Die 3 septembris
1. Memória sancti Gregórii Magni, papæ et Ecclésiæ doctóris, qui, vita monástica ínita, múnere legáti Constantinópoli functus est et, ad Sedem Románam hac die tandem eléctus, et terréna compósuit et sacra servus servórum curávit. Verum se exhíbuit pastórem in rebus regéndis, in egénis omnímodo subveniéndo, in vita monástica fovénda, necnon in fide ubíque firmánda vel propagánda, quaprópter multa étiam de re moráli ac pastoráli egrégie scripsit. Obiit vero die duodécima mártii.
2. Commemorátio sanctæ Phœbes, ancíllæ Dómini inter fiddles Cenchrénses, quæ beáto Paulo Apóstolo multísque ástitit, ipso testánte in epístula ad Romános.
3. Nicomedíæ in Bithynia, sanctæ Basilíssæ, vírginis et mártyris.
4. Córdubæ in Hispánia Bætica, sancti Sandálii, mártyris.
5. Tulli in Gállia Bélgica, sancti Mansuéti, primi epíscopi huius civitátis.
6. In monte Titáno prope Aríminum in Flamínia, sancti Maríni, diáconi et anachorétæ, qui plebem adhuc gentílem ad lucem Evangélii et libertátem Christi créditur perduxísse.
7 *. In Hibérnia, sancti Macanísii, epíscopi.
8. Medioláni in Langobárdia, sancti Auxáni, epíscopi.
9 *. Cáudii in Campánia, sancti Vitaliáni, epíscopi.
10 *. In monastério Stabulénsi in Brabántia, sancti Rimágili, epíscopi et abbátis, qui post Sollemniacénse duplex monastérium Stabuléti et Malmundárii cóndidit in Arduennénsis silvæ solitúdine.
11. In ínsula Lirinénsi in Província, sancti Aigúlphi, abbátis, et sociórum monachórum, qui a Saracénis incursiónem faciéntibus martyrium subiísse censéntur.
Quorum nomina: beati presbyteri Vincentius Carvalho et Franciscus Terrero, ex Ordine Eremitarum Sancti Augustini; Antonius Ishida, e Societate Iesu; Hieronymus Jo; Gabriel a Magdalena, religiosus ex Ordine Fratrum Minorum.
12 *. Ságii in Néustria, sancti Chrodogángi, epíscopi et mártyris.
13 *. In pago Astinénsi Vallis Camúnicæ in Langobárdia, beáti Guálæ, epíscopi Brixiénsis, ex Ordine Prædicatórum, qui pro bono pacis Ecclésiæ et rei públicæ, témpore Frideríci imperatóris Secúndi, prudénter óperam dedit et exsílium passus est.
14 *. Nagasákii in Iapónia, beatórum Bartholomæi Gutiérrez, presbyteri ex Ordine Eremitárum Sancti Augustíni, et quinque sociórum, mártyrum, qui in ódium fídei christiánæ in aquas sulphúreas fervéntes primum immérsi sunt, deínde igni tráditi.
15 *. Placéntiæ in Æmília, beátæ Birgíttæ a Iesu Morello, quæ, vídua effécta, Dómino se consecrávit pæniténtiæ, opéribus caritátis omni stúdio desérviens et Congregatiónem fundávit Sorórum Ursulinárum Maríæ Immaculátæ pro puellárum christiána institutióne.
16 *. Parísiis in Gállia, pássio beatórum Andréæ Abel Alricy, presbyteri, atque uníus et septuagínta sociórurri, mártyrum, quorum pleríque presbyteri, qui post pridiánam cædem in Seminário Sancti Firmíni tamquam in cárcere reclúsi in ódium Ecclésiæ trucidáti sunt.
