v. Deus, ✠ in adiutórium meum inténde.
v. O God, come to my assistance;
r. Dómine, ad adiuvándum me festína.
r. O Lord, make haste to help me.
Glória Patri, et Fílio, et Spirítui Sancto. Sicut erat in princípio, et nunc et semper, et in sǽcula sæculórum. Amen.
Glory be to the Father, and to the Son, and to the Holy Spirit. As it was in the beginning, is now, and ever shall be, world without end. Amen.
Allelúia.
Hymnus
Hymne
Rex glorióse mártyrum, coróna confiténtium, qui respuéntes térrea perdúcis ad cæléstia,
O glorious King of Martyr hosts, Thou Crown that each Confessor boasts, Who leadest to celestial day
Aurem benígnam prótinus appóne nostris vócibus; tropæa sacra pángimus, ignósce quod delíquimus.
The Saints who cast earth's joys away; Thine ear in mercy, Saviour, lend, While unto thee our prayers ascend;
Tu vincis in martyribus parcéndo confessóribus; tu vince nostra crímina donándo indulgéntiam.
And as we count their triumphs won, Forgive the sins that we have done. Martyrs in thee their triumphs gain, Confessors grace from thee obtain;
Præsta, Pater piíssime, Patríque compar Unice, cum Spíritu Paráclito regnans per omne sǽculum. Amen.
Almighty Father, hear our cry, Through Jesus Christ, our Lord most High, Who, with the Holy Ghost and Thee, Doth live and reign eternally.
Ant. 1. Sanguis sanctórum mártyrum * pro Christo effúsus est in terris, ídeo adépti sunt prǽmia sempitérna (T.P. Allelúia).
Ant. 1. The blood of the holy martyrs for Christ was shed on earth, so they received an eternal reward (T.P. Alleluia).
Psalmus 2
Psalm 2
Messias rex et victor
Messiah, King and victorious
Convenerunt ver adversus puerum tuum Iesum, quem unxisti (Act 4,27)
They have truly banded together against Him whom Thou anointed (Acts 4:27).
Quare fremuérunt gentes, * et pópuli meditáti sunt inánia?
Why have the Gentiles raged, and the people devised vain things?
Astitérunt reges terræ, † et príncipes convenérunt in unum * advérsus Dóminum et advérsus christum eíus:
The kings of the earth stood up, and the princes met together, against the Lord, and against his Christ.
“Dirumpámus víncula eórum * et proiciámus a nobis íugum ipsórum!”
Let us break their bonds asunder: and let us cast away their yoke from us.
Qui hábitat in cælis, irridébit eos, * Dóminus subsannábit eos.
He that dwelleth in heaven shall laugh at them: and the Lord shall deride them.
Tunc loquétur ad eos in ira sua * et in furóre suo conturbábit eos:
Then shall he speak to them in his anger, and trouble them in his rage.
“Ego autem constítui regem meum * super Sion, montem sanctum meum!”
But I am appointed king by him over Sion his holy mountain, preaching his commandment.
Prædicábo decrétum eíus. † Dóminus dixit ad me: “Fílius meus es tu; * ego hódie génui te.
The Lord hath said to me: Thou art my son, this day have I begotten thee.
Póstula a me, et dabo tibi gentes hereditátem tuam * et possessiónem tuam términos terræ.
Ask of me, and I will give thee the Gentiles for thy inheritance, and the utmost parts of the earth for thy possession.
Reges eos in virga férrea * et tamquam vas fíguli confrínges eos.”
Thou shalt rule them with a rod of iron, and shalt break them in pieces like a potter’s vessel.
Et nunc, reges, intellégite; * erudímini, qui iudicátis terram.
And now, O ye kings, understand: receive instruction, thee that judge the earth.
Servíte Dómino in timóre * et exsultáte ei cum tremóre.
Serve ye the Lord with fear: and rejoice unto him with trembling.
Apprehéndite disciplínam, † ne quando irascátur, et pereátis de via, * cum exárserit in brevi ira eíus.
Embrace discipline, lest at any time the Lord be angry, and thee perish from the just way.
Beáti omnes, * qui confídunt in eo.
When his wrath shall be kindled in a short time, blessed are all they that trust in him.
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
Ant. Sanguis sanctórum mártyrum * pro Christo effúsus est in terris, ídeo adépti sunt prǽmia sempitérna (T.P. Allelúia).
Ant. The blood of the holy martyrs for Christ was shed on earth, so they received an eternal reward (T.P. Alleluia).
Psalmus 32 (33)
Psalm 32 (33)
Laus Domini providentis
Praise the Lord in His providence
Omnia per ipsum facta sunt (Io 1, 3).
Everything is made by Him (Io 1, 3).
I
I
Exsultáte, iusti, in Dómino; * rectos decet collaudátio.
