Die 20 octobris
1. Commemorátio sancti Cornélii centuriónis, quem Cæsaréæ in Palæstína sanctus Petrus Apóstolus baptizávit, primítias Ecclésiæ ex géntibus.
2. Agínni in Aquitánia, sancti Caprásii, mártyris.
3. Alsóntiæ in agro Reménsi in Néustria, sancti Sindúlphi, eremítæ, qui solitáriam vitam egit, soli Deo notus.
4 *. Salisbúrgi in Bavária, sancti Vitális, epíscopi, qui, ex Hibérnia oriúndus, sancti Rupérti discípulus fuit, itínerum sócius et labórum vigiliarúmque ǽmulus; ab ipso in successórem eléctus, pópulum Pinzgeriénsem ad fidem Christi convértit.
5. Constantinópoli, sancti Andréæ dicti in Crisi seu Calybítæ, mónachi et mártyris, qui, Creta ínsula ortus, ob cultum sacrárum Imáginum, sub Constantíno Coprónymo imperatóre, sǽpius verberátus et usque ad mortem supplíciis animadvérsus, tandem e muro civitátis inter sordes præcipitátus est.
6. Apud Trecas ad Séquanam in Gállia, sancti Aderáldi, archidiáconi, qui mónitis et exémplis suis canónicam régulam illustrávit, étiam dum a Saracénis in Terra Sancta captívus tenebátur.
7 *. Saviníaci in Normánnia, sanctæ Adelínæ, primæ abbatíssæ monastérii Moretonénsis, quod sancti Vitális fratris sui auxílio cóndidit.
8 *. Leópoli in Ruthénia, beáti lacóbi Strepa, epíscopi Haliciénsis, ex Ordine Minórum, pastoráli sollicitúdine et apostólicis virtútibus illústris.
9. Tarvísii in Itália, sanctæ Maríæ Bertíllæ (Annæ Francíscæ) Boscardin, vírginis e Congregatióne Sorórum a Sancta Dorothéa SacróTurn Córdium, quæ in valetudinário de ægrotórum et corporáli et spiritáli salúte sollícita fuit.
10 *. Vindóbonæ in Austria, beáti lacóbi (Francísci Alexándri) Kern, presbyteri ex Ordine Præmonstraténsi, qui, alúmnus, in prióre totíus mundi bello ad arma citus et gravi vúlnere afféctus, póstea omni sollicitúdine ministério pastoráli se dedit, quo breve functus est; longo enim acerbóque morbo corréptus est, quem cum fortitúdine ánimi excépit, Dei voluntáti pacáte obtémperans.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 44,2.13-15)
Multam glóriam fecit Dóminus, magnificéntiam suam a sǽculo. Usque in ætérnum manet semen eórum, et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem; sapiéntiam ipsórum narrent pópuli, et laudem eórum núntiet ecclésia.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
