Die 3 iulii
1. Festum sancti Thomæ, Apóstoli, qui céteris discípulis nuns tiántibus Iesum surrexísse non crédidit, sed, cum Iesus ipse ei præbuit latus perforátum, exclamávit: ‹ Dóminus meus et Deus meus ». De qua fide índicos evangelizásse pópulos tráditur.
2. Laodicéæ in Syria, commemorátio sancti Anatólii, epíscopi, qui non solum religiósis viris, sed et philósophis admiránda scripta relíquit.
3. Bízyæ in Thrácia, sancti Memnónis centuriónis, mártyris, qui, tempóribus Diocletiáni et Maximiáni a sancto Sevéro ad fidem convérsus, cum eo atrócibus torméntis excruciátus, primus victor ábiit in cælum.
4. In Mœsia, commemorátio sanctórum Marci et Mociáni, mártyrum, qui, cum idólis immoláre denegárent et Christum immo veheméntius confiteréntur, pro Christo cápite cæsi sunt.
5. Altíni in Venétia, sancti Heliodóri, epíscopi, qui, sancti Valeriáni Aquileiénsis magistério institútus, sodális fuit sanctórum Chromátii et Hierónymi primúsque sedem episcopálem huius civitátis ténuit.
6 *. Constantinópoli, sancti Anatólii, epíscopi, qui orthodóxam fidem in dnas Christi natúras in tomo sancti Leónis papæ ad Flaviánum expréssam proféssus est et in Concílio Chalcedonénsi profiténdam curávit.
7. Romæ apud sanctum Petrum, sancti Leónis papæ Secúndi, græca latináque linguis erudíti, paupertáti ac paupéribus amíci, qui tértium Concílium Constantinopolitánum suscépit.
8 *. Tolósæ ad Garúmnam Gálliæ, sancti Raymúndi Gayrard, qui, scholárum magíster, uxóre orbátus caritátis opéribus studióse incúbuit ac hospítium fundávit, dein inter canónicos basílicæ Sancti Saturníni ascítus est.
9. In urbe Hong ten in Tunquíno, sancti Ioséphi Nguyen Dình Uyen, mártyris, qui, catechísta, sub imperatóre Minh Mąng in ódium fídei christiánæ in cárcere óbiit.
10. In urbe Utań Long in Cocincína, sancti Philíppi Phan Văn Minh, presbyteri et mártyris, qui sub imperatóre Tu Duc pro Christo decollatiónem cápitis perpéssus est.
11 *. In óppido Fuencarral prope MatrÎtum in Hispánia, beátæ Maríæ Annæ Mogas Fontcuberta, vírginis, quæ pro puéllis instituéndis et paupéribus ægrotísque assidéndo Congregatiónem Sorórum a Matre Divíni Pastóris fundávit.
12. In palúde apud vicum Dongyangtai prope Shenxian in Hebei Sinárum província, sanctórum Petri Zhao Mingzhen et Ioánnis Baptistæ Zhao Mingxi, mártyrum, qui, fratres, in persecutióne ab ásseclis sectæ « Yihetuan » excitáta, salútis suæ immémores, dum mulíeres puerósque christiános fugiéntes tuebántur, ab inimícis necáti sunt.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Rom 10,14.17)
Quómodo ergo invocábunt, in quem non credidérunt? Aut quómodo credent ei, quem non audiérunt? Quómodo autem áudient sine prædicánte? Ergo fides ex audítu, audítus autem per verbum Christi.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