Righteous, rejoice in the Lord; To upright men befits praise.
Confitémini Dómino in cíthara, * in psaltério decem chordárum psállite illi.
Praise the Lord with the harp, sing Him on the ten-stringed lute.
Cantáte ei cánticum novum, * bene psállite ei in vociferatióne,
Sing to His glory a new song; Artfully unite thy instruments and voices.
quia rectum est verbum Dómini, * et ómnia ópera eius in fide.
For the word of the Lord is right, and all His works are done in faithfulness.
Díligit iustítiam et iudícium; * misericórdia Dómini plena est terra.
He loveth justice and righteousness; the earth is filled with the goodness of the Lord.
Verbo Dómini cæli facti sunt, * et spíritu oris eius omnis virtus eórum.
By the word of the Lord the heavens were made, and all their host by the breath of His mouth.
Cóngregans sicut in utre aquas maris, * ponens in thesáuris abyssos.
He gathers together as in a heap the waters of the sea; He puts the waves of the abyss in reservoirs.
Tímeat Dóminum omnis terra, * a fácie autem eius formídent omnes inhabitántes orbem.
May the whole earth fear the Lord! Let all the inhabitants of the universe tremble before Him
Quóniam ipse dixit, et facta sunt, * ipse mandávit, et creáta sunt.
For He said, and all things were done; He commanded, and everything existed.
Dóminus díssipat consília géntium, * írritas facit cogitatiónes populórum.
The Lord overturns the designs of the nations; It reduces to naught the thoughts of the people.
Consílium autem Dómini in ætérnum manet, * cogitatiónes cordis eius in generatióne et generatiónem.
But the purposes of the Lord endure forevermore, and the thoughts of his heart in all generations.
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
II
II
Beáta gens, cui Dóminus est Deus, * pópulus, quem elégit in hereditátem sibi.
De cælo respéxit Dóminus, * vidit omnes fílios hóminum.
From heaven the Lord looks, He seeth all the children of men;
De loco habitáculi sui respéxit * super omnes, qui hábitant terram,
From the place of His dwelling place, He watches all the inhabitants of the earth,
qui finxit singillátim corda eórum, * qui intéllegit ómnia ópera eórum.
He who forms the hearts of them all, who is attentive to all their actions.
Non salvátur rex per multam virtútem, * et gigas non liberábitur in multitúdine virtútis suæ.
It is not the number of soldiers that gives the king victory, it is not a great force that makes the warrior triumph.
Fallax equus ad salútem, * in abundántia autem virtútis suæ non salvábit.
The horse is powerless to procure salvation, and all its vigor does not assure deliverance.
Ecce óculi Dómini super metuéntes eum, * in eos, qui sperant super misericórdia eius,
The eye of the Lord is on those who fear Him, on those who hope in His goodness,
ut éruat a morte ánimas eórum * et alat eos in fame.
To deliver their souls from death, and to make them live in the time of famine.
Anima nostra sústinet Dóminum, * quóniam adiútor et protéctor noster est;
Our soul awaits the Lord with confidence; He is our help and our shield;
quia in eo lætábitur cor nostrum, * et in nómine sancto eius sperávimus.
For in Him our heart rejoices, for in His holy Name we put our trust.
Fiat misericórdia tua, Dómine, super nos, * quemádmodum sperávimus in te.
Lord, may Thy grace be upon us, as we hope in Thou!
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
v. Anima nostra sústinet Dóminum. r. Quóniam adiútor et protéctor noster est.
In primo nocturno, anno I
De libro Iúdicum
Erat vir quidam de Sáraa et de stirpe Dan nómine Mánue habens uxórem stérilem. Cui appáruit ángelus Dómini et dixit ad eam: "Ecce stérilis es et absque líberis, sed concípies et páries fílium. Cave ergo, ne vinum bibas ac síceram nec immúndum quidquam cómedas, quia ecce concípies et páries fílium cuius non tanget caput novácula: erit enim puer nazaræus Dei ex matris útero et ipse incípiet liberáre Israel de manu Philisthinórum."
Orávit Mánue Dóminum et ait: "Obsecro, Dómine, ut vir Dei quem misísti véniat íterum, et dóceat nos quid debeámus fácere de púero qui nascitúrus est." Exaudivítque Deus precántem Mánue, et venit rursum ángelus Dei ad mulíerem sedéntem in agro. Mánue autem marítus eius non erat cum ea. Festinávit ergo et cucúrrit ad virum suum nuntiavítque ei dicens: "Ecce appáruit mihi vir qui illo die vénerat ad me."
