata mundi, exaudi nos, Domine.

   Agnus Dei, qui tollis peccata mundi, miserere nobis.

   V. Gaude et laetare, Virgo Maria, alleluia. R. Quia surrexit Dominus vere, alleluia.

   Deus, qui per resurrectionem Filii tui, Domini nostri Jesu Christi, mundum laetificare dignatus es : praesta, quaesumus ; ut, per ejus Genitricem Virginem Mariam, perpetuae capiamus gaudia vitæ. Per eumdem Christum Dominum nostrum. Amen

   Sancti Angeli, custodes nostri, defendite nos in proelio, ut non pereamus in tremendo judicio.

   v. Angelis suis Deus mandavit de te,

   r. Ut custodiant te in omnibus viis tuis.

   Deus, qui ineffabili providentia sanctos Angelos tuos ad nostram custodiam mittere dignaris : largire supplicibus tuis, et eorum semper protectione defendi, et aeterna societate gaudere. Per Christum Dominum nostrum. Amen.

   Ant. Sancti Dei omnes, intercedere dignemini pro nostra omniumque salute.

   De profundis clamavi ad te, Domine : Domine, exaudi vocem meam.

   Fiant aures tuae intendentes : in vocem deprecationis meae.

   Si iniquitates observaveris, Domine : Domine, quis sustinebit ?

   Quia apud te propitiatio est : et propter legem tuam sustinui te, Domine.

   Sustinuit anima mea in verbo ejus : speravit anima mea in Domino.

   A custodia matutina usque ad noctem : speret Israël in Domino.

   Quia apud Dominum misericordia : et copiosa apud eum redemptio.

   Et ipse redimet Israël : ex omnibus iniquitatibus.

   Requiem aeternam dona eis, Domine :

   r. Erue, Domine, animas eorum.

   v. Requiescant in pace.

   r. Amen.

   v. Domine, exaudi orationem meam ;

   r. Et clamor meus ad te veniat.

   r. Amen.

   Fidelium Deus omnium Conditor et Redemptor, animabus famulorum famularumque tuarum, remissionem cunctorum tribue peccatorum : ut indulgentiam, quam semper optaverunt, piis supplicationibus consequantur. Qui vivis et regnas in saecula saeculorum. Amen.

   Salva nos, Domine, vigilantes ; custodi nos dormientes : ut vigilemus cum Christo, et requiescamus in pace.

   v. Dignare, Domine, nocte ista,

   r. Sine peccato nos custodire.

   v. Miserere nostri, Domine.

   r. Miserere nostri.

   v. Fiat misericordia tua, Domine, super nos,

   r. Quemadmodum speravimus in te.

   v. Domine, exaudi orationem meam ;

   r. Et clamor meus ad te veniat.

   Visita, quæsumus Domine, habitationem istam, et omnes insidias inimici ab ea longe repelle : Angeli tui sancti habitent in ea, qui nos in pace custodiant, et benedictio tua sit super nos semper. Per Dominum nostrum Jesum Christum, Filium tuum, qui tecum vivit et regnat in unitate Spiritus Sancti Deus, per omnia sæcula sæculorum. Amen.

   V. Mane nobiscum, Domine, Alleluia. R. Quoniam advesperascit Alleluia.

   Vidi aquam egredientem de templo a latere dextro, alleluia : et omnes, ad quos pervenit aqua ista, salvi facti sunt, et dicent : Alleluia, alleluia.Ps. Confitemini Domino, quoniam bonus : quoniam saeculum misericordia ejus.Gloria Patri. Vidi aquam.V. Ostende nobis, Domine, misericordiam tuam, alleluia.R. Et salutare tuum da nobis, alleluia.

   Exaudi nos, Domine sancte, Pater omnipotens, aeterne Deus : et mittere digneris sanctum Angelum tuum de cœlis, qui custodiat, foveat, protegat, visitet atque do fendat omnes habitantes in hoc habitaculo. Per Christum Dominum nostrum. Amen.

   In nomine Patris, et Filii. et Spiritus Sancti. Amen.

   v. Introibo ad altare Dei,

   r. Ad Deum qui laetificat juventutem meam.

   Judica me, Deus, et discerne causam meam de gente non sancta : ab homine iniquo et doloso erue me.

   Quia tu es, Deus, fortitudo mea : quare me reppulisti ? et quare tristis incedo, dum affligit me inimicus ?

   Emitte lucem tuam et veritatem tuam ; ipsa me deduxerunt et adduxerunt in montem sanctum tuum, et in tabernacula tua.

   Et introibo ad altare Dei : ad Deum qui laetificat juventutem meam.

   Confitebor tibi in cithara, Deus, Deus meus : quare tristis es, anima mea : et quare conturbas me ?

   Spera in Deo, quoniam adhuc confitebor illi : salutare vultus mei, et Deus meus.

   Sicut erat in principio, et nunc, et semper, et in sæcula sæculorum. Amen.

   v. Introibo ad altare Dei,

   r. Ad Deum qui laetificat juventutem meam.

   v. Adjutorium nostrum in nomine Domini,

   Confiteor Deo omnipotenti, beatæ Maria ; semper Virgini, beato Michaeli Archangelo, beato Johanni Baptista ; sanctis Apostolis Petro et Paulo, omnibus Sanctis, et tibi, Pater, quia peccavi nimis, cogitatione, verbo et opere : mea culpa, mea culpa, mea maxima culpa. Ideo precor beatam Mariam semper Virginem, beatum Michaelem Archangelum, beatum Johannem Baptistam, sanctos Apostolos Petrum et Paulum, omnes Sanctos, et te, Pater, orare pro me ad Dominum Deum nostrum.

   v. Misereatur vestri omnipotens Deus, et dimissis peccatis vestris, perducat vos ad vitam aeternam.

   r. Amen.

   v. Indulgentiam, absolutionem, et remissionem peccatorum nostrorum, tribuat nobis omnipotens et misericors Dominus.

   r. Amen.

   v. Deus, tu conversus vivificabis nos ;

   r. Et plebs tua laetabitur in te.

   v. Ostende nobis, Domine, misericordiam tuam ;

   r. Et Salutare tuum da nobis.

   v. Domine, exaudi orationem meam ;

   r. Et clamor meus ad te veniat.

   v. Dominus vobiscum ;

   r. Et cum spiritu tuo.

   Aufer a nobis, quaesumus Domine, iniquitates nostras ; ut ad Sancta Sanctorum puris mereamur mentibus introire. Per Christum Dominum nostrum. Amen.

   r. Amen.

   r. Amen.

   Oramus te, Domine, per merita Sanctorum tuorum quorum reliquiae hic sunt, et omnium Sanctorum, ut indulgere digneris omnia peccata mea. Amen.

   Gloria in excelsis Deo, et in terra pax hominibus bona ; voluntatis.

   Laudamus te : benedicimus te : adoramus te : glorificamus te : gratias agimus tibi propter magnam gloriam tuam.

   Domine Deus, Rex cœlestis, Deus Pater omnipotens.

   Domine, Fili unigenite, Jesu Christe.

   Domine Deus, Agnus Dei, Filius Patris.

   Qui tollis peccata mundi, miserere nobis.

   Qui sedes ad dexteram Patris, miserere nobis.

   Quoniam tu solus Sanctus, tu solus Dominus, tu solus Altissimus, Jesu Christe, cum Sancto Spiritu, in gloria Dei Patris. Amen.

   Munda cor meum, ac labia mea, omnipotens Deus, qui labia Isaiae Prophetae calculo mundasti ignito : ita me tua grata miseratione dignare mundare, ut sanctum Evangelium tuum digne valeam nuntiare. Per Christum Dominum nostrum. Amen.

   Dominus sit in corde meo, et in labiis meis : ut digne et competenter annuntiem Evangelium suum. In nomine Patris, et Filii, et Spiritus Sancti. Amen.

   Credo in unum Deum, Patrem omnipotentem, factorem cœli et terrae, visibilium omnium et invisibilium.

   Et in unum Dominum Iesum Christum, Filium Dei unigenitum. Et ex Patre natum ante omnia sæcula. Deum de Deo, lumen de lumine, Deum verum de Deo vero. Genitum, non factum, consubstantialem Patri : per quem omnia facta sunt. Qui propter nos homines et propter nostram salutem, descendit de cœlis. Et incarnatus est de Spiritu Sancto ex Maria Virgine : ET HOMO FACTUS EST. Crucifixus etiam pro nobis sub Pontio Pilato, passus et sepultus est. Et resurrexit tertia die, secundum Scripturas. Et ascendit in caelum : sedet ad dexteram Patris. Et iterum venturus est cum gloria judicare vivos et mortuos : cujus regni non erit finis.

   Et in Spiritum Sanctum, Dominum et vivificantem : qui ex Patre Filioque procedit. Qui cum Patre et Filio simul adoratur, et conglorificatur : qui locutus est per Prophetas. Et Unam, Sanctam, Catholicam et Apostolicam Ecclesiam. Confiteor unum Baptisma in remissionem peccatorum. Et exspecto resurrectionem mortuorum, et vitam venturi sæculi Amen.

   Suscipe, sancte Pater, omnipotens aeterne Deus, hanc immaculatam hostiam, quam ego indignus famulus tuus offero tibi Deo meo vivo et vero, pro innumerabilibus peccatis et offensionibus et negligentiis meis, et pro omnibus circumstantibus, sed et pro omnibus fidelibus Christianis vivis atque defunctis : Ut mihi et illis proficiat ad salutem in vitam aeternam. Amen.

   Deus, qui humanae substantiae dignitatem mirabiliter condidisti, et mirabilius reformasti, da nobis per humus aquae et vini mysterium, ejus divinitatis esse consortes, qui humanitatis nostrae fieri dignatus est particeps, Jesus Christus, Filius tuus, Dominus noster ; qui tecum vivit et regnat in unitate Spiritus Sancti Deus, per omnia sæcula sæculorum. Amen.

   Offerimus tibi, Domine, calicem salutaris, tuam deprecantes clementiam : ut in conspectu divinae Majestatis tuae, pro nostra et totius mundi salute, cum odore suavitatis ascendat. Amen.

   In spiritu humilitatis, et in animo contrito suscipiamur a te, Domine : et sic fiat sacrificium nostrum in conspectu tuo hodie, ut placeat tibi, Domine Deus.

   Veni, Sanctificator omnipotens, aeterne Deus, et benedic hoc sacrificium tuo sancto Nomini praeparatum.

   Lavabo inter innocentes manus meas : et circumdabo altare tuum, Domine.

   Ut audiam vocem laudis : et enarrem universa mirabilia tua.

   Domine, dilexi decorem domus tua : : et locum habitationis gloriae tuae.

   Ne perdas cum impiis, Deus, animam meam : et cum viris sanguinum vitam meam.

   In quorum manibus iniquitates sunt : dextera eorum repleta est muneribus.

   Ego autem in innocentia mea ingressus sum : redime me, et miserere mei.

   Pes meus stetit in directo : in ecclesiis benedicam te, Domine.

   Sicut erat in principio, et nunc, et semper, et in sæcula sæculorum. Amen.

   Suscipe, sancta Trinitas, hanc oblationem, quam tibi offerimus ob memoriam Passionis, Resurrectionis, et Ascensionis Jesu Christi Domini nostri, et in honorem beatae Mariae semper Virginis, et beati Johannis Baptistae, et sanctorum Apostolorum Petri et Pauli, et istorum, et omnium Sanctorum : ut illis proficiat ad honorem, nobis autem ad salutem : et illi pro nobis intercedere dignentur in cœlis, quorum memoriam agimus in terris. Per eumdem Christum Dominum nostrum. Amen.

   Orate, Fratres : ut meum ac vestrum sacrificium acceptabile fiat apud Deum Patrem omnipotentem.

   R. Suscipiat Dominus sacrificium de manibus tuis, ad laudem et gloriam Nominis sui, ad utilitatem quoque nostram, totiusque Ecclesiae suae sanctae.

   Per omnia sæcula sæculorum.

   R. Amen.

   Dominus vobiscum ;

   R. Et cum spiritu tuo.

   R. Habemus ad Dominum.

   R. Amen.

   Vere dignum et justum est, aequum et salutare : Te quidem, Domine, omni tempore, sed in hoc potissimum gloriosius praedicare, cum Pascha nostrum immolatus est Christus. Ipse enim verus est Agnus, qui abstulit peccata mundi. Qui mortem nostram mo­riendo destruxit et vitam resurgendo reparavit. Et ideo cum An­gelis et Archangelis, cum Thro­nis et Dominationibus cumque omni militia caelestis exercitus hymnum gloriae tuae canimus, sine fine dicentes :

   Sanctus, Sanctus, Sanctus Dominus Deus sabaoth !

   Pleni sunt cœli et terra gloria tua.

   Hosanna in excelsis !

   Benedictus qui venit in Nomine Domini.

   Hosanna in excelsis !

   Te igitur, clementissime Pater, per Jesum Christum Filium tuum Dominum nostrum supplices rogamus ac petimus, uti accepta habeas, et benedicas haec dona, haec munera, haec sancta sacrificia illibata ; in primis quae tibi offerimus pro Ecclesia tua sancta catholica : quam pacificare, custodire, adunare, et regere digneris toto orbe terrarum, una cum famulo tuo Papa nostro N., et Antistite nostro N., et omnibus orthodoxis, atque catholicae et apostolica ; fidei cultoribus.

   Memento, Domine, famulorum famularumque tuarum N. et N., et omnium circumstantium, quorum tibi fides cognita est, et nota devotio : pro quibus tibi offerimus, vel qui tibi offerunt hoc sacrificium laudis, pro se suisque omnibus, pro redemptione animarum suarum, pro spe salutis et incolumitatis suae, tibique reddunt vota sua æterno Deo vivo et vero.

   Communicantes, et memoriam venerantes, in primis gloriosæ, semper Virginis Mariæ, Genitricis Dei et Domini nostri Jesu Christi : sed et beatorum Apostolorum ac Martyrum tuorum Pétri et Pauli, Andreae, Jacobi, Johannis, Thomae, Jacobi, Philippi, Bartholomaei, Matthaei, Simonis et Thaddaei, Lini, Cleti, Clementis, Xysti, Cornelii, Cypriani, Laurentii, Chrysogoni, Joannis et Pauli, Cosmae et Damiani, et omnium Sanctorum tuorum : quorum meritis precibusque concedas, ut in omnibus protectionis tua ; muniamur auxilio. Per eumdem Christum Dominum nostrum. Amen.

   Hanc igitur oblationem servitutis nostrae, sed et cunctae familiae tuae, quaesumus Domine, ut placatus accipias ; diesque nostros in tua pace disponas, atque ab alterna damnatione nos eripi, et in electorum tuorum jubeas grege numerari. Per Christum Dominum nostrum. Amen.

   Quam oblationem tu Deus in omnibus, quaesumus, benedictam, adscriptam, ratam, rationabilem, acceptabilemque facere digneris ; ut nobis Corpus et Sanguis fiat dilectissimi Filii tui Domini nostri Jesu Christi.

   Qui pridie quam pateretur, accepit panem in sanctas ac venerabiles manus suas ; et elevatis oculis in cœlum, ad te Deum Pat rem suum omnipotentem, tibi gratias agens, benedixit, fregit, deditque discipulis suis, dicens : Accipite, et manducate ex hoc omnes : HOC EST ENIM CORPUS MEUM.

   Simili modo postquam coenatum est, accipiens et hunc praeclarum Calicem in sanctas ac venerabiles manus suas : item tibi gratias agens, benedixit, deditque discipulis suis, dicens : Accipite et bibite ex eo omnes. HIC EST ENIM CALIX SANGUINIS MEI, NOVI ET AETERNI TESTAMENTI : MYSTERIUM FIDEI : QUI PRO VOBIS ET PRO MULTIS EFFUNDETUR IN REMISSIONEM PECCATORUM. Haec quotiescumque feceritis, in mei memoriam facietis.

   Unde et memores, Domine, nos servi tui, sed et plebs tua sancta, ejusdem Christi Filii tui Domini nostri tam beatae Passionis, nec non et ab inferis Resurrectionis, sed et in cœlos gloriosae Ascensionis : offerimus praeclarae majestati tuae de tuis donis ac datis Hostiam puram, Hostiam sanctam, Hostiam immaculatam : Panem sanctum vitae aeternae, et Calicem salutis perpetuae.

   Supra quae propitio ac sereno vultu respicere digneris, et accepta habere, sicuti accepta habere dignatus es munera pueri tui justi Abel, et sacrificium Patriarchae nostri Abrahae, et quod tibi obtulit summus Sacerdos tuus Melchisedech, sanctum sacrificium, immaculatam hostiam.

   Supplices te rogamus, omnipotens Deus : jube hæc perferri per manus sancti Angeli tui in sublime Altare tuum, in conspectu divinæ Majestatis tuae : ut quotquot ex hac altaris participatione, sacrosanctum Filii tui Corpus et Sanguinem sumpserimus, omni benedictione cœlesti et gratia repleamur. Per eumdem Christum Dominum nostrum. Amen.

   Memento etiam, Domine, famulorum famularumque tuarum N. et N. qui nos praecesserunt cum signo fidei, et dormiunt in somno pacis. Ipsis, Domine, et omnibus in Christo quiescentibus, locum refrigerii, lucis et pacis, ut indulgeas, deprecamur. Per eumdem Christum Dominum nostrum. Amen.

   Nobis quoque peccatoribus famulis tuis, de multitudine miserationum tuarum sperantibus, partem aliquam et societatem donare digneris cum tuis sanctis Apostolis et Martyribus ; cum Iohanne, Stephano, Mathia, Barnaba, Ignatio, Alexandro, Marcellino, Petro, Felicitate, Perpetua, Agatha, Lucia, Agnete, Concilia, Anastasia et omnibus Sanctis tuis ; intra quorum nos consortium, non aestimator meriti, sed veniae, quaesumus, largitor admitte : per Christum Dominum nostrum. Per quem haec omnia, Domine, semper bona creas, sanctificas, vivificas, benedicis et praestas nobis : per ipsum, et cum ipso, et in ipso, est tibi Deo Patri omnipotenti, in unitate Spiritus Sancti, omnis honor et gloria.

   Per omnia sæcula sæculorum.

   R. Amen.

   Pater noster, qui es in cœlis : Sanctificetur Nomen tuum : Adveniat regnum tuum : Fiat voluntas tua sicut in cœlo et in terra. Panem nostrum quotidianum da nobis hodie : Et dimitte nobis debita nostra, sicut et nos dimittimus debitoribus nostris : Et ne nos inducas in tentationem.

   R. Sed libera nos a malo.

   Libera nos, quaesumus Domine, ab omnibus malis, praeteritis, praesentibus et futuris : et intercedente beata et gloriosa semper Virgine Dei Genitrice Maria, cum beatis Apostolis tuis Petro et Paulo, atque Andrea, et omnibus Sanctis, da propitius pacem in diebus nostris : ut ope misericordiae tuae adjuti, et a peccato simus semper liberi, et ab omni perturbatione securi. Per eumdem Dominum nostrum Jesum Christum Filium tuum, qui tecum vivit et regnat in unitate Spiritus Sancti Deus.

   Per omnia sæcula sæculorum. r. Amen.

   Pax Domini sit semper vobiscum.

   R. Et cum spiritu tuo.

   Haec commixtio et consecratio Corporis et Sanguinis Domini nostri Jesu Christi, fiat accipientibus nobis in vitam aeternam. Amen.

   Agnus Dei, qui tollis peccata mundi, miserere nobis.

   Agnus Dei, qui tollis peccata mundi, miserere nobis.

   Agnus Dei, qui tollis peccata mundi, dona nobis pacem.

   Domine Jesu Christe, qui dixisti Apostolis tuis : Pacem relinquo vobis, pacem meam do vobis : ne respicias peccata mea, sed fidem Ecclesiae tuae : eamque secundum voluntatem tuam pacificare et coadunare digneris. Qui vivis et regnas Deus, per omnia sæcula sæculorum. Amen.

   Domine Jesu Christe, Fili Dei vivi, qui ex voluntate Patris, cooperante Spiritu Sancto, per mortem tuam mundum vivificasti : libera me per hoc sacrosanctum Corpus, et Sanguinem tuum, ab omnibus iniquitatibus meis, et universis malis, et fac me tuis semper inhaerere mandatis, et a te nunquam separari permittas. Qui cum eodem Deo Patre et Spiritu Sancto vivis et régnas Deus in sæcula sæculorum, Amen.

