Die 16 decembris
1. Commemorátio sancti Aggæi, prophétæ, qui, témpore Zoróbabel ducis ludæ, pópulum admónuit, ut domus Dómini reædificarétur, in quam ventúrus erat thesáurus cunctárum géntium.
2. Commemorátio plurimárum sanctórum vírginum, quæ, in Africa in persecutióne vandálica sub ariáno rege Hunneríco, póndera laminásque ignítas perpéssæ, martyrii agónem felíciter consummárunt.
3. In Hibérnia, sancti Beáni, eremítæ.
4 *. Cisónii in Artésia Gálliæ província, sancti Everárdi, qui, comes Foroiuliénsis, ibídem Canonicórum Regulárium monastérium cóndidit, in quo áliquot annis post mortem pie depósitus est.
5. Viénnæ in Burgúndia, sancti Adónis, epíscopi, qui, ex mónacho epíscopus eléctus, Martyrológium compónens Sanctórum memóriam egrégie cóluit.
6. Elizátii prope Argentorátum in Lotharíngia Germániæ, sanctæ Adalhéidis, cui, imperatríci, erat erga domésticos gravis iucúnditas, erga extráneos honestíssima grávitas, in paupéribus infatigábilis píetas, in honorándis ecclésiis Dei affluentíssima lárgitas.
7 *. In Lucánia, sancti Macárii de Collesáno, mónachi, qui, humilitáte et abstinéntiis exímius, váriis cœnóbiis montis Mercúrii et Latiniáni prudénter præfuit.
8 *. Génuæ in Ligúria, commemorátio beáti Sebastiáni (Salvátici) de Mádiis, presbyteri ex Ordine Prædicatórum, qui pópulo regiónis Evangélium prædicávit et in convéntibus disciplínæ regulári consúluit.
9 *. Augústæ Taurinórum in Subalpínis, beátæ Maríæ ab Angelis (Mariánnæ) Fontanella, vírginis ex Ordine Carmelitárum, quæ voluntáriis pæniténtiis necnon obœdiéntiæ virtúte cláruit.
10 *. Ripæ Albæ in Itália, beáti Cleméntis Marchisio, presbyteri, qui, párochus huius loci, Institútum Filiárum a Sancto loseph fundávit.
11 *. In urbe Nowe Miasto in Polónia, beáti Honoráti de Biala Podlaska (Floréntii) Kazminsky, presbyteri ex Ordine Fratrum Minórum Capuccinórum, qui in pæniténtes ministrándos, in verbi Dei prædicatiónem et in ánimos captivórum in cárcere relevándos exímiam impéndit óperam.
12 *. Prope urbem Mukdahan in Thailándia, beáti Philíppi Siphong Onphitak, mártyris, qui, paterfamílias, sacerdóte vici Song-thou depúlso, dux communitátis christiánæ eléctus est et, persecutióne ineúnte advérsus christiános, iuxta rivum Tom Not dolóse addúctus est et plumbis interféctus.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Is 33,2-3.5-6)
Dómine, miserére nostri, te enim exspectávimus; esto bráchium nostrum in mane et salus nostra in témpore tribulatiónis. A voce fragóris fugérunt pópuli, ab exaltatióne tua dispérsæ sunt gentes. Sublímis est Dóminus, quóniam hábitat in excélso; implet Sion iudício et iustítia. Et erit fírmitas in tempóribus tuis; divítiæ salútis sapiéntia et sciéntia: timor Dómini ipse est thesáurus eius.
O Lord, have mercy on us: for we have waited for thee: be thou our arm in the morning, and our salvation in the time of trouble. At the voice of the angel the people fled, and at the lifting up thyself the nations are scattered. The Lord is magnified, for he hath dwelt on high: he hath filled Sion with judgment and justice. And there shall be faith in thy times: riches of salvation, wisdom and knowledge: the fear of the Lord is his treasure.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
