Die 26 septembris
1. Sanctórum Cosmæ et Damiáni, mártyrum, qui nullam mercédem peténtes Cyrrhi in Euphratésia medicínam exercuísse ferúntur et multi gratuítis curis eórum sanáti.
2. Commemorátio sancti Gedeónis, ex tribu Manásse, qui iudex fuit in Israel et, cum signum roris in vellus descendéntis a Dómino accepísset, in fortitúdine Dei, ara Baa1 destrúcta, de manu inimicórum pópulum Israel liberávit.
3. Albáni in Látio, sancti Senatóris, mártyris.
4. Bonóniæ in Æmília, commemorátio sancti Eusébii, epíscopi, qui pro fide cathólica advérsus ariános cum sancto Ambrósio decertávit et promovéndæ inter puéllas virginitáti plúrimum labóres impértiit.
5 *. Caiétæ in Látio, sancti Stéphani de Rossúno, mónachi, sócii sancti Nili iunióris.
6. In agro Tusculáno prope Romam, sancti Nili lunióris, abbátis, qui, græcus génere, hábitum sanctæ conversatiónis quæsívit et, abstinéntiæ, humilitáti et peregrinatióni studens, prophetía et sapiéntiæ doctrína clarus, secúndum orientálium Patrum normas célebre monastérium Cryptæ Ferrátæ fundávit ibíque nonagenárius in oratório spíritum Deo réddidit.
7 *. Salérni in Campánia, beátæ Lúciæ de Cálata Hierónis, vírginis e Tértio Ordine Regulári Sancti Francísci.
8. Seuli in Coréa, pássio sanctórum Sebastiáni Nam I-gwan et novem sociórum,12 mártyrum, qui pro christiána fide post immánia supplícia decolláti sunt; commemorántur item sanctæ mártyres Lúcia Kim, Catharína Yi, vídua, atque ipsíus fília Magdaléna Cho, virgo, quæ, in cárcere pro Christo deténtæ, die incérto huius mensis ob passa supplícia occubuérunt.
Quorum nomina: sancti Ignatius Kim Che-jun, Caroles Cho Shin-ch'öl, Columba Kim Hyo-im, virgo; Magdalena Pak Pong-són et Perpetua Hong KĞm-ju, viduæ; lulitta Kim, Agatha Chón Kyöng-hyób, Magdalena Hó Kye-im.
9. Lugdúni in Gállia, sanctæ Terésiæ (Maríæ Victóriæ) Couderc, vírginis, quæ non sine magna tribulatióne, seréno vero ánimo Societátem Dóminæ Nostræ a recéssu Cenáculi in vico la Louvesc apud túmulum sancti Ioánnis Francísci Régis fundávit.
10 *. In vico Gars prope Monáchium Baváriæ in Germánia, beáti Gásparis Stanggassinger, presbyteri e Congregatióne Sanctíssimi Redemptóris, qui, iúvenum eruditióni addíctus, iísdem exémplar iucúndæ caritátis et oratiónis assíduæ præbuit.
11 *. In civitáte Nos be yes in Perúvia, beáti Aloysii Tezza, presbyteri ex Ordine Clericórum Regulárium Infírmis Ministrántium, qui ad inserviéndum Deo inter ægrótos Congregatiónem Filiárum a Sancto Camíllo fundávit, quam sapiénter ad multíplicis caritátis ópera redégit.
12 *. Valéntiæ in Hispánia, beatórum Maríæ a Refúgio (Terésiæ) Rosat Balasch et Maríæ a Calvário (Ioséphæ) Romero Clariana, vírginum e Congregatióne Doctrínæ Christiánæ et mártyrum, quæ, persecutióne sæviénte, ob fidelitátem Christo Sponso servátam in cárcerem trusæ sunt tandémque interémptæ.
13 *. Ibídem, beáti Raphǽlis Pardo Molina, religiósi ex Ordine Prædicatórum et mártyris, qui témpore persecutiónis erga fidem occúbuit. Cum eo commemorátur étiam beátus martyr Ioséphus Maria Vidal Segú, présbyter ex eódem Ordine, qui ob indeféssum fídei testimónium Barcinóne in Christo exaudítus est in glóriam.
14 *. In vico Puerto de Canals in pago Valentíno Hispániæ, beátæ Crescéntiæ Valls Espí, vírginis et mártyris, quæ in persecutióne erga fidem martyrium passa est.
15 *. In vico Benifairó de Ualldigna in eódem pago Hispániæ, beátæ Maríæ ab Oblivióne Noguera Albelda, vírginis et mártyris, quæ, témpore eiúsdem persecutiónis, martyrium pro fide complévit.
16 *. In vico Gilet item in pago Valentíno, beáti Bonaventúræ (Iúlii) Esteve Flors, presbyteri ex Ordine Fratrum Minórum Capuccinórum et mártyris, qui in eádem tempestáte ad Dóminum vi inimicórum fídei migrávit.
17 *. In vico Benifallím in pago Lucentíno item in Hispánia, beátæ Maríæ Jordá Botella, vírginis et mártyris, quæ pro Christo egrégium perégit certámen.
18 *. Matríti item in Hispánia, beáti Leónis (Emmanuélis) Legua Martí, presbyteri e Tértio Ordine Sancti Francísci Capulatórum a beáta Vírgine Perdolénti et mártyris, qui, eódem témpore persecutiónis, gloriósam obtínuit corónam.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Sap 18,1-3)
Sanctis tuis máxima erat lux; et horum quidem vocem illi audiébant, sed figúram non vidébant et, quia non et ipsi éadem passi erant, magnificábant; quóniam autem, qui ante læsi erant, non lædébant, grátias agébant et, quod eos ante distulíssent, donum petébant. Propter quod ignis ardéntem colúmnam, ducem ignótæ viæ, et solem sine læsúra gloriósæ peregrinatiónis præstitísti.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
