Die 30 decembris
1. Romæ in cœmetério Callísti via Appia, deposítio sancti Felícis papæ Primi, qui sub Aureliáno imperatóre Románam Ecclésiam rexit.
2. Bonóniæ in Mœsia, sancti Hermétis, exorcístæ et mártyris.
3. Commemorátio sancti Anysii, epíscopi Thessalonicénsis, qui tempóribus Theodósii imperatóris cláruit, a Románis Pontifícibus vicárius apostólicus in Illyrico constitútus et a sancto Ambrósio láudibus cumulátus.
4. Turónis in Gállia Lugdunénsi, sancti Perpétui, epíscopi, qui Sancti Martíni basílicam et multas álias in honórem sanctórum ædificávit atque usum ieiuniórum vigiliarúmque in Ecclésia sua ordinávit.
5*. Augústæ Prætóriæ in Alpibus Graiis, sancti lucúndi, epíscopi.
6. Fláviæ in território Bellovacénsi Néustriæ, sancti Gerernári, abbátis monastérii huius loci, quod cóndidít.
7*. Eveshámii in Anglia, sancti Egwíni, epíscopi, qui monastérium loci cóndidit.
8. In Vestínis Itáliæ, sancti Rainérii, epíscopi Furconénsis, cuius Alexánder papa Secúndus virtútem in administrándis bonis laudávit.
9*. Cannis in Apúlia, sancti Rogérii, epíscopi.
10*. Apud óppidum Fraxanónem in Sicília, sancti Lauréntii, mónachi sub orientálium præcéptis, vitæ asperitáte et indeféssa prædicatióne insígnis.
11*. Apud Prænéste in Látio, beátæ Margarítæ Colonna, vírginis, quæ divítiis ac s culi oblectaméntis paupertátem pro Christo prǽtulit, cui Regular sanctæ Claræ prófitens servívit.
12*. Génuæ in Ligúria Itáliæ, beátæ Eugéniæ Ravasco, vírginis, quæ Institútum Sorórum Filiárum a Sacratíssimis Córdibus Iesu et Maríæ fundávit, cui puellárum institutiónis, necnon ægrotórum atque parvulórum puerórum necessitátum commísit curam.
13*. In pago Pancalieri prope Augústam Taurinórum in Itália, beáti Ioánnis Maríæ Boccardo, presbyteri, qui inter multos impénsos labóres pro senum et ægrotórum cura ac puerórum christiána institutióne Congregatiónem cóndidit Sorórum Páuperum Filiárum Sancti Caietáni.