Surréxit Mánue et secútus est uxórem suam veniénsque ad virum dixit ei: "Quando sermo tuus fúerit explétus, quid circa púerum observáre et fácere debémus?" Dixítque ángelus Dómini ad Mánue: "Ab ómnibus quæ locútus sum uxóri tuæ, abstíneat se; et quidquid ex vínea náscitur non cómedat, vinum et síceram non bibat, nullo vescátur immúndo et quod ei præcépi custódiat." Dixítque Mánue ad ángelum Dómini: "Obsecro ut retineámus te et faciámus tibi hædum de capris." Cui respóndit ángelus Dómini: "Si me rétines, non cómedam panes tuos; sin autem vis holocáustum fácere, offer illud Dómino." Et nesciébat Mánue quod ángelus Dómini esset.
Dixítque ad eum Mánue: "Quod est tibi nomen, ut, si sermo tuus fúerit explétus, honorémus te?" Cui ille respóndit: "Cur quæris nomen meum, quod est mirábile?" Tulit ítaque Mánue hædum de capris et oblatiónem símilæ et pósuit super petram ófferens Dómino qui facit mirabília; ipse autem et uxor eius intuebántur. Cumque ascénderet flamma de altári in cælum, ángelus Dómini in flamma páriter ascéndit. Quod cum vidísset Mánue et uxor eius, proni cecidérunt in terram; et ultra non eis appáruit ángelus Dómini. Statímque intelléxit Mánue ángelum esse Dómini et dixit ad uxórem suam: "Morte moriémur, quia vídimus Deum." Cui respóndit múlier: "Si Dóminus nos vellet occídere, de mánibus nostris holocáustum et oblatiónem non suscepíssset nec ostendísset nobis hæc ómnia neque tália dixísset." Péperit ítaque fílium et vocávit nomen eius Samson. Crevítque puer, et benedíxit ei Dóminus.
In secundo nocturno, anno I
Ex Libris Rupérti Tuitiénsis abbátis De Trinitate et opéribus eius (In Iud., C. 14: PL 167, 1042-1043)
Stérilis es, dixit ángelus, absque líberis, sed concípies et páries fílium. Iam ex hoc ipso quod stérili ex matre nascitúrus Samson promíttitur, magnis et primis comparábilis est pátribus Isaac, et Iacob, et Ioseph, qui omnes stériles diu matres habuérunt, omnésque, fide promerénte, supérno múnere deficiénti natúræ dati sunt, et in factis suis Christi Dómini nostri figúram prætulérunt, quem non more suo natúra, sed præcípua præ ómnibus Nazaréis, factum de ventre virgíneo prótulit grátia.
Matris vel mulíeris huius sterílitas, beátæ Maríæ secúndum figúram est virgínitas. Quid enim secúndum natúram sterílius virginitáte? Igitur ubi appáret ángelus Dómini, dicens huic: Stérilis es et absque líberis, sed concípies et páries fílium, in mentem nobis véniat Gábriel ángelus Dómini, dicens illi: "Virgo es, et non cognovísti virum, sed ecce concípies et páries fílium."
Nempe et quod huic ait: Cave ne vinum bibas ac síceram, nec immúndum quidquam cómedas, quia concípies et páries fílium, cuius non tanget caput novácula, illa mýstice præparátio est, quæ in his ángeli verbis intellegénda est: Spíritus Sanctus supervéniet in te et virtus Altíssimi obumbrábit tibi. Ideóque quod nascétur ex te sanctum, vocábitur Fílius Dei. Dénique beátæ Vírgini Spíritu Sancto superveniénte, purificári, vinum ac síceram non bíbere, et immúndum non quidquam comédere fuit. Vinum quippe ac síceram bíbere, vel immúndum quid comédere, est voluntátem carnis amáre, virilésque per libídinem compléxus admíttere. Sed profécto omnem eiúsmodi appetítum beátæ Vírginis supervéniens Spíritus Sanctus a mente et córpore eius exclúsit.
Igitur vinum ac síceram non bibit, nec immúndum quidquam comédit paritúra fílium: cuius, cum sit Fílius Dei, caput tángere ei non débeat novácula, id est blasphéma corródere lingua. Quisquis enim negat illum esse Fílium Dei, quisquis non hóminem ac Deum, sed hóminem tantum illum esse ásserit, profécto caput eius ausu sacrílego, et novácula nimis acúta radit.
Postea dicitur immediate et sine orémus oratio propria, cum conclusione longiore.
After this the proper prayer is said straightway and without "Let us pray", with the long conclusion.
Dóminus vobíscum.
The Lord be with thee.
r. Et cum spíritu tuo.
r. And with thy spirit.
Benedícat vos omnípotens Deus, Pater, ✠ et Fílius, et Spíritus Sanctus.
May God Almighty bless thee, the Father, ✠ and the Son and the Holy Spirit.
r. Amen.
r. Amen.
Vel alia formula benedictionis, sicut in Missa.
Or another formula of blessing, as at Mass.
Et si fit dimissio, sequitur invitatio:
And if we make a referral, we add the invitation:
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