   Perceptio Corporis tui, Domine Jesu Christe, quod ego indignus sumere præsumo, non mihi proveniat in judicium et condemnationem ; sed pro tua pietate prosit mihi ad tutamentum mentis et corporis, et ad medelam percipiendam. Qui vivis et regnas cum Deo Patre, in unitate Spiritus Sancti Deus, per omnia sæcula sæculorum. Amen.

   Domine, non sum dignus ut intres sub tectum meum : sed tantum die verbo, et sanabitur anima mea.

   Corpus Domini nostri Jesu Christi custodiat animam meam in vitam aeternam. Amen.

   Quid retribuam Domino pro omnibus quae retribuit mihi ? Calicem salutaris accipiam, et Nomen Domini invocabo. Laudans invocabo Dominum, et ab inimicis meis salvus ero.

   Sanguis Domini nostri Jesu Christi custodiat animam meam in vitam aeternam. Amen.

   Quod ore sumpsimus, Domine, pura mente capiamus : et de munere temporali fiat nobis remedium sempiternum.

   Corpus tuum, Domine, quod sumpsi, et Sanguis quem potavi, adhaereat visceribus meis : et praesta ut in me non remaneat scelerum macula, quem pura et sancta refecerunt Sacramenta. Qui vivis et regnas in sæcula sæculorum. Amen.

   Dominus vobiscum.

   R. Et cum spiritu tuo.

   Placeat tibi, sancta Trinitas, obsequium servitutis meae et praesta ut sacrificium, quod oculis tuae Majestatis indignus obtuli, tibi sit acceptabile, mihique, et omnibus, pro quibus illud obtuli, sit, te miserante, propitiabile. Per Christum Dominum nostrum. Amen.

   Benedicat vos omnipotens Deus, Pater, et Filius, et Spiritus Sanctus.

   R. Amen.

   v. Dominus vobiscum ;

   r. Et cum spiritu tuo.

   R. Amen.

   In principio erat Verbum, et Verbum erat apud Deum, et Deus erat Verbum. Hoc erat in principio apud Deum. Omnia per ipsum facta sunt ; et sine ipso factum est nihil. Quod factum est, in ipso vita erat, et vita erat lux hominum : et lux in tenebris lucet, et tenebrae eam non comprehenderunt. Fuit homo missus a Deo, cui nomen erat Johannes. Hic venit in testimonium, ut testimonium perhiberet de lumine, ut omnes crederent per illum. Non erat ille lux, sed ut testimonium perhiberet de lumine. Erat lux vera, quæ illuminat omnem hominem venientem in hunc mundum. In mundo erat, et mundus per ipsum factus est, et mundus eum non cognovit. In propria venit, et sui eum non receperunt. Quotquot autem receperunt eum, dedit eis potestatem filios Dei fieri, his qui credunt in Nomine ejus : qui non ex sanguinibus, neque ex voluntate carnis, neque ex voluntate viri, sed ex Deo nati sunt. ET VERBUM CARO FACTUM EST, et habitavit in nobis : et vidimus gloriam ejus, gloriam quasi Unigeniti a Patre, plenum gratia et veritatis.

   V. Deus, in adjutorium meum intende.

   R. Domine, ad adiuvandum me festina.Gloria Patri, et Filio, et Spiritui Sancto ;

   Sicut erat in principio, et nunc, et semper, et in saecula saeculorum. Amen. Alleluia.

   Nunc, sancte nobis Spiritus, Unum Patri cum Filio, Dignare promptus ingeri Nostro refusus pectori.

   Praesta, Pater piissime, Patrique compar Unice, Cum Spiritu Paraclito Regnans per omne saeculum. Amen

   Legem pone mihi Domine viam iustificationum tuarum et exquiram eam semper.Da mihi intellectum et scrutabor legem tuam et custodiam illam in toto corde meo.Deduc me in semita mandatorum tuorum quia ipsam volui.Inclina cor meum in testimonia tua et non in avaritiam.Averte oculos meos ne videant vanitatem in via tua vivifica me.Statue servo tuo eloquium tuum in timore tuo.Amputa obprobrium meum quod suspicatus sum quia iudicia tua iucunda.Ecce concupivi mandata tua in aequitate tua vivifica me.

   Et veniat super me misericordia tua Domine salutare tuum secundum eloquium tuum.Et respondebo exprobrantibus mihi verbum quia speravi in sermonibus tuis.Et ne auferas de ore meo verbum veritatis usquequaque quia in iudiciis tuis supersperavi.Et custodiam legem tuam semper in saeculum et in saeculum saeculi.Et ambulabam in latitudine quia mandata tua exquisivi.Et loquebar in testimoniis tuis in conspectu regum et non confundebar.Et meditabar in mandatis tuis quae dilexi.Et levavi manus meas ad mandata quae dilexi et exercebar in iustificationibus tuis.

   Memor esto verbi tui servo tuo in quo mihi spem dedisti.Haec me consolata est in humilitate mea quia eloquium tuum vivificavit me.Superbi inique agebant usquequaque a lege autem tua non declinavi.Memor fui iudiciorum tuorum a saeculo Domine et consolatus sum.Defectio tenuit me prae peccatoribus derelinquentibus legem tuam.Cantabiles mihi erant iustificationes tuae in loco peregrinationis meae.Memor fui in nocte nominis tui Domine et custodivi legem tuam.Haec facta est mihi quia iustificationes tuas exquisivi.

   Portio mea Dominus dixi custodire legem tuam.Deprecatus sum faciem tuam in toto corde meo miserere mei secundum eloquium tuum.Cogitavi vias meas et avertisti pedes meos in testimonia tua.Paratus sum et non sum turbatus ut custodiam mandata tua.Funes peccatorum circumplexi sunt me et legem tuam non sum oblitus.Media nocte surgebam ad confitendum tibi super iudicia iustificationis tuae.Particeps ego sum omnium timentium te et custodientium mandata tua.Misericordia Domini plena est terra iustificationes tuas doce me.

   Bonitatem fecisti cum servo tuo Domine secundum verbum tuum.Bonitatem et disciplinam et scientiam doce me quia mandatis tuis credidi.Priusquam humiliarer ego deliqui propterea eloquium tuum custodivi.Bonus es tu et in bonitate tua doce me iustificationes tuas.Multiplicata est super me iniquitas superborum ego autem in toto corde scrutabor mandata tua.Coagulatum est sicut lac cor eorum ego vero legem tuam meditatus sum.Bonum mihi quia humiliasti me ut discam iustificationes tuas.Bonum mihi lex oris tui super milia auri et argenti.

   Manus tuae fecerunt me et plasmaverunt me da mihi intellectum et discam mandata tua.Qui timent te videbunt me et laetabuntur quia in verba tua supersperavi.Cognovi Domine quia aequitas iudicia tua et veritate humiliasti me.Fiat misericordia tua ut consoletur me secundum eloquium tuum servo tuo.Veniant mihi miserationes tuae et vivam quia lex tua meditatio mea est.Confundantur superbi quia iniuste iniquitatem fecerunt in me ego autem exercebor in mandatis tuis.Convertantur mihi timentes te et qui noverunt testimonia tua.Fiat cor meum inmaculatum in iustificationibus tuis ut non confundar.

   Deus, in adiutorium, etc.

   Rector potens, verax Deus, qui temperas rerum vices, splendore mane instruis et ignibus meridiem,

   Praesta, Pater piissime, Patrique compar Unice, cum Spiritu Paraclito regnans per omne saeculum. Amen.

   Defecit in salutare tuum anima mea in verbum tuum supersperavi.Defecerunt oculi mei in eloquium tuum dicentes quando consolaberis me.Quia factus sum sicut uter in pruina iustificationes tuas non sum oblitus.Quot sunt dies servo tuo quando facies de persequentibus me iudicium.Narraverunt mihi iniqui fabulationes sed non ut lex tua.Omnia mandata tua veritas inique persecuti sunt me adiuva me.Paulo minus consummaverunt me in terra ego autem non dereliqui mandata tua.Secundum misericordiam tuam vivifica me et custodiam testimonia oris tui.

   In aeternum Domine verbum tuum permanet in caelo.In generationem et generationem veritas tua fundasti terram et permanet.Ordinatione tua perseverat dies quoniam omnia serviunt tibi.Nisi quod lex tua meditatio mea est tunc forte perissem in humilitate mea.In aeternum non obliviscar iustificationes tuas quia in ipsis vivificasti me.Tuus sum ego salvum me fac quoniam iustificationes tuas exquisivi.Me expectaverunt peccatores ut perderent me testimonia tua intellexi.Omni consummationi vidi finem latum mandatum tuum nimis.

   Quomodo dilexi legem tuam tota die meditatio mea est.Super inimicos meos prudentem me fecisti mandato tuo quia in aeternum mihi est.Super omnes docentes me intellexi quia testimonia tua meditatio mea est.Super senes intellexi quia mandata tua quaesivi.Ab omni via mala prohibui pedes meos ut custodiam verba tua.A iudiciis tuis non declinavi quia tu legem posuisti mihi.Quam dulcia faucibus meis eloquia tua super mel ori meo.A mandatis tuis intellexi propterea odivi omnem viam iniquitatis.Lucerna pedibus meis verbum tuum et lumen semitis meis.Iuravi et statui custodire iudicia iustitiae tuae.Humiliatus sum usquequaque Domine vivifica me secundum verbum tuum.Voluntaria oris mei beneplacita fac Domine et iudicia tua doce me.Anima mea in manibus meis semper et legem tuam non sum oblitus.Posuerunt peccatores laqueum mihi et de mandatis tuis non erravi.Hereditate adquisivi testimonia tua in aeternum quia exultatio cordis mei sunt.Inclinavi cor meum ad faciendas iustificationes tuas in aeternum propter retributionem.

   Iniquos odio habui et legem tuam dilexi.Adiutor meus et susceptor meus es tu in verbum tuum supersperavi.Declinate a me maligni et scrutabor mandata Dei mei.Suscipe me secundum eloquium tuum et vivam et non confundas me ab expectatione mea.Adiuva me et salvus ero et meditabor in iustificationibus tuis semper.Sprevisti omnes discedentes a iustitiis tuis quia iniusta cogitatio eorum.Praevaricantes reputavi omnes peccatores terrae ideo dilexi testimonia tua.Confige timore tuo carnes meas a iudiciis enim ; tuis timui.

   Feci iudicium et iustitiam non tradas me calumniantibus me.Suscipe servum tuum in bonum non calumnientur me superbi.Oculi mei defecerunt in salutare tuum et in eloquium iustitiae tuae.Fac cum servo tuo secundum misericordiam tuam et iustificationes tuas doce me.Servus tuus sum ego da mihi intellectum et sciam testimonia tua.Tempus faciendi Domino dissipaverunt legem tuam.Ideo dilexi mandata tua super aurum et topazion.Propterea ad omnia mandata tua dirigebar omnem viam iniquam odio habui.

   Deus, in adiutorium, etc.

   Rerum Deus, tenax vigor, immotus in te permanens, lucis diurnae tempora successibus determinans,

   Largire clarum vespere, quo vita numquam decidat, sed praemium mortis sacrae perennis instet gloria.

   Praesta, Pater piissime, Patrique compar Unice, cum Spiritu Paraclito regnans per omne saeculum. Amen.

   Mirabilia testimonia tua ideo scrutata est ea anima mea.Declaratio sermonum tuorum inluminat et intellectum dat parvulis.Os meum aperui et adtraxi spiritum quia mandata tua desiderabam.Aspice in me et miserere mei secundum iudicium diligentium nomen tuum.Gressus meos dirige secundum eloquium tuum et non dominetur mei omnis iniustitia.Redime me a calumniis hominum et custodiam mandata tua.Faciem tuam inlumina super servum tuum et doce me iustificationes tuas.Exitus aquarum deduxerunt oculi mei quia non custodierunt legem tuam.Justus es Domine et rectum iudicium tuum.Mandasti iustitiam testimonia tua et veritatem tuam nimis.Tabescere me fecit zelus meus quia obliti sunt verba tua inimici mei.Ignitum eloquium tuum vehementer et servus tuus dilexit illud.Adulescentulus sum ego et contemptus iustificationes tuas non sum oblitus.Iustitia tua iustitia in aeternum et lex tua veritas.Tribulatio et angustia invenerunt me mandata tua meditatio mea.Aequitas testimonia tua in aeternum intellectum da mihi et vivam.Gloria Patri, etc.

   Clamavi in toto corde exaudi me Domine iustificationes tuas requiram.Clamavi te salvum me fac et custodiam mandata tua.Praeveni in maturitate et clamavi in verba tua supersperavi.Praevenerunt oculi mei ad diluculum ut meditarer eloquia tua.Vocem meam audi secundum misericordiam tuam Domine secundum iudicium tuum vivifica me.Adpropinquaverunt persequentes me iniquitate a lege autem tua longe facti sunt.Prope es tu Domine et omnes viae tuae veritas.Initio cognovi de testimoniis tuis quia in aeternum fundasti ea.

   Vide humilitatem meam et eripe me quia legem tuam non sum oblitus.Iudica iudicium meum et redime me propter eloquium tuum vivifica me.Longe a peccatoribus salus quia iustificationes tuas non exquisierunt.Misericordiae tuae multae Domine secundum iudicia tua vivifica me.Multi qui persequuntur me et tribulant me a testimoniis tuis non declinavi.Vidi praevaricantes et tabescebam quia eloquia tua non custodierunt.Vide quoniam mandata tua dilexi Domine in misericordia tua vivifica me.Principium verborum tuorum veritas et in aeternum omnia iudicia iustitiae tuae.

   Principes persecuti sunt me gratis et a verbis tuis formidavit cor meum.Laetabor ego super eloquia tua sicut qui invenit spolia multa.Iniquitatem odio habui et abominatus sum legem autem tuam dilexi.Septies in die laudem dixi tibi super iudicia iustitiae tuae.Pax multa diligentibus legem tuam et non est illis scandalum.Expectabam salutare tuum Domine et mandata tua dilexi.Custodivit anima mea testimonia tua et dilexi ea vehementer.Servavi mandata tua et testimonia tua quia omnes viae meae in conspectu tuo.

   Adpropinquet deprecatio mea in conspectu tuo Domine iuxta eloquium tuum da mihi intellectum.Intret postulatio mea in conspectu tuo secundum eloquium tuum eripe me.Eructabunt labia mea hymnum cum docueris me iustificationes tuas.Pronuntiabit lingua mea eloquium tuum quia omnia mandata tua aequitas.Fiat manus tua ut salvet me quoniam mandata tua elegi.

   Concupivi salutare tuum Domine et lex tua meditatio mea.Vivet anima mea et laudabit te et iudicia tua adiuvabunt me.Erravi sicut ovis quae periit quaere servum tuum quia mandata tua non sum oblitus.

   v. Deus, in adjutorium meum intende.

   r. Domine, ad adjuvandum me festina.

   Sicut erat in principio, et nunc et semper, et in saecula sæculorum. Amen.

   Laus tibi, Domine, Rex æternæ gloriæ.

   Dixit Dominus Domino meo : * Sede a dextris meis.

   Virgam virtutis tuae emittet Dominus ex Sion : *dominare in medio inimicorum tuorum.

   Tecum principium in die virtutis tuas in splendoribus Sanctorum : * ex utero ante luciferum genui te.

   Juravit Dominus, et non pœnitebit eum : * Tu es Sacerdos in aeternum secundum ordinem Melchisedech.

   Dominus a dextris tuis : * confregit in die iræ suæ reges.

   Judicabit in nationibus, implebit ruinas : * conquassabit capita in terra multorum.

   Confitebor. tibi, Domine, in toto corde meo : * in concilio justorum et congregatione.

   Magna opera Domini : * exquisita in omnes voluntates ejus.

   Confessio et magnificentia opus ejus : * et justitia ejus manet in sæculum sæculi.

   Memoriam fecit mirabilium suorum, misericors et miserator Dominus : * escam dedit timentibus se.

   Memor erit in sæculum testamenti sui : * virtutem operum suorum annuntiabit populo suo.

   Ut det illis hæreditatem gentium : * opera manuum ejus veritas et judicium.

   Fidelia omnia mandata ejus, confirmata in sæculum sæculi : * facta in veritate et æquitate.

   Redemptionem misit populo suo : * mandavit in æternum testamentum suum.

   Sanctum et terribile Nomen ejus : * initium sapientiæ timor Domini.

   Intellectus bonus omnibus facientibus eum : * laudatio ejus manet in sæculum sæculi.

   Beatus vir qui timet Dominum : * in mandatis ejus volet nimis.

   Potens in terra erit semen ejus : * generatio rectorum benedicetur.

   Gloria et divitiæ in domo ejus : * et justitia ejus manet in sæculum sæculi.

   Exortum est in tenebris lumen rectis : * misericors, et miserator, et justus.

   Jucundus homo, qui miseretur et commodat, disponet sermones suos in judicio : * quia in æternum non commovebitur.

   In memoria alterna erit justus : * ab auditione mala non timebit.

   Paratum cor ejus sperare in Domino, confirmatum est cor ejus : * non commovebitur donec despiciat inimicos suos.

   Dispersit, dedit pauperibus ; justitia ejus manet in sæculum sæculi : * cornu ejus exaltabitur in gloria.

   Sit Nomen Domini benedictum : * ex hoc nunc et usque in saeculum.

   A solis ortu usque ad occasum : * laudabile Nomen Domini.

   Excelsus super omnes Gentes Dominus : * et super cœlos gloria ejus.

   Quis sicut Dominus Deus noster qui in altis habitat : * et humilia respicit in cœlo et in terra ?

   Ut collocet eum cum principibus : * cum principibus populi sui.

   Qui habitare facit sterilem in domo : * matrem filiorum laetantem.

   Facta est Judaea sanctificatio ejus : * Israël potestas ejus.

   Montes exsultaverunt ut arietes : * et colles sicut agni ovium.

   Quid est tibi, mare, quod fugisti : * et tu, Jordanis, quia conversus es retrorsum :

   Montes, exsultastis sicut arietes : * et colles, sicut agni ovium ?

   Qui convertit petram in stagna aquarum : * et rupem in fontes aquarum.

   Non nobis, Domine, non nobis : * sed Nomini tuo da gloriam.

   Super misericordia tua, et veritate tua : * nequando dicant gentes : Ubi est Deus eorum ?

   Deus autem noster in cœlo : * omnia quaecumque voluit fecit.

   Os habent, et non loquentur : * oculos habent, et non videbunt.

   Aures habent, et non audient : * nares habent, et non odorabunt.

   Manus habent, et non palpabunt ; pedes habent, et non ambulabunt : * non clamabunt in gutture suo.

   Similes illis fiant qui faciunt ea : * et omnes qui confidunt in eis.

   Domus Israël speravit in Domino ; * adjutor eorum, et protector eorum est.

   Domus Aaron speravit in Domino : * adjutor eorum, et protector eorum est.

   Qui timent Dominum speraverunt in Domino : * adjutor eorum, et protector eorum est.

   Dominus memor fuit nostri : * et benedixit nobis.

   Benedixit omnibus qui timent Dominum : * pusillis cum majoribus.

   Adjiciat Dominus super vos : * super vos, et super filios vestros.

   Cœlum cœli Domino : * terram autem dedit filiis hominum.

   Non mortui laudabunt te, Domine : * neque omnes qui descendunt in infernum.

   Sed nos qui vivimus benedicimus Domino : * ex hoc nunc et usque in sæculum.

   Ad regias Agni dapes, Stolis amicti candidis, Post transitum Maris Rubri, Christo canamus Principi :Divina cujus caritas Sacrum propinat sanguinem, Almique membra corporis Amor sacerdos immolat.Sparsum cruorem postibus Vastator horret Angelus : Fugitque divisum mare ; Merguntur hostes fluctibus.Jam Pascha nostrum Christus est Paschalis idem victima, Et pura puris mentibus Sinceritatis azyma.O vera caeli victima, Subjecta cui sunt tartara, Soluta mortis vincula, Recepta vitae praemia.Victor, subactis inferis, Trophaea Christus explicat ; cœloque aperto, subditum Regem tenebrarum trahit.Ut sis perenne mentibus Paschale, Jesu, gaudium, A morte dira criminum Vitae renatos libera.Deo Patri sit gloria, Et Filio, qui a mortuis Surrexit, ac Paraclito, In sempiterna saecula.

