Die 11 octobris
1. Commemorátio sancti Philíppi, qui, unus e septem diáconis ab Apóstolis eléctis, Samaríam ad Christi fidem convértit, Cándacis regínæ Æthíopum eunúchum baptizávit et, quas civitátes pertransíbat, cunctas evangelizábat, donec Cæsaréam venit, ubi requievísse tráditur.
2. Anazárbi in Cilícia, sanctórum Tháraci, Probi et Androníci, mártyrum, qui in persecutióne Diocletiáni imperatóris pro confessióne Christi vitam obtulérunt.
3. In pago Vilcassíno Gálliæ Lugdunénsis, commemorátio sanctórum Nicásii, Quiríni, Scubículi et Piéntiæ, mártyrum.
4. Virodúni item in Gállia, sancti Sanctíni, epíscopi, qui primus illic Evangélium prædicásse créditur.
5. Commemorátio sancti Sármatæ, abbátis in Thebáide, qui discípulus sancti Antónii a Saracénis necátus est.
6. Ucétiæ in Gállia Narbonénsi, sancti Firmíni, epíscopi, qui, sancti Cæsárii Arelaténsis discípulus, pópulum suum viam veritátis dócuit.
7. In Ossória Hibérniæ regióne, sancti Cánici, abbátis Achadhbœnsis monastérii, quod inter plura ália cóndidit.
8. Prope castrum Schemárim in iugis Cáucasi, natális sancti Anastásii, presbyteri, Románæ Ecclésiæ apocrisiárii, qui, sancti Máximi Confessóris in confessióne fídei cathólicæ et in exsílio sócius, dum in sancta Synáxi dicébat: « Sancta sanctis ›), ánimam Deo réddidit.
9. Apud Lyram in Brabántia, sancti Gummárii, qui, miles Deo devótus, ibídem ex bonis suis oratórium exstrúxit, ubi depósitus est.
10 *. Colóniæ Agrippínæ in Lotharíngia Germániæ, sancti Brunónis, epíscopi, qui, germánus Othónis imperatóris Primi, Lotharíngiæ regímine cum episcopátu suscépto, et múnere sacerdótis magna cum religióne functus est et pro necessitáte virtúte magnánimi ducis.
11 *. Gnesnæ in Polónia, sancti Gaudéntii seu Radzim, epíscopi, qui, sancti Adalbérti Pragénsis epíscopi carne et spíritu frater ac fidélis comes, eius rnartyrio ádfuit ac póstea in víncula coniéctus.
12 *. Rigæ ad mare Bálticum, commemorátio sancti Meinárdi, epíscopi, qui, primum in Germánia mónachus, ætáte iam provécta itíneri se commísit, ut Livóniæ pópulum evangelizáret, Ykescóli ecclésiam exstrúxit et, epíscopus ordinátus, christiánæ fídei fundaménta actuóse in hac regióne pósuit.
13 *. Bonóniæ in Æmília, beáti lacóbi de Ulma Griesinger, religiósi ex Ordine Prædicatórum, qui, etsi illitterátus, vitreárum laminárum pictor peritíssimus, quinquagínta annos exémplum labóris et oratiónis ómnibus præbuit.
14. Calótii in Langobárdia, tránsitus sancti Alexándri Sauli, epíscopi primum Aleriénsis in Córsica ínsula, deínde Papiénsis, qui, e Congregatióne Clericórum Regulárium Sancti Pauli, mira caritáte páuperes sublevávit.
15. Hanóii in Tunquíno, sancti Petri Le Tùy, presbyteri et mártyris, qui sub imperatóre Minh Mąng pro Christo decollátus est.
16. Matríti in Hispánia, sanctæ Maríæ Desolátæ (Emmanuélæ) Torres Acosta, vírginis, quæ inde a iuveníli ætáte miram sollicitúdinem ægrotórum egenórum exhíbuit, quibus indeféssa sui ipsíus abnegatióne subvénit, máxime in Congregatióne Servárum Maríæ Infírmis Ministrántium, quam fundávit.
17 *. Barcinóne item in Hispánia, beáti Angeli Ramos Velázquez, religiósi e Societáte Salesiána et mártyris, qui, témpore persecutiónis erga Ecclésiam, certámen pro fide complévit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 34,14-20)
Spíritus timéntium Dóminum vivet, et in respéctu illíus benedicétur. Spes enim illórum in salvántem illos, et óculi Dei in diligéntes se. Qui timet Dóminum, nihil trepidábit et non pavébit, quóniam ipse est spes eius. Timéntis Dóminum beáta est ánima eius. Ad quem réspicit? Et quis est fortitúdo eius? Oculi Dómini super timéntes eum: protéctor poténtiæ, firmaméntum virtútis, tégimen ardóris et umbráculum meridiáni, custódia offensiónis et adiutórium casus, exáltans ánimam et illúminans óculos, dans sanitátem vitæ et benedictiónem.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
