Die 6 decembris
1. Sancti Nicolái, epíscopi Myrénsis in Lycia, sanctitáte et intercéssione apud thronum grátiæ divínæ præclári.
2. Romæ, commemorátio sanctæ Aséllæ, vírginis, quæ, ut sanctus Hierónymus scribit, vitam in ieiúniis et oratiónibus usque ad senéctam prodúxit.
3. In Africa, commemorátio sanctórum mártyrum, témpore vandálicæ persecutiónis sub Hunneríco rege ariáno, gravíssimis et innúmeris supplíciis pro cathólicæ fídei defensióne excruciatórum; ex quorum turma, Dionysia et fílius eius Maióricus laudántur, qui, cum adulescéntulus adhuc esset ac torménta pavésceret, matris obtútibus verbísque corrobor átus, céteris fórtior factus in torméntis ánimam réddidit.
Inter quos: sancti Æmilius medicus, Dativa, Leontia, Tertius, Bonifatius Sibidensis, Servius, Victrix.
4*. Bríxiæ in Langobárdia, sancti Obítii, qui, eques, ad Deum convérsus et pæniténtiæ déditus, bona sua in públicam utilitátem erogávit.
5*. Granátæ in Hispánia, beáti mártyris Petri Pascual, epíscopi Giennénsis, ex Ordine de Mercéde, qui, dum gregem visitábat ad pópulum in fídei defensiónem exhortándum, a Mauris comprehénsus, in vínculis deténtus óbiit.
6. In civitáte Hái Dudng in Tunquíno, sancti Ioséphi Nguyen Duy Khang, mártyris, qui, catechísta et sancti epíscopi Hierónymi Hermosilla comes in itinêribus, curri eo in persecutióne TU Dúc imperatóris captus, flagellátus et in cárcere deténtus, novíssime decollátus est.
7*. In vico Picadero de Paterna in pago Valentíno Hispániæ, beátæ Aloysiæ Maríæ Frías Cañizares, vírginis et rnártyris, quæ, témpore persecutiónis erga fidem, certámine fídei fructum áttulit ætérnum.
