Die 15 augusti
1. Sollémnitas Assumptiónis beátæ Maríæ Vírginis, Dei et Dómini nostri Iesu Christi Genetrícis, quæ, expléto terréstris vitæ cursu, córpore et ánima ad cæléstem glóriam assúmpta est. Hanc fidem Ecclésiæ traditióne recéptam Pius papa Duodécimus sollémniter definívit.
2. Romæ in cœmetério Callísti via Appia, commemorátio sancti Tarsícii, mártyris, qui, Christi deféndens sacratíssimam Eucharístiam, quam insána gentílium turba profanáre conabátur, lapídibus usque ad mortem mactári máluit quam sacra pródere cánibus.
3. Nicomedíæ in Bithynia, sanctórum Stratónis, Philíppi et Euthychiáni, mártyrum.
4. Medioláni in Ligúria, sancti Simpliciáni, epíscopi, quem sanctus Ambrósius sibi designávit successórem atque sanctus Augustínus láudibus celebrávit.
5. Commemorátio sancti Alypii, epíscopi Thagasténsis in Numídia, qui sancti Augustíni olim discípulus, póstea in conversióne sócius, in múnere pastoráli colléga et in certamínibus advérsus hæréticos commílito strénuus ac demum in cælésti glória consors fuit.
6 *. Hildésiæ in Saxónia Germániæ regióne, sancti Altfrídi, epíscopi, qui ecclésiam cathedrálem exstrúxit et monastéria condénda fovit.
7. Apud Albam Regálem in Pannónia, natális sancti Stéphani, regis Hungarórum, cuius memória postrídie huius diéi cólitur.
8. Cracóviæ in Polónia, sancti Hyacínthi, presbyteri ex Ordine Prædicatórum, qui a sancto Domínico designátus est, ut Ordinem in illa natióne propagáret, et cum beáto Cesláo et Henríco Germánico sóciis in Bohémia ac Silésia Evangélium prædicávit.
9 *. Saviliáni in Subalpínis, beáti Haymónis Taparelli, presbyteri ex Ordine Prædicatórum, veritátis defensóris indeféssi.
10 *. Pallántiæ apud Nováriam in Itália, beátæ luliánæ de Busto Arsítio, vírginis ex Ordine Sancti Augustíni, invícta ánimi fortitúdine mirabilíque patiéntia et assídua cæléstium rerum contemplatióne insígnis.
l1. Romæ, sancti Stanislái Kostka, qui, polónus génere, Societátem Iesu íngredi cúpiens, patérnæ domus fugam arrípuit et pédibus Romam pétiit, ubi a sancto Francísco de Borja in novitiátum admíssus, brevi consúmptus in humíllimis offíciis præstándis, sanctitáte clarus óbiit.
12 *. In óppido Wenga prope Busira in Congo Bélgico, beáti Isidóri Bakanja, mártyris, qui aduléscens christiáne initiátus, fidem sédulo cóluit et impávide ádeo testátus est, dum labórem exercébat, ut a præpósito colóniæ in ódium christiánæ religiónis diutúrna flagellatióne excruciarétur et paucos post menses, persecutóri ignóscens, spíriturn rédderet.
13. In loco Chalchihuites territórii Durangénsis in México, sanctórum mártyrum Aloysii Batis Sáinz, presbyteri, Emmanuélis Morales, patrisfamílias, Salvatóris Lara Puente et Dávidis Roldán Lara, qui in persecutióne mexicána in ódium nóminis christiáni interfécti sunt.
14 *. Barbástri prope Oscam in Aragónia Hispániæ, beatórum Ludovíci Masferrer Vila, presbyteri, et undevigínti sociórum, mártyrum, qui, religiósi e Congregatióne Missionariórum Filiórum Immaculáti Cordis Maríæ, persecutióne contra Ecclésiam sæviénte, in Christo vitam posuérunt et confrátres prídie huius diéi in eódem loco interféctos in glóriam Dómini ampléxi sunt.
Quorum nomina: beati losephus Maria Blasco Juan, Alphonsus Sorribes Teixidó, acolythi; losephus Maria Badía Mateu, losephus Figuero Beltrán, Eduardus Ripoll Diego, Franciscus Maria Roura Farró, Iesus Augustinus Viela Ezcurdia, lectores; losephus Maria Amorós Hernúndez, Ioannes Baixeras Berenguer, Raphael Briega Morales, Ludovicus Escalé Binefa, Raymundus 111a Salvía, Ludovicus Lladó Teixidó, Michael Masip González, Faustinus Perez García, Sebastianus Riera Coromina, I osephus Maria Ros Florensa; Franciscus Castán Messeguer et Emmanuel Martínez Jarauta, religiosi.
15 *. In vico Eleanors apud Castáliam ad litus Hispániæ, beáti Ioséphi Maríæ Peris Polo, presbyteri e Sodalitáte sacerdótum operariórum diœcesanórum et mártyris, qui in eádem persecutióne in cœmetério martyrii palmam adéptus est.
16 *. Matríti item in Hispánia, beátæ Maríæ a Sacrário a Sancto Aloysio Gonzaga (Elvíræ) Moragas Cantarero, vírginis ex Ordine Carmelitárum Discalceatárum et in eádem persecutióne mártyris.
17 *. Item Matríti in Hispánia, beáti Domínici (Augustíni) Hurtado Soler, presbyteri e Tértio Ordine Sancti Francísci Capulatórum a beáta Vírgine Perdolénti et mártyris, qui ob Christi testimónium coronátus est.
18 *. In vico Motril apud Granátam ad litus Hispániæ, beáti Vincéntii Soler, presbyteri ex Ordine Augustinianórum Recollectórum et mártyris, qui in eádem persecutióne, cum áliis concaptívis ab ipso pie ad mortem parátis cápite damnátus est et ante cœmetérii muros plumbis transfóssus in Christo triumphávit.
19 *. In vico Palma de Gandla in pago Valentíno item in Hispánia, beáti Carméli Sastre Sastre, presbyteri et mártyris, qui in eádem persecutióne, Christi vestígiis adhærens, per eius grátiam ad regna pervénit ætérna.
20 *. In óppido Tárrega prope Barcinónem item in Hispánia, beáti lacóbi Bonet Nadal, presbyteri e Societáte Salesiána et mártyris, qui in Christi sánguine discípulus fidélis méruit rédimi.
21 *. Patávii in Itália, beáti Cláudii (Richárdi) Granzotto, religiósi ex Ordine Fratrum Minórum, qui professiónis religiósæ exercítium cum arte statuárii coniúnxit et paucis annis in Christi imitatióne perfectiónem assecútus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Iudt 15,9-10)
Tu exaltátio Ierúsalem, tu glória magna Israel, tu laus magna géneris nostri. Fecísti ómnia hæc in manu tua, fecísti bona cum Israel, et complácuit in illis Deus. Benedícta esto tu, múlier, apud Deum omnipoténtem in ætérnum tempus ”. Et dixit omnis pópulus: “ Fiat, fiat! ”.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
