Lectio Martyrologii omittitur.
Die 2 aprilis
1. Sancti Francísci de Paula, eremítæ, qui, Ordinis Minimórum institútor in Calábria, discípulis suis præscr ípsit ut eleemósynis víverent, nec próprium habéntes nec pecúnias tangéntes, et semper solis quadragesimálibus cibis uteréntur. A Ludovíco rege Undécimo in Gálliam vocátus, ei moriénti ádfuit et Plexítii prope Turónos, austeritáte vitæ clarus, decéssit.
2. Cæsaréæ in Palæstína, sancti Apphiáni, mártyris, qui, sub Maximíno imperatóre, cum íncolæ diis públice sacrificáre cogeréntur, ad Urbánum præsidem intrépidus accéssit et, déxtera arrépta, ritum su-
spéndere eum coégit, quaprópter, pédibus lino in óleum intíncto atque incénso obvolútis, in mare adhuc spirans a milítibus præcipitátus est.
3. Ibídem pássio sanctæ Theodóræ, vírginis Tyriæ, quæ in eádem persecutióne, cum sanctos fídei confessóres ante tribúnal stantes públice salutásset atque rogásset ut, cum ad Dóminum perveníssent, sui recordaréntur, a milítibus tenta et ad eúndem præsidem ducta, eius iussu acérbis torméntis excruciáta est ac tandem in mare proiécta.
4. Comi in Ligúria, sancti Abúndii, epíscopi, qui, Constantinópolim a sancto Leóne papa Magno missus, ibídem fidem orthodóxam zelo propugnávit.
5. Cápuæ in Campánia, sancti Victóris, epíscopi, eruditióne et sanctitáte conspícui.
6. Lugdúni in Gállia, sancti Nicétii, epíscopi, qui, in páuperes promptus atque in símplices benígnus, Ecclésiæ huic normam psalléndi tenére præcépit.
7. In monastério Luxoviénsi in Burgúndia, sancti Eustásii, abbátis, qui, sancti Columbáni discípulus, pater fere sescentórum éxstitit monachórum.
8. Cæsaromági in Anglia, sancti Ioánnis Paine, presbyteri et mártyris, qui sub Elísabeth regína Prima propter falsum proditiónis crimen patíbuli supplícium passus est.
9 *. In vico Tomhom ínsulæ Guam in Oceánia, beatórum mártyrum Dídaci Aloysii de San Vitores, presbyteri e Societáte Iesu, et Petri Calungsod, catechístæ, qui ab apóstatis et a natívis quibúsdam pagánæ superstitiónis sectatóribus in ódium fídei christiánæ dire interfécti sunt et in mare præcipitáti.
10 *. Spoléti in Umbria, beáti Leopóldi de Gaiche, presbyteri ex Ordine Fratrum Minórum, qui sacros recéssus in Monte Luco instítuit.
11. In vico Xuong Dien in Tunquíno, sancti Domínici Tüóc, presbyteri ex Ordine Prædicatórum et mártyris sub Minh Mąng imperatóre.
12 *. Patávii in Venétia, beátæ Elísabeth Vendramini, vírginis, quæ vitam paupéribus impértiit et, multis rebus advérsis superátis, Institútum Sorórum Elisabethinárum e Tértio Ordine Sancti Francísci fundåVİt.
13 *. Vici in Cataláunia Hispániæ, beáti Francísci Coll, presbyteri ex Ordine Prædicatórum, qui, iniúste claustro depúlsus, firmam nihilóminus suam vocatiónem persecútus est ac per totam regiónes nomen Dómini Iesu Christi nuntiávit.
14 *. Iauríni in Hungária, beáti Guliélmi Apor, epíscopi et mártyris, qui, bello furénte, domum suam trecéntis círciter pérfugis apéruit et, cum íctibus percússus esset véspere fériæ sextæ in Passióne Dómini ob puéllas quasdam a mílitum minibus defénsam, tribus post diébus ánimam exhalávit.
15 *. Leópoli in Ucraína, beáti Nicolái Čarneckyj, epíscopi, qui, témpore persecutiónis erga fidem munus exércens exárchæ apostólici de Volyn’ et Pidljashja, Christi vestígiis ut pastor fidélis adhærens, per eius grátiam ad regna pervénit cæléstia.
16 *. Maracáii in Venetíola, beátæ Maríæ a Sancto loseph (Lauræ) Alvarado, vírginis, quæ Augustiniánas Recolléctas a Sacro Corde fundávit, pro puéllis paréntibus orbátis, sénibus pauperibúsque derelíctis summa caritáte iúgiter sollícita.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Is 50, 5-7)
Dóminus Deus apéruit mihi aurem; ego autem non rebellávi, retrórsum non ábii. Dorsum meum dedi percutiéntibus et genas meas velléntibus: fáciem meam non avérti ab increpatiónibus et sputis. Dóminus Deus auxiliátor meus; ídeo non sum confúsus, ídeo pósui fáciem meam ut petram duríssimam, et scio quóniam non confúndar.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