Quorum nomina: beati Renatus Maria Andrieux, Petrus Paulus Balzac, Ioannes Franciscus Maria Benoit seu Vourlat, Michael Andreas Silvester Binard, Nicolaus Bize, Petrus Bonzé, Petrus Briquet, Petrus Brisse, Carolus Carnus, Bertrandus Antonius de Caupenne, lacobus Dufour, Dionysius Claudius Duval, losephus Falcoz, Gilbertus Ioannes Fautrel, Philibertus Fougère, Petrus Ioannes Garrigues, Nicolaus Gaudreau, Stephanus Michael Gillet, Georgius Hieronymus Giroust, losephus Maria Gros, Petrus Guérin du Rocher, Robertus Franciscus Guérin du Rocher, Ivo Andreas Guillon de Keranrun, lulianus Franciscus Hédouin, Petrus Franciscus Hénocq, Eligius Herque seu du Roule, Petrus Ludovicus Joret, lacobus de la Lande, Ægidius Ludovicus Symphorianus Lanchon, Ludovicus Ioannes Matthæus Lanier, Ioannes losephus de Lavèze-Belay, Michael Leber, Petrus Florentius Leclercq, Ioannes Carolus Legrand, Ioannes Petrus Le Laisant, lulianus le Laisant, Ioannes Lemaître, Ioannes Thomas Leroy, Martinus Franciscus Alexius Loublier, Claudius Ludovicus Marmotant de Savigny, Claudius Silvanus Mayneaud de Bizefranc, Henricus Ioannes Millet, Franciscus losephus Monnier, Maria Franciscus Mouffle, losephus Ludovicus Oviefre, Ioannes Michael Philippot, Iacobus Rabé, Petrus Robertus Régnet, Ivo Ioannes Petrus Rey de Kervizic, Nicolaus Claudius Roussel, Petrus Saint-James, lacobus Ludovicus Schmid, Ioannes Antonius Seconds, Petrus lacobus de Turménies, Renatus losephus Urvoy, Nicolaus Maria Verron, Carolus Victor Véret, omnes presbyteri, necnon Ioannes Carolus Maria Bernard du Cornillet, canonicus ex abbatia Sancti Victoris Parisiensi; Ioannes Franciscus Bonnel de Pradel et Claudius Pons, canonici ex abbatia Sanctæ Genovefæ Parisiensi; Ioannes Carolus Caron, Nicolaus Colin, Ludovicus Iosephus François et Ioannes Henricus Gruyer, e Congregatione Missionis; Claudius Bochot et Eustachius Félix, e Congregatione Patrum a Doctrina Christiana; Cosmas (Ioannes Petrus) Duval, ex Ordine Fratrum Minorum Capuccinorum; Petrus Claudius Pottier, e Societate Iesu et Mariæ; atque Sebastianus Desbrielles, magister scholæ Parisiis, Ludovicus Franciscus Rigot et Ioannes Antonius losephus de Villette.
17 *. Ibídem, eódem die et anno, beatórum mártyrum Ioánnis Baptístæ Bottex, Michǽlis Maríæ Francísci de la Gardette, Francísci Hyacínthi le Livec de Trésurin, qui in eádem tempestáte in cárcere “La Force” nuncupáto pro Christo occubuérunt.
18. Seuli in Coréa, pássio sanctórum Ioánnis Pak Hu-jae et quinque sociárum,6 mártyrum, qui, sæviénte persecutióne, ad críminum tribúna1 ducti ut christiáni, dira supplícia pro fide perpéssi, decollatióne interfécti sunt.
Quarum nómina: sanctæ Maria Pak Kun-a-gi Hui-sun, soror sanctæ Luciæ Pak Hui-sun; Barbara Kwón-húi, uxor sancti Augustini Yi Kwang-hón; Barbara Yi Chóng-húi; Maria Yi Yón-húi, uxor sancti Damiani Nam Myóng-hyóg; Agnes Kim Hyo-ju.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 39,1-3)
Qui accómmodat ánimam suam ad timórem Dei et in lege Altíssimi meditátur, sapiéntiam ómnium antiquórum exquíret et in prophetíis vacábit. Narratiónem virórum nominatórum conservábit et in versútias parabolárum simul introíbit. Occúlta proverbiórum exquíret et in abscónditis parabolárum conversábitur.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