   Amen.

   V. Mane nobiscum, Domine, Alleluia.

   Magnificat : * anima mea Dominum.

   Et exsultavit spiritus meus : * in Deo salutari meo.

   Quia respexit humilitatem ancillae suae : * ecce enim ex hoc beatam me dicent omnes generationes.

   Quia fecit mihi magna qui potens est : * et sanctum Nomen ejus.

   Et misericordia ejus a progenie in progenies : * timentibus eum.

   Fecit potentiam in brachio suo : * dispersit superbos mente cordis sui.

   Sicut locutus est ad patres nostros : * Abraham et semini ejus in sæcula.

   Benedictio Noctem quietam, et finem perfectum concedat nobis Dominus omnipotens.

   r. Amen.

   r. Amen.

   Fratres : Sobrii estote, et vigilate : quia adversarius vester diabolus, tamquam leo rugiens circuit quaerens quem devoret : cui resistite fortes in fide. Tu autem, Domine, miserere nobis.

   v. Adjutorium nostrum in Nomine Domini.

   v. Converte nos, Deus, Salutaris noster.

   r. Et averte iram tuam a nobis.

   v. Deus, in adjutorium meum intende.

   r. Domine, ad adjuvandum me festina.

   Cum invocarem exaudivit me Deus iustitiae meae : * in tribulatione dilatasti mihi.

   Filii hominum, usquequo gravi corde ? * ut quid diligitis vanitatem, et quaeritis mendacium ?

   Et scitote quoniam mirificavit Dominus sanctum suum : * Dominus exaudiet me, cum clamavero ad eum.

   Irascimini, et nolite peccare : * quae dicitis in cordibus vestris, in cubilibus vestris compungimini.

   Sacrificate sacrificium justitine, et sperate in Domino : * multi dicunt : Quis ostendit nobis bona ?

   Signatum est super nos lumen vultus tui, Domine : * dedisti laetitiam in corde meo.

   In pace in idipsum : * dormiam et requiescam.

   Quoniam tu, Domine, singulariter in spe : * constituisti me.

   Qui habitat in adjutorio Altissimi : * in profectione Dei cœli commorabitur.

   Dicet Domino : Susceptor meus es tu, et refugium meum : * Deus meus, sperabo in eum.

   Scapulis suis obumbrabit tibi : * et sub pennis ejus sperabis.

   Scuto circumdabit te veritas ejus : * non timebis a timore nocturno.

   A sagitta volante in die a negotio perambulante in tenebris : * ab incursu, et daemonio meridiano.

   Cadent a latere tuo mille, et decem millia a dextris tuis : * ad te autem non appropinquabit.

   Quoniam tu es, Domine, spes mea : * Altissimum posuisti refugium tuum.

   Non accedet ad te malum : * et flagellum non appropinquabit tabernaculo tuo.

   Quoniam Angelis suis mandavit de te : * ut custodiant te in omnibus viis tuis.

   In manibus portabunt te : * ne forte offendas ad lapidem pedem tuum.

   Quoniam in me speravit. liberabo eum : * protegam eum, quoniam cognovit Nomen meum.

   Clamabit ad me, et ego exaudiam eum : * eum ipso sum in tribulatione, eripiam eum, et glorificabo eum.

   Longitudine dierum replebo eum : * et ostendam illi Salutare meum.

   Qui statis in domo Domini : * in atriis domus Dei nostri.

   In noctibus extollite manus vestras in Sancta : * et benedicite Dominum.

   Benedicat te Dominus ex Sion : * qui fecit cœlum et terram.

   Ant. Miserere mihi, Domine, et exaudi orationem meam.

   Te lucis ante terminum, Rerum Creator, poscimus, Ut pro tua clementia, Sis praesul et custodia.

   Praesta, Pater piissime, Patrique compar Unice, Cum Spiritu Paraclito Regnans per omne saeculum. Amen.

   Tu autem in nobis es, Domine, et Nomen sanctum tuum invocatum est super nos : ne derelinquas nos, Domine Deus noster.

   r. br. In manus tuas, Domine : * Commendo spiritum meum : * Alleluia, alleluia.

   In manus tuas.

   v. Redemisti nos, Domine Deus veritatis. * Alleluia, alleluia.

   Gloria. In manus tuas.

   v. Custodi nos, Domine, ut pupillam oculi, alleluia.

   r. Sub umbra alarum tuarum protege nos, alleluia.

   Nunc dimittis servum tuum, Domine : * secundum verbum tuum in pace.

   Quia viderunt oculi mei : * Salutare tuum,

   Quod parasti : * ante faciem omnium populorum.

   Lumen ad revelationem Gentium : * et gloriam plebis tuae Israël.

   Ant. Salva nos, Domine, vigilantes ; custodi nos dormientes : ut vigilemus cum Christo, et requiescamus in pace. Alleluia.

   Visita, quaesumus Domine, habitationem istam, et omnes insidias inimici ab ea longe repelle : Angeli tui sancti habitent in ea, qui nos in pace custodiant : et benedictio tua sit super nos semper. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti Deus, per omnia sæcula sæculorum. Amen.

   v. Dominus vobiscum ;

   r. Et cum spiritu tuo.

   Benedicat et custodiat nos omnipotens et misericors Dominus, Pater, et Filius, et Spiritus Sanctus.

   r. Amen.

   r. Amen.

   Quia quem meruisti portare, Alléluia,

   Resurrexit sicut dixit, Alléluia.

   Ora pro nobis Deum, Alléluia.

   r. Quia surrexit Dominus vere, Alléluia.

   Deus, qui per Resurrectionem Filii tui Domini nostri Jesu Christi mundum laetificare dignatus es : praesta quaesumus, ut per ejus Genitricem Virginem Mariam, perpetuae capiamus gaudia vitae. Per eumdem Christum Dominum nostrum. Amen.

   V. Divinum auxilium maneat semper nobiscum.

   R. Amen.

   Vocem jucunditatis annuntiate, et audiatur, alleluia : annuntiate usque ad extremum terrae : liberavit Dominus populum suum, alleluia, alleluia.

   Ps. Jubilate Deo omnis terra : psalmum dicite Nomini ejus, date gloriam laudi ejus. Gloria Patri. Vocem jucunditatis

   Deus, a quo bona cuncta procedunt, largire supplicibus tuis : ut cogitemus, te inspirante,

   quae recta sunt, et, te gubernante, eadem faciamus. Per Dominum.

   Concede nos famulos tuos, quaesumus Domine Deus, perpetua mentis et corporis sanitate gaudere : et gloriosa beatae Marie semper Virginis intercessione, a praesenti liberari tristitia, et aeterna perfrui laetitia

   Ecclesiae, quaesumus Domine, preces placatus admitte, ut, destructis adversitatibus et erroribus universis, secura tibi serviat libertate. Per Dominum.

   Deus Omnium fidelium Pastor et rector, famulum tuum N., quem Pastorem Ecclesiae tue praeesse voluisti, propitius respice : da ci, quaesumus, verbo et exemplo, quibus praeest proficere ; ut ad vitam una cum grege sibi credito perveniat sempiternam. Per Dominum.

   fn HARISSIMI, Estote factores verbi, et non auditores tantum, fallentes vosmetipsos. Quia si quis auditor est verbi, et non factor, hic comparabitur viro consideranti vultum nativitatis suae in speculo ; consideravit enim se, et abiit, et stati m oblitus est qualis fuerit. Qui autem perspexerit in legem perfectam libertatis, et permanserit in ea, non auditor obliviosus factus, sed factor operis : hic beatus in facto suo erit. Si quis autem putat se religiosum esse, non refraenans linguam suam, sed seducens cor suum, hujus vana est religio. Religio munda, et immaculata apud Deum et Patrem, haec est : Visitare pupillos at viduas in tribulatione eorum, et immaculatum se custodire ab hoc saeculo.

   ALLELUIA ; alleluia. Surrexit Christus et illuxit nobis, quos redemit sanguine suo.

   Exivi a Patre, et veni in mundum ; iterum relinquo mundum at vado ad Patrem, alleluia

   In illo tempore : Dixit Jesus discipulis suis : Amen, amen dico vobis : si quid petieritis Patrem in nomine meo, dabit vobis. Usque modo non petistis quidquam in nomine meo : petite et accipietis, ut gaudium vestrum sit plenum. Haec in proverbiis locutus sum vobis. Venit hora cum jam non in proverbiis loquar vobis, sed palam de Patre annuntiabo vobis. In illo die in nomine meo petetis : et non dico vobis quia ego rogabo Patrem de vobis : ipse

   enim Pater amat vos, quia vos me amastis et credidistis quia ego a Deo exivi. Exivi a Patre, et veni in mundum : iterum relinquo mundum, et vado ad Patrem. Dicunt ei discipuli ejus Ecce nunc palam loqueris, et proverbium nullum dicis : nunc scimus quia scis omnia, et non opus est tibi ut quis te interroget : in hoc credimus quia a Deo existi.

   Benedicite, gentes, Dominum Deum nostrum, et obaudite vocem laudis ejus : qui posuit animam meam ad vitam, et non dedit commoveri pedes meos. Benedictus Dominus,, qui non amovit deprecationem meam, et misericordiam suam a me, alleluia.

   Suscipe, Domine, fidelium preces cum oblationibus hostiarum : ut per haec pia devotionis officia, ad cœlestem gloriam transeamus. Per Dominum.

   Tua, Domine, propitiatione, et beatae Mariae semper Virginis intercessione, ad perpetuam atque praesentem haec oblatio nobis proficiat prosperitatem et pacem.

   Protege nos, Domine, tuis mysteriis servientes : ut divinis rebus inhaerentes, et corpore tibi famulemur et mente. Per Dominum.

   Oblatis quaesumus Domine, placare muneribus : et famulum tuum N., quem Pastorem Ecclesiae tuae praeesse voluisti, assidua protectione guberna. Per Dominum.

   Cantate Domino, alleluia : cantate Domino, et benedicite Nomen ejus : bene nuntiate de die in diem salutare ejus, alleluia, alleluia.

   Tribue nobis, Domine, cœlestis mensae virtute satiatis, et desiderare quae recta sunt et desiderata percipere. Per Dominum.

   Sumptis, Domine, salutis nostrae subsidiis, da quaesumus, beatae Mariae semper Virginis patrociniis nos ubique protegi, in cujus veneratione haec tue obtulimus majestati.

   Quaesumus, Domine Deus noster, ut quos divina tribuis participatione gaudere, humanis non sinas subjacere periculis. Per Dominum.

   Haec nos, quaesumus Domine, divini Sacramenti perceptio protegat : et famulum tuum N., quem Pastorem Ecclesiae tuae praeesse voluisti, una cum commisso sibi grege, salvet semper et muniat. Per Dominum.

   Petite et accipietis, ut gaudium vestrum sit plenum : ipse enim Pater amat vos, quia vos me amastis, et credidistis, alleluia.

   Deus, a quo bona cuncta procedunt, largire supplicibus tuis : ut cogitemus, te inspirante, quae recta surit, et, te gubernante, eadem faciamus. Per Dominum.

   Habeant, dilectissimi fratres, vote cautelam, festa diligentiam gaudia disciplinam. Exsultare decet quod resurrexerimus : sed timere convenit ne cadamus. Inter novam vitam veteremque mortem oportet scire quid evasimus oportet eligere quid amemus. Non enim error, sed contemptus est peccare commonitum. Major post veniam poena sequitur contumaces gravius est captivos fieri jam redemptos. Habet ista pietas potestatem, habet potestas ista terrorem, habet terror iste vindictam. Non enim fuisset pius in homine, nisi prius iratus fuisset in daemone. Confortamur gratia doni, si non corrumpamur lege peccati. Ratio parcendi est praevisio corrigendi. Non mutamur indulgentia, si non renovetur offensa. Qui nobis quod peccavimus indulsit, et ne ultra peccaremus admonuit. Profuit clementia, si profecit disciplina. Jam quidem hominem gratia adoptavit, sed necdum daemonem gehenna suscepit. Violentia peccatum perdidit, non naturam. Dimicandi est facultas, non securitas otiandi. Spoliatus est adversarius, non exstinctus. Gravius necesse est ut frendeat in amissis, quibus praeerat dominando subjectis. Accepimus castra per fidem, arma per crucem, signa per carnem, vexilla per sanguinem restat causa certaminis. Qui enim auferre necessitatem noluit pugnae, spem voluit probare victoria. Praecessit quidem in adoptione donum, sed adhuc restat in conversatione judicium. Hic promissio e q de munere, illic vicissitudo futura est post laborem. Sit itaque ille ante oculos nostros Domini miserantis affectus, quod in taxatione nostra non argenti pondus, non auri talentum dedit, non gratiarum fudit ornatum, sed convitio subdidit se patibuli, sepulcro sustinens carneam injuriam, sepulturam. Nihil majus potuit dare, nihil melius. Ut utique sit probandum quod diligentius nos sibi servire voluit, qui pretiosius nos redemit. Ergo ut in nobis redemptionis sum beneficia dignetur perficere, constanter nos convenit ac perseveranter orare.

   Exaudivit de templo sancto suo vocem meam, alleluia : et clamor meus in conspectu ejus introivit in aures ejus, alleluia, alleluia.

   Ps. Diligam te, Domine, virtus mea : Dominus firmamentum meum et refugium meum, et liberator meus. Gloria Patri.

   Praesta, quaesumus omnipotens Deus, ut, qui in afflictione nostra de tua pietate confidimus, contra adversa omnia, tua semper protectione muniamur. Per Dominum nostrum Jesum Christum. Amen.

   Charissimi, Confitemini alterutrum peccata vestra, et orate pro invicem ut salvemini multum enim. valet deprecatio justi assidua. Elias homo erat similis nobis, passibilis : et oratione oravit ut non plueret super terram, et non pluit annos tres, et menses sex. Et rursum oravit : et cœlum dedit pluviam, et terra dedit fructum suum. Fratres mei, si quis ex vobis erraverit a veritate, et converterit quis eum : scire debet quoniam qui converti fecerit peccatorem ab errore vi suae, salvabit animam ejus a morte, et operiet multitudinem

   V. Confitemini Domino, quoniam bonus quoniam in saeculum misericordia ejus.

   In illo tempore : Dixit Jesus discipulis suis : Quis vestrum habebit amicum, et ibit ad ilium media nocte, et dicet illi : Amice, commoda mihi tres panes, quoniam amicus meus venit de via ad me, et non habeo quod ponam ante ilium ; et ille deintus respondens dicat : Noli mihi molestus esse, jam ostium clausum est, et pueri mei mecum sunt in cubili : non possum surgere, et dare tibi. Et si ille perseveraverit pulsans : dico vobis, et si non dabit surgens eo quod amicus ejus sit, propter improbitatem tamen ejus surget, et dabit illi quotquot habet necessarios. Et ego dico vobis : Petite, et dabitur vobis quaerite, et invenietis : pulsate, et aperietur vobis. Omnis enim qui petit, accipit : et qui quaerit, invenit : et pulsanti aperietur. Quis autem ex vobis patrem petit panem, numquid lapidem dabit illi ? Aut piscem numquid pro pisce serpentem dabit ? Aut si petierit ovum : numquid porriget illi scorpionem ? Si ergo vos, cum sitis mali, nostis bona data dare filiis vestris : quanto magis Pater vester de cœlo dabit spiritum bonum petentibus se !

   Confitebor Domino nimis in ore meo : et in medio multorum laudabo eum, qui adstitit

   a dextris pauperis, ut salvam faceret a persequentibus animam meam, alleluia.

   Haec munera, quaesumus Domine, et vincula nostra pravitatis absolvant, et tuae nobis misericordiae dona concilient. Per Dominum.

   Petite, et accipietis : quaerite, et invenietis : pulsate et aperietur vobis : omnis enim qui petit accipit : et qui quaerit invenit : et pulsanti aperietur, alleluia.

   Vota nostra, quaesumus Domine, pio favore prosequere : ut, dum dona tua in tribulatione percipimus, de consolatione nostra in tuo amore crescamus. Per Dominum.

   Tua sunt, Domine, alimonia, quibus in quotidiano victu ad sustentationem reficimur : tuaque jejunia, quibus carnem a lubrica voluptate, te praecipiente, restringimus. Tu ad consolationem nostram vicissitudines temporum disposuisti : ut tempus edendi corpora nostra refectio sobria aleret ; et jejunandi tempus ea in justitiam tibi placitam faceret macerata. Hanc hostiam ob jejunia triduanae macerationis a nobis oblatam sanctificans dignanter adsume, et praesta placatus : ut sopita delectatione corporea, mens ab iniquitatibus pariter conquiescet. Per Christum Dominum nostrum. Amen.

   Vere dignum et justum est, te tota cordis contritione in jejunio laudare, omnipotens sempiterne Deus, per Christum Dominum nostrum. Qui nos mysteriorum tuorum secretis informans, pacificum nemus ore columbae gestatum, Noe oculis ostendens, nobis de virente

   arbore crucis gloriosum signum expressit : quem co1utnbe species in Christi decoravit honore cunctis colendum Spiritus sanctificatione demonstrans. Cujus animalis innocentia esse similes praeoptantes, ab eoque sanctificari Spiritu, cujus ipse sumpsit speciem, exorantes ; in hoc jejunio triduana humiliatione instituto, invictum hoc signum cum plebium cuneis praeferentes, atque Majestatem tuam psallencii modulatione laudantes, petimus, omnipotens Deus : ut accipias cunctas plebis vota, quaque quoquo ritu tibi reddit subjecta : et ita eos in hoc jejunio sanctifices, ut a cinctis mereantur exui peccatis.

   Vere dignum et justum est, satisque est dignum : te solum a jejunantibus quaerere, qui es magister abstinentiae, et continentiae remunerator aeterne : quique a jejunantibus fideli tantum corde exposcunt abstergi omnem maculam, quam saturatis contrahit indecens. Hoc itaque sanctum jejunium in Leviticis apicibus per famulum tuum Moysen evidentibus declarasti : in quo jussisti ut humiliaremus animas nostras, ne exterminaremur ; sicut esu gulae deditus populus, exterminatur. Quod etiam nobis Unigenitus tuus ita sanctificavit implendo : et ut regnum perditum per jejunium panderet, et peccatis veniam daret. Et ideo quae instituisti, jejunia suscipe libens, per es nos a reatibus cunctis absolvens.

   Ant. Cumque intuerentur in cœlum euntem illum, dixerunt alleluia.

   Primum quidem sermonem feci de omnibus, o Theophile, quae coepit Jesus facere et docere, usque in diem qua praecipiens Apostolis per Spiritum Sanctum, quos elegit, assumptus est.

   R. br. Ascendit Deus in jubilatione,* Alleluia. Alleluia. Ascendit.

   V. Et Dominus in voce tubae *Alleluia, alleluia.

   V. Ascendens Christum in altum, alleluia

   Viri Galilaei, quid admiramini, adspicientes in cœlum ? Alleluia : quemadmodum vidistis eum ascendentem in cœlum, ita veniet, alleluia, alleluia, alleluia.

   Ps. Omnes gentes, plaudite manibus : iubilate Deo in voce exsultationis. Gloria Patri. Vini

   Concede, quaesumus omnipotens Deus : ut qui hodierna die Unigenitum tuum Redemptorem nostrum ad cœlos ascendisse credimus, ipsi quoque mente in cœlestibus habitemus. Per eumdem Dominum nostrum Jesum Christum.

