Léctio sancti Evangélii secúndum Matthǽum (22,15-21)
In illo tempore: Abeúntes pharisǽi consílium iniérunt, ut cáperent eum in sermóne. Et mittunt ei discípulos suos cum herodiánis dicéntes: “Magíster, scimus quia verax es et viam Dei in veritáte doces, et non est tibi cura de áliquo; non enim réspicis persónam hóminum. Dic ergo nobis quid tibi videátur: Licet censum dare Cǽsari an non?” Cógnita autem Iésus nequítia eórum, ait: “Quid me tentátis, hypócritæ? Osténdite mihi nomísma census.” At illi obtulérunt ei denárium. Et ait illis: “Cuíus est imágo hæc et suprascríptio?” Dicunt ei: “Cæsáris.” Tunc ait illis: “Réddite ergo, quæ sunt Cǽsaris, Cǽsari et, quæ sunt Dei, Deo.”
Commentarium evangelii
Commentary on the Gospel
