Die 15 iulii
1. Memória depositiónis sancti Bonaventúræ, epíscopi Albanénsis et Ecclésiæ doctóris, doctrína, vitæ sanctitáte et præcláris in Ecclésiæ servítium gestis celebérrimi. Ordinem Minórum, cui miníster generális pr fuit, in spíritu sancti Francísci prudénter rexit. Multis in scriptis summam eruditiónem cum pietátis ardóre coniúnxit. Dum autem rebus Concílii Œcuménici Lugdunénsis Secúndi egrégiam óperam navábat, ad beátam Dei visiónem perveníre méruit.
2. In Portu Románo, sanctórum Eutrópii, Zósimæ et Bonósæ, mártyrum.
3. Carthágine via quæ Scillitanórum dícitur in basílica Fausti, deposítio sancti Felícis, epíscopi Thibiucénsis et mártyris, qui a Magniliáno curatóre iussus igni libros Scripturárum trádere respóndit mélius esse se igne adúri quam Scriptúras deíficas; idcírco ab Anulíno procónsule gládio animadvérsus est.
4. Ibídem, commemorátio sanctórum Catulíni, diáconi et mártyris, de cuius láudibus sanctus Augustínus sermónem ad pópulum hábuit, et reliquórum mártyrum qui in basílica Fausti requiéscunt.
5. Alexandríæ in Ægýpto, sanctórum mártyrum Philíppi et decem infántium.
6. In ínsula Ténedo in Hellespónto, sancti Abudémii, mártyris.
7. Nísibi in Mesopotámia, sancti lacóbi, huius urbis primi epíscopi, qui Concílio Nicæno intérfuit et gregem suum in pace rexit aluítque atque ab hóstium fídei ímpetu deféndit.
8 *. Apud Ruræmúndam ad Mosam in Brabántia Austrásiæ, sancti Plechélmi, epíscopi, qui, ex Northúmbria ortus, divítias Christi multis nuntiávit.
9 *. Anspáchii in Francónia, sancti Gumbérti, abbátis, qui in villa sua hoc cœnóbium cóndidit.
10. In Thessália, tránsitus sancti Ioséphi, epíscopi Thessalonicénsis, qui, frater sancti Theodóri Studítæ, primum mónachus hymnos compósuit plúrimos, dein vix ad episcopátum promótus, multa et dira propter ecclesiásticam disciplínam et defensiónem sacrárum Imáginum pértulit atque in Thessáliam relegátus fame périit.
11. Neápoli in Campánia, sancti Athanásii, epíscopi, qui, ab ímpio nepóte Sérgio multa passus ac sede pulsus, tandem Vérulis in Hérnicis conféctus ærúmnis migrávit in cælum.
12. Kióviæ in Rússia, sancti Vladimíri príncipis, qui baptísmum sub nómine Basilíi accépit et in fidem orthodóxam inter pópulos sibi súbditos diffundéndam curas consúmpsit.
13 *. Racebúrgi in Holsátia Germániæ, sancti Ansuéri, abbátis et mártyris, qui cum vigínti octo mónachis a Vinédis contra fídei christiánæ prædicatóres insurgéntibus lapidátus est.
14 *. Arósiæ in Suécia, sancti Dávidis, epíscopi, qui, anglus natióne, Cluniacénsis mónachus factus ad converténdos Suécos ad Christum proféctus est et in monastério, quod condíderat, senex pie quiévit.
15 *. Bresláviæ in Silésia, beáti Ceslái, presbyteri e primis frátribus Ordinis Prædicatórum, qui in Silésia aliísque Polóniæ regiónibus pro regno Dei operátus est.
16. In vico Monte Calério in Subalpínis, beáti Bernárdi, qui, márChio Badénsis, iter in Oriéntem fáciens pro defendéndis pópulis chriStiánis post Constantinópolim ab inimícis captam, morte corréptus est.
17 *. Pássio beatórum mártyrum Ignátii de Azevedo, presbyteri, atque trigínta et octo sociórum e Societáte Iesu, qui, cum missiónes Brasiliénses péterent in navi Sancto lacóbo nuncupáta, prædatória flavl oppréssi sunt et in ódium religiónis cathólicæ gládio lanceáque transfóssi.
Quorum nomina: beati Didacus de Andrade, presbyter; Gundisalvus Henriques, diaconus; Antonius Soares, Benedictus de Castro, Ioannes Fernandes, Emmanuel Alvares, Franciscus Alvares, Ioannes de Mayorga, Stephanus Zuraire, Alphonsus de Baena, Dominicus Fernandes, alter Ioannes Fernandes, Alexius Delgado, Ludovicus Correia, Emmanuel Rodrigues, Simon Lopes, Emmanuel Fernandes, Alvarus Mendes, Petrus Nunes, Ludovicus Rodrigues, Franciscus de Magalhães, Nicolaus Dinis, Gaspar Alvares, Blasius Ribeiro, Antonius Fernandes, Emmanuel Pacheco, Petrus de Fontoura, Andreas Gonçalves, Maurus Vaz, Didacus Pires, Marcus Caldeira, Antonius Correia, Fernandus Sanchez, Gregorius Escrivano, Franciscus Perez Godoy, Ioannes de Zafra, Ioannes de San Martín, religiosi, et Ioannes, qui adiunctus est.
18. Campi Salentinórum in Apúlia, sancti Pompílii Maríæ Pirrotti, presbyteri ex Ordine Clericórum Regulárium Scholárum Piárum, vitæ austeritáte præclári.
19 *. In navi servitútis ad áncoram ante Rupifórtium ad oram Gálliæ, beáti Michǽlis Bernárdi Marchand, presbyteri et mártyris, qui, gállica perturbatióne sæviénte, propter sacerdótium Rothómago in fœdam naválem translátus captivitátem, morbo corréptus óbiit.
20. In urbe Ham Dinh in Tunquíno, sancti Petri Nguyen Bá Tuàn, presbyteri et mártyris, qui, pro Christo in cárcere deténtus, sub imperatóre Minh Mąng fame conféctus óbiit.
21 *. Parísiis in Gállia, beátæ Annæ Maríæ Javouhey, vírginis, quæ Congregatiónem Cluniacénsem Sorórum a Sancto Ioseph pro ægrótis curándis puellísque christiáne instituéndis fundávit et in terris missiónum dilatávit.
22. In província Mÿ Tho in Cocincína, sancti Andréæ Nguyen Kim Thông Nam (Nam Thuông), mártyris, qui, catechísta, sub imperatóre Tu Duc post cárcerem exsílio damnátus, caténis vinctus et trabe oppréssus, itínerans martyrium complévit.
23 *. In óppido Bielsk Podlaski in Polónia, beáti Antónii Beszta-Borowski, presbyteri et mártyris, qui, bello furénte a fídei hóstibus comprehénsus, plumbis necátus pro Christo occúbuit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 39,1-3)
Qui accómmodat ánimam suam ad timórem Dei et in lege Altíssimi meditátur, sapiéntiam ómnium antiquórum exquíret et in prophetíis vacábit. Narratiónem virórum nominatórum conservábit et in versútias parabolárum simul introíbit. Occúlta proverbiórum exquíret et in abscónditis parabolárum conversábitur.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