   Primum quidem sermonem feci de omnibus, o Tbeophile, quae coepit Jesus facere et docere, usque in diem qua praecipiens Apostolis per Spiritum Sanctum, quos elegit, assumptus est quibus et praebuit seipsum vivum post Passionem suam in multis argumentis, per dies quadraginta apparens eis, et loquens de regno Dei. Et convescens, praecepit eis ab Jerosolymis ne discederent, sed exspectarent promissionem Patris, quam audistis (inquit) per os meum : quia Johannes quidem baptizavit aqua, vos autem baptizabimini Spiritu Sancto non post multos hos dies. Igitur qui convenerant, interrogabant eum dicentes : Domine, Si in tempore hoc restitues regnum Israel ? Dixit autem eis : Non est vestrum nosse tempora vel momenta, quae Pater posuit in sua potestate : sed accipietis virtutem supervenientis Spiritus Sancti in vos, et eritis mihi testes in Jerusalem et in omni Judaea, at Samaria, et usque ad ultimum terrae. Et cum haec dixisset, videntibus elevatus est : et nubes suscepit cum ab oculis eorum. Cumque intuerentur in cœlum euntem ilium, ecce duo viri adstiterunt juxta illos in vestibus albis, qui et dixerunt : Viri Galilaei quid statis adspicientes in cœlum ? Hic Jesus, qui assumptus est a vobis in cœlum, sic veniet, quemadmodum vidistis eum euntem in cœlum.

   V. Ascendit Deus in jubilatione, et Dominus in voce tubae.

   R. Dominus in Sina in sancto, ascendens in altum, captivam duxit captivitatem, alleluia.

   In illo tempore Recumbentibus undecim discipulis, apparuit illis Jesus, et exprobravit incredulitatem eorum et duritiam cordis : quia iis, qui viderant eum resurrexisse, non crediderunt. Et dixit eis : Euntes in mundum universum, praedicate Evangelium omni creaturae. Qui crediderit, et baptizatus fuerit, salvus erit : qui vero non crediderit, condemnabitur. Signa autem eos, qui crediderint, haec sequentur : In nomine meo daemonia ejicient ; linguis loquentur novis serpentes tollent ; et si mortiferum quid biberint, non eis nocebit ; super aegros manus ponent, et bene habebunt. Et Dominus quidem Jesus, postquam locutus est eis, assumptus est in cœlum, et sedet a dextris Dei. Illi autem profecti praedicaverunt ubique, Domino cooperante, et sermonem confirmante sequentibus signis.

   Ascendit Deus in jubilatione : et Dominus in voce tubae, alleluia.

   Suscipe, Domine, munera, quae pro Filii tui gloriosa Ascensione deferimus : et concede propitius ; ut a praesentibus periculis liberemur, et ad vitam perveniamus aeternam. Per eumdem Dominum nostrum Jesum Christum.

   Vere dignum et justum est, aequum et salutare, nos tibi semper et ubique gratias agere Domine sancte, Pater omnipotens, aeterne Deus, per Christum Dominum nostrum ; qui post resurrectionem suam omnibus discipulis suis manifestus apparuit, et ipsis cernentibus est elevatus in cœlum, ut nos divinitatis suae tribueret esse participes. Et ideo cum Angelis et Archangelis, cum Thronis et Dominationibus, cumque omni militia cœlestis exercitus, hymnum gloriae tuae canimus, sine fine dicentes : Sanctus, Sanctus, Sanctus.

   Psallite Domino, qui ascendit super cœlos cœlorum ad Orientem, alleluia.

   Praesta nobis, quaesumus omnipotens et misericors Deus, ut quae visibilibus mysteriis sumenda percepimus, invisibili consequamur effectu. Per Dominum.

   Ant. Elevatis manibus benedixit eis, et ferebatur in cœlum, alleluia.

   Et convescens, praecepit eis ab Jerosolymis ne discederent, sed exspectarent promissionem Patris, quam audistis (inquit) per os meum : quia Johannes quidem baptizavit aqua, vos autem baptizabimini Spiritu Sancto non post multos hos dies.

   R. br. Ascendens Christus in altum, * Alleluia, alleluia. Ascendens.

   V. Ascendo ad Patrem meum, et Patrem vestrum, alleluia,

   R. Deum meum, et Deum vestrum, alleluia.

   Videntibus illis elevatus est, et nubes suscepit eum in cœlo ; alleluia.

   Viri Galilaei, quid statis adspicientes in cœlum ? Hic Jesus, qui assumptus est a vobis in cœlum, sic veniet, quemadmodum vidistis eum euntem in cœlum.

   R. br. Ascendo ad Patrem meum, et Patrem vestrum, Alleluia, alleluia. Ascendo.

   V. Deum meum, et Deum vestrum. * Alleluia, alleluia.

   V. Dominus in cœlo, alleluia,

   1. Ant. Viri Galilaei, quid adspicitis in cœlum ? Hic Jesus qui assumptus est a vobis in cœlum, sic veniet. Alleluia.

   Psaume CIX. Dixit Dominus, page 34.

   2. Ant. Cumque intuerentur in cœlum euntem illum, dixerunt alleluia.

   3. Ant. Elevatis manibus, benedixit eis, et ferebatur in cœlum, alleluia.

   5. Videntibus illis elevatus est, et nubes suscepit eum in cœlo, alleluia.

   Quoniam confirmata est super nos misericordia ejus : * et veritas Domini manet in aeternum.

   Primum quidem sermonem feci de omnibus, o Theophile, quae coepit Jesus facere et docere, usque in diem qua praecipiens Apostolis per Spiritum Sanctum, quos elegit, assumptus est.

   Qua victus es clementia, Ut nostra ferres crimina, Mortem subires innocens, A morte nos ut tolleres !

   Perrumpis infernum chaos, Vinctis catenas detrahis : Victor triumpho nobili, Ad dexteram Patris sedes.

   Te cogat indulgentia, Ut damna nostra sarcias, Tuique vultus compotes Dites beato lumine.

   Tu dux ad astra et semita, Sis meta nos tris cordibus, Sis lacrymarum gaudium, Sis dulce vitae praemium. Amen.

   V. Dominus in cœlo, alleluia.

   O Rex gloriae, Domine virtutum, qui triumphator hodie super omnes cœlos ascendisti, ne derelinquas nos orphanos ; sed mine promissum Patris in nos Spiritum

   Concede, quaesumus omnipotens Deus : ut qui hodierna die Unigenitum tuum Redemptorum nostrum ad cœlos ascendisse credimus, ipsi quoque mente in cœlestibus habitemus. Per eumdem Dominum nostrum Jesum Christum.

   IN ASSUMPTIONE DOMINI, AD VESPERAS.

   Quando pervenisti Christe, in montem Olivarum, Patris adimpleturus beneplacitum, obstupuerunt cœlestes Angeli, et horruerunt inferorum habitatores. Adstabant autem discipuli cum gaudio trementes, dum ipsis loquereris tamquam thronus vero, ex adverso praeparata erat nubes exspectans ; portis autem apertis in decore suo cœlum apparebat ; et terra abscondita revelat, ut notus fiat Adae descensus et reascensus. Sed vestigia quidem exaltabantur tamquam a manu ; os vero multum benedicebat, quamdiu audiebatur ; nubes excipiebat, et cœlum te intus suscepit. Opus istud magnum praeter rerum ordinem operatus es, Domine, ad salutem animarum nostrarum.

   Delapsam in inferiores partes terrae naturam Adae a te, Deus, renovatam, super omnem principatum et potestatem tecum hodie sustulistj quia enim diligebas, tecum collocasti ; quia commiserebaris, tibi univisti ; quia unieras, simul passus es : quia passus es impassibilis, conglorificasti. At incorporei Quis est, aiebant, iste vir speciosus ? sed non tantum homo, Deus autem et homo, utramque proferens naturam. Unde alii Angeli in stolis circum discipulos volantes, clamabant : Viri qui a vobis abiit hic Jesus homo Deus, rursum veniet Deus homo, judex vivorum et mortuorum, fidelibus autem dans peccatorum veniam et magnam misericordiam.

   Quando assumptus es in gloria, Christe Deus, videntibus discipulis nubes te cum came suscipiebant, portae cœli sublatae surit ; Angelorum chorus in exsultatione laetabatur, supernae Virtutes clamabant dicentes : Attollite portas, principes, vestras, et introibit Rex gloriae. Discipuli autem obstupefacti dicebant : Ne separeris a nobis, pastor bone, sed mitte nobis sanctissimum Spiritum tuum, dirigentem et firmantem animas nostras.

   Domine, postquam utpote bonus, mysterium a saeculis et generationibus absconditum implevisti, in montem Olivarum cum discipulis tuis venisti, habens eam quae te creatorem et omnium opificem genuit. Eam enim quae in passione tua materno more prae omnibus doluit, oportebat et ob gloriam carnis tuae majori perfrui gaudio : cujus et nos participes effecti, in tua ad cœlos Ascensione, Domine, magnam tuam in nos misericordiam glorificamus.

   Unigenite Dei Filius, qui devicta morte de terrenis ad cœlestia transitum faciens, quasi filius hominis apparens, in throno magnam claritatem habens, quem omnis militia cœlestis exercitus Angelorum laudat : praebe nobis, ut nullis flagitiorum vinculis in corde hujus saeculi illigemur, qui te ad Patrem ascendisse gloriosa fidei devotione concinimus ; ut illic indesinenter cordis nostri dirigatur obtutus, quo tu ascendisti post vulnera gloriosus. Amen.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Potestates cœli territae sunt, videntes ascensum tuum, Christe ; alter ad alterum pavescentes dicebant : Quis est iste Rex gloriae ?

   Hic est incarnatu s Deus Verbum, qui in cruce peccatum occidit, et supervolans gloriose, venit in cœlum, Dominos fortis virtute sua.

   Hic est qui de monumento surrexit, et destruxit infernum, atque superscandens gloriose venit ad Patrem, Dominus potens in proelio.

   Qui ascendit hodie divina potestate in Patrio curru, ministrantibus ei angelicis choris, qui canebant dicentes : Attollite portas, principes vestras, et introibit Rex gloriae.

   Stupuerunt supernae Potestates, et tremenda voce clamabant ad invicem : Quis est iste Rex gloriae, qui venit in carne et mira virtute ; attollite, attollite portas, principes vestras, et introibit Rex gloriae.

   Qui complantati facti sumus similitudinis mortis tuae, Fili Dei, dignos fac nos conformes fieri tibi, gloriæ Rex : tibi cantent Ecclesiae sanctorum cantica spiritualia.

   Veterem hominem concrucifixum tibi fecisti, et stimulum peccati exstinxisti ; liberasti nos vivifico ligno, cui affixus es, et guttae sanguinis tui inebriarunt orbem ; tibi cantent Ecclesiae sanctorum cantica spiritualia.

   Propter miserationem divine humanitionis tuae, participes fecisti nos corporis tui et sanguinis, per sacrificium tuum Patri in odorem suavitatis oblatum, corporis a nobis sumpti, et ascendisti pellucidis nubibus, manifestatus Potestatibus ac Principatibus, qui stupefacti interrogabant Quis est iste qui properans venit de Edom ; et per Ecclesiam tuam didicerunt multiformem sapient iam tuam ; tibi cantent Ecclesiae sanctorum cantica spiritualia.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Placeat, dilectissimi fratres, saecularium cogitationum fasce deposito, erectis in sublime mentibus subvolare : et impositam aetheris fastigio assumpti hominis communionem, sequacibus cordis oculis contueri. Ad incomparabilem nobis claritatem attonitus vocandus aspectus, est Jesus Dominus noster : humilitatem nobis terrarum cœlorum dignitate conmutat acutus necesse est visus esse respicere quo sequimur. Hodie Salvator noster post assumptionem carnis, sedem repetit deitatis. Hodie hominem suum intulit Patri, quem obtulit passioni. Hunc exaltans in cœlis, quem humiliaverat in infernis. Hic visurus gloriam, qui viderat sepulturam. Et qui adversus mortem mortis suae dedit beneficium, ad spem vitae donavit resurrectionis exemplum. Hodie rediit ad Patrem, cum tamen sine Patris, qui sibi aequalis est, potestate non venerit. Hodie ascendit in cœlum qui obsequia cœlestium cum descenderet, non amisit. Ita in Patris natura unitate consistens, ut cum homo cœlum novus intraret, novum tamen Deus hominem non haberet. Petamus igitur ab omnipotentia Patris, per nomen Filii salvatoris, gratiae spiritalis ingressum, aeternae beatitudinis donum, beatae mansionis ascensum, catholicae credulitatis augmentum, haereticae infidelitatis excidium. Audiet profecto in confessione, quos in perditione quaesivit. Adstitit suis, qui non destit alienis. Aderit agnitus, qui non defuit agnoscendus. Non patietur orphanos esse devotos, qui filios facere dignatus est inimicos. Dabit effectum supplicationis, qui promisit Spiritum sanctitatis. Amen.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Exaudi, Domine, vocem meam, qua clamavi ad te, alleluia : tibi dixit cor meum : Quaesivi vultum tuum, vultum tuum, Domine, requiram : ne avertas faciem tuam a me, alleluia, alleluia.

   Ps. Dominus illuminatio mea, et salus mea : quem timebo ? Gloria Patri. Exaudi.

   Omnipotens sempiterne Deus, fac nos tibi semper et devotam gerere voluntatem, et majestati tuae sincero corde servire. Per Dominum

   Charissimi, Estote prudentes, et vigilate in orationibus. Ante omnia autem, mutuam in vobismet-ipsis charitatem continuam habentes quia charitas operit multitudinem peccatorum. Hospitales invicem sine murmuratione. Unusquisque, sicut accepit gratiam, in alterutrum illam administrantes, sicut boni dispensatores multiformis gratiae Dei. Si quis loquitur, quasi sermones Dei : si quis ministrat, tamquam ex virtute, quam administrat Deus : ut in omnibus honorificetur Deus per Jesum Christum Dominum nostrum.

   V. Regnavit Dominus super omnes gentes Deus sedet super sedem sanctam suam. Alleluia.

   V. Non vos relinquam orphanos : vado et venio ad vos, et gaudebit cor vestrum, alleluia.

   In illo tempore : Dixit Jesus discipulis suis Cum venerit Paraclitus, quem ego mittam vobis a Patre, Spiritum veritatis, qui a Patre procedit, ille testimonium perhibebit de me : et vos testimonium perhibebitis, quia ab initio mecum estis. Haec locutus sum vobis, ut non scandalizemini. Absque synagogis facient vos : sed venit hora ut omnis, qui interficit vos, arbitretur obsequium se praestare Deo. Et haec facient vobis, quia non noverunt Patrem, neque me. Sed haec locutus sum vobis ut, cum venerit. hora eorum, reminiscamini quia ego dixi vobis.

   Ascendit Deus in jubilatione : et Dominus in voce tubae, alleluia.

   Sacrificia nos, Domine, immaculata proficient : et mentibus nostris supernae gratiae dent vigorem. Per Dominum.

   Pater, cum essem cum eis, ego servabam eos quos dedisti mihi, alleluia : nunc autem ad te venio : non rogo ut tollas eos de mundo, sed ut serves eos a malo, alleluia, alleluia.

   Repleti, Domine, muneribus sacris : da quaesumus ; ut in gratiarum semper actione maneamus. Per Dominum.

   Haec locutus sum vobis, ut quum venerit hora eorum, reminiscamini, quia ego dixi vobis, alleluia.

   Omnipotens sempiterne Deus, fac nos tibi semper et devotam genere voluntatem, et majestati tuae sincero corde servire. Per Dominum.

   Ascendis orbes siderum, Quo te vocabat cœlitus Collata, non humanitus, Rerum potestas omnium.

   Ut trina rerum machina cœlestium, terrestrium Et inferorum condita, Flectat genu jam subdita.

   Tremunt videntes Angeli Versam vicem mortalium Peccat caro, mundat caro, Regnat Deus Dei caro.

   Hinc te precantes quaesumus, Ignosce culpis omnibus, Et corda sursum subleva Ad te superna gratia.

   Ut cum repente coeperis Clarere nube judicis, Poenas repellas debitas, Reddas coronas perditas.

   Jesu, tibi sit gloria, Qui victor in cœlum redis, Cum Patre et almo Spiritu, In sempiterna saecula. Amen.

   Salvator noster, et Domine, qui ascendens in cœlos, intuentium clarificatus apparere dignatus es oculis : dum ita ut ascenderas, venturum ad judicium polliceris ; fac nos hodiernae Ascensionis tuae festum pura cordium devotione suscipere : ut ita in te semper ad melius vita nostra ascendendo proficiat, qualiter ad judicium venientem inconfusibili contuitu te semper visionis adspiciat. Amen.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Optatus votis omnium Sacratus illuxit dies Quo Christus, mundi spes, Deus, Conscendit cœlos arduos.

   Ascendens in altum Dominus, Propriam ad sedem remeans, Gavisa sunt cœli regna, Reditu Unigeniti.

   Magni triumphum proelii ! Mundi perempto principe, Patris praesentat vultibus Victricis carnis gloriam.

   0 grande cunctis gaudium ! Quod partus nostrae Virginis Post sputa, flagra, post crucem, Paternae sedi jungitur.

   Agamus ergo gratias Nostrae salutis vindici, Nostrum quod corpus vexerit Sublimem ad cœli regiam.

   Sit nobis cum cœlestibus Commune manens gaudium, Illis quod se praesentavit, Nobis quod se non abstulit.

   Nunc provocatis actibus Christum exspectare nos decet, Vitaque tali vivere, Quae possit cœlos scandere.

   Gloria tibi, Domine, Qui scandis super sidera, Cum Patre et Sancto Spiritu In sempiterna saecula. Amen.

   Christe Dei virtus, et Dei sapientia, qui propter nos et nostram salutem descendens e cœlis humani generis carne vestiri dignatus es, ut dignissima societate nos tua Deitate vestires, et quod mortale descendendo susceperas, immortalitati ascendendo donares ; tribue nobis interventu solemnitatis hodiernae, qua te cœlos ascendente et sequi cupimus et gaudemus, ut benignissimae dispensationis hujus munera cognoscentes, reddamus pietati tuae quod solum possumus, vota laudum ; exspectantes secundi adventus tui aeternorum solatia gaudiorum.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Christus hunc diem jucundum Cunctis concedat esse christianis, Amatoribus suis.

   Terras Deus visitasti aeternus, Aethera novus homo Transvolans.

   Officiis te Angeli atque nubes Stïpant, ad Patrem Reversurum.

   Sed quid mirum, Cum lactanti adhuc Stella tibi serviret Et Angeli ?

   Tu hominem non fictum Levando super sidereas metas, Regum Domine.

   Quanta gaudia Tuos replent Apostolos, Quis dedisti cernere Te cœlos pergere.

   Quam hilares In cœlis tibi occurrunt Novem ordines.

   In humeris portanti Diu dispersum a lupis, Gregem unum,

   Amen.

   Domine Jesu Christe, creator astrorum qui inclinasti capita nubium, dum te humiliasti in conversatione mortalium ; ut in eo corpore, quo pro nobis probra sustinuisti impiorum, in ipso ascenderes super omnes cœlos cœlorum, et laudes sumeres Angelorum : exaudi nos propitius, et hoc nobis concede placatus, ut, absoluti criminibus, illuc te nunc praevium sequamur corde, quo tu ascendisti glorificatus in homine ; ut te etiam tunc contemplari possimus conditorem et Dominum aeternum in Maiestate, quem nunc verum Deum praestolamur et judicem. Amen

   Domine Jesu Christe, qui ascendisti super cœlos cœlorum ad Orientem, Occasum devincens ; quos in te suscepisti redimendos, in te perfice ad excelsa tollendos : ut ubi caput praecessisti glorificatum, illuc totum corpus adtrahas honorandum : nec in Occiduum mundi relinquas, quos ad Orientem perpetuum versus triumphator exaltas.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Redit cum victoria, Capta ducens spolia, Tuba jubilante.

   Intrat tabernaculum Moyses, et populum Trahit ad spectaculum Tanta virtus rei : Stant suspensis vultibus, Intendentes nubibus Jesum subducentibus, Viri Galilaei.

   Dum Elias sublevatur, Elisaeo duplex datur Spiritus et pallium Alta Christus dum conscendit, Servis suis mnas appendit Gratiarum omnium.

   Transit Jacob hunc Jordanem, Luctum gerens non inanem, Crucis usus baculo ; Redit turmis cum duabus, Angelis et animabus, Et thesauri sacculo.

   Vocat Pater Filium Ad consessus solium, Donec suppedaneos, Victos vel spontaneos, Ponat inimicos. Sedet in altissimis, Fruitur potissimis Redit ex novissimis, Judicans ex intimis Justos et iniquos.

   Veni, Deus ultionum, Veni cum dementia : Dum sistemur ante thronum Tua in praesentia Mane nobis tune auditam Lac misericordiam In perennem transfer vitam Ad futuram gloriam. Amen.

