Lectio Martyrologii omittitur.
Die 25 martii
1. Sollémnitas Annuntiatiónis Dómini, cum in civitáte Názareth ángelus Dómini nuntiávit Maríæ: ‹ Ecce concípies et páries fílium, et Fílius Altíssimi vocábitur »; respóndens autem María, dixit: « Ecce ancílla Dómini; fiat mihi secúndum verbum tuum ›). Et sic compléta plenitúdine témporum, qui erat ante sæcula Unigénitus Dei Fílius propter nos hómines et propter nostrum salútem incarnátus est de Spíritu Sancto ex María Vírgine et homo factus est.
2. Commemorátio sancti latrónis, qui, in cruce Christum conféssus, ab eo méruit audíre: « Hódie mecum eris in paradíso ».
3. Nicomedíæ, sancti Dulæ, mártyris.
4. Romæ in cœmetério Pontiáni via Portuénsi, sancti Quiríni, mártyris.
5. Thessalonícæ in Macedónia, sanctæ Matrónæ, mártyris, quæ, cuiúsdam ludææ ancílla, cum occúlte Christum cóleret, a dómina sua deprehénsa et multiplíciter afflícta, novíssime fústibus usque ad mortem cæsa est et in confessióne Christi incorrúptum Deo spíritum réddidit.
6. Medioláni in Transpadána, sancti Monæ, epíscopi.
7. In ínsula Antro prope Nannétes in Gállia, sancti Hermelándi, qui, ex aula régia mónachus Fontanellénsis, deínde primus abbas loci factus est.
8 *. Mámmulæ prope Hierácium in Calábria, sancti Nicodémi, eremítæ, qui, asperitáte vitæ virtutibúsque exímius, magíster fuit monásticæ conversatiónis.
9. Sázavæ in Bohémia, sancti Procópii, qui, uxóre et fílio posthábitis, ad eremíticam vitam se cóntulit, póstea monastério ibídem ab ipso fundáto præfuit et divínas laudes ritu græco ac slávico sermóne celebrávit.
10 *. Probatópoli in Suévia, beáti Everárdi, qui, comes Nellenburgénsis, monásticam vitam in cœnóbio Omnium Sanctórum eius curis exstrúcto ampléxus est.
11. Apud Costacciárium in Umbria, beáti Thomæ, eremítæ, qui sexagínta et quinque annos anachoréticam vitam egit et álios ágere dócuit.
12. Eboráci in Anglia, sanctæ Margarítæ Clitherow, mártyris, quæ, cóniuge annuénte, fídei cathólicæ, in qua líberos quoque educávit,
adhæsit atque, ut ipsa sacerdótes inquisítos domi ábderet, cavit; quam ob rem plúries vincta, sub Elísabeth regína Prima ante tribúnal cansam suam tractáre recúsans, ne ánimi consiliariórum iúdicis cápitis damnatióne gravaréntur, sub magno póndere ad mortem usque pro Christo oppréssa est.
13 *. Vintóniæ item in Anglia, beáti lacóbi Bird, mártyris, qui, sub eádem regína, decem et novem annos natus et nuper cathólicus efféctus, aliénam litúrgiam participáre recúsans, ad cæléstis cultus celebratiónem méruit perveníre.
14. Apud Montem Faliscórum in Túscia, sanctæ Lúciæ Filippini, fundatrícis Institúti Magistrárum Piárum ad puellárum et mulíerum, præsértim páuperum, christiánam eruditiónem promovéndam.
15 *. Romæ apud Sanctum Paulum via Ostiénsi, beáti Plácidi Riccardi, presbyteri ex Ordine Sancti Benedícti, qui, contínuis fébribus, morbis ac parálysi corréptus, regulárem observántiam et oratiónem indefésse compléxus est et álios dócuit complecténdas.
16 *. In óppido Cherzonohrad prope Leópolim in Ucraína, beátæ Iosaphátæ (Michaelínæ) Hordáshevska, vírginis, quæ in Institúto Sorórum Ancillárum Maríæ Immaculátæ ab ipsa fundáto, ubíque maior esset necéssitas, inservívit.
17 *. In civitáte Majdanek prope Lublínum in Polónia, beáti Æmiliáni Kovč, presbyteri et mártyris, qui, belli témpore, in campum detentiónis deportátus, per certámen fídei vitam apprehéndit ætérnam.
18 *. Prope Monáchium Baváriæ in Germánia intra castra detentiónis Dacháni, beáti Hilárii Januszewski, presbyteri ex Ordine Fratrum Discalceatórum Beátæ Vírginis de Monte Carmélo et mártyris, qui, témpore belli e Polónia hunc in aliénum cárcerem propter Christum deportátus, typho corréptus in ægrótis assidéndo fide et caritáte clarus occúbuit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Is 50, 5-7)
Dóminus Deus apéruit mihi aurem; ego autem non rebellávi, retrórsum non ábii. Dorsum meum dedi percutiéntibus et genas meas velléntibus: fáciem meam non avérti ab increpatiónibus et sputis. Dóminus Deus auxiliátor meus; ídeo non sum confúsus, ídeo pósui fáciem meam ut petram duríssimam, et scio quóniam non confúndar.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
