Die 8 augusti
1. Memória sancti Domínici, presbyteri, qui, Oxoménsis canónicus, prædicatiónis húmilis miníster in regiónibus hæresi Albigénsi perturbátis, in abiectióne vixit voluntáriæ paupertátis cum Deo vel de Deo semper loquens et, novæ fidem propagándi ratiónis cúpidus, Ordinem Prædicatórum fundávit, ut in Ecclésia apostólica vivéndi forma renovarétur, frátribus suis mandans, ut oratióne, stúdio et verbi ministério próximis deservírent; eius óbitus Bonóniæ die sexta augústi evénit.
2. Albáni via Appia miliário décimo quinto ab urbe Roma, sanctórum Secúndi, Carpóphori, Victoríni et Severiáni, rnártyrum.
3. Romæ via Ostiénsi miliário séptimo, sanctórum Cyríaci, Largi, Crescentiáni, Mémmiæ, luliánæ et Smarágdi, mártyrum.
4. Tarsi in Cilícia, pássio sancti Maríni, senis Anazarbénsis, qui sub Diocletiáno imperatóre et Lÿsia præside decollátus est eiúsque corpus, iussu præfécti, feris devorándum proiéctum.
5. Medioláni in Ligúria, sancti Eusébii, epíscopi, qui pro orthodóxa fide adlaborávit atque ab Hunnis dírutam ecclésiam cathedrálem restítuit.
6. Viénnæ in Gállia Lugdunénsi, sancti Sevéri, presbyteri.
7. Burdígalæ in Aquitánia, sancti Múmmoli, abbátis Floriacénsis.
8. Cyzici in Hellespónto, sancti Æmiliáni, epíscopi, qui, pro sacrárum Imáginum cultu a Leóne imperatóre multa passus, demum in exsílio vita excéssit.
9 *. In monastério Godewicénsi in Austria, sancti Altmánni, epíscopi Passaviénsis, qui crebras clericórum domus sub Régula sancti Augustíni fundávit, cleri disciplínam instaurávit et ob Ecclésiæ libertátem defénsam ab Henríco imperatóre Quarto sede sua pulsus exsul óbiit.
10 *. Gallésii apud Vitérbium in Túscia, sancti Famiáni, eremítæ, qui Colóniæ Agrippínæ natus, ópibus in páuperes distribútis, post sacras peregrinatiónes in Cisterciénsi hábitu hoc in loco óbiit.
11 *. Londínii in Anglia, beáti Ioánnis Felton, mártyris, qui senténtiam excommunicatiónis advérsus Elísabeth regínam Primam a sancto Pio papa Quinto latam públice adfíxit, quaprópter apud Sanctum Paulum dire disséctus, nomen Salvatóris ínvocans martyrium glorióse consummávit.
12 *. Eboráci item in Anglia, beáti Ioánnis Fingley, presbyteri et mártyris, sub eádem regína propter sacerdótium cápite damnáti et patíbuli supplício affécti. Cum eo étiam commemorátur beátus Robértus Bickendike, martyr, qui, eódem témpore sed incérto die et anno, quod se cum Ecclésia cathólica reconciliavísset, éadem torménta passus est.
13. In pago Xixiaodun apud Fisheries in Hebei província Sinárum, sancti Pauli Ke Tingzhu, mártyris, qui christianórum pagi dux, in persecutióne a fautóribus factiónis « Yihetuan » gesta particulátim excarnificátus, céteris exémplum constántiæ præfúlsit.
14 *. Zamóræ in Hispánia, beátæ Bonifátiæ Rodríguez Castro, vírginis, quæ, de christiáno et sociáli mulíerum proféctu per oratiónem et labóres sollícita ad exémplum Sacratíssimæ Famíliæ Názareth Congregatiónem Servárum a Sancto Ioseph suscitávit.
15 *. Sydnéyi in Austrália, beátæ Maríæ a Cruce (Maríæ Hélenæ) MacKillop, vírginis, quæ Congregatiónem Sorórum a Sancto Ioseph et a Sacro Corde fundávit et inter multíplices ærúmnas iniuriásque moderáta est.
16 *. Pódii Caiáni in Etrúria, beátæ Maríæ Margarítæ (Maríæ Annæ Rosæ) Caiani, vírginis, quæ Institútum Franciscanárum cóndidit Sorórum Minimárum a Sacro Corde, pro iuventúte instituénda ægrotísque opitulándis.
17 *. In loco El Safer nuncupáto prope Valéntiam in Hispánia, beáti Antónii Silvestre Moya, presbyteri et mártyris, qui, persecutióne erga fidem sæviénte, ob constans Christi testimónium invíctus ad cæléste regnum pervénit.
18 *. Valéntiæ item in Hispánia, beatórum Maríæ a Iesu Infánte Baldillou y Bullit et sociórum, vírginum ex Institúto Filiárum Maríæ Scholárum Piárum et mártyrum, quæ in eádem persecutióne Christo Sponso vi inimicórum Ecclésiæ glorióse exiérunt óbviam.
Quarum nomina: Presentatio a Sacra Familia (Paschalina) Gallén y Martí, Maria Aloysia a Iesu Girón y Romera, Carmela a Sancto Philippo Neri (Nazaria) Gómez y Lezaun et Clementia a Sancto loanne Baptista (Antonia) Riba y Mestres.
19 *. In loco Gusen in Germánia, beáti Vladimíri Laskowski, presbyteri et mártyris, qui, belli témpore, in castra detentiónis propter fidem coniéctus et dire excruciátus glóriam martyrii adéptus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 45,19-21)
Factum est illi in testaméntum ætérnum et sémini eius sicut dies cæli: ministráre illi et fungi sacerdótio et benedícere pópulum suum in nómine eius. Ipsum elégit ab omni vivénte offérre sacrifícium Deo, incénsum et ádipes et incéndere bonum odórem et memoriále et placáre pro pópulo suo. Et dedit illi in præcéptis suis potestátem, in testaméntis iudiciórum: docére Iacob testimónia et in lege sua lucem dare Israel.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