   Amen.

   Domine Jesu Christe, qui sublimius exaltasti thronum tuum in Jerusalem civitatem tuam, quae est utique Ecclesia, dum eam gloriose conquiris et ab ea triumphaliter ad Patrem ascendis : dum in assumpto homine Assumptionis tuae gloriam manifestas suit ergo in nobis, et vota tibi placita, et opera ipsa accepta ; ut ex hoc tecum possideamus regnum in gloria sempiterna. Amen.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   IN ASSUMPTIONE DOMINI, AD MAGNUM VESPERTINUM.

   Assumptus est in cœlos Dominus, ut mundo mitteret Paraclitum. cœli praeparaverunt thronum ejus, et nubes ascensum ejus. Mirantur Angeli, supra seipsos hominem videntes. Pater suscipit quem habet in sinu coaeternum. Spiritus Sanctus omnibus Angelis suis imperat Attollite portas, principes, vestras omnes gentes plaudite manibus, quia ascendit Christus ubi erat prius.

   Domine, Assumptione tua obstupuerunt Cherubim, conspicientia te Deum in nubibus ascendentem, super ipsa se-dentem ; et glorificamus te, quoniam benigna est misericordia tua : Gloria tibi.

   In montibus sanctis tuas videntes exaltationes, Christe, splendor gloriae Patris, fulgentem vultus tui speciem iterum atque iterum celebramus ; tuas adoramus passiones, resurrectionem honoramus, inclytam glorificantes Assumptionem : miserere nobis.

   Domine, quando te in nubibus elevatum viderunt Apostoli, cum gemitibus lacrvmarum tristitia repleti, Christe vitae dator, lamentantes dicebant : Domine, utpote misericors, ne derelinquas nos orphanos, quos propter clementiam dilexisti servos tuos ; sed mitte, sicut promisisti nobis, sanctissimum Spiritum tuum, illuminantem animas nostras.

   Domine, dispensationis impleto mysterio tuos assumens discipulos, in montem Olivarum tecum ducebas ; et ecce firmamentum cœli intrasti. Qui propter me egenus sicut ego factus es, et illuc ascendisti unde non es separatus, sanctissimum tuum mitte Spiritum, illuminantem animas nostras.

   A sinu paterno non separatus, dulcissime Jesu, et cum iis qui sunt in terra sicut homo conversatus, hodie a monte Olivarum assumptus es in gloria, et lapsam naturam nostram pro misericordia elevans, cum Patre sedere fecisti. Unde cœlestia incorporeorum agmina, prodigium stupentia, admiratione stabant attonita ; et tremore comprehensa tuum erga homines amorem magnificabant. Cum quibus et nos in terra existentes, tuam ad nos descensionem et a nobis Assumptionem glorificantes, rogamus dicentes : Qui discipulos et genitricem tuam Deiparam infinito gaudio in tua Assumptione replevisti, nos quoque electorum tuorum laetitia dignare, precibus eorum, propter magnam misericordiam tuam.

   Christe Jesu, terribilis Deus noster, et rex noster, cujus in nativitate cum pastoribus Angeli gloriam detulerunt ; cui, devicto mortis auctore, omnes gentes manibus cordibusque plauserunt ; quem tropaea victricia reportantem ad aethera, Apostolorum est fides prosecuta : fac nos redemptionis nostrae, et Ascensionis tum mysteria fidei jubilatione cantare ; et cum principibus populi, Deo Abraham fideli famulatu placere. Amen

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Exsurgat Deus, et dissipentur inimici ejus : * et fugiant, qui oderunt eum, a facie ejus.

   Sicut deficit fumus, deficiant : * sicut fluit cera a facie ignis, sic pereant peccatores a facie Dei.

   Et justi epulentur, et exsultent in conspectu Dei : * et delectentur in laetitia.

   Cantate Deo, psalmum dicite Nomini ejus : * iter facite ci qui ascendit super occasum : Dominus nomen illi.

   Exsultate in conspectu ejus : * turbabuntur a facie ejus, patris orphanorum et judicis viduarum.

   Deus in loco sancto suo : * Deus qui inhabitare facit unius moris in domo.

   Qui educit vinctos in fortitudine : * similiter eos, qui exasperant, qui habitant in sepulcris.

   Deus, quum egredereris in conspectu populi tui : * quum pertransires in deserto

   Pluviam voluntariam segregabis, Deus, haereditati tuae :* et infirmata est, tu vero perfecisti eam.

   Animalia tua habitabunt in ea : * parasti in dulcedine tua pauperi, Deus.

   Dominus dabit verbum evangelizantibus : * virtute multa.

   Si dormiatis inter medios cleros, pennae columbae de argentatae : * et posteriora dorsi ejus in pallore auri.

   Dum discernit cœlestis reges super eam, nive dealbabuntur in Selmon :* mons Dei, mons pinguis.

   Mons coagulatus, mons pinguis : * ut quid suspicamini montes coagulatos ?

   Mons, in quo beneplacitum est Deo habitare in en :* etenim Dominus habitabit in finem.

   Currus Dei decem millibus multiplex, millia laetantium :* Dominus in eis in Sina in Sancto.

   Ascendisti in altum, cepisti captivitatem : * accepisti dona in hominibus.

   Etenim non credentes : * inhabitare Dominum Deum.

   Benedictus Dominus die quotidie : * prosperum iter faciet nobis Deus salutarium nostrorum.

   Deus noster, Deus salvos faciendi :*et Domini Domini exitus mortis.

   Verumtamen Deus confringet capita inimicorum suorum : * verticem capilli perambulantium in delictis suis.

   Dixit Dominus : Ex Basan convertam : * convertam in profundum mans.

   Ut intingatur pes tuus in sanguine : * lingua Canum tuorum ex inimicis, ab ipso.

   Viderunt ingressus Dei mei : Regis mei qui est in Sancto.

   Praevenerunt principes conjuncti psallentibus :* in medio juvencularum tympanistriarum.

   Ibi Benjamin adolescentulus : * in mentis cessu.

   Manda Deus virtuti tuae : * confirma hoc Deus, quod operatus es in nobis.

   A templo tuo in Jerusalem : tibi offerent reges munera.

   Increpa feras arundinis, congregatio taurorum in vaccis populorum :* ut excludant eos, qui probati sunt argento.

   Dissipa gentes, quae bella volunt ; venient legati ex Aegypto :* Aethiopia praeveniet manus ejus Deo.

   Regna terrae cantate Deo : * psallite Domino. Psallite Deo qui ascendit super cœlum cœli : * ad Orientem.

   Ecce dabit voci suae vocem virtutis ; date gloriam Deo super Israel * magnificentia ejus, et virtus ejus in nubibus.

   Mirabilis Deus in sanctis suis ; Deus Israel ipse dabit virtutem et fortitudinem plebi suae * benedictus Deus.

   O Rex gloriae Domine virtutum, qui triumphator hodie super omnes caelos ascendisti, ne derelinquas nos ; sed mitte promissum Patris in nos Spiritum veritatis, alleluia.

   Qui procedis ab utroque, Genitore Genitoque Pariter, Paraclite, Redde linguas eloquentes, Fac ferventes in te mentes Flamma tua divite.

   Amor Patris Filiique, Par amborum, et utrique Compar et consimilis, Cuncta reples, cuncta foves, Astra regis, cœlum moves, Permanens immobilis.

   Te docente nil obscurum, Te praesente nil impurum ; Sub tua praesentia Gloriatur mens jocunda ; Per te laeta, per te munda Gaudet conscientia.

   Quando venis, Corda lenis ; Quando subis, Atrae nubis Effugit obscuritas ; Sacer ignis, Pectus uris ; Non comburis, Sed a curis Purgas, quando visitas.

   Mentes prius imperitas, Et sopitas et oblitas Erudis et excitas. Foves linguas, formas sonum. Cor ad bonum facit pronum A te data charitas.

   0 juvamen oppressorum, 0 solamen miserorum, Pauperum refugium, Da contemptum terrenorum Ad amorem supernorum Trahe desiderium.

   Tu qui quondam visitasti, Docuisti, confortasti Timentes discipulos, Visitare nos digneris ; Nos, Si placet, consoleris Et credentes populos.

   Quia tantus es et talis, Quantus Pater est et qualis ; Servorum humilitas Deo Patri, Filioque Redemptori, tibi quoque Laudes reddat debitas. Amen.

   Amen.

   Veni Sancte Spiritus, reple tuorum corda fidelium, et tui amoris in eis ignem accende.

   Infirma nostri corporis

   Ductore sic te praevio

   Per te sciamus da Patrem,

   Noscamus atque Filium,

   In saeculorum saecula.

   Amen.

   Amen.

   Cum complerentur dies Pentecostes, erant omnes discipuli pariter in eodem loco ; et factus est repente de cœlo sonus tamquam advenientis spiritus vehementis, et replevit totam domum ubi erant sedentes.

   V. Et hoc quod continet omnia scientiam habet vocis. * Alleluia, alleluia.

   Spiritus Domini replevit orbem terrarum, alleluia : et hoc quod continet omnia, scientiam habet vocis, alleluia, alleluia, alleluia.

   Ps. Exsurgat Deus, et dissipentur inimici ejus et fugiant qui oderunt eum a facie ejus. Gloria Patri. Spiritus Domini.

   Deus, qui hodierna die corda fidelium Sancti Spiritus illustratione docuisti : da nobis in eodem Spiritu recta sapere, et de ejus semper consolatione gaudere. Per Dominum.

   Cum complerentur dies Pentecostes, erant omnes discipuli pariter in eodem loco : et factus est repente de cœlo sonus, tamquam advenientis spiritus vehementis, et replevit totam domum ubi erant sedentes. Et apparuerunt illis dispertitae linguae tamquam ignis, seditque supra singulis eorum : et repleti sunt omnes Spiritu Sancto, et coeperunt loqui variis linguis, prout Spiritus Sanctus dabat eloqui illis. Erant autem in Jerusalem habitantes Judaei, viri religiosi ex omni natione, quae sub cœlo est. Facta autem hac voce, convenit multitudo, et mente confusa est, quoniam audiebat unusquisque lingua sua illos loquentes. Stupebant autem omnes, et mirabantur dicentes Nonne ecce omnes isti, qui loquuntur, Galilaei sunt ? et quomodo nos audivimus, unusquisque linguam nostram, in qua nati sumus ? Parthi et Medi, et Aelamitae, et qui habitant Mesopotamiam, Judaeam et Cappadociam, Pontum et Asiam, Phrygiam et Pamphyliam, 2Egyptum, et partes Libyae quae est circa Cyrenen, et advenae Romani, Judaei quoque, et Proselyti Cretes et Arabes : audivimus eos loquentes linguis nostris magnalia Dei.

   Alleluia, alleluia. Emitte Spiritum tuum, et creabuntur : et renovabis faciem terrae.

   V. Veni, Sancte Spiritus, reple tuorum corda fidelium : et tui amoris in eis ignem accende.

   In labore requies, In aestu temperies, In fletu solatium.

   Sine tuo numine, Nihil est in homine, Nihil est innoxium.

   Lava quod est sordidum, Riga quod est aridum, Sana quod est saucium.

   Flecte quod est rigidum, Fove quod est frigidum, Rege quod est devium.

   Da tuis fidelibus, In te confidentibus, Sacrum Septenarium.

   Amen. Alleluia.

   Lavez nos souillures, arrosez nos sécheresses, guérissez nos blessures.

   Amen. Alléluia.

   In illo tempore : Dixit Jesus discipulis suis Si quis diligit me, sermonem meum servabit, et Pater meus diliget eum, et ad eum veniemus, et mansionem apud eum faciemus : qui non diligit me, sermones meos non servat. Et sermonem quem audistis, non est meus : sed ejus qui misit me, Patris. Hic locutus sum vobis, apud vos manens ; Paraclitus autem Spiritus Sanctus, quem mittet Pater in nomine meo, ille vos docebit omnia, et suggeret vobis omnia quaecumque dixero vobis. Pacem relinquo vobis, pacem meam do vobis : non quomodo mundus dat ego do vobis. Non turbetur cor vestrum, neque formidet. Audistis quia ego dixi vobis : Vado et venio ad vos. Si diligeretis me, gauderetis utique, quia vado ad Patrem : quia Pater major me est, Et nunc dixi vobis priusquam fiat : ut quum factum fuerit, credatis. Jam non multa loquar vobiscum. Venit enim Princeps mundi hujus, et in me non habet quidquam. Sed ut cognoscat mundus quia diligo Patrem, et sicut mandatum dedit mihi Pater, sic facio.

   Confirma hoc Deus, quod operatus es in nobis : a templo tuo, quod est in Jerusalem, tibi offerent reges munera, alleluia.

   Munera, quaesumus, Domine, oblata sanctifica : et corda nostra Sancti Spiritus illustratione emunda. Per Dominum.

   Vere dignum et justum est, aequum et salutare, nos tibi semper, et ubique gratias agere : Domine sancte, Pater omnipotens, aeterne Deus : per Christum Dominum nostrum ; qui ascendens super omnes cœlos, sedensque ad dexteram tuam, promissum Spiritum Sanctum hodierna die in filios adoptionis effudit. Quapropter profusis gaudiis, totus in orbe terrarum mundus exsultat. Sed et supernae Virtutes, atque angelicae Potestates, hymnum gloriae tuae concinunt, sine fine dicentes : Sanctus, Sanctus, Sanctus.

   Sancti Spiritus, Domine, corda nostra mundet infusio : et sui roris intima aspersione foecundet. Per Dominum.

   Facta autem hac voce, convenit multitudo, et mente confusa est quoniam audiebat unusquisque lingua sua illos loquentes.

   Ant. Cum complerentur dies Pentecostes, erant omnes pariter in eodem loco, alleluia.

   Dixit Dominus Domino meo : * Sede a dextris meis.

   Virgam virtutis tuae emittet Dominus ex Sion : *dominare in medio inimicorum tuorum.

   Tecum principium in die virtutis tuas in splendoribus Sanctorum : * ex utero ante luciferum genui te.

   Juravit Dominus, et non pœnitebit eum : * Tu es Sacerdos in aeternum secundum ordinem Melchisedech.

   Dominus a dextris tuis : * confregit in die iræ suæ reges.

   Judicabit in nationibus, implebit ruinas : * conquassabit capita in terra multorum.

   Ant. Cum complerentur dies Pentecostes, erant omnes pariter in eodem loco, alleluia.

   Confitebor. tibi, Domine, in toto corde meo : * in concilio justorum et congregatione.

   Magna opera Domini : * exquisita in omnes voluntates ejus.

   Confessio et magnificentia opus ejus : * et justitia ejus manet in sæculum sæculi.

   Memoriam fecit mirabilium suorum, misericors et miserator Dominus : * escam dedit timentibus se.

   Memor erit in sæculum testamenti sui : * virtutem operum suorum annuntiabit populo suo.

   Ut det illis hæreditatem gentium : * opera manuum ejus veritas et judicium.

   Fidelia omnia mandata ejus, confirmata in sæculum sæculi : * facta in veritate et æquitate.

   Redemptionem misit populo suo : * mandavit in aeternum testamentum suum.

   Sanctum et terribile Nomen ejus : * initium sapientiæ timor Domini.

   Intellectus bonus omnibus facientibus eum : * laudatio ejus manet in sæculum sæculi.

   Beatus vir qui timet Dominum : * in mandatis ejus volet nimis.

   Potens in terra erit semen ejus : * generatio rectorum benedicetur.

   Gloria et divitiæ in domo ejus : * et justitia ejus manet in sæculum sæculi.

   Exortum est in tenebris lumen rectis : * misericors, et miserator, et justus.

   Jucundus homo, qui miseretur et commodat, disponet sermones suos in judicio : * quia in æternum non commovebitur.

   In memoria alterna erit justus : * ab auditione mala non timebit.

   Paratum cor ejus sperare in Domino, confirmatum est cor ejus : * non commovebitur donec despiciat inimicos suos.

   Dispersit, dedit pauperibus ; justitia ejus manet in sæculum sæculi : * cornu ejus exaltabitur in gloria.

   Ant. Fontes et omnia qua moventur in aquis, hymnum dicite Deo, alleluia.

   Sit Nomen Domini benedictum : * ex hoc nunc et usque in saeculum.

   A solis ortu usque ad occasum : * laudabile Nomen Domini.

   Excelsus super omnes Gentes Dominus : * et super cœlos gloria ejus.

   Quis sicut Dominus Deus noster qui in altis habitat : * et humilia respicit in cœlo et in terra ?

   Ut collocet eum cum principibus : * cum principibus populi sui.

   Qui habitare facit sterilem in domo : * matrem filiorum laetantem.

   Ant. Fontes et omnia qua moventur in aquis, hymnum dicite Deo, alleluia.

   Facta est Judaea sanctificatio ejus : * Israël potestas ejus.

   Montes exsultaverunt ut arietes : * et colles sicut agni ovium.

   Quid est tibi, mare, quod fugisti : * et tu, Jordanis, quia conversus es retrorsum :

   Montes, exsultastis sicut arietes : * et colles, sicut agni ovium ?

   Qui convertit petram in stagna aquarum : * et rupem in fontes aquarum.

   Non nobis, Domine, non nobis : * sed Nomini tuo da gloriam.

   Super misericordia tua, et veritate tua : * nequando dicant gentes : Ubi est Deus eorum ?

   Deus autem noster in cœlo : * omnia quaecumque voluit fecit.

   Os habent, et non loquentur : * oculos habent, et non videbunt.

   Aures habent, et non audient : * nares habent, et non odorabunt.

   Manus habent, et non palpabunt ; pedes habent, et non ambulabunt : * non clamabunt in gutture suo.

   Similes illis fiant qui faciunt ea : * et omnes qui confidunt in eis.

   Domus Israël speravit in Domino ; * adjutor eorum, et protector eorum est.

   Domus Aaron speravit in Domino : * adjutor eorum, et protector eorum est.

   Qui timent Dominum speraverunt in Domino : * adjutor eorum, et protector eorum est.

   Dominus memor fuit nostri : * et benedixit nobis.

   Benedixit omnibus qui timent Dominum : * pusillis cum majoribus.

   Adjiciat Dominus super vos : * super vos, et super filios vestros.

   Cœlum cœli Domino : * terram autem dedit filiis hominum.

   Non mortui laudabunt te, Domine : * neque omnes qui descendunt in infernum.

   Sed nos qui vivimus benedicimus Domino : * ex hoc nunc et usque in sæculum.

   Cum complerentur dies Pentecostes erant omnes discipuli pariter in eodem loco : et factus est repente de cœlo sonus, tamquam advenientis spiritus vehementis, et replevit totam domum ubi erant sedentes.

   Infirma nostri corporis

   Ductore sic te praevio

   Per te sciamus da Patrem,

   Noscamus atque Filium,

   In saeculorum saecula.

   Amen.

   Amen.

   Magnificat : * anima mea Dominum. Et exsultavit spiritus meus : * in Deo salutari meo.

   Quia respexit humilitatem ancillae suae : * ecce enim ex hoc beatam me dicent omnes generationes.

   Quia fecit mihi magna qui potens est : * et sanctum Nomen ejus.

   Et misericordia ejus a progenie in progenies : * timentibus eum.

   Fecit potentiam in brachio suo : * dispersit superbos mente cordis sui.

   Sicut locutus est ad patres nostros : * Abraham et semini ejus in sæcula.

   ANT. Hodie completi sunt dies Pentecostes, alleluia : hodie Spiritus Sanctus in igne discipulis apparuit, et tribuit eis charismatum dona : misit eos in universum mundum praedicare et testificari qui crediderit et baptizatus fuerit, salvus erit, alleluia.

   Deus, qui hodierna die corda fidelium Sancte Spiritu illustratione docuisti : da nobis in eodem Spiritu recta sapere, et de ejus semper consolatione gaudere. Per Dominum.

   Dixit severum et venerandum os : Divisio 'obis non fiet, o amici Ego enim ad paternum excelsum thronum Considens, effundam Spiritus Splendere desiderantibus gratiam infinitam.

   Terminus perfectus verissimum Verbum Tranquillae formae implet cor : Opere enim expleto, laetificavit amicos Flatu violento, et ignis glossematis Dato Spiritu, Christus ut pollicitus est.

