Die 17 octobris
1. Memória sancti Ignátii, epíscopi et mártyris, qui, discípulus sancti Ioánnis Apóstoli, secúndus post sanctum Petrum, Ecclésiam rexit Antiochénam et, sub Traiáno imperatóre damnátus ad béstias, Romam delátus est ibíque glorióso martyrio coronátus. In itínere, dum custódum, tamquam leopardórum, experiebátur feróciam, septem scripsit epístulas ad divérsas Ecclésias, quibus fratres exorávit, ut Deo in unitáte cum epíscopis servírent neque eum prohibérent pro Christo víctimam immolári.
2. Commemorátio sancti Oséæ, prophétæ, qui non tantum verbis, sed étiam ratióne vitæ pópulo infidéli Israel Dóminum indicávit Sponsum semper fidélem et infiníta misericórdia motum.
3. Commemorátio sanctórum Rufi et Zósimi, mártyrum, quos beátus Polycárpus sancto Ignátio in martyrio sociávit, ad Philippénses scribens: « Dómini passiónum partícipes exstitérunt, nec dilexérunt præsens sæculum, sed eum qui pro ipsis et pro ómnibus mórtuus est et resurréxit».
4. In Africa Proconsulári, sanctórum mártyrum Volitanórum, quos sanctus Augustínus in sermóne celebrávit.
5. Lycópoli in Ægýpto, sancti Ioánnis, eremítæ, qui, inter cétera virtútum insígnia, étiam prophético spíritu conspícuus fuit.
6 *. Agínni in Aquitánia, sancti Dulcídii, epíscopi, qui fidem cathólicam advérsus ariánam impietátem acérrime propugnávit.
7. Arausióne in Província Gálliæ, sancti Floréntii, epíscopi.
8 *. Tolósæ item in Gállia, natális beáti Gilbérti, abbátis Cistércii, qui, anglus natióne, vir sciéntiæ sublímis, sanctum Thomam Becket éxsulem deféndit.
9 *. Binásci in Langobárdia, beáti Balthasáris Ravaschieri de Clavário, presbyteri ex Ordine Minórum.
10. Gurexámii in Cámbria, sancti Richárdi Gwyn, mártyris, qui, paterfamílias et ludimagíster, fidem cathólicam proféssus est et, comprehénsus quod áliìs ad eámdem transíre persuasísset, post diútinos cruciátus invíctus in fide patíbulo suspénsus est et adhuc spirans laniátus.
11 *. Romæ, beáti Petri a Nativitáte beátæ Maríæ Vírginis Casani, presbyteri ex Ordine Clericórum Regulárium Scholárum Piárum, qui dótibus suis natúræ et grátiæ pro puerórum institutióne usus est, lætus tantum Dómino in párvulis servíre.
12. Parédii Monachórum in pago Gálliæ Augustodunénsi, tránsitus sanctæ Margarítæ Maríæ Alacoque, vírginis, cuius memória prídie huius diéi celebrátur.
13 *. In agro Vallis Guidónis item in Gállia, beáti Iacóbi Burin, presbyteri et mártyris, qui, témpore gállicæ perturbatiónis, cum rnultas curas in pastorále offícium clam impénderet, de domo in domum ab insectatórum turma fúgiens, tandem confóssus est, minibus cálicem tenens.
14 *. Valentiánæ item in Gállia, beatórum Maríæ Natáliæ a Sancto Ludovico (Maríæ Ludovícæ Ioséphæ) Vanot et quáttuor sociárum,3 vírginum ex Ordine Ursulinárum et mártyrum, quæ, sæviénte gállica perturbatióne, in ódium cathólicæ fídei cápite damnátæ, psalmum “Miserére” recitántes aterfami ascendérunt.
Quarum nomina: beatæ Maria Laurentina a Sancto Stanislao (loanna Regina) Prin, Maria Ursula a Sancto Bernardino (Hyacintha Augustina Gabriela) Bourla, Maria Ludovica a Sancto Francisco (Maria Genovefa) Ducrez et Maria Augustina a Sacro Corde Iesu (Maria Magdalena) Déjardin.
14. Huéi in Annámia, sancti Isidóri Gagelin, presbyteri e Societáte Parisiénsi Missiónum ad éxteras gentes et mártyris, qui sub imperatóre Minh Mąng pro Christo strangulátus est.
16 *. Sunæ ad Verbánum lacum in Itália, beáti Contárdi Ferrini, qui, in iuvénibus educándis, humánam sciéntiam fide et christiána vita superávit.
17 *. Apud Civitátem Regálem in Hispánia, beáti Fidélis Fuidio Rodríguez, religiósi e Societáte Maríæ et mártyris, qui, persecutióne erga fidem sæviénte, plumbis interféctus ad Dóminum migrávit.
18 *. In loco La Lucia prope Lucéntum item in Hispánia, beáti Raymúndi Stéphani Bou Pascual, presbyteri et mártyris, qui, témpore eiúsdem persecutiónis, in Christi aterfam discípulus fidélis rédimi méruit.
19 *. In civitáte Algemesi in pago Valentíno item in Hispánia, beátæ Tarsíllæ Córdoba Belda, mártyris, quæ, aterfamilias, in eádem tempestáte in Christo exaudíta est in glóriam.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 39,6-8)
Iustus cor suum tradet ad vigilándum dilúculo ad Dóminum, qui fecit illum, et in conspéctu Altíssimi deprecábitur. Apériet os suum in oratióne et pro delíctis suis deprecábitur. Si enim Dóminus magnus volúerit, spíritu intellegéntiæ replébitur.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
