Die 15 decembris
1. Commemorátio sancti Valeriáni, epíscopi Avensáni in Africa, qui, octogenárius ámplius, in persecutióne vandálica a Genseríco rege ariáno expetítus, ut Ecclésiæ utensília tráderet, cum hoc fácere constánter renuísset, extra civitátem singuláris iussus est pelli; et cum præcéptum esset, ut nullus eum neque in domo sua neque in agro habitáre síneret, diutíssime in via pública sub nudo áere iácuit et ita, conféssor orthodóxæ veritátis, cursum beátæ vitæ complévit.
2. In território Aurelianénsi Gálliæ Lugdunénsis, sancti Maximíni, presbyteri, qui primus abbas Miciacénsis habétur.
3*. In monastério Cavénsi in Campánia, beáti Maríni, abbátis, fidelitáte erga Románum Pontíficem mirábilis.
4*. Génuæ in Ligúria, beátæ Maríæ Victóriæ Fornari, quæ, vídua effécta, Ordinem Annuntiatiónis fundávit.
5. Ibídem, sanctæ Virgíniæ Centurione Bracelli, víduæ, quæ, in servítium Dórriini se impéndens, paupéribus multímodis subvénit, ecclésias agréstes iuvávit atque Auxiliáres Matrònas a Misericórdia instítuit ac rexit.
6. Bríxiæ in Langobárdia, sanctæ Maríæ Crucifíxæ De Rosa, vírginis, quæ pro salúte ánimæ corporísque próximi divítias suas ac seípsam impéndit et Institútum Ancillárum Caritátis fundávit.
7*. Verónæ in Venétia, beáti Cároli Steeb, presbyteri, qui, Tubíngæ natus, Verónæ fidem cathólicam proféssus est et sacerdótio auctus I nstitútum Sorórum a Misericórdia fundávit pro afflíctis egenísque et ægrótis curándis.