   Erat procedens ex ingenita luce Omnipotenter lucificus incorruptusque splendor, Cujus per Filii paternam substantiam, Nunc manifestat cognatam facem Ignita vox in Sion gentibus.

   Balneum divinum regenerationis Verbo miscens compositae naturae, Suppeditas mihi aquam ex incorrupto Vulnerato tuo latere, o Dei Verbum, Sigillans fervore Spiritus.

   Servitis omnes divinissimo principatui, Quot servi estis triluminis substantive Supernaturaliter enim perficit ut benefactor, Et igneam formam Christus dat in salutem, Totam porrigens gratiam Spiritus.

   Solubilem purgationem criminum, Ignitum accipite Spiritus rorem, 0 filii luciformes Ecclesiae : Nunc enim ex Sion exivit lex, Igneae linguae forma, Spiritus gratia.

   Concors clamavit instrumentorum cantus, Adorare auream inanimam imaginem Paracliti autem lucifera gratia Dignos facit ut clament 0 Trinitas sola, Aequipotens, sine principio, benedicta es.

   Vocem a Propheta dictam qui ignorarunt, Dicebant stulti, factam a vino ebrietatem, Loquelae peregrinae auditae sunt ut Apostolorum. Pii autem tibi clamamus divinitus Novifice universi, benedictus es.

   Tertia quidem nacta est horarum gratiam, Ut demonstraret, tres substantias Adorare in simplicitate potestatis Sed in prima nunc dierum Dominica Filius, Pater et Spiritus, benedictus es.

   Missa columba descendens magnae vocis sonitu de excelsis ad similitudinem lucis, fulgoris igne armavit sine combustura discipulos, dum adhuc sederent in sacro coenaculo.

   Immaterialis columba, inscrutabilis, quae scrutatur profunda Dei, quae accipiens a Patre, renuntiat terribilem alterum adventum, quamque praedicarunt consubstantialem.

   Laus in altissimis procedenti a Patre Spiritui Sancto, per quem Apostoli inebriati sunt immortali calice, et invitarunt terram ad cœlum.

   Vivificator Deus, mune Spiritus, congregatos unanimi amore illuminasti igneis linguis ; quapropter nos quoque hodie celebramus adventum tuum sanctum.

   Delectati surit tuo adventu sancti Apostoli, accersitis insimul dispersis ab invicem multisonis linguis ; quapropter nos quoque hodie celebramus adventum tuum sanctum.

   Spiritali sancto baptismate, exornasti per eos terrarum orbem in vestibus pellucidis ac in novis amictibus ; quapropter nos quoque hodie celebramus adventum tuum sanctum.

   Qui in cherubico curru quiescis, hodie descendisti de cœlis in chorum Apostolorum, Sancte Spiritus : benedictus es, rex immortalis.

   Qui graderis super pennas ventorum, hodie in igneis linguis divisus quievisti in Apostolis, Sancte Spiritus : benedictus es, rex immortalis.

   Qui curam habes in providentia tuarum creaturarum, hodie venisti ad firmandam Ecclesiam tuam, Sancte Spiritus benedictus es, rex immortalis.

   Aequum et salutare nos in hac praecipitia festivitate gaudere, qua sacratissimum Pascha quinquaginta dierum mysteriis tegitur, et mysticus numerus adimpletur, et dispersio linguarum, qua dudum per superbiam in confusione facta fuerat, nunc per Spiritum Sanctum adunatur. Hodie enim de cœlis repente sonum audientes Apostoli unius fidei symbolum exceperunt, et linguis variis Evangelii tui gloriam cunctis gentibus tradiderunt. Per Christum Dominum nostrum.

   Dignum et justum est, omnipotens Deus pro possibilitate carnali munerum tuorum beneficia confiteri, et indultum hodierno die donum salutis paternae anniversaria semper commemoratione celebrare. Etenim pro adventu Spiritus tui Sancti tacere quis audeat ? cum omnis per Apostolos tuos etiam gentium barbararum lingua non taceat. Quis enim enarrare valet hujus hodierno die ignis illapsum, sic distributa discipulis genera universa linguarum ; ut nec Latinus Hebraeo, nec Graecus Aegyptio, nec Scytha Indo, propria dum quisque et peregrina audiens loquitur lingua, detrimentum vel alienigeni fecerit, vel sui senserit intellectus ? Quaque virtute sit actam, quod dicentis veritatis praeconibus per spatia immensa terrarum unius atque indivisibilis donum doctrinae cœlestis pro potestate voluntaria partiretur ? Nihil agens unitati fidei dissonum, quamvis multiplicis scientiae distributione pulcherrimum, et multimoda mirificum exstiterit varietate sermonum. Ostendens quod confessioni dominicae non impedit diversitas lingua nec interest quod vario quis sermone fateatur, dummodo anus sit ille qui creditur.

   Obsecramus igitur Domine, at haec nostra confessio de cordibus filiorum promissionis emissa, tibi Pater gloriae, semper accepta sit, et ad speranda ac promerenda ea quae tuis fidelibus promisisti, sensus nostros divini Spiritus infusione benedicas atque sanctifices. Effusa etenim ad nostram indulgentiam tuae gloriae largitate inter innumerà dona atque opera Sancti Spiritus, nihil sublimius Ecclesiae exordiis collatum fuisse cognoscimus, quam ut praeconium Evangelii tui ora linguis universarum gentium loquerentur. Et hoc non nisi Sancti Spiritus tui gratia revelante, qui nobis post Resurrectionis Filii tui gloriam, transactis septem hebdomadibus venit : ostendens quod etsi septiformis est, tamen in uno gradu omnium concordantium sibi virtutum summa consistit. Ac sicut septem unum in numeris est, sic septem inveniuntur in singulis. Hi sunt sine dubio septem gradus templi tui, per quos ad – cœlorum regna conscenditur. Hic est quinquagesimus remissionis annus olim in legis tropologiis praedicatus. Hic est fructus messis novae, qui hodie mandatur offerri. Qui licet ante omnia specula semper aeternus sit : tamen nobis quum innotuit, tunc novus effectus est.

   Nec illud sine mysterio esse significans, quod post Ascensionem Filii tui decima nobis die hoc munus infunditur, ostendens quod cultoribus vineae hic esset a patre-familias denarius repromissus. Magnum autem et prae omnibus necessarium fuit hoc tibi divini muneris signum, quod quum super capita discipulorum ignea conscendisset forma linguarum, de cordibus credentium nec dissonum aliquid faceret prodire nec tepidum ; sed praedicatores Verbi tui et intelligentia essent unanimes, et charitate ferventes. 0 ignis exurendo foecundans ! Hunc igitur omnipotentem esse Dominum omnis intellectualis creatura vivificatione fatetur, cujus etiam Cherubin et Seraphin, ferventes copiosius igne, speciali ejus vocabulo sanctitatis divine magnificantes aequalitatem atque omnipotentiam Trinitatis, requiem non habentes, nec tali unquam officio lassescentes, cœlestium exercituum praecinentibus choris, perenni jubilatione decantant, adorant atque magnificant, ita dicentes : Sanctus ! Sanctus ! Sanctus !

   Sancti Spiritus Adsit nobis gratia

   Quae corda nostra Sibi faciat Habitaculum.

   Horridas Nostra mentis Purga tenebras

   Amator sancte Sensatorum Semper cogitatuum.

   Purifica nostri oculum Interioris hominis.

   Ut videri Supremus Genitor Possit a nobis.

   Apostolos confortasti, Uti tropaeum Christi Per totum orbem veherent.

   Quando machinam Per Verbum suum Fecit Deus cœli, terrae, marium,

   Tu divisum Per linguas mundum et ritus Adunasti, Domine.

   Idololatras Ad cultum Dei revocas, Magistrorum optime.

   Ergo nos Supplicantes tibi Exaudi propitius, Sancte Spiritus.

   Hunc diem Gloriosum fecisti. Amen.

   Veni Sancte Spiritus, reple tuorum corda fidelium, et tui amoris in eis ignem accende.

   Deus qui Apostolis tuis Sanctum dedisti Spiritum : concede plebi tuae piae petitionis effectum ; ut quibus dedisti fidem largiaris et pacem. Per Dominum.

   In diebus illis : Aperiens I Petrus os suum dixit Viri fratres, nobis praecepit Dominus praedicare populo, et testificari quia ipse est, qui constitutus est a Deo judex vivorum et mortuorum. Huic omnes prophetae testimonium perhibent, remissionem peccatorum accipere per N omen ejus omnes qui credunt in eum. Adhuc loquente Petro verba haec, cecidit Spiritus Sanctus super omnes qui audiebant verbum. Et obstupuerunt ex circumcisione fideles qui venerant cum Petro quia et in nationes gratia Spiritus Sancti effusa est. Audiebant enim illos loquentes linguis, et magnificantes Deum. Tune respondit Petrus : Numquid aquam quis prohibere potest, ut non baptizentur hi, qui Spiritum Sanctum acceperunt sicut et nos ? Et jussit eos baptizari in nomine Domini Jesu Christi.

   V. Veni, Sancte Spiritus, reple tuorum corda fidelium : et tui amoris in eis ignem accende.

   In illo tempore : Dixit Jesus Nicodemo : Sic Deus dilexit mundum, ut Filium suum Unigenitum daret : ut omnis qui credit in eum, non pereat, sed habeat vitam aeternam. Non enim misit Deus Filium suum in mundum ' ut judicet mundum, sed ut salvetur mundus per ipsum. Qui credit in eum, non judicatur : qui autem non credit, jam judicatus est : quia non credit in nomine Unigeniti Filii Dei. Hoc est autem judicium : quia lux venit in mundum, et dilexerunt homines magis tenebras quam lucem : erant enim eorum mala opera. Omnis enim, qui male agit, odit lucem, et non venit ad lucem, ut non arguantur opera ejus : qui autem facit veritatem, venit ad lucem, ut manifestentur opera ejus, quia in Deo sunt facta.

   Propitius, Domine, quaesumus, haec dona sanctifica : et hostiae spiritalis oblatione suscepta, nosmetipsos tibi perfice munus aeternum. Per Dominum.

   Spiritus Sanctus docebit vos, alleluia : quaecumque dixero vobis, alleluia, alleluia.

   Adesto, quaesumus Domine, populo tuo : et quem mysteriis cœlestibus imbuisti, ab hostium furore defende. Per Dominum.

   Si quis diligit me, sermonem meum servabit : et Pater meus diliget eum, et ad eum veniemus, et mansionem apud eum faciemus, alleluia.

   Idem ac similis Patri et Filio, Spiritus tu non facte, et coexistens, procedens a Patre inscrutabiliter, accipiens a Filio inenarrabiliter, in Coenaculum hodie descendisti, spiritu gratiae tuae potasti : pota nos quoque per misericordiam calice sapientiae.

   Exstantium creator effectorum, qui ferebaris super aquas, pariter in aquis lavacri concessi nobis a tibi coexistente, blandiris amore columba homines generas Deiformes : pota nos quoque. per misericordiam calice sapientiae.

   Magister supernorum intellectualium, ac imorum horum sensibilium ; qui Prophetas das pastoribus, et Apostolos de piscatoribus, Evangelistas publicanos, praedicatores verbi tui persecutores : pota nos quoque per misericordiam calico sapientiæ.

   Formidabilis venti instar, horrisono vehementi sonitu, apparuisti in Coenaculo, Spiritus tu, choro duodecim, qui a te baptizati, velut aurum igne purgati sunt : expurga a nobis caliginem peccati ; et indue nos lumine gloriæ.

   Amor ex amore te amorem misit, sibi membra sua junxit, Ecclesiam suam quam aedificavit, septem columnis tuis firmavit, oeconomos in ea posuit Apostolos septem charismatibus tuis exornatos : expurga a nobis caliginem peccati, et indue nos lumine gloriae.

   Amor Patris et Filii, Nexus Gignentis et Geniti.

   Tibi soli digno coli Cum Patre Filioque Jugis cultus, Honor multus Sit semper

   Istis solamen, Ne desperent de te, Istis juvamen, Ut suspirent ad te.

   Deducis per semitam Pacis et laetitiae Inducis sub nube In aulam Sapientiae.

   Spiritus veritatis, Nodus fraternitatis, Ab eodem missus A quo et promissus.

   Imples et instruis Certos in dubiis, Firmas in subitis, Regis in licitis.

   Dirigens rectum, Formans affectum, Firmans provectum, Et ad portas Paradisi Coronans dilectum. Amen.

   Amen.

   Veni Sancte Spiritus, reple tuorum corda fidelium, et tui amoris in eis ignem accende.

   Accipite jucunditatem gloriae vestræ, alleluia : gratias agentes Deo, alleluia : qui vos ad cœlestia regna vocavit, alleluia, alleluia, alleluia.

   Ps. Attendite, popule meus, legem meam : inclinate aurem vestram in verba oris mei. Gloria Patri. Amen.

   Adsit nobis, quaesumus Domine, virtus Spiritus Sancti, quae et corda nostra clementer expurget, et ab omnibus tueatur adversis. Per Dominum.

   In diebus illis : Quum audissent Apostoli, qui erant Jerosolymis, quod recepisset Samaria verbum Dei, miserunt ad eos Petrum et Johannem, qui quum venissent, oraverunt pro ipsis ut acciperent Spiritum Sanctum ; nondum enim in quemquam illorum venerat, sed baptizati tantum erant in nomine Domini Jesu. Tunc imponebant manus super illos, et accipiebant Spiritum Sanctum.

   V. Spiritus Sanctus docebit vos quaecumque dixero vobis. Alleluia.

   V. Veni, Sancte Spiritus, reple tuorum corda fidelium, et tui amoris in eis ignem accende.

   In illo tempore : Dixit Jesus Pharisaeis : Amen, amen dico vobis, qui non intrat per ostium in ovile ovium, sed ascendit aliunde, ille fur est, et latro. Qui autem intrat per ostium, pastor est ovium. Huic ostiarius aperit, et oves vocem ejus audiunt, et proprias oves vocat nominatim, et educit eas, et quum proprias ores emiserit, ante eas vadit : et oves illum sequuntur, quia sciunt vocem ejus. Alienum autem non sequuntur, sed fugiunt ab eo quia non noverunt vocem alienorum. Hoc proverbium dixit eis Jesus. illi autem non cognoverunt quid loqueretur cis. Dixit ergo eis iterum Jesus : Amen, amen dico vobis quia ego sum ostium ovium. Omnes quotquot venerunt, fures sunt et latrones, et non audierunt eos ores. Ego sum ostium. Per me si quis introierit, salvabitur : et ingredietur, et egredietur, et pascua inveniet. Fur non venit nisi ut furetur, et mactet et perdat. Ego veni ut itam habeant, et abundantius habeant.

   Portas cœli aperuit Dominus, et pluit illis manna, ut ederent : panem cœli dedit eis, panem Angelorum manducavit homo, alleluia.

   Purificet nos, quaesumus Domine, muneris praesentis oblatio : et dignos sacra participatione efficiat. Per Dominum.

   Mentes nostra, quaesumus Domine, Spiritus Sanctus divinis reparet sacramentis : quia ipse est remissio omnium peccatorum. Per Dominum.

   Egos sum ostium, dicit Dominus : per me si quis introierit, salvabitur et pascua inveniet, alleluia.

   Hodie humea natura nostra exsultat reconciliatione cum Patre ; quia qui abstulit spiritum ab hominibus, caro effectis, iterum donat.

   Hodie pueri Ecclesiae celebrant in exsultatione adventum Sancti Spiritus, per quem exornati sunt vestibus pellucidis et clarissimis, cantantes cum Seraphim trisagium.

   Qui unitos turris, divisione linguarum sejunxit, hodie divisas linguas nationum univit rursum in sacro coenaculo ; omnes Spiritus, benedicite Spiritum Dei.

   Qui descendit, Spiritus Domini, et ductor fuit duodecim tribuum Israel in deserto, hodie duodecim Apostolos perducit ad Evangelium omnes Spiritus, benedicite Spiritum Dei.

   Amor Patris et Filii, Veri splendor auxilii, Totius spes solatii.

   Illuminator cordium, Per quem ad Patrem omnium Venitur, et ad Filium.

   Patris ac Nati Spiritus, Vivificans Paraclitus Divinae dextrae digitus.

   Spiritus scientiae, Ad consolandum hodie Apostolis donatur : Et eis plenarie, Fons verae sapientiae Per hunc administratur. Amen.

   Amen.

   Veni Sancte Spiritus, reple tuorum corda fidelium, et tui amoris in eis ignem accende.

   Ad concordes non invitat Linguae cordis modulos

   Christus misit quod promisit Pignus Sponsae, quam revisit Die quinquagesima ; Post dulcorem melleum Petra fudit oleum, Petra jam firmissima.

   In tabellis saxeis, Non in linguis igneis, Lex de monte populo ; Paucis cordis novitas Et linguarum unitas, Datur in Coenaculo.

   0 quam felix, quam festiva Dies in qua primitiva Fundatur Ecclesia ! Vivae sunt primitiae Nascentis Ecclesiae, Tria primum millia.

   Panes legis primitivi, Sunt sub una adoptivi Fide duo populi : Se duobus interjecit Sicque duos unum fecit Lapis, caput anguli.

   Utres novi, non vetusti, Sunt capaces novi musti : Vasa paret vidua. Liquorem dat Eliseus : Nobis sacrum rorem Deus, Si corda congrua.

   Non hoc musto vel Non hoc sumus digni rore, Si discordes moribus. In obscuris vel divisis, Non potest haec Paraclisis Habitare cordibus.

   Consolator alme, veni : Linguas rege, corda leni : Nihil fellis aut veneni Sub tua praesentio. Nil jocundum, nil amoenum, Nil salubre, nu l serenum, Nihil dulce, nihil plenum, Sine tua gratia.

   Tu qui dator es et donum Nostri cordis ornne bonum, Cor ad laudem redde pro num, Nostrae linguae formans sonum In tua praeconia. Tu nos purga a peccatis, Auctor ipse puritatis, Et in Christo renovatis Da perfectae novitatis Plena nobis gaudia. Amen.

   Amen.

   Veni Sancte Spiritus, reple tuorum corda fidelium, et tui amoris in eis ignem accende.

   Hodie exsultant chori Apostolorum adventu Spiritus Dei, quos consolatus est loco Verbi incarnati, degens apud illos : gloriam offeramus illi agiologa voce.

   Hodie exiit aqua viva in Jerusalem, unde repleta sunt flumina Dei, et currentes inebriarunt terrarum orbem quadrifluvio fonte Eden : gloriam offeramus illi agiologa voce.

   O spiraculum sanctitatis, O ignis caritatis, O dulcis gustus In pectoribus, Et infusio cordium In bono odore virtutum !

   O fons purissimus, In quo consideratur Quod Deus alienos Colligit, Et perditos requirit !

   Custodi eos Qui carcerati sunt Ab inimico, Et solve ligatos, Quos divina vis Salvare vult.

   0 iter fortissimum, Quod penetravit omnia, In altissimis, Et in terrenis, Et in omnibus abyssis, Quum omnes componis Et colligis.

   Tu etiam semper Educis doctos, Per inspirationem sapientiae Laetificatos.

   Unde laus tibi sit, Qui es sonus laudis Et gaudium vit, Spes et honor fortissimus, Dans praemia lucis. Amen.

   Amen.

   Veni Sancte Spiritus, reple tuorum corda fidelium, et tui amoris in eis ignem accende.

   Large diffusus es in nobis, ignis vivus ; nam potati Apostoli, potarunt etiam terrarum orbem : benedictus es, Sancte Spiritus, tu vere.

   Hodie magnopere exsultant Ecclesiae gentilium, oblectati gaudio ex te, vivifice calix : benedictus es, Sancte Spiritus, tu vere.

   Qui mundum ambientes tenebras initio in lucem permutasti, hodie mirabili atque divino lumine tuo delectans implevisti Apostolos : precibus horum miserere.

   Qui ignem vibrantibus, ac alas pandentibus insides, hodie in chorum humanorum ineffabili amore effusus es de cœlis : benedictus es Sancte Spiritus Deus.

   Qui ab igneis linguis trisagio agiologaris, hodie in labia humanorum igniflue effusus es de cœlis : benedictus es, Sancte Spiritus Deus.

   Qui ab igniformibus in fulgentissimis flammis semper videris, hodie terris ignigustus calix effusus es de cœlis : benedictus es, Sancte Spiritus Deus.

