Die 31 martii
1. In loco Argol in Pérside, sancti Béniamin, diáconi, qui, cum Dei verbum non desísteret prædicáre, sub Vararáne rege Quinto, arundínibus acútis confíxus únguibus, martÿrium consummávit.
2. Romæ, commemorátio sanctæ Balbínæ, cuius títulus in Aventíno cónditus eius nomen præbet venerándum.
3 *. Colóniæ Agrippínæ in Austrásia, sancti Agilólphi, epíscopi, vitæ sanctitáte et prædicatióne præclári.
4 *. Burgi Sancti Domníni in agro Parménsi, sancti Guidóriis, abbátis monastérii Pompósæ, qui, multis recéptis discípulis ædibúsque reædificátis, oratióni, contemplatióni ac divíno cúltui sumrnópere cavit et soli Deo in secéssu inténtus esse vóluit.
5 *. Tolósæ in Gállia, beátæ loánnæ, vírginis ex Ordine Carmelitárum.
6 *. Utini in Venétia, beáti Bonaventúræ de Foro Lívii, presbyteri ex Ordine Servórum Maríæ, qui per divérsas Itáliæ regiónes prædicatióne pópulum ad pæniténtiam excitávit et, dum quadragesimálem habébat contiónem, octogenárius óbiit.
7 *. Carléoli in Anglia, commemorátio beáti Christóphori Robinson, presbyteri et mártyris, qui testis fuit martyrii sancti Ioánnis Boste et tandem sub Elísabeth regína Prima, item propter solum sacerdótium ad patíbulum die non trádito ductus, palmam glóriæ ipse accépit.
8 *. In óppido fiarensbrurń in Germánia, beátæ Natáliæ Tu1asiewicz, mártyris, quæ, pátria Polónia militári vi subiécta, a sectatóribus nefáriæ doctrínæ dignitáti hóminum et fídei infénsæ in campo detentiónis reclúsa, per exhalatiónis mortíferi vapóris supplícium ánimam Oómino réddidit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Is 50, 5-7)
Dóminus Deus apéruit mihi aurem; ego autem non rebellávi, retrórsum non ábii. Dorsum meum dedi percutiéntibus et genas meas velléntibus: fáciem meam non avérti ab increpatiónibus et sputis. Dóminus Deus auxiliátor meus; ídeo non sum confúsus, ídeo pósui fáciem meam ut petram duríssimam, et scio quóniam non confúndar.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
