Die 6 octobris
1. Sancti Brunónis, presbyteri, qui, a Colónia Agrippína in Lotharíngia oriúndus, postquam disciplínas theológicas in Gállia dócuit, vitam solitáriam desíderans, cum paucis discípulis in desérta valle Cartúsiæ in Alpibus Ordinem fundávit, ubi eremitárum solitúdo cum cœnobítica quadam conversatióne componerétur. A beáto Urbáno papa Secúndo Romam vocátus, ut eum in Ecclésiæ necessitátibus adiuváret, in erémo tamen apud monastérium Turris in Calábria últimos annos transégit.
2. Laodicéæ in Phrygia, sancti Ságaris, epíscopi et mártyris, sub Servílio Paulo, Asiæ procónsule.
3. Agínni in Aquitánia, sanctæ Fídei, mártyris.
4. Surrénti in Campánia, sancti Renáti, epíscopi.
5. Autissiodóri in Néustria, sancti Románi, epíscopi.
6 *. In Venétia, commemorátio sancti Magni, epíscopi, qui ex Opitérgio urbe a Langobárdis capta cum máxima gregis sui parte emigrásse fertur, urbem novam Heraclíam condidísse et Venétiis octo ecclésias exstruéndas curavísse.
7 *. In Británnia Minóre, sancti Ywii, diáconi et mónachi, qui, sancti Cuthbérti Lindisfarnénsis epíscopi discípulus, mare transfretávit et in hac regióne commorátus est, vigíliis ieiuniísque assíduus.
8 *. Azogyreæ in Creta, sancti Ioánnis, cognoménto Xeni, qui monásticam conversatiónem per ínsulas propagávit.
9 *. Garácti in pago Lemovicénsi Aquitániæ, sancti Pardúlphi, abbátis, qui, sanctitáte vitæ clarus, Saracénos a Cárolo Martéllo rege profligátos ab oratório suo effugavísse fertur.
10 *. Lambáci in Bavária, tránsitus beáti Adalberónis, epíscopi Herbipolénsis, qui, pro Sede Apostólica multa a schismáticis passus et a sede sua semel iterúmque pulsus, postrémos vitæ annos apud Larribacénse monastérium ab ipso cónditus in pace transégit.
11 *. In Cartúsia Arvériæ in Burgúndia, quam fundáverat, sancti Artáldi, epíscopi Bellicénsis, qui, mónachus prope nonagenárius, epíscopus invítus eléctus est et post duos annos ad monásticam vitam rédiit usque ad centésimum sextum annum.
12. Neápoli in Campánia, sanctæ Maríæ Francíscæ a Vulnéribus Dómini nostri Iesu Christi (Annæ Maríæ) Gallo, vírginis e Tértio Ordine Seculári Sancti Francísci, ad innúmeros et assíduos cruciátus ac certámina patiéntia, pæniténtia et amóre Dei et animárum admirábilis.
13 *. Apud Rupifórtium in Gállia, beáti Francísci Hunot, presbyteri et mártyris, qui, persecutióne contra Ecclésiam furénte, propter sacerdótium in sórd do navígio tamquam cárcere reclúsus, fébribus corréptus spíritum réddidit.
14 *. In loco Longueuil in Cánada, beátæ Maríæ Rosæ (Euláliæ) Durocher, vírginis, fundatrícis Congregatiónis Sorórum a Sanctis Nomínibus Iesu et Maríæ, pro puellárum humána et christiána institutióne.
15. Apud urbem in-Hóa in Annámia, sancti Francísci Tran Văn Trung, mártyris, qui, miles, fidem christiánam abiuráre iussus, strénue apostatáre recusávit, quaprópter imperatóris Th Dúc iussu cápite truncátus est.
16 *. Cortoríaci in Bélgio, beáti Isidóri a Sancto Ioseph de Loor, religiósi e Congregatióne Passiónis, qui múnera ipsi commíssa xempl explévit et, morbo corréptus, confrátribus xemplar diros tulit dolóres.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 44,2.13-15)
Multam glóriam fecit Dóminus, magnificéntiam suam a sǽculo. Usque in ætérnum manet semen eórum, et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem; sapiéntiam ipsórum narrent pópuli, et laudem eórum núntiet ecclésia.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