   Quanta possumus, fratres charissimi, fide, intentione, virtute, gaudio, exsultatione, praeconio, devotione, obsequio, puritate, promissa nobis per Filium Dei, Sancti Spiritus munera hodie transmissa praedicemus. Reseretur nostrorum compago viscerum. Purgentur corda credentium, et pateant omnes sensus, atque recessus animorum. Quia nequaquam immensi laudem atque adventum, pectora angusta narrare sufficiunt. Ille etenim consors Patris, et Filius, unius ejusdemque substantiae tertius in persona, sed unus in gloria. Quem cœlorum regnum non capiunt, quia non eum circumscribunt neque claudunt, hodie ad angustiam cordis nostri ascendit hospitium. Et quis nostrum, fratres dilectissimi, tali se dignum hospite recognoscit ? Quis condigna advenienti exhibeat alimenta ? Quum et Angelorum et Archangelorum, et omnium Virtutum cœlestium ipse est vita. Et ideo quia nos impares tali habitatore cognoscimus, ut in nobis locum habitaculi sibimet praeparet supplicemus. Amen.

   Veni Sancte Spiritus, reple tuorum corda fidelium, et tui amoris in eis ignem accende.

   Qui in pennis agilibus immaterialium volantium ac ignem vibrantium Seraphim supersedens, in. providentia curam geris creaturarum, Spiritus to Sancte, benedictus es a creaturis tuis.

   Qui praeclarissima ac miroplena voce cum Patre et Filio semper glorificaris, ac benigne respicis ad creaturas, Spiritus tu Sancte, benedictus es a creaturis tuis.

   Hodie divina Providentia in coenaculo personans ventoso sonore, atque Apostolos inebrians distributus es in creaturis ; Spiritus tu Sancte, benedictus es a creaturis tuis.

   Veni, summe Consolator, Spes salutis, vita dator, Adsit tua gratia ! Dulcis ardor, ros divine, Bonitatis germine Eadem substantia.

   Ab utroque derivatus, Et a neutro separatus, Ad utrumque colligatus Sempiterno foedere ; Ros et vapor utriusque, Donet Pater Filiusque Quod effluas ad nos usque Largifluo munere.

   Plebs ut sacra renascatur Per hunc unda consecratur, Cui super ferebatur In rerum exordium ; Fons, origo pietatis, Fons emundans a peccatis, Fons de fonte deitatis, Fons sacrator fontium !

   Ignis vive, vivax unda, Munda sinus et fecunda, Subministra gratiam ; Caritatis tactos igne, Nosmet tibi fac benigne Sanctitatis hostiam.

   Patris, Nati pium Flamen, Vitiorum medicamen, Fessis esto sublevamen, Moestis consolatio. Castus amor et honestus, Aestus ardens, sed modestus, Urit ardor quos incestus Tua sanet unctio.

   Vox non sono designata, Vox subtilis, vox privata, Vox beatis inspirata, 0 vox dulcis, o vox grata, Sona nostris mentibus ! Lux depellens falsitatem, Lux inducens veritatem, Vitam atque sanitatem Et aéternam claritatem Nobis confer omnibus. Amen.

   Amen.

   Bernardinus Albizesca, nobili Senensi familia ortus, ab ineunte aetate non obscura sanctitatis dedit indicia ; nam a piis parentibus honeste educatus, neglectis puerilibus ludis, inter prima grammaticae studia, pietatis operibus animum intendit, jejuniis, orationi, et beatissimae Virginis cultui praecipue addictus. Misericordia vero in pauperes fuit insignis ; quae quidem omnia procedente tempore quo menus posset excolere, eorum numero adscribi voluit, qui Senis in hospitali domo beatae Maria de Scala, Deo inserviunt ; unde complures sanctitate celebres vin i prodierunt. Ibi corporis afflictatione, et aegrotantium cura, dum atrox pestilentia grassaretur, incredibili charitate sese exercuit. Inter coeteras autem virtutes castitatem, egregia forma repugnante, sanctissime custodivit, adeo ut eo praesente, nemo umquam, ne impudentissimus quidem, verbum minus honestum proferre auderet.

   Gravi morbo tentatus, eoque ad quatuor menses patientissime tolerato, demum incolumis de religiosae vitae instituto capessendo deliberare coepit : quo ut sibi viam muniret, aediculam in extrema urbe conduxit, in quam quum sese abdidisset, asperrimam omni ex parte vitam trahebat, Deum assidue orans, ut quid sibi sequendum esset, ostenderet. Quare divinitus factum est, ut beati Francisci Ordinem prae coeteris optaret, in quo humilitate, patientia, aliisque religiosi hominis virtutibus excelluit. Id quum coenobii rector animadverteret, jamque antea Bernardini doctrinam, et sacrarum litterarum peritiam perspectam haberet, praedicandi onus eidem imposuit, quo humillime suscepto, quum se minus idoneum i. agnosceret, ob vocis exilitatem ac raucitatem, Dei ope implorata, non sine miraculo ejusmodi impedimento liberatus est.

   Quumque ea tempera vitiis criminibusque redundarent, et cruentis factionibus in Italia, divina humanaque omnia permixta essent, Bernardinus urbes atque oppida concursans in non-tine Jesu, quem semper in ore et in pectore gerebat, collapsam pietatem moresque verbo et exempto magna ex parte restituit : quo factum est, ut praeclarae civitates eum sibi Episcopum a Summo Pontifice postularent : quod ille munus invicta humilitate constantissime rejecit. Denique vir Dei immensis laboribus exhaustis, multis magnisque editis miraculis, libris etiam pie docteque conscriptis, cum vixisset annos sex ac sexaginta, in urbe Aquila in Vestinis beato fine quievit : quem novis in dies coruscantem signis, anno post obitum sexto, Nicolaus Quintus Pontifex Maximus in Sanctorum numerum retulit.

   Praesentissimum Deiparae auxilium ad religionis hostes profligandos, saepe populus Christianus mirum in modum expertus est ; ex quo factum in sanctissimus pontifex Pius Quintus, post insignem victoriam, intercedente beatissima Virgine, a christianis de Turcarum tyranno apud Echinadas insulas reportatam, in Litaniis Lauretanis eamdem reginam cœlorum, inter alia praeconia, Auxilium christianorum appellari constituent. Sed illud in primis memorabile est, atque explorati miraculi loco habendum, quod quum Romanus Pontifex, Pius Septimus, impiorum consiliis et armis ex Apostolica Petri sede exturbatus, et arcta custodia, praesertim Savonae per annos quinque, coque amplius fuisset detentus, viis omnibus penitus interclusis, ne Dei Ecclesiam regere posset, nullo similis persecutionis in priscis annalibus exemplo, inopinato et praeter omnium exspectationem contigit, ut ingenti plausu, ac veluti universi orbis manibus Pontificio solio restitueretur. Quod et secundo accidit, dum iterum commoto turbine, ab Urbe discedens, sacro comitante cardinalium Collegio. Liguriam contendit. Verum praesentissimo Dei beneficio, cessante procella, quae grave minabatur excidium, Romam, plaudentibus prae novo gaudio populis, reversus est. Antea tamen, quod in votis habuerat, et captivitate detentus exsequi nequiverat, aurea corona insignem Savonae imaginem Deiparae Virginis sub titulo Matris Misericordiae, solemni ritu, propriisque manibus decoravit. Quam mirabilem rerum vicissitudinem idem Pontifex maximus Pius Septimus, totius eventus intime conscius, quum intercessioni sanctissimae Dei Genitricis, cujus potentem opem et ipse impense imploraverat, et ab omnibus Christi fidelibus implorari curaverat, acceptam merito referret, ejusdem Virginis Matris honorem sub appellatione Auxilii Christianorum solemne festum indixit perpetuo celebrandum die mensis Maii vigesimo quarto, faustissimi sui in Urbem reditus anniversario, adprobato etiam Officio proprio, ut tanti beneficii distincta et perennis exstet memoria, et gratiarum actio.

   Virginum Virgo, benedicta Jesu Mater, haec auge bona ; fac, precamur, Ut gregem Pastor pius ad salutis Pascua ducat.

   Te per aeternos veneremur annos, Trinitas, summo celebranda plausu ; Te fide mentes, resonoque linguae Carmine laudent. Amen.

   Amen.

   Te Redemptoris Dominique nostri Dicimus Matrem, speciosa Virgo, Christianorum decus, et levamen Rebus in arctis.

   Saeviant portae licet inferorum, Hostis antiquus fremat, et minaces, Ut Deo sacrum populetur agmen, Suscitet iras.

   Tanta si nobis faveat patrona, Bellici cessat sceleris tumultus, Mille sternuntur, fugiuntve turmae, Mille cohortes.

   Tollit ut sancta caput in Sione Turris, arx firmo fabricata muro, Civitas David, clypeis et acri Milite tuta :

   Te per aeternos veneremur annos, Trinitas, summo celebranda plausu ; Te fide mentes, resonoque linguae Carmine laudent. Amen.

   Amen.

   Gregorius papa Septimus, antea Hildebrandus, Soana in Etruria natus, doctrina, sanctitate, omnique virtutum genere cum primis nobilis, mirifice universam Dei illustravit Ecclesiam. Cum parvulus ad fabri ligna edolantis pedes, jam litterarum inscius, luderet, ex rejectis tamen segmentis illa Davidici elementa oraculi Dominabitur a mari usque ad mare ; casu formasse narratur, manum pueri ductante Numine, quo significaretur ejus fore amplissimam in mundo auctoritatem. Romam deinde profectus, sub protectione sancti Petri educatus est. Juvenis Ecclesiæ libertatem a laicis oppressam, ac depravatos Ecclesiasticorum mores vehementius dolens, in Cluniacensi monasterio, ubi sub regula sancti Patris Benedicti austerioris vitae observantia eo tempore maxime vigebat, monachi habitum induens, tanto pietatis ardoré divinae Majestati deserviebat, ut a sanctis ejusdem Coenobii Patribus Prior sit electus. Sed divina Providentia majora de eo disponente in salutem plurimorum, Cluniaco eductus Hildebrandus Abbas primum monasterii sancti Pauli extra muros Urbis electus, ac postmodum romanae Ecclesiae Cardinalis creatus, sub summis pontificibus, Leone Nono, Victore Secundo, Stephano Nono, Nicolao Secundo et Alexandro Secundo, praecipuis muneribus et legationibus perfunctus est, sanctissimi et purissimi consilii vir a beato Petro Damiano nuncupatus. A Victore papa Secundo legatus a latere in Galliam missus, Lugduni episcopum simoniaca labe infectum 'ad sui criminis confessionem miraculo adegit. Berengarium in concilio Turonensi ad iteratam haeresis abjurationem compulit. Cadaloi quoque schisma sua virtute compressit.

   Mortuo Alexandro Secundo, invitus et moerens unanimi omnium consensu, decimo calendas maii, anno Christi millesimo septuagesimo tertio, summus Pontifex electus, sicut sol effulsit in domo Dei : nam potens opere et sermone, Ecclesiastice disciplinæ reparandae, fidei propaganda, libertati Ecclesiæ restituendæ, exstirpandis erroribus, et corruptelis tanto studio incubuit, ut ex Apostolorum aetate nullus Pontificum fuisse tradatur, qui majores pro Ecclesia Dei labores, molestiasque pertulerit, nut qui pro ejus libertate acrius pugnaverit. Aliquot provincias a simoniaca labe expurgavit. Contra Henrici imperatoris impios conatus fortis per omnia athleta impavidus permansit, seque pro muro domui Israel ponere non timuit, ac eumdem Henricum in profundum malorum prolapsum, fidelium communione, regnoque privavit, atque subditos populos fide ei data liberavit.

   Dum Missarum solemnia perageret, visa est viris piis columba e cœlo delapsa humero ejus dextro insidens alis extensis caput ejus velare, quo significatum est, Spiritus Sancti afflatu, non humanae prudentiae rationibus ipsum duci in Ecclesiae regimine. Cum ab iniqui Henrici exercitu Romae gravi obsidione premeretur, excitatum ab hostibus incendium signo crucis exstinxit. De ejus manu tandem a Roberto Guiscardo duce Northmanno ereptus, Cassinum se contulit ; atque inde Salernum ad dedicandam Ecclesiam sancti Matthaei Apostoli contendit. Cum aliquando in ea civitate sermonem habuisset ad populum, aerumnis confectus in morbum incidit, quo se interiturum praescivit. Postrema morientis Gregorii verba fuere : Dilexi justitiam et odivi iniquitatem, propterea morior in exsilio. Innumerabilia sunt quae vel fortiter sustinuit, vel multis coactis in Urbe synodis sapienter constituit, vir vere sanctus, criminum vindex, et acerrimus Ecclesiae defensor. Exactis itaque in pontificatu annis duodecim, migravit in cœlum, anno salutis millesimo octogesimo quinto, pluribus in vita et post mortem miraculis clarus, ejusque sacrum corpus in cathedrali basilica Salernitana est honorifice conditum.

   R. Gregorius primo tempore Hildebrandus, nomen ignis sortitus est, non sine grandi praesagio futurorum : * Qui divini eloquii jaculo ingruentes hostes a domo Dei propulsavit.

   V. Nomine praetulit incendium, quod exhibuit ferventi charitate. * Qui divini eloquii jaculo ingruentes hostes a domo Dei propulsavit.

   R. Cernens juvenis saeculum peccatis inveteratum, nec inveniens ubi cor suum requiesceret, patrium solum reliquit * Et ad partes Gallorum transiens, soli Deo sub Cluniacensi disciplina militare decrevit.

   V. Fide egressus est de terra sua, quaerens civitatem cujus artifex et conditor Deus. * Et ad partes Gallorum transiens, soli Deo sub Cluniacensi disciplina militare decrevit.

   R. Leo Pontifex sanctus, cujus animum Hildebrandus accenderat, hunc in partem sollicitudinis vocavit : Et amborum concordia Dominicus ager jam reflorescere coepit.

   V. Hildebrandus, sanctissima et purissimi consilii, in adversis visus est fortis, in prosperis temperatus. * Et amborum concordia Dominicus ager jam reflorescere coepit.

   R. Spiritualis agricola, Leo Pontifex, tanti palmitis feracitatem admiratus, in eo mansionem Christi per impositionem levitici ordinis dilatavit : * Et Apostolico mandato, Hildebrandus romanae Ecclesiae Archidiaconus effulsit.

   V. Qui die noctuque saluti Ecclesiae invigilans, minori considens loco, quinque Pontificibus mirum in modum profuit. * Et Apostolico mandato, Hildebrandus romanae Ecclesiae Archidiaconus effulsit.

   R. Invitum tandem Gregorium romana Ecclesia ad sua gubernacula traxit :.* Qui potius voluisset vitam in peregrinatione finire, quam Petri locum pro mundi gloria conscendere. V. Nec sibi sumpsit honorem, sed a Deo vocatus est tam quam Aaron. * Qui potius voluisset vitam in peregrinatione finire, quam Petri locum pro mundi gloria conscendere.

   R. Vineam Domini exercituum, quam plantavit dextera ejus, exterminavit aper de silva, et singularis ferus depastus est eam : * Accingere gladio tuo super femur tuum, fidelissime.

   V. Si Angelos judicaturus es, quanto magis saecularia ? * Accingere gladio tuo super femur tuum, fidelissime.

   R. Rex castellum ingressus, deposito cultu repo, jejunus a mane usque ad vesperam perstabat ; indutus laneis et nudis pedibus * Apostolicae miserationis auxilium implorabat.

   V. Qui dixerat in corde suo : Super altare Dei exaltabo solium meum, sedebo in monte testamenti * Apostolicae miserationis auxilium implorabat.

   R. Dixit Gregorius ad Henricum regem : Ecce Corpus Dominicum ; flat hodie experimentum innocentiae maeae : Fac ergo, fili, si placet, quod me facere vidisti.

   V. Nec ausus est rex manum extendere, ut acciperet Sancta sanctorum. * Fac ergo, fili, si placet, quod me facere vidisti.

   V. Et tamdiu sic perstitit quousque sacri mysterii commixtio in calice fieret. " Supra dextrum Pontificis humerum recubuit, alis expansis.

   R. Cum ultimi doloris luctam inchoasset beatus Gregorius, adstantibus dixit : Nullos labores meos alicujus momenti semper dilexi justitiam et odivi iniquitatem.

   V. Et elevatis in cœlum oculis, ait : Illuc adscendam, et obnixis precibus Deo propitio vos committam. * In hoc solummodo confidens, quod semper dilexi justitiam, et odivi iniquitatem.

   R. Pontifex sanctissimus cum doleret se moni in exsilio, quidam venerabilis episcopus ait : In exsilio moni non potes, qui vice Christi et Apostolorum ejus : * Accepisti gentes in haereditatem, et possessionem tuam terminos terrae.

   Dominabitur a mari usque ad mare, et a flumine usque ad terminos orbis terrarum. * Accepisti gentes in haereditatem, et possessionem tuam terminos terra.

   Te triumphanti celebramus ore, Inclytum Romae jubar, o Gregori ; Corde qui magno superans procellas, Littora tangis.

   Gaudeat coetus Benedicti patris, Qui tot et tantos generavit orbi Filios : nullus simili refulsit Laude verendus.

   In latebrosos fugiant recessus, Quotquot hostili rabie furentes, In gregem Christi satagunt nefanda Tela vibrare.

   Jam Sicambrorum dominator audax Gestit Henricus, monitis supremi Patris abscedens, veterum furorum Flare favillas.

   Sed reluctantem cohibes, Gregori, E sacra fulmen jaculatus arce Et potestatis tumidos caducae Despicis ausus.

   Mox ab indignis manibus revulsa Sceptra regnantis, regimenque transfers, A fide cives relevans tyranno Jure negata.

   Pontifex magnus, populo stupente. Sub columbina specie, loquentis Spiritus Sancti documenta sensit, Actibus implet.

   Fortis occurrit mulier Mathildis, Quae, Patri summo tribuens juvamen, Inclyta : Sedis, studio fideli, Jura tuetur.

   Ut viam currant patriae supernae Libero gressu populi fideles, Anteit pastor, propriam paratus Tradere vitam.

   Sis memor chari gregis, et patronus, Sis ad aeternam Triadem, precamur Cuncta cui dignas resonent per orbem Saecula laudes. Amen.

   Amen.

   Urbanus Romanus, Alexandro Severo imperatore, doctrina et vim sanctitate multos ad Christi fidem convertit in illis Valerianum, beatae Caecilive sponsum, et Tiburtium Valeriani fratrem, qui postea martyrium forti animo subierunt. Hic de bonis Ecclesiae attributis scripsit his verbis Ipsae res fidelium, quae Domino offeruntur, non debent in alios usus, quam Ecclesiasticos et Christianorum fratrum, vel indigentium, converti : quia vota sunt fidelium, et pretia peccatorum, ac patrimonia pauperum. Sedit annos sex, menses septem, dies quatuor : ac martyrio coronatus, sepultus est in coemeterio Praetextati, octavo calendas junii. Ordinationibus quinque habitis mense decembri, creavit presbyteros novem, diaconos quinque, episcopos per diversa loca octo.

   Philippus Nerius piis honestisque parentibus Florentiae natus, ab ipsa ineunte aetate non obscura dedit futurae sanctitatis indicia. Adolescens ampla patrui hereditate dimissa, Romam se contulit ; ubi philosophia ac sacris litteris eruditus, totum se Christo dicavit. Ea fuit abstinentia, ut salae jejunus triduum permanserit. Vigiliis et orationibus intentus, septem Urbis Ecclesias frequenter visitans, apud Coemeterium Callisti in cœlestium rerum contemplatione pernoctare consuevit. Sacerdos ex obedientia factus, in animarum salute procuranda totus fuit, et in confessionibus audiendis ad extremum usque diem perseverans, innumeros pene filios Christo peperit ; quos verbi Dei quotidiano pabulo, Sacramentorum frequenti a, orationis assiduitate aliisque piis exercitationibus enutriri cupiens, Oratorii congregationem instituit.

