Die 15 maii
1. Lámpsaci in Hellespónto, pássio sanctórum’Petri, Andréæ, Pauli et Dionysiæ, mártyrum.
2. Arvérnæ in Aquitánia, sanctórum Cássii et Victoríni, mártyrum, qui sub Chroco Alamannórum duce passi esse ferúntur.
3. In Sardínia, sancti Simplícii, presbyteri.
4 . Laríssæ in Thessália, sancti Achíllei, cognoménto Thaumatúrgi, epíscopi, qui Concílio Œcuménico Nicæno Primo ádfuit et apostólico zelo ómnibus virtútibus signáto pópulos pagános evangelizávit.
5 *. Augustodúni in Gállia Lugdunénsi, sancti Rhetícii, epíscopi, cuius sanctus Augustínus præsulis magnæ in Ecclésia auctoritátis méminit et sanctus Hierónymus Scriptúræ Sacræ egrégii enarratóris.
6. In Æthiópia, sancti Caleb seu Elésbaan regis, qui ad ultiónem mártyrum Negranénsium, Christi hóstibus expugnátis ac, témpore lustíni imperatóris, régio, ut fertur, misso Hierosólymam diadémate, rríonásticam vitam, sicut vóverat, agens, ad Dóminum migrávit.
7. Septémpedæ in Picéno Itáliæ, sancti Severíni, epíscopi, a quo cívitas nomen póstea cepit.
8 *. Bíngii in Austrásia ad Rhenum flumen prope Mogúntiam, sancti Rupérti, qui, dux, iúvenis ad límina Apostolórum proféctus, in domínium revérsus, plures exstrúxit ecclésias et undevigínti modo annos natus obdormívit in Dómino.
9. Apud Córdubam in Vandalícia Hispániæ regióne, commemorátio sancti Witesíndi, mártyris, qui Maurórum metu fidem christiánam deséruit, sed, cum eórum cultum mox públice exercére recusavísset, in ódium christiánæ fídei perémptus est.
10. Matríti in Castélla Hispániæ, sancti Isidóri, agrícolæ, qui, simul cum beáta María de la Cabeza uxóre, strénue labórans atque magis cæli quam terræ fructus patiénter carpens, christiáni agrícolæ piíssimi exemplar éxstitit.
11 *. Aquis Séxtiis in Província, beáti Andréæ Abellon, presbyteri ex Ordine Prædicatórum, qui disciplínam regulárem instaurávit in cœnóbiis, quæ longanimitáte parcísque agéndi ratiónibus rexit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Act 1,9-11)
Vidéntibus illis, elevátus est, et nubes suscépit eum ab óculis eórum. Cumque intueréntur in cælum, eúnte illo, ecce duo viri astitérunt iuxta illos in véstibus albis, qui et dixérunt: “ Viri Galilǽi, quid statis aspiciéntes in cælum? Hic Iesus, qui assúmptus est a vobis in cælum, sic véniet quemádmodum vidístis eum eúntem in cælum ”.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
