Die 2 decembris
1. Commemorátio sancti Hábacuc, prophétæ, qui coram iniquitáte et violéntia hóminum iudícium Dómini nuntiávit, sed et eius rnisericórdiam, dicens: « Iustus autem in fide sua vivet ».
2. Romæ, sanctæ Bibiánæ, mártyris, sub cuius nómine sanctus Simplícius papa basílicam in Esquilíno nuncupávit.
3. Item Romæ in cœmetério Pontiáni via Portuénsi, sancti Piménii, presbyteri et mártyris.
4. Aquiléiæ in Venétia, sancti Chromátii, epíscopi, qui, verus ártifex pacis, Itáliæ claustris ab Alaríco dírutis ac populórum lúctibus remédia comparávit et, divíni verbi mysteriórum exquisítus explanátor, ad altióra mentes éxtulit.
5. In ínsula Palmária, tránsitus sancti Silvérii, papæ et mártyris, qui, cum Anthimum, epíscopum hæréticum Constantinopolitánum, a sancto Agapíto prædecessóre suo depósitum restitúere noluísset, Theodóræ imperatrícis iussu sede orbátus et in exsílium pulsus, ibídem multis ærúmnis conféctus óbiit.
6 *. In monastério Viridivallénsi in regióne Bruxellénsi Brabántiæ, beáti Ioánnis Ruysbroeck, presbyteri et canónici reguláris, qui admirabília de váriis vitæ spiritális grádibus dócuit.
7 *. Múrtiæ in Hispánia, beátæ Maríæ Angelæ Astorch, abbatíssæ ex Ordine Clari árum, quæ, valde húmilis et pæniténtiis dédita, tarn moniálibus quam sæculáribus solácium et consília in bonum præbébat.
8 *. In loco Logiewniki in Polónia, beáti Raphǽlis (Melchióris) Chyliński, presbyteri ex Ordine Fratrum Minórum Conventuálium, qui Cracóviæ témpore pestiléntiæ ægrótos visitábat, ut iis pie assidéret et de honésta et christiána morte cavéret.
9 *. Stanislaópoli in Ucraína, beáti Ioánnis Slezyuk, epíscopi et mártyris, cui sub regímine Deo infénso ob ministérium clandestínum apud fiddles Ritus byzantíni indefésse explétum et impávidam ante persecutóres in Christo constántiam Dóminus tríbuit palmam ætérnam.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 34,14-20)
Spíritus timéntium Dóminum vivet, et in respéctu illíus benedicétur. Spes enim illórum in salvántem illos, et óculi Dei in diligéntes se. Qui timet Dóminum, nihil trepidábit et non pavébit, quóniam ipse est spes eius. Timéntis Dóminum beáta est ánima eius. Ad quem réspicit? Et quis est fortitúdo eius? Oculi Dómini super timéntes eum: protéctor poténtiæ, firmaméntum virtútis, tégimen ardóris et umbráculum meridiáni, custódia offensiónis et adiutórium casus, exáltans ánimam et illúminans óculos, dans sanitátem vitæ et benedictiónem.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