   Charitate Dei vulneratus languebat jugiter : tantoque cor ejus aestuabat ardore, ut cum intra fines suos contineri non posset, illius sinum, confractis atque elatis duabus costulis, mirabiliter Dominus ampliaverit. Sacrum vero faciens, aut ferventius orans, in aera quandoque sublatus, mira undique luce fulgere visus fuit. Egenos et pauperes omni charitatis officio prosequebatur : dignus qui et angelo, in specie pauperis eleemosynam erogaret, et dum egentibus noctu panem deferret, in foveam lapsus. inde pariter ab angelo incolumis eriperetur. Humilitati addictus ab honoribus semper abhorruit, atque ecclesiasticas dignitates, etiam primarias,, non semel ultro delatas constantissime recusavit.

   Prophetiae dono fuit illustris, et in animorum sensibus penetrandis mirifice enituit. Virginitatem perpetuo illibatam servavit : idque assecutus est, ut eos qui Duritatem colerent, ex odore ; qui vero secus, ex fœtore dignosceret. Absentibus interdum apparuit, iisque periclitantibus opem tulit.. Aegrotos plurimos, et morti proximos sanitati restituit. Mortuum quoque ad vitam revocavit. cœlestium spirituum, et ipsius Deiparae Virginis, frequenter fuit apparitione dignatus, ac plurimorum animas splendore circumfusas in cœlum conscendere vidit. Denique anno salutis millesimo quingentesimo nonagesimo quinto, octavo calendas junias, in quem diem inciderat festum Corporis Christi, Sacro maxima spiritus exsultatione peracto, coeterisque functionibus expletis post mediam noctem, qua praedixerat hora, octogenarius obdormivit in Domino. Quem Gregorius Decimus quintus miraculis clarum in Sanctorum numerum retulit.

   Eleutherius, Nicopoli in Graecia natus Aniceti Pontificis Diaconus, Commodo imperatore, praefuit Ecclesiae. initio Pontificatus supplices litterae venerunt a Lucio, Britannorum rege, ut se ac suos in Christianorum numerum reciperet. Quamobrem Fugatium et Damianum, doctos et pins virus misit in Britanniam„ per quos rex et reliqui fidem susciperent. Hoc Pontifice Irenaeus, Polycarpi discipulus, Romam veniens, ab eo benigne acceptus est. Quo tempore summa pace et quiete fruebatur Ecclesia Dei : ac per totum orbem terrarum maxime Romae, fides propagabatur. Vixit Eleutherius in Pontificatu annos quindecim, dies viginti tres. Fecit Ordinationes tres mense decembri, quibus creavit presbyteros duodecim, diaconos octo episcopos per diversa loca quindecim : sepultusque est in Vaticano prope corpus sancti Petri.

   Beda presbyter Girvi, in Brittaniae et Scotiae finibus ortus, septennis sancto Benedicto Biscopio abbati Wiremuthensi educandus traditur. Monachus deinde factus vitam sic instituit, ut dum se artium et doctrinarum studiis totum impenderet, nihil unquam de regulari disciplina remitteret. Nullum fuit doctrinae genus, in quo non esset diligentissime versatus ; sed praecipua illi cura divinarum Scripturarum meditatio, quarum sententiam ut plenius assequeretur, graece hebraicique sermonis notitiam est adeptus. Tricesimo aetatis anno, abbatis sui jussu sacerdos initiatus, statim, suasore Acca Hagulstadensi episcopo, sacros explanare libros aggressus est : in quo sanctorum Patrum doctrinis adeo inhaesit, ut nihil proferret nisi illorum judicio comprobatum, eorumdem etiam fere verbis usus. Otium perosus semper, ex lectione ad orationem transibat ac vicissim ex oratione ad lectionem : in qua adeo animo inflammabatur, ut smpe inter legendum et docendum lacrymis perfunderetur. Ne autem rerum fluxarum curis distraheretur, delatum abbatis munus constantissime detrectavit.

   Scientiae ac pietatis laude Bedae nomen sic brevi claruit, ut sanctus Sergius Papa de eo Romam arcessendo cogitaverit ; quo difficillimis scilicet, quae de rebus sacris exortae erant, quaestionibus definiendis conferret operam. Emendandis fidelium moribus, fidei vindicandae atque adserendae libros plures conscripsit : quibus tantum sui apud omnes opinionem fecit, ut ilium sanctus Bonifacius episcopus et martyr Ecclesiae lumen praedicaverit, Lanfrancus Anglorum doctorem, Concilium Aquisgranense doctorem admirabilem dixerit. Quin ejus scripta eo adhuc vivente, publice in Ecclesiis legebantur. Quod cum fieret, quoniam ipsum sanctum no minime appellare liceret, venerabilis titulo efferebant : qui deinde veluti proprius sequutis etiam temporibus semper habitus est. Ejus autem doctrinae eo vis efficacior erat, quod vita : sanctimonia religiosisque virtutibus confirmabatur. Quamobrem discipulos, quos multos et egregios imbuendos habuit, studio et exemplo non litteris modo atque scientiis, sed etiam sanctitate fecit insignes.

   Aetate demum et laboribus fractus, gravi morbo correptus est. Quo cum amplius quinquaginta dies detentus esset, consuetum orandi morem Scripturasque interpretandi non intercepit : eo namque tempore Evangelium Joannis in popularium suorum usum anglice vertit. Cum autem in Ascensionis praeludio instare sibi mortem persentiret, supremis Ecclesiae Sacramentis muniri voluit : tum sodales amplexatus, argue humi super cilicio stratus, cum illa verba ingeminaret, Gloria Patri et Filio et Spiritui Sancto, obdormivit in Domino. Ejus corpus, suavissimum, uti fertur, spirans odorem, sepultum est in monasterio Girvensi, ac postea Dunclinum cum sancti Cuthberti reliquiis translatum. Eum tamquam doctorem a Benectictinis aliisque religiosis familiis ac dioecesibus cultum, Leo decimus tertius Pontifex Maximus, ex Sacrorum Rituum Congregationis consulto, universalis Ecclesiae doctorem declaravit, et festo ipsius die Missam et Officium de Doctoribus ab omnibus recitari decrevit.

   Joannes Etruscus, Justino seniore imperatore rexit Ecclesiam : ad quem profectus est Constantinopolim auxilii causa, quod Theodoricus rex haereticus divexabat Italiam : cujus etiam iter Deus miraculis illustravit. Nam cum ei nobilis vir ad Corinthum equum, quo ejus uxor mansueto utebatur, itineris causa commodasset ; factum est, ut domino postea remissus equus ita ferox evaderet, ut fremitu et totius corporis agitatione semper deinceps dominam expulerit : tamquam indignaretur mulierem recipere, ex quo sedisset in eo Jesu Christi vicarius. Quamobrem illi equum pontifici donaverunt. Sed illud majus miraculum, quod Constantinopoli in aditu portae aureae, inspectante frequentissimo populo, qui una cum imperatore Pontifici honoris causa occurrerat, caeco lumen restituit. Ad cujus pedes prostratus etiam imperator eum veneratus est. Rebus cum Imperatore compositis, in Italiam rediit, statimque epistolam scripsit ad omnes Italiae episcopos, jubens eos arianorum Ecclesias ad Catholicum ritum consecrare, illud subjungens Quia et nos quando fuimus Constantinopoli, tam pro religione Catholica, quam pro regis Theodorici causa, quascumque illis in partibus eorum Ecclesias reperire potuimus, Catholicas eas consecravimus. Quo diniquissimo animo ferens Theodoricus, dolo accersitum Pontificem Ravennam in carcerem conjecit : ubi squalore inediaque afflictus, paucis diebus cessit e vita, cum sedisset annos duos, menses novem, dies quatuordecim : ordinatis eo tempore episcopis quindecim. Paulo post moritur Theodoricus : quem quidam eremita, ut scribit sanctus Gregorius, vidit inter Joannem Pontificem et Symmachum patritium, quem idem occiderat, demergi in ignem Liparitanum, ut videlicet illi, quibus mortem attulerat, tamquam judices essent ejus interitus. Joannis corpus Ravenna Romam portatum est, et in Basilica Sancti Petri sepultum.

   Augustinus Romae in Lateranensi coenobio monachus, a Gregorio Magno cum sociis monachis fere quadraginta in Angliam missus est anno quingentesimo nonagesimo septimo, ut gentes illas ad Christum converteret. Erat eo tempore rex Ethelbertus in Cantio potentissimus, qui audita adventus Augustini causa, eum cum sociis Cantuariam, sui regni metropolim, invitavit ; ibique manendi et Christum praedicandi facultatem eidem liberaliter concessit. Quare sanctus vir prope Cantuariam oratorium exstruxit, ubi ipse aliquamdiu consedit, atque apostolicam vivendi rationem cum suis aemulatus est.

   cœlestis doctrinae praedicatione plurimis firmata miraculis, ac vitae exemplo sic insulanos illos demulsit, ut eorum plerosque ac christianam fidem perduxerit, ac demum regem ipsum quem cum innumero suorum comitatu sacro fonte lustravit, summa cum laetitia Berthae regiae uxoris, quae christiana erat. Olim in Natali Domini, cum decem millibus et amplius baptismum in alveo fluminis Eboraci contulisset, quotquot ex us morbo aliquo affecti erant, cum animae salute, corporis quoque sanitatem recepisse memori proditum est. Jussu Gregorii ordinatus episcopus, sedem Cantuariae instituit in Ecclesia Salvatoris a se erecta, in qua monachos operis sui subsidiarios collocavit et Sancti Petri monasterium, quod postea et a suo nomine dictum est, in suburbanis construxit. Idem Gregorius usum pallii cum facultate ecclesiasticae hierarchiae in Anglia instituendae ei concessit, quo novam etiam operariorum manum misit, nempe Mellitum, Justum, Paulinum et Rufinianum.

   Dispositis ejus Ecclesiae rebus, synodum habuit Augustinus cum episcopis atque doctoribus veterum Britonum, qui in Paschae celebratione aliisque ritibus ab Ecclesia Romana jamdudum dissidebant. Sed cum eos neque Apostolicae Sedis auctoritate, neque miraculis movere posset ut dissidio cessarent, prophetico spiritu eis ex eidium praenuntiavit. Denique maximis pro Christo exantlatis laboribus, miraculis clarus, cum Mellitum Londinensi Ecclesiae praefecisset, Justum Roffensi, suae Laurentium, in cœlum migravit septimo calendas junias, Ethelberto regnante, ac sepultus est in monasterio Sancti Petri, quod exinde Cantuariensium Antistitum et aliquot regum conditorium fuit. Ejus cultum ferventi studio prosecutae sunt Anglorum gentes, ac Leo Decimustertius Pontifex Maximus ejus Officium et Missam ad universam extendit Ecclesiam.

   Foecunda sanctis insula, Tuum canas apostolum ; Et filium Gregorii Laudes pii concentibus.

   Ejus labore fertilis, Messem dedisti plurimam, Quae sanctitatis floribus Diu refulges inclyta.

   0 Pastor alme, filios E sede pascas siderum In matris ulnas anxiae Gregem reducas devium.

   Praesta, beata Trinitas, Quae rore jugi gratiae Vitem rigas : ut pristina Vides resurgens floreat. Amen.

   Amen.

   Maria Magdalena illustriori Pazziorum genere, Florentiae nata, fere ab incunabulis iter perfectionis arripuit. Decennis perpetuam virginitatem vovit, susceptoque habitu in monasterio Sanctae Mariae Angelorum ordinis Carmelitarum, se omnium virtutum exemplar exhibuit. Adeo casta fuit, ut quidquid puritatem laedere potest, penitus ignoraverit. Quinquennium. Deo jubente, solo pane et aqua transegit, exceptis diebus Dominicis, quibus cibis Quadragesimalibus vescebatur. Corpus suum cilicio, flagellis, frigore, Media, vigiliis, nuditate, atque omni poenarum genere cruciabat.

   Tanto igne divini amoris aestuabat, ut ei ferendo impar. ingesta aqua pectus refrigerare cogeretur. Extra sensus frequenter rapta, diuturnas et admirabiles exstases passa est, in quibus et arcana cœlestia penetravit, et eximiis a Deo gratiis illustrata fuit. His autem munitam longum certamen a principibus tenebrarum sustinuit, arida, desolata, ab omnibus derelicta, variisque tentationibus vexata ; Deo sic permittente, ut invictae patientiae, ac profundissimae humilitatis exemplar praeberet.

   Charitate erga proximum singulariter enituit ; nam saepe noctes ducebat insomnes, vel obeundis Sororum ministeriis vel inserviendo infirmis occupata, quarum aliquando ulcera lambens sanavit. Infidelium et peccatorum perditionem amare deflens, se ad quaelibet pro illorum salute tormenta paratam offerebat. Multis ante obitum annis, universis cœli deliciis, quibus copiose affluebat, heroica virtute renuntians, illud frequenter in ore habebat : Pati, non mori. Tandem longa et gravissima infirmitate exhausta, transivit ad Sponsum die vigesima quintam an anno millesimo sexcentesimo septimo, expleto anno quadragesimo primo aetatis suae. Eam multis in vita et post mortem miraculis claram Clemens Nonus sanctarum Virginem numero adscripsit : cujus corpus in praesentem diem incorruptum conservatur.

   Felix Romanus, patre Constantino, Aureliano imperatore praefuit Ecclesiae. Constituit ut Missa supra memorias et sepulcra Martyrum celebraretur. Qui cum mense decembri habuisset Ordinationes duas, et creasset presbyteros no em, diaconos quinque, episcopos per diversa loca quinque, martyrio coronatus, via Aurelia sepelitur in Basilica quam a se aedificatam dedicarat. Vixit in pontificatu annos duos, menses quatuor, dies viginti novem.

   Ferdinandus Tertius Castellae et Legionis rex, cui Sancti cognomentum jam inde a quatuor saeculis ecclesiasticorum et saecularium consensus dedere, tantum prudentiae adolescens adhuc specimen praebuit, ut Berengaria mater Castellae regina, a qua persancte educatus fuerat, abdicatum a se regnum in filium transtulerit. In eo, adjunctis regni curis, regiae virtutes emicuere : magnanimitas, clementia, justitia, et prae coeteris catholicae fidei zelus, ejusque religiosi cultus tuendi, ac propagandi ardens studium. Id praestitit imprimis haereticos insectando, quos nullibi regnorum suorum consistere passus est. Praestitit insuper in erigendis, dotandis, et consecrandis christiano ritu Cordubensi, Giennensi, Hispalensi et aliarum urbium ecclesiis a maurico ereptarum jugo, simulque in instaurandis primanis templis Toletano, Burgensi et aliis pia et regia munificentia.

   Inter haec, per Castellae et Legionis regnum, in quo patri Alfonso successerat, collectis magnis exercitibus, annuas expeditiones contra Saracenos Christiani nominis hostes suscepit. In queis, ut semper vin ceret, praecipui exercitus fuere preces piissimi regis ad Deum fusae, et quod ante pugnam, ut sibi Deum propitiaret, flagris in se saeviebat, atque aspero cilicio muniebat corpus. Sicque insignes contra ingentes Maurorum acies victorias reportavit, et plures urbes christiano cultui, imperioque restituit conquisitis Giennii, Cordubae et Murciae regnis, ac Granatensi vectigali facto. Ad expugnandam Hispalim primariam Baeticae urbem, hortante in visione (ut traditum est) beato Isidoro olim illius urbis episcopo, victricia signa transtulit. In ea obsidione praesentem divinam opem habuisse fertur ; nam ferream catenam, quae super Baetim transversim extensa Mahometanis pro repagulo erat, coorto validiori vento, una ex navibus regiis, regis jussu eo delata, tanto impetu fregit, ut longius praetervecta, pontem quoque ligneum, et simul spes Maurorum obruperit et ad deditionem coegerit.

   Tot victorias beatae Virginis Mariae patrocinio ferebat acceptas, cujus imaginem secum in castris habens, peculiari cultu prosequebatur. Capta Hispali, prima religionis cura fuit : nam templum Maurorum expiatum et Christianorum dedicatum sacris, insigni archiepiscopatu, et honestissimo canonicorum et dignitatum collegio, regia et religiosa liberalitate exornavit. Alia deinde in urbe templa et coenobia erexit : inter quae pietatis officia, dum trajicere in Africam parat, mahumetanum in ea imperium eversurus, ad cœlestem regiam vocatur. In extremo vitas agone sacram Eucharistiam pro viatico allatam, fune ad collum alligato, et humi stratus, cum lacrymis ubertim fusis adorans, eaque dignis reverentiae, humilitatis et catholicae fidei obtestationibus accepta, obdormivit in Domino. Jacet ejus corpus, incorruptum adhuc post sex saecula, in templo maximo Hispalensi, honorificentissimo inclusum sepulcro.

   Angela Mericia, Decentiani Veronensis dioecesis oppido ad lacum Benacum, in ditione Veneta, piis orta parentibus, a prima aetate virginitatis lilium, quod perpetuo servare statuerat, sedula sepsit. Ab omni muliebri Ornatu abhorrens, egregiam vultus formam, pulchram caesariem studiose foedavit, ut cœlestia duntaxat animarum sponso placeret. In ipso autem adolescentiae fore parentibus orbata, a ulterioris vita : desiderio in desertum locum aufugere tentavit ; sed ab avunculo prohibita, novit praestare domi. quod in solitudine non licuit. Cilicio, ac flagellis frequenter usa ; carnem non nisi infirma valetudine, vinum in Nativitatis et Resurrectionis Dominica tantum celebritate, complures vero dies nihil omnino degustavit. Orationi debita brevissimum humi carpebat somnum : daemonem vero sub lucentis angeli forma sibi illudere conantem agnovit protinus, et conjecit in fugam. Tandem paternis bonis abdicatis, et habitum ac regulam tertii Ordinis sancti Francisci implexa, evangelicam paupertatem virginitatis laudi conjunxit.

   Nullum pietatis officium erga proximos omittens, pauperibus quidquid sibi ex emendicato vient superesset, largiebatur. Libenter ministrabat aegrotis, pluraque cum magna sanctitatis fama peragravit loca, ut vel solatio esset afflictis vel reis veniam impetraret, vel infensos invicem reconciliaret animos, vel e vitiorum coeno scelestos revocaret. Angelorum pane, quem unice esuriebat, frequentissime refecta, tanta charitatis vi ferebatur in Deum, ut saepius extra sensus raperetur. Sacra Palaestinae loca summa cum religione obivit. Quo in itinere, et visum quem ad Cydonias appulsa oras amiserat, eodem regressa recuperavit, et barbarorum captivitatem ac naufragium imminens divinitus evasit. Romam denique firmam Ecclesiae petram veneratura, et amplissimae Iubilaei veniae percupida, sedente Clemente Septimo accessit, quam summus Pontifex allocutus, ejusdem sanctimoniam suspexit, et commendavit summopere ; nec ab Urbe ipsam abire ante permisit, quam alio cœlitus vocatam agnovit.

   Brixiam itaque, ubi domum ad sanctae Aphrae templum conduxit, reversa, novam ibi virginum societatem, sicut cœlesti voce ac visione mandatum sibi fuerat, sub certa disciplina, sanctisque vivendi regulis constituit, quam sanctae Ursulae invictae virginum ducis patrocinio, ac nomine insignivit, eam vero perennem futuram morti proxima praedixit. Tandem prope septuagenaria, dives meritis avolavit in cœlum sexto calendas. februarias anni millesimi quingentesimi et quadragesimi ; cujus cadaver per ipsos triginta dies inhumatum, flexibile ac vivo simillimum perseveravit. Demum in sanctae Aphrae templo inter caeteras quibus illud abundat sanctorum reliquias, reposito, plurima ad ejus sepulcrum agi statim coepere miracula : quorum fama late diffusa non Brixiae modo, et Decentiani, sed alibi etiam vulgo coepit nuncupari Beata, ejusque imago aris imponi : imo sanctus ipse Carolus Borromaeus non multis post annis dignam, qua ab Apostolica Sede in sanctarum virginum album referretur, Brixiae palam asseruit. Cultum vero illi jamdiu a populis exhibitum, et tum locorum ordinariis probatum, tum pluribus etiam summorum Pontificum indultis munitum, Clemens papa Tertius Decimus solemni decreto ratum habuit et confirmavit. Eam tandem, novis miraculis rite probatis insignem, Pius papa Septimus solemni canonizatione in vaticana basilica peracta, die vigesima quarta maii, anno millesimo octingentesimo septimo sanctarum virginum catalogo adscripsit