Die 11 decembris
1. Sancti Dámasi papæ Primi, qui, angústis tempóribus suis, contra schísmata et hǽreses complúres collégit synodos ad nicǽnam fidem defendéndam, libros sacros a sancto Hierònymo latíne reddéndos curávit et sepúlcra mártyrum pie excóluit versibúsque orriávit.
2. In pago Ambianénsi in Gállia Bélgica, sanctórum Victoríci et Fusciáni, mártyrum.
3. Placéntiæ in Æmília, sancti Sabíni, epíscopi, qui ad Christi fidem turbas vocávit, vírginum sacrária instítuit et veritátem nicænam invícte propugnávit.
4. Constantinópoli, sancti Daniélis, cognoménto Stylítæ, presbyteri, qui, post vitam in cœnóbio ductam et multos susténtos labóres, more et exémplo sancti Simeónis in colúmnam elátus stetit, nulla vi frígoris vel æstus ve1 ventórum fractus annos trigínta tres tresque menses usque ad óbitum.
5*. In monastério Himmerodénsi apud Tréviros in Germánia, beáti Dávidis, mónachi, quem, córpore débilem, sanctus Bernárdus apud Claravállem accépit, deínde cum frátribus in Germániam misit ad novum monastérium condéndum, ubi die noctúque oratióni et bonis opéribus vacávit.
6*. Senis in Etrúria, beáti Franci Lippi, eremítæ ex Ordine Carmelitárum, exímia austeritáte vitæ clari.
7*. In pago Camerinénsi in Picéno Itáliæ, beáti Hugolíni Magalotti, eremítæ, ex Tértio Ordine Sancti Francísci.
8*. Apud Tiférnum Metaurénse item in Picéno, beáti Hierónymi, presbyteri ex Ordine Servórum Maríæ, qui in solitúdine et siléntio sciéntiam sanctórum assecútus est.
9*. Nagasákii in lapónia, beatórum Martíni Lumbreras Peralta et Melchióris Sánchez Pérez, presbyterórum ex Ordine Sancti Augustíni et mártyrum, qui vix hanc civitátem ingréssi deprehénsi sunt et in cellam obscúram coniécti, demum igni tráditi.
10*. Londínii in Anglia, beáti Arthúri Bell, presbyteri ex Ordine Fratrum Minórum et mártyris, qui sub Cárolo rege Primo propter solum sacerdótium cápite damnátus est et Tybúrni atibulum perpéssus.
11*. In loco El Saler nuncupáto prope Valéntiam in Hispánia, beátæ Maríæ a Colúmna Villalonga Villalba, vírginis et mártyris, quæ, persecutióne religiósa furénte, martyrio suo vestígia Christi secúta est.
12. In óppido la Pldehuela in regióne Matriténsi item in Hispánia, sanctæ Mirabíliæ a Iesu Pidal y Chico de Guzmán, vírginis ex Ordine Carmelitárum Discalceatárum, quæ plura monastéria in Hispánia atque in India cóndidit, vitam contemplatívam actuósæ caritáti coniúngens.
